റിയാദ്: പശ്ചിമേഷ്യയിലെ ഏറ്റവും വലിയ റീട്ടെയില് ശൃംഘല ലുലു ഹൈപ്പര് മാര്ക്കറ്റ് സൗദി ദേശീയ പാംസ് ആന്റ് ഡേറ്റ്സ് കേന്ദ്രവുമായി ധാരണാപത്രം ഒപ്പുവെച്ചു. സൗദി ഗുണനിലവാരമുളള ഈന്തപ്പഴം രാജ്യത്തെ ലുലു സ്റ്റോറുകള് വഴി വിപണനം നടത്തുകയും പ്രോത്സാഹനം നല്കുകയും ചെയ്യും. ദേശീയ ഡേറ്റ്സ് കേന്ദ്രം സി.ഇ.ഒ ഡോ. മുഹമ്മദ് അല് നൗറിനും ലുലു ഡയറക്ടര് ഷഹിം മുഹമ്മദും ധാരണാപത്രത്തില് ഒപ്പുവെച്ചു. മുപ്പത്തിയെട്ടാമത് കാര്ഷിക പ്രദര്ശനത്തോടനുബന്ധിച്ചാണ് ധാരണാ പത്രം ഒപ്പുവെച്ചത്.