NASARUDHEEN V J

റിയാദ്: മുതിര്‍ന്ന നയതന്ത്രജ്ഞന്‍ വിപുല്‍ സൗദി അറേബ്യയിലെ പുതിയ ഇന്ത്യന്‍ അംബാസഡര്‍. ഇതുസംബന്ധിച്ച് വിദേശകാര്യ മന്ത്രാലയം ഉത്തരവ് പുറപ്പെടുവിച്ചു. മൂന്നുവര്‍ഷം പൂര്‍ത്തിയാക്കിയ സൗദിയിലെ ഇന്ത്യന്‍ അംബാസഡര്‍ ഡോ. സുഹൈല്‍ അജാസ് ഖാന് പകരം ഖത്തറിലെ അംബാസഡറായ വിപുല്‍ ഉടന്‍ റിയാദില്‍ ചുമതലയേല്‍ക്കും. 1998 ബാച്ച് ഇന്ത്യന്‍ ഫോറിന്‍ സര്‍വീസ് ഉദ്യോഗസ്ഥനാണ്. ഗള്‍ഫ് രാജ്യങ്ങളുമായി ഇന്ത്യക്കുള്ള രാഷ്ട്രീയ, സാമ്പത്തിക, നയതന്ത്ര ബന്ധങ്ങള്‍ ശക്തമാക്കുന്നതില്‍ നിര്‍ണായക പങ്കുവഹിച്ച വ്യക്തിയാണ്. ഖത്തറില്‍ തടവിലായിരുന്ന ഇന്ത്യയിലെ എട്ട് മുന്‍ നാവികസേനാ ഉദ്യോഗസ്ഥരെ നയതന്ത്ര […]

മക്ക: ഹജ്ജ് നിര്‍വ്വഹിക്കാനെത്തിയ നാല് മലയാളി തീര്‍ത്ഥാടകര്‍ മക്കയില്‍ മരിച്ചു. മലപ്പുറം, എറണാകുളം, കാസര്‍കോട്, പാലക്കാട് സ്വദേശികളായ മൂന്ന് സ്ത്രീകളും ഒരു പുരുഷനുമാണ് മരിച്ചത്. മലപ്പുറം കോഴിച്ചെന പെരുമണ്ണ സ്വദേശിയായ പുതിയോടത്ത് മൊയ്തുട്ടി (59) ഭാര്യയോടൊപ്പം സ്വകാര്യ ഗ്രൂപ്പ് വഴിയാണ് ഹജ്ജിനെത്തിയത്. ഹജ്ജ് കര്‍മ്മങ്ങള്‍ വിജയകരമായി പൂര്‍ത്തിയാക്കി താമസസ്ഥലത്ത് തിരിച്ചെത്തിയ ശേഷം ശാരീരിക അസ്വസ്ഥതകള്‍ അനുഭവപ്പെട്ടു. മക്കയിലെ സ്വകാര്യ ആശുപത്രിയില്‍ ചികിത്സ തേടിയെങ്കിലും രക്ഷിക്കാനായില്ല. പുരുഷ തുണയില്ലാതെ സ്ത്രീകള്‍ക്ക് മാത്രമായി അനുവദിച്ച ‘വിത്തൗട്ട് മഹ്‌റം’ വിഭാഗത്തില്‍ ഹജ്ജിനെത്തിയ

റിയാദ്: ഒരു നൂറ്റാണ്ടിലധികം നീണ്ട കാത്തിരിപ്പിനൊടുവില്‍ അറേബ്യന്‍ മരുഭൂമിയില്‍ ആദ്യമായി ഏഷ്യന്‍ കാട്ടുകഴുത പ്രസവിച്ചു. പ്രിന്‍സ് മുഹമ്മദ് ബിന്‍ സല്‍മാന്‍ റോയല്‍ റിസര്‍വ് അധികൃതരാണ് ഇക്കാര്യം അറിയിച്ചത്. ഒരു നൂറ്റാണ്ടിലേറെയായി അറേബ്യന്‍ ഉപദ്വീപില്‍ നിന്നു തുടച്ചുനീക്കപ്പെട്ട അപൂര്‍വ്വ ഇനം ജീവികളെ ജന്മനാട്ടില്‍ തിരികെ എത്തിക്കുന്ന പദ്ധതിയാണ് ‘അറേബ്യന്‍ വൈല്‍ഡ് ലൈഫ് റീഇന്‍ട്രൊഡക്ഷന്‍ പ്രോഗ്രാം.’ ഇതിന്റെ ഫലമാണ് ആണ്‍ കാട്ടുകഴുതക്കുഞ്ഞിന്റെ പിറവി. അതിജീവന നിരക്ക് 50 ശതമാനത്തില്‍ താഴെ മാത്രമുള്ള കാട്ടുഴുതകളുടെ ജീവിതത്തിലെ ഏറ്റവും നിര്‍ണായകമായ ആദ്യത്തെ 12

റിയാദ്: കേളി കലാ സാംസ്‌കാരിക വേദി സില്‍വര്‍ ജൂബിലി ആഘോഷങ്ങളുടെ ഭാഗമായി ദവാദ്മി ഏരിയ കമ്മിറ്റി സംഘടിപ്പിച്ച ക്രിക്കറ്റ് ടൂര്‍ണമെന്റില്‍ ‘അസദ് ഇലവന്‍’ ജേതാക്കളായി. ഫൈനല്‍ പോരാട്ടത്തില്‍ ‘സനയ ടൈഗേഴ്‌സിനെ’ കീഴടക്കിയാണ് അസദ് ഇലവന്‍ കിരീടം ചൂടിയത്. ദവാദ്മി റോയല്‍സ് ക്രിക്കറ്റ് ഗ്രൗണ്ടില്‍ ആരംഭിച്ച ടൂര്‍ണമെന്റില്‍ ദക്ഷിണേഷ്യന്‍ രാജ്യങ്ങളില്‍ നിന്നുള്ള എട്ട് പ്രമുഖ ടീമുകളാണ് മാറ്റുരച്ചത്. ട്വന്റി20 മാതൃകയില്‍ 20 ഓവര്‍ വീതമുള്ള മത്സരങ്ങളായാണ് ടൂര്‍ണമെന്റ് ക്രമീകരിച്ചിരുന്നത്. പെരുന്നാള്‍ ദിനത്തില്‍ രാവിലെ 7.30ന് ആരംഭിച്ച മത്സരങ്ങളില്‍ ക്വാര്‍ട്ടര്‍

ജിദ്ദ: മണലാരണ്യത്തിന്റെ പ്രവാസച്ചൂടിലേക്ക് പെരുന്നാള്‍ നിലാവിന്റെ കുളിര്‍മയുമായി കലയും സംഗീതവും സാഹിത്യവും പെയ്തിറങ്ങി. ജിദ്ദയിലെ ലുലു ഹൈപ്പര്‍മാര്‍ക്കറ്റ് ബഗ്ദാദിയയും സ്വരലയ കലാവേദി ജിദ്ദയും ചേര്‍ന്ന് ഒരുക്കിയ ‘ലൈലാലി അല്‍ ഈദ്’ കലാസാംസ്‌കാരിക മഹോത്സവം വേറിട്ട അനുഭവമായി. ഈദ് സന്തോഷത്തിന്റെ താളത്തിനൊപ്പം സാംസ്‌കാരിക കൂട്ടായ്മയുടെ സൗഹൃദം കൂടി ചേര്‍ന്നപ്പോള്‍ ബഗ്ദാദിയ ലുലു ഹൈപ്പര്‍മാര്‍ക്കറ്റ് വേദി പ്രവാസി ഹൃദയങ്ങളില്‍ മറക്കാനാവാത്ത ആഘോഷരാവിന് വേദിയായി. വിവിധ രാജ്യങ്ങളില്‍ നിന്നുള്ള കുട്ടിപ്രതിഭകളുടെ സജീവ പങ്കാളിത്തം, അറബിക്, ഇംഗ്ലീഷ് കഥാരചനാ മത്സരങ്ങള്‍, കളറിംഗ്, പെയിന്റിംഗ്,

റിയാദ്: മികച്ച വിജയം നേടിയ വിദ്യാര്‍ത്ഥികളെ ഒഐസിസി ആലപ്പുഴ ജില്ലാ കമ്മിറ്റി ആദരിച്ചു. സിബിഎസ്ഇ പ്ലസ്ടു, പത്താം ക്ലാസ് പരീക്ഷകളില്‍ വിജയം നേടിയവരെയാണ് ആദരിച്ചത്. റിയാദ് ഇന്റര്‍നാഷണല്‍ ഇന്ത്യന്‍ സ്‌കൂളില്‍ നിന്ന് പ്ലസ്ടു പരീക്ഷയില്‍ സ്‌കൂള്‍ തലത്തില്‍ രണ്ടാം റാങ്ക് നേടിയ ഗൗതം സജീവ്, അല്‍ യാസ്മിന്‍ ഇന്റര്‍നാഷണല്‍ ഇന്ത്യന്‍ സ്‌കൂളില്‍ നിന്ന് പത്താം ക്ലാസ് പരീക്ഷയില്‍ ഉന്നത വിജയം നേടിയ ബയാന്‍ ഫാത്തിമ നൗഷാദ് കറ്റാനം എന്നിവര്‍ക്കാണ് ഉപഹാരം സമ്മാനിച്ചത്. ഗൗതം ഒഐസിസി ആലപ്പുഴ ജില്ലാ

റിയാദ്: പ്രവാസി മലയാളി ഫൗണ്ടേഷന്‍ റിയാദ് സെന്‍ട്രല്‍ കമ്മിറ്റി പുതിയ ഭാരവാഹികളെ തിരഞ്ഞെടുത്തു. മലാസിലെ അല്‍മാസ് ഓഡിറ്റോറിയത്തില്‍ ചേര്‍ന്ന വാര്‍ഷിക ജനറല്‍ ബോഡി യോഗത്തില്‍ ഏകകണ്ഠമായി പുതിയ ഭരണസമിതിക്ക് അംഗീകാരം നല്‍കി. യാസിര്‍ അലി കൊടുങ്ങല്ലൂര്‍ (പ്രസിഡന്റ്), ബിനോയി മത്തായി കൊട്ടാരക്കര (ജനറല്‍ സെക്രട്ടറി), കെ.ജെ. അബ്ദുല്‍ റഷീദ് (ട്രഷറര്‍), ജി. വേണുഗോപാല്‍ (കോഡിനേറ്റര്‍) എന്നിവരാണ് പ്രധാന ഭാരവാഹികള്‍. നൗഷാദ് യാക്കൂബ്, നാസര്‍ പൂവാര്‍ (വൈസ് പ്രസിഡന്റുമാര്‍), ശ്യാം വിളക്കുപാറ, റഷീദ് കായംകുളം (ജോയിന്റ് സെക്രട്ടറിമാര്‍), സിയാദ്

ജിദ്ദ: ഭരണാധികാരി സല്‍മാന്‍ രാജാവിന്റെ അതിഥികളായെത്തിയ തീര്‍ഥാടക ഹജ്ജ് കര്‍മങ്ങള്‍പൂര്‍ത്തിയാക്കി മക്കയില്‍ നിന്നു മദീനയിലേക്ക് തിരിച്ചു. ലോകത്തിന്റെ വിവിധ ഭാഗങ്ങളില്‍ നിന്നുള്ള പ്രമുഖരുള്‍പ്പെടെ 104 രാജ്യങ്ങളില്‍ നിന്നായി 2,500 പേരാണ് ഇത്തവണ അതിഥികളായി ഹജ്ജ് നിര്‍വഹിച്ചത്. അറഫാ സംഗമം, മുസ്ദലിഫയിലെ രാപ്പാര്‍ക്കല്‍, മിനായിലെ താമസം, ജംറകളിലെ കല്ലേറ് എന്നിവയടക്കമുള്ള പ്രധാന ഹജ്ജ് കര്‍മങ്ങള്‍ക്കും വിടവാങ്ങല്‍ ത്വവാഫിനും ശേഷമാണ് തീര്‍ഥാടകര്‍ മദീനയിലേക്ക് യാത്ര തിരിച്ചത്. സഊദി ഇസ്ലാമിക കാര്യ മന്ത്രാലയത്തിന്റെ നേതൃത്വത്തിലാണ് ഈ അതിഥികള്‍ക്ക് ഹജ്ജിന് അവസരം ഒരുക്കിയത്.

റിയാദ്: നാല് പതിറ്റാണ്ടിലധികം നീണ്ട പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന അബ്ദുല്‍ കലാമിന് കേളി ഏരിയ രക്ഷാധികാരി സമിതി യാത്രയയപ്പ് നല്‍കി. കേളി ന്യൂ സനയ്യ ഏരിയ രക്ഷാധികാരി സമിതി അംഗവും ഗ്യാസ് ബക്കാല യൂണിറ്റ് പ്രസിഡന്റുമാണ് തിരുവനന്തപുരം കല്ലമ്പലം സ്വദേശിയായ അബ്ദുല്‍ കലാം റിയാദിലെ സ്വകാര്യ പ്രിന്റിംഗ് പ്രസ്സില്‍ സൂപ്പര്‍വൈസറായി ജോലി ചെയ്തുവരികയായിരുന്നു. കേളിയുടെ വിവിധ ചുമതലകളില്‍ സജീവമായിരുന്ന അദ്ദേഹം ന്യൂ സനയ്യ ഏരിയ ജോയിന്റ് ട്രഷറര്‍ പദവിയും വഹിച്ചിട്ടുണ്ട്. യാത്രയയപ്പ് യോഗത്തില്‍ ഏരിയ രക്ഷാധികാരി

റിയാദ്: പാരമ്പര്യ തനിമയോടെ ക്ലാസിക്കല്‍ നൃത്തച്ചുവടുകളും പുതുതലമുറയുടെ താളബോധം തുടിക്കുന്ന സിനിമാറ്റിക് നൃത്തരൂപങ്ങളും നിറഞ്ഞാടിയ കലയുടെ വിസ്മയം വേറിട്ട അനുഭവമായി. ഭാവപ്രകടനങ്ങളുടെ ഗാംഭീര്യവും ആധുനിക നൃത്തച്ചുവടുകളുടെ ഊര്‍ജ്ജവും സമന്വയിച്ചത് റിയാദിലെ കൈരളി ഡാന്‍സ് അക്കാദമി പന്ത്രണ്ടാമത് വാര്‍ഷികാഘോഷ വേദിയിലാണ്. വിദ്യാര്‍ത്ഥികളുടെ അരങ്ങേറ്റവും വൈവിധ്യമാര്‍ന്ന കലാപരിപാടികളും കോര്‍ത്തിണക്കി സുല്‍ത്താന അല്‍ നക്കീല്‍ ഓഡിറ്റോറിയത്തിലായിരുന്നു ആഘോഷം. റിയാദ് അല്‍ ആലിയ ഇന്റര്‍നാഷണല്‍ ഇന്ത്യന്‍ സ്‌കൂള്‍ പ്രിന്‍സിപ്പാള്‍ കവിതാലതാ കതിരേശന്‍ ഭദ്രദീപം കൊളുത്തി പരിപാടി ഉദ്ഘാടനം ചെയ്തു. ജീവകാരുണ്യ പ്രവര്‍ത്തകന്‍ ശിഹാബ്

റിയാദ്: കരിയര്‍ വളര്‍ച്ചയ്ക്കും തൊഴില്‍ നൈപുണ്യ വികസനത്തിനും റിയാദില്‍ പവര്‍ ബി.ഐ പരിശീലനം സംഘടിപ്പിക്കുന്നു. ‘അണ്‍ബോക്‌സ് ബി.ഐ’ പഠന ശിബിരം ജൂണ്‍ 12 വെള്ളി ഉച്ചയ്ക്ക് 1:30ന് ആരംഭിക്കും. പ്രവാസി വെല്‍ഫെയര്‍ റിയാദിന് കീഴിലുള്ള ”പ്രവാസി കരിയര്‍ സ്‌ക്വയര്‍’ ആണ് പരിപാടി ഒരുക്കുക. ഡാറ്റാ അനലിറ്റിക്‌സ് മേഖലയില്‍ ആഗോളതലത്തില്‍ വര്‍ദ്ധിച്ചുവരുന്ന തൊഴിലവസരങ്ങള്‍ പ്രവാസികള്‍ക്ക് പ്രയോജനപ്പെടുത്തുക എന്ന ലക്ഷ്യത്തോടെയാണ് പരിശീലനം. ബി.ഐ ആന്‍ഡ് അനലിറ്റിക്‌സ് വിദഗ്ദ്ധന്‍ മൊയ്തീന്‍ കുട്ടി പി.വി നേതൃത്വം നല്‍കും. പവര്‍ ബി.ഐ അടിസ്ഥാന വിവരങ്ങള്‍,

മിന: സൗദി ഭരണാധികാരി സല്‍മാന്‍ രാജാവിനു വേണ്ടി കിരീടാവകാശിയും പ്രധാനമന്ത്രിയുമായ പ്രിന്‍സ് മുഹമ്മദ് ബിന്‍ സല്‍മാന്‍ മിനായില്‍ ഹജ്ജ് വിരുന്നൊരുക്കി. ഇന്ത്യന്‍ അംബാസഡര്‍ ഡോ. സുഹൈല്‍ അജാസ് ഖാന്‍ പങ്കെടുത്തു. മിനയിലായിരുന്നു ഔദ്യോഗിക സ്വീകരണം ഒരുക്കിയത്. വിവിധ രാജ്യങ്ങളില്‍ നിന്നുള്ള ഭരണാധികാരികള്‍, രാഷ്ട്രത്തലവന്മാര്‍, ഇസ്ലാമിക പണ്ഡിതര്‍, സല്‍മാന്‍ രാജാവിന്റെ പ്രത്യേക അതിഥികള്‍, വിവിധ സര്‍ക്കാര്‍ സ്ഥാപനങ്ങളുടെ പ്രതിനിധികള്‍, ഹജ്ജ് മിഷന്‍ മേധാവികള്‍ എന്നിവര്‍ സന്നിഹിതരായിരുന്നു.പ്രിന്‍സ് മുഹമ്മദ് ബിന്‍ സല്‍മാന്‍ ഇന്ത്യന്‍ അംബാസഡര്‍ ഡോ. സുഹേല്‍ ഖാനുമായി കൂടിക്കാഴ്ച

റിയാദ്: ലോക പുകയില വിരുദ്ധ ദിനാചരണത്തത്തിന്റെ ഭാഗമായി സുബൈര്‍കുഞ്ഞ് ഫൗണ്ടേഷന്റെ ലഹരിവിരുദ്ധ വിഭാഗം ‘റിസ’ ഓണ്‍ലൈന്‍ പ്രസംഗ മത്സരം സംഘടിപ്പിക്കുന്നു. ഇന്ത്യയിലെയും മിഡില്‍ ഈസ്റ്റിലെ ഇന്റര്‍നാഷണല്‍ ഇന്ത്യന്‍ സ്‌കൂളുകളിലെയും 8 മുതല്‍ 12 വരെ ക്ലാസുകളിലെ വിദ്യാര്‍ഥികള്‍ക്കാണ് അവസരം. ‘നൂതന വിപണന തന്ത്രങ്ങളെ ചെറുക്കുക; നിക്കോട്ടിന്‍-പുകയില ആസക്തി തടയുക’ എന്നതാണ് വിഷയം. മലയാളം, ഇംഗ്ലീഷ് ഭാഷകളില്‍ ജൂണ്‍ 13ന് സഊദി സമയം വൈകിട്ട് 4 മുതല്‍ ലൈവായാണ് മത്സരം. സുബൈര്‍കുഞ്ഞ് അനുസ്മരണ ദിനമായ ജൂണ്‍ 17ന് വിജയികളെ

റിയാദ്: പ്രവാസി കൂട്ടായ്മ താമരക്കുളം പ്രവാസി അസോസിയേഷന്‍ കുടുംബസംഗമം മലാസ് ചെറീസ് ഓഡിറ്റോറിയത്തില്‍ നടന്നു. കുടുംബിനികളും കുട്ടികളും ഉള്‍പ്പെടെ നിരവധിപേര്‍ പങ്കെടുത്തു. ജനറല്‍ ബോഡി യോഗത്തില്‍പുതിയ ഭരണസമിതിയെയും തിരഞ്ഞെടുത്തു. കമറുദ്ദീന്‍ താമരക്കുളത്തെ പ്രസിഡന്റായും അഷറഫ് ദാറുല്‍ അമാനെ ജനറല്‍ സെക്രട്ടറിയായും അജിത് പള്ളിക്കലിനെ ട്രഷററായും സുധാകരന്‍ പള്ളിക്കലിനെ ചെയര്‍മാനായും തിരഞ്ഞെടുത്തു. ഹാരിസ് താമരക്കുളം, രാജീവ് എന്നിവരാണ് വൈസ് പ്രസിഡന്റുമാര്‍. അഖില്‍ നൂറനാട് ജോയിന്റ് സെക്രട്ടറിയായും രഘു പച്ചക്കാട് ജോയിന്റ് ട്രഷററായും ഷാജി പാരഡൈസ് വൈസ് ചെയര്‍മാനായും ആഷിക്