riyadh bureau

റിയാദ്: റിയാദിലെ മലയാളി സംഘടനകളുടെ പൊതുവേദി എന്‍ആര്‍കെ ഫോറം പുതിയ രക്ഷാധികാരികളെ തെരഞ്ഞെടുത്തു. ടി.എം. അഹമ്മദ് കോയ (സിറ്റി ഫ്‌ളവര്‍), രാമചന്ദ്രന്‍ വി.കെ (അറാബ്‌കോ), ശിഹാബ് കൊട്ടുകാട് (സാമൂഹിക പ്രവര്‍ത്തകന്‍) എന്നിവരെ ഡി പാലസ് ഹോട്ടലില്‍ ചേര്‍ന്ന നിര്‍വാഹകസമിതി യോഗം തെരഞ്ഞെടുത്തു. റിയാദിലെ മലയാളി സംഘടനകളെ എന്‍ആര്‍കെ ഫോറത്തിന് കീഴില്‍ കൊണ്ടുവരുന്നതിനു പ്രവര്‍ത്തനങ്ങള്‍ ഏകോപിപ്പിക്കാന്‍ അഞ്ചംഗ സബ് കമ്മിറ്റിയെയും തിരഞ്ഞെടുത്തു. അഡ്വ. അബ്ദുല്‍ ജലീല്‍ (റിയാദ് ഇന്ത്യന്‍ ഇസ്‌ലാഹി സെന്റര്‍), നാസര്‍ കാരകുന്ന് (കേളി), സുധീര്‍ കുമ്മിള്‍ […]

ദമ്മാം: കിഴക്കന്‍ പ്രവിശ്യയിലെ ഇന്ത്യന്‍ സംരംഭകരെയും വ്യവസായ പ്രമുഖരെയും കോര്‍ത്തിണക്കി ബിസിനസ് ലീഡേഴ്‌സ് ഫോറം (ബി.എല്‍.എഫ്) രൂപീകരിച്ചു. രാജ്യാന്തര ബിസിനസ് സമൂഹത്തില്‍ പരസ്പര സഹകരണം, നവീകരണം, നേതൃത്വ വികസനം, സുസ്ഥിര വളര്‍ച്ച എന്നിവ പ്രോത്സാഹിപ്പിക്കുകയാണ് ലക്ഷ്യം. സൗദിയിലെ ബിസിനസ് മേഖലയില്‍ നിന്ന് ഇത്തരമൊരു രാജ്യാന്തര കൂട്ടായ്മ രൂപീകരിക്കുന്നത് ആദ്യമാണ്. അല്‍ഖോബാര്‍ ഹോളിഡേ ഇന്‍ ഹോട്ടലില്‍ നടന്ന പരിപാടിയില്‍ സംരംഭകരും സി.ഇ.ഓമാരും കോര്‍പ്പറേറ്റ് പ്രൊഫഷണലുകളും പങ്കെടുത്തു. മത്സരത്തിനപ്പുറം പരസ്പര സഹകരണമാണ് ശക്തമായ ബിസിനസ് സമൂഹത്തിന്റെ അടിത്തറയെന്നും സംരംഭകര്‍ കൈകോര്‍ക്കുമ്പോഴാണ്

ഡല്‍ഹി: ഉത്സവ അവധിക്കാല സീസണുകളില്‍ വിമാനക്കമ്പനികള്‍ നടത്തുന്ന അമിത നിരക്ക് കൊള്ളയ്‌ക്കെതിരെ കേന്ദ്ര സര്‍ക്കാര്‍ പുതിയ ചട്ടങ്ങള്‍ രൂപീകരിക്കുന്നു. വിമാന നിരക്കുകള്‍ നിയന്ത്രിക്കുന്നതിനുള്ള കരട് ചട്ടങ്ങള്‍ തയ്യാറായതായി കേന്ദ്ര വ്യോമയാന മന്ത്രാലയം സുപ്രീം കോടതിയെ അറിയിച്ചു. പുതിയ വ്യവസ്ഥകള്‍ അടങ്ങിയ പുതിയ നിയമപ്രകാരമുള്ള ചട്ടങ്ങള്‍ രണ്ടാഴ്ചയ്ക്കകം മുദ്രവെച്ച കവറില്‍ ഹാജരാക്കാന്‍ ജസ്റ്റിസ് വിക്രം നാഥ്, ജസ്റ്റിസ് സന്ദീപ് മേത്ത എന്നിവരടങ്ങിയ സുപ്രീം കോടതി ബെഞ്ച് കേന്ദ്ര സര്‍ക്കാരിന് കര്‍ശന നിര്‍ദ്ദേശം നല്‍കി. കേരള പ്രവാസി അസോസിയേഷനും സാമൂഹിക

റിയാദ്: വിനോദസഞ്ചാര മേഖലയില്‍ വിസ്മയങ്ങള്‍ തീര്‍ക്കുന്ന സൗദി അറേബ്യയില്‍ പുതിയ ആകര്‍ഷണവുമായി ലോകത്തെ മൂന്നാമത്തെ ഏറ്റവും ഉയരം കൂടിയ വാട്ടര്‍ ഫൗണ്ടെയ്ന്‍ സന്ദര്‍ശകര്‍ക്കായി തുറന്നുകൊടുത്തു. പശ്ചിമേഷ്യയിലെ രണ്ടാമത്തെ വലിയ ഫൗണ്ടെയ്ന്‍ അസീര്‍ മേഖലയിലെ വാദി റിസോര്‍ട്ടിലാണ്്. ഒന്നരക്കോടിയിലധികം റിയാല്‍ ചെലവഴിച്ചാണ് ദൃശ്യവിരുന്ന് ഒരുക്കിയിരിക്കുന്നത്. ആകാശത്തേക്ക് 120 മീറ്റര്‍ ഉയരത്തില്‍ വെള്ളം പമ്പ് ചെയ്യുന്ന ഫൗണ്ടെയ്‌ന് ഒരേസമയം 70 ലക്ഷത്തിലധികം ലിറ്റര്‍ വെള്ളം കൈകാര്യം ചെയ്യാനുള്ള ശേഷിയുണ്ട്. സംഗീതത്തിനൊപ്പം നൃത്തം ചെയ്യുന്ന ജലധാര കാണാന്‍ കുടുംബസമേതം വന്‍ ജനത്തിരക്കാണ്

റിയാദ്: ജനാധിപത്യ പ്രക്രിയയില്‍ പൊതുജന പങ്കാളിത്തം ഉറപ്പാക്കാന്‍ മാസ് റിയാദും ടാര്‍ഗറ്റും സംയുക്തമായി സംഘടിപ്പിച്ച ‘ഇലക്ഷന്‍ പ്രവചന മത്സര വിജയിക്ക് ക്യാഷ് പ്രൈസ് സമ്മാനിച്ചു. ഒന്നാം സ്ഥാനം നേടിയ അബ്ദുല്‍ കരീം കൊടുവള്ളിക്ക് ടാര്‍ഗറ്റ് ഗ്ലോബല്‍ കോര്‍ഡിനേറ്റര്‍ മുഹമ്മദ് അസ്ലം പ്രൈസ് വിതരണം ചെയ്തു. മലാസ് ഓഡിറ്റോറിയത്തില്‍ നടന്ന പരിപാടിയില്‍ മാസ് റിയാദ് പ്രസിഡന്റ് യതി മുഹമ്മദ് അധ്യക്ഷത വഹിച്ചു. രക്ഷാധികാരി ഷാജു കെ.സി ഉദ്ഘാടനം ചെയ്തു. പ്രോഗ്രാം കോര്‍ഡിനേറ്റര്‍ അശ്‌റഫ് മേച്ചേരി മത്സരത്തിന്റെ സംഘാടന രീതി

റിയാദ്: ഐസിഎഫ് വാര്‍ഷിക കൗണ്‍സിലുകള്‍ക്ക് റിയാദില്‍ പ്രൗഢ സമാപനം. ‘ഹൊറൈസണ്‍സ്’ എന്ന ശീര്‍ഷകത്തില്‍ യൂണിറ്റ്, ചാപ്റ്റര്‍ കൗണ്‍സിലുകള്‍ പൂര്‍ത്തിയാക്കിയാണ് നാഷനല്‍ കൗണ്‍സില്‍ പ്രതിനിധികള്‍ തലസ്ഥാനനഗരിയില്‍ ഒത്തുചേര്‍ന്നത്. റിയാദ് ഡി-പാലസ് ഓഡിറ്റോറിയത്തില്‍ നടന്ന കൗണ്‍സില്‍ നാഷനല്‍ പ്രസിഡന്റ് അബ്ദുറഷീദ് സഖാഫി മുക്കത്തിന്റെ പ്രാര്‍ഥനയോടെ ആരംഭിച്ചു. ഐസിഎഫ് ഇന്റര്‍നാഷനല്‍ സെക്രട്ടറി സലിം പാലച്ചിറ ഉദ്ഘാടനം ചെയ്തു. പ്രസ്ഥാനം മുന്നോട്ടുവെക്കുന്ന മാതൃകാപരമായ പ്രവര്‍ത്തനങ്ങള്‍ സമൂഹത്തിന്റെ താഴേത്തട്ടിലേക്ക് എത്തിക്കാന്‍ പ്രവര്‍ത്തകര്‍ ജാഗ്രത പുലര്‍ത്തണമെന്ന് കൗണ്‍സിലിന് നേതൃത്വം നല്‍കിയ ഇന്റര്‍നാഷനല്‍ അഡ്മിന്‍ സെക്രട്ടറി അബ്ദുല്‍

റിയാദ്: പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന പ്രവാസി മലയാളി ഫൗണ്ടേഷന്‍ (പിഎംഎഫ്) റിയാദ് സെന്‍ട്രല്‍ കമ്മിറ്റി മുന്‍ ജനറല്‍ സെക്രട്ടറി റസ്സല്‍ മഠത്തിപ്പറമ്പിലിന് യാത്രയയപ്പ് നല്‍കി. മലാസ് അല്‍മാസ് ഓഡിറ്റോറിയത്തില്‍ നടന്ന പരിപാടിയില്‍ സെന്‍ട്രല്‍ കമ്മിറ്റി പ്രസിഡന്റ് യാസര്‍ അലി കൊടുങ്ങല്ലൂര്‍ അധ്യക്ഷത വഹിച്ചു. കോഡിനേറ്റര്‍ ജി. വേണുഗോപാല്‍ ആമുഖ പ്രഭാഷണം നടത്തി. ജലീല്‍ ആലപ്പുഴ, തൊമ്മിക്കുഞ്ഞ് ശ്രാമ്പിക്കല്‍ എന്നിവര്‍ ചേര്‍ന്ന് റസ്സല്‍ മഠത്തിപ്പറമ്പിലിന് ഉപഹാരം സമ്മാനിച്ചു. ഉപദേശകസമിതി അംഗങ്ങളായ സുരേഷ് ശങ്കര്‍, ഷിബു ഉസ്മാന്‍, ബഷീര്‍

ദമ്മാം: സൗദി മലയാളി സമാജം ജിസിസി രാജ്യങ്ങളിലെ പ്രവാസി മലയാളികള്‍ക്കായി കഥാ, കവിതാ രചനാ മത്സരങ്ങള്‍ സംഘടിപ്പിക്കുന്നു. ‘സൗദി മലയാളി ലിറ്റററി ഫെസ്റ്റി’ന്റെ ഭാഗമായി പ്രവാസി എഴുത്തുകാരെ പ്രോത്സാഹിപ്പിക്കുകയെന്ന ലക്ഷ്യത്തോടെ മത്സരം. പ്രസിദ്ധീകരിക്കാത്ത മൗലിക സൃഷ്ടികളായിരിക്കണം മത്സരത്തിന് അയക്കേണ്ടത്. രചനകളോടൊപ്പം പ്രവാസിയാണെന്ന് തെളിയിക്കുന്ന രേഖയുടെ പകര്‍പ്പും സമര്‍പ്പിക്കണം. കഥകള്‍ എ-ഫോര്‍ സൈസ് പേപ്പറില്‍ പരമാവധി മൂന്ന് പേജിലും കവിതകള്‍ ഒരു പേജിലും ഒതുങ്ങണം. രചനകളില്‍ മത്സരാര്‍ത്ഥിയുടെ പേരും തിരിച്ചറിയല്‍ വിവരങ്ങളും രേഖപ്പെടുത്താന്‍ പാടില്ല. ഇവ പ്രത്യേകം പേജില്‍

റിയാദ്: വിനോദസഞ്ചാര മേഖല ലക്ഷ്യമാക്കി സൗദി അറേബ്യ പ്രഖ്യാപിച്ച ‘പാക്കേജ് വിസ’ ആനുകൂല്യത്തിന് ഇന്ത്യക്കാര്‍ക്കും അര്‍ഹത. ആദ്യഘട്ടത്തില്‍ ആറ് രാജ്യങ്ങളില്‍ നിന്നുള്ള സന്ദര്‍ശകര്‍ക്കാണ് ഇ-വിസ ലഭ്യമാക്കുക. ഇന്ത്യക്കു പുറമെ ഈജിപ്ത്, ജോര്‍ദാന്‍, ബംഗ്ലാദേശ്, ഇന്തൊനേഷ്യ, മെക്‌സിക്കോ എന്നീ രാജ്യങ്ങളാണ് പട്ടികയിലുള്ളത്. വിമാന ടിക്കറ്റ്, മന്ത്രാലയത്തിന്റെ ലൈസന്‍സുള്ള ഫോര്‍ സ്റ്റാര്‍ ഹോട്ടല്‍, ടൂറിസ്റ്റ് വിസ എന്നിവ ഡിജിറ്റല്‍ ബുക്കിങ്ങില്‍ ഒരുമിച്ച് നേടാന്‍ കഴിയുന്നതാണ് പുതിയ വിസ പാക്കേജ്. വിസയ്ക്കായി എംബസികള്‍ സന്ദര്‍ശിക്കുകയോ പ്രത്യേകം അപേക്ഷ സമര്‍പ്പിക്കുകയോ ചെയ്യേണ്ടതില്ല. 48

റിയാദ്: മൂന്നു പതിറ്റാണ്ടിന്റെ പ്രവാസം അവസാനിപ്പിച്ചു നാട്ടിലേക്കു മടങ്ങുന്ന വിന്‍സെന്റ് ചിറ്റക്കരയ്ക്ക് ഒഐസിസി തൃശൂര്‍ ജില്ലാ കമ്മിറ്റി ഊഷ്മളമായ യാത്രയയപ്പ് നല്‍കി. തൃശൂര്‍ ഇരിഞ്ഞാലക്കുട സ്വദേശിയാണ്. റിയാദ് നെസ്മ കമ്പനിയില്‍ പര്‍ച്ചേസ് വിഭാഗം ഉദ്യോഗസ്ഥനായിരുന്നു. ഒഐസിസി തൃശൂര്‍ ജില്ലാ പ്രവര്‍ത്തക സമിതി അംഗമായി സാമൂഹിക രംഗത്തും സജീവമായിരുന്നു. മലാസിലെ ചെറീസ് റസ്റ്ററന്റില്‍ നടന്ന യോഗത്തില്‍ ജില്ലാ പ്രസിഡന്റ് നാസര്‍ വലപ്പാട് അധ്യക്ഷത വഹിച്ചു. ഒഐസിസി നേതാക്കളായ മാള മുഹിയുദ്ദീന്‍ ഹാജി, യഹിയ കൊടുങ്ങല്ലൂര്‍, രാജു തൃശൂര്‍, ജയന്‍

റിയാദ്: നാല് പതിറ്റാണ്ടുകാലത്തെ പ്രവാസത്തിന് വിടപറഞ്ഞു നാട്ടിലേക്ക് മടങ്ങുന്ന സനയ്യ അര്‍ബൈന്‍ ഏരിയ കമ്മിറ്റി അംഗവും വെസ്റ്റ് യൂണിറ്റ് എക്‌സിക്യൂട്ടീവ് അംഗവുമായ രാജന്‍ പി.കെക്ക് കേളി ഏരിയ കമ്മിറ്റിയുടെ യാത്രയയപ്പ് നല്‍കി. റിയാദിലെ സ്വകാര്യ കമ്പനിയില്‍ അലുമിനിയം ഫാബ്രിക്കേറ്ററായി ദീര്‍ഘകാലം ജോലി ചെയ്തുവരികയായിരുന്നു. പാലക്കാട് തൃത്താല സ്വദേശിയാണ്. യാത്രയയപ്പ് സമ്മേളനത്തില്‍ ഏരിയ പ്രസിഡന്റ് ജോര്‍ജ് അധ്യക്ഷത വഹിച്ചു. കേന്ദ്രഏരിയ ഭാരവാഹികളായ സീബ കൂവോട്, മുഹമ്മദ് ഷാഫി, സുനില്‍ കുമാര്‍, ഷാജി റസാഖ്, സുകേഷ് കുമാര്‍, മൊയ്ദീന്‍, നാസര്‍,

റിയാദ്: ലോകകപ്പ് ഫുട്‌ബോള്‍ ആവേശം പ്രവാസി മലയാളി കുടുംബങ്ങളിലേക്ക് എത്തിച്ചു എറണാകുളം ജില്ലാ പ്രവാസി അസോസിയേഷന്‍ (എടപ്പ) റിയാദില്‍ സംഘടിപ്പിച്ച ‘എടപ്പ ഫിഫ ഫാന്‍സ് ഫൈറ്റ്’ ആവേശപ്പൂരമായി. സുലൈയിലെ സഫ്‌വ വിശ്രമകേന്ദ്രത്തില്‍ നടന്ന കടുത്ത പോരാട്ടത്തില്‍ അര്‍ജന്റീന ഫാന്‍സിനെ കീഴടക്കി ബ്രസീല്‍ ഫാന്‍സ് ജേതാക്കളായി. അര്‍ജന്റീന റണ്ണേ്‌സ്അപ്പായി. സ്‌പെയിന്‍, പോര്‍ച്ചുഗല്‍ ഫാന്‍സ് ടീമുകളും ടൂര്‍ണമെന്റില്‍ മികച്ച പ്രകടനം കാഴ്ചവച്ചു.ബ്രസീല്‍, അര്‍ജന്റീന, സ്‌പെയിന്‍, പോര്‍ച്ചുഗല്‍ ടീമുകളുടെ ആരാധകര്‍ അവരുടെ ജേഴ്‌സിയണിഞ്ഞ് അണിനിരന്ന വര്‍ണാഭമായ മാര്‍ച്ച് പാസ്‌റ്റോടെയാണ് പരിപാടികള്‍ക്ക് തുടക്കമായത്.

റിയാദ്: ഹൃദയാഘാതത്തെ തുടര്‍ന്ന് മരിച്ച മലപ്പുറം തിരൂര്‍ വൈലത്തൂര്‍ മണ്ണാറക്കല്‍ സ്വദേശി കൈതക്കാട്ടില്‍ അയൂബ് സഖാഫിയുടെ (39) മയ്യിത്ത് നാളെ (വെള്ളി) നാട്ടിലെത്തിക്കും. അവധി കഴിഞ്ഞ് റിയാദില്‍ തിരിച്ചെത്തി മൂന്ന് മാസം പിന്നിടുമ്പോഴായിരുന്നു അപ്രതീക്ഷിത വിയോഗം. മലപ്പുറത്തെ ഇസ്‌ലാമിക വിദ്യാഭ്യാസ സമുച്ചയം മഅ്ദിന്‍ സ്ഥാപനങ്ങളുടെ താല്‍ക്കാലിക ഓര്‍ഗനൈസറായി അദ്ദേഹം പ്രവര്‍ത്തിച്ചു വരികയായിരുന്നു. റിയാദിലെ സാമൂഹിക, സാംസ്‌കാരിക രംഗത്തെ സജീവ സാന്നിധ്യമായിരുന്നു. ഇന്ത്യന്‍ കള്‍ച്ചറല്‍ ഫൗണ്ടേഷന്‍ (ഐ.സി.എഫ്) അസീസിയ ഡിവിഷന്‍ ദാറുല്‍ ബൈദാ യൂണിറ്റ് പ്രസിഡന്റായും സേവനമനുഷ്ഠിച്ചിട്ടുണ്ട്.ഇന്ന് (വ്യാഴം)

റിയാദ്: അല്‍ ജൗഫിലുണ്ടായ വാഹനാപകടത്തില്‍ ഗുരുതരമായി പരിക്കേറ്റ് രണ്ടു വര്‍ഷമായി ചികിത്സയില്‍ കഴിഞ്ഞിരുന്ന ഉത്തര്‍പ്രദേശ് സ്വദേശി സൂര്യഭാനെ (36) നാട്ടിലെത്തിക്കാന്‍ ആരോഗ്യ പ്രവര്‍ത്തകരുടെ സഹായം തേടുന്നു. വിമാനയാത്രയില്‍ വൈദ്യപരിചരണം ആവശ്യമായതിനാല്‍ ഡോക്ടര്‍, നഴ്‌സ് എന്നിവരുടെ സാന്നിധ്യം ആവശ്യമാണ്. 2024 സെപ്റ്റംബര്‍ 14നായിരുന്നു സൂര്യഭാന്റെ ജീവിതം മാറ്റിമറിച്ച ദുരന്തം. പുതിയ തൊഴില്‍ വിസയില്‍ അല്‍ ജൗഫ് വിമാനത്താവളത്തില്‍ നിന്ന് സ്‌പോണ്‍സറുടെ സഹോദരനൊപ്പം ജോലി സ്ഥലത്തേക്ക് പോകുന്നതിനിടെ സഞ്ചരിച്ചിരുന്ന വാഹനം അത്ഫയില്‍ അപകടത്തില്‍പ്പെട്ടു. എതിര്‍ദിശയില്‍ മറ്റൊരു വാഹനം ഇടിക്കുകയായിരുന്നു. അപകടത്തില്‍