നൗഫല് പാലക്കാടന്
റിയാദ്: സൗദി അറേബ്യയില് പുതുതായി 15 പേര്ക്കു കൂടി കൊവിഡ് വൈറസ് ബാധസ്ഥിരീകരിച്ചു. ഇതോടെ രോഗ ബാധിതരുടെ എണ്ണം 118 ആയി ഉയര്ന്നു. മാര്ച്ച് 15 വരെ മൂന്ന് സ്വദേശികളുടെ വൈറസ് ബാധ പൂര്ണ്ണമായും ഭേദപ്പെട്ടതായും ആരോഗ്യമന്ത്രാലയം ട്വീറ്റര് സന്ദേശത്തില് അറിയിച്ചു. പുതുതായി രോഗ ബാധ സ്ഥിരീകരിച്ചവരില് ഫിലിപ്പൈന്സ്, ഇന്തോനേഷ്യ എന്നിവിടങ്ങളിലുളളവരും ഉള്പ്പെടും. അതിനിടെ കൂടുതല് ജാഗ്രത പുലര്ത്തുന്നതിന്റെ ഭാഗമായി മുന്കരുതല് നടപടികള് ശക്തമാക്കി. അതിന്റെ ഭാഗമായി മാളുകള് അടച്ചിടും. ഹോട്ടലുകളില് ഭക്ഷണം വിളമ്പുന്നതും മുനിസിപ്പാലിറ്റി വിലക്കി. ഹോട്ടലുകളില് പാര്സുലകള് വിതരണം ചെയ്യുന്നത് പ്രോത്സാഹിപ്പിക്കണം. കോഫി ഷോപ്പുകള് ഉള്പ്പെടെ തിരക്കുളള സ്ഥലങ്ങളില് നിയന്ത്രണം ഏര്പ്പെടുത്തി. ഭക്ഷ്യ വിതരണ കേന്ദ്രങ്ങളും ഫാര്മസികളും തുറന്നു പ്രവര്ത്തിക്കും. ആളുകള് സംഗമിക്കുന്ന പാര്ക്കുകള്, വിനോദ സഞ്ചാര കേന്ദ്രങ്ങള് എന്നിവിടങ്ങളിലെല്ലാം നിയന്ത്രണം ബാധകമാണ്. ഓരോ മുനിസിപ്പാലിറ്റിയും ആവശ്യമായ നിയന്ത്രണങ്ങള് ഏര്പ്പെടുത്താനാണ് നിര്ദേശം നല്കിയിട്ടുളളത്.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
