ദമ്മാം: കേരള മുന് മുഖ്യമന്ത്രിയും മുതിര്ന്ന കമ്മ്യുണിസ്റ്റ് നേതാവുമായിരുന്ന വി എസ് അച്യുതാനന്ദന്റെ നിര്യാണത്തില് നവയുഗം കേന്ദ്രകമ്മിറ്റി അനുശോചനം അറിയിച്ചു. കേരള രാഷ്ട്രീയത്തില് എട്ട് പതിറ്റാണ്ടിലേറെ സമരങ്ങളുടെയും പോരാട്ടങ്ങളുടെയും ചരിത്രം സൃഷ്ടിച്ച കമ്മ്യുണിസ്റ്റ് നേതാവായിരുന്നു വി.എസ്. പരിസ്ഥിതിയ്ക്കും പാര്ശ്വവല്ക്കരിയ്ക്കപ്പെട്ട മനുഷ്യനും വേണ്ടിയുള്ള പോരാട്ടങ്ങളിലൂടെയാണ് വി.എസ് ജനനായകനായി മാറിയത്.
മതികെട്ടാനിലെ ഭൂമി കൈയേറ്റം, പ്ലാച്ചിമടയിലെ കുടിവെള്ള പ്രശ്നം, മറയൂരിലെ ചന്ദനക്കൊള്ള തുടങ്ങിയ എണ്ണിയാലൊടുങ്ങാത്ത ജനകീയ പ്രശ്നങ്ങള് ബഹുജന ശ്രദ്ധയില് കൊണ്ടുവരുന്നതില് വി.എസ് നിര്ണായക പങ്കുവഹിച്ചു. അനീതികള്ക്കെതിരെ തലയുയര്ത്തി നിന്നു. രാഷ്ട്രീയ പ്രതിബദ്ധതയും കാര്ക്കശ്യവും ജീവിതപാഠമാക്കി. വി.എസ് വിടവാങ്ങുമ്പോള് പോരാട്ടവീര്യം നിറഞ്ഞ രാഷ്ട്രീയ യുഗമാണ് അവസാനിക്കുകയാണ്. കേരളം നിലനില്ക്കുന്ന കാലത്തോളം വി എസ് അച്യുതാനന്ദന് എന്ന വിപ്ലവകാരിയുടെ ഓര്മ്മകള് തലമുറകള് കൈമാറി നിലനില്ക്കുമെന്നും നവയുഗം കേന്ദ്രകമ്മിറ്റി അനുശോചന സന്ദേശത്തില് പറഞ്ഞു.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
