റിയാദ്: ബാഡ്മിന്റണ് കരുത്തു തെളിയിച്ച് വീണ്ടും മലയാളി താരം ഖദീജ നിസ. തുടര്ച്ചയായ രണ്ട് സൗദി ദേശീയ ഗെയിംസില് സ്വര്ണം നേടിയതിന് പിന്നാലെ സൗദി കിംഗ്ഡം ചാമ്പ്യന്ഷിപ്പ് അണ്ടര് 19 വിഭാഗത്തില് സിംഗിള്, ഡബിള്സ് പോരാട്ടങ്ങളില് ഇരട്ട സ്വര്ണം നേടി വീണ്ടും പ്രതിഭ തെളിയിച്ചു കോഴിക്കോട് കൊടുവളളി സ്വദേശി ഖദീജ നിസ. സൗദിയിലെ 30 ക്ലബുകള് മാറ്റുരച്ച മത്സരത്തിലാണ് നേട്ടം. ഇതോടെ അടുത്ത ദേശീയ ഗെയിംസിലേക്ക് യോഗ്യതയും നേടി.
റിയാദ് ഗ്രീന് സ്റ്റേഡയത്തില് നടന്ന ടൂര്ണമെന്റില് ഇത്തിഹാദ് ക്ലബിനു വേണ്ടി കളിച്ച ഖദീജ അല് ഹിലാല് ക്ലബിലെ ഹീതല് റീസിനെയാണ് മുട്ടുകുട്ടിച്ചത്. റിയാദില് ഐടി എഞ്ചിനീയറായ കൂടത്തിങ്ങല് അബ്ദുല്ലത്തീഫ് ഷാനിത ലത്തീഫ് ദമ്പതികളുടെ മകളാണ് ഖദീജ നിസ. റിയാദ് ന്യൂ മിഡില് ഈസ്റ്റ് ഇന്റര്നാഷണല് ഇന്ത്യന് സ്കൂള് പ്ലസ് ടൂ കഴിഞ്ഞു കോഴിക്കോട് ദേവഗിരി കോളേജില് സ്പോര്ട്സ് മാനേജ്മന്റ് ഒന്നാം വര്ഷ ബിരുദ വിദ്യാര്ഥിനിയാണ്.
സൗദി താരങ്ങള്ക്ക് പുറമെ ഫിലിപ്പീന്സ്, ഇന്തോനേഷ്യന് താരങ്ങളുമായി മാറ്റുരച്ച് 2022ലും 23ലും സൗദി ദേശീയ ഗെയിംസില് സ്വര്ണമെഡല് നേടി. ദേശീയ ഗെയിംസില് വനിതാ സിംഗിള്സ് മത്സരത്തില് അണ്ടര് 19, സീനിയര് തുടങ്ങിയ പ്രത്യേക കാറ്റഗറികളില്ല. അതുകൊുതന്നെ 25 വയസുളള പരിചയ സമ്പത്തുളള താരങ്ങളുമായി മറ്റുരച്ചാണ് ദേശീയ ഗെയിംസില് സ്വര്ണം നേടിയത്.
ക്ലബുകളുടെ പ്രതിനിധികളെയാണ് സൗദി ദേശീയ ഗെയിംസിലേക്ക് തെരഞ്ഞെടുക്കുന്നത്. സര്ക്കാര് പിന്തുണയുളള ക്ലുബ്ബുകളുടെ ഭരണം തെരഞ്ഞെടുക്കുന്ന പ്രതിനിധികള്ക്കാണ്. രാജകുടുംബാഗങ്ങളും പൗരപ്രമുഖരം വന്കിട സംരംഭകരെയുമാണ് ഭാരവാഹികളായി തെരഞ്ഞെടുക്കുന്നത്. ഓരോ വര്ഷവും കായിക താരങ്ങള്ക്ക് കൂടുതല് സൗകര്യങ്ങളും വാഗ്ദാനം ചെയ്യും. അതുകൊുതന്നെ ഓരോ വര്ഷവും കൂടുതല് സൗകര്യം വാഗ്ദാനം ചെയ്യുന്ന ക്ലബുകളുമായി കരാര് ഒപ്പുവെക്കുകയാണ് പതിവ്. നേരബ്ലെ അല് റിയാദ് ക്ലബിനുവേണ്ടി കളിച്ചിരുന്ന ഖദീജ ഇപ്പോല് അല് ഹിലാലിനുവേണ്ടിയാണ് കളിക്കുന്നത്.
എട്ട് വയസ് മുതല് പിതാവ് അബ്ദുല് ലത്തീഫിനൊപ്പം റിയാദിലെ മലയാളികളുടെ ബാഡ്മിന്റണ് ക്ലബായ സിന്മാര് അക്കാദമിയിലാണ് ഖദീജ നിസ കളി തുടങ്ങിയത്. കഴിഞ്ഞ വര്ഷം സിബിഎസ്ഇ ദേശീയ കായിക മേളയില് റിയാദ് മിഡില് ഈസ്റ്റ് ഇന്റര്നാഷണല് സ്കൂളിനെ പ്രതിനിധീകരിച്ച ഖദീജ നിസ ബാഡ്മിന്റണില് സ്വര്ണം നേടിയിരുന്നു. ജിസിസി രാജ്യങ്ങളിലെയും ഇന്ത്യയിലെയും സിബിഎസ്ഇ ക്ലസ്റ്റര് മീറ്റുകളില് വിജയിച്ച താരങ്ങളാണ് രാജസ്ഥാനിലെ ജെയ്പൂര് ജുന്ജുന് അക്കാദമിയില് നടന്ന ബാഡ്മിന്റണ് മത്സരത്തില് മാറ്റുരച്ചത്. സൗദിയിലെ സിബിഎസ്ഇ സ്കൂകളുടെ ചരിത്രത്തില് ആദ്യമായാണ് ബാഡ്മിന്റണില് സ്വര്ണം നേടുന്നത്.
സൗദിയില് ജനിച്ച വിദേശികള്ക്ക് സൗദിയിലെ സ്പോര്ട്സ് ഇനങ്ങളില് സ്വദേശികളോടൊപ്പം മത്സരിക്കാന് അനുമതി ലഭിച്ചതാണ് ഖദീജ നിസക്ക് തുണയായത്. സൗദി വുമണ് ചാമ്പ്യന് ഷിപ്പിലും ദേശീയ ഗെയിംസിലും ചാമ്പ്യനായതോടെയാണ് കഴിഞ്ഞ വര്ഷം സൗദി ദേശീയ ബാഡ്മിന്റണ് ടീമിലേക്കും തെരഞ്ഞെടുത്തു. 2023ല് രാജ്യാന്തര തലത്തില് അരങ്ങേറിയ എട്ട് ടൂര്ണമെന്റുകളില് സൗദി അറേബ്യയെ പ്രതിനിധീകരിച്ച് സിംഗിള്സ്, ഡബിള്സ്, മിക്സഡ് ഡബിള്സ് എന്നീ ഇനങ്ങളിലായി ഖദീജ നിസ 10 മെഡലുകള് നേടിയത് സൗദി അറേബ്യയുടെ ബാഡ്മിന്റണ് ചരിത്രത്തില് ആദ്യമാണ്.
സൗത് ആഫ്രിക്കന് ഇന്റര്നാഷണല് ബാഡ്മിന്റണ് വനിതാ സിംഗിള്സ് അണ്ടര് 19 മത്സരത്തിലും മിക്സഡ് ഡബിള്സിലും സ്വര്ണം. സീനിയര് വിഭാഗത്തില് മുതിര്ന്ന കളിക്കാരുമായി ഏറ്റുമുട്ടി വെങ്കലവും നേടി. ഫ്രാന്സ്, മൗറീഷ്യസ്, ഈജിപ്ത് എന്നിവിടങ്ങളില് നിന്നുളള താരങ്ങളുമായി മത്സരിച്ചാണ് ഖദീജയുടെ നേട്ടം. ഖദീജയോടൊപ്പം മിക്സഡ് ഡബിള്സില് കളിച്ചത് മുഹമ്മദ് ശൈഖ് ആണ്.
ബഹ്റൈനില് നടന്ന രാജ്യാന്തര ജൂനിയര് ബാഡ്മിന്റര് ചാമ്പ്യന്ഷിപ്പില് വ്യക്തിഗത മത്സരത്തില് വെങ്കലവും മിക്സഡ് ഡബിള്സില് സ്വര്ണവും നേടിയതാണ് മറ്റൊരു നേട്ടം. ഖസാക്കിസ്ഥാന് ഇന്റര്നാഷണല് വുമണ്സ് ഡബിള്സില് വെങ്കലം, മിക്സഡ് ഡബിള്സില് സ്വര്ണം, ഡബിള്സില് വെളളി എന്നിവ നേടി. അല്ജീരിയ മിക്സഡ് ഡബിള്സില് വെങ്കലവും ഈ വര്ഷത്തെ മെഡല് പട്ടികയില് ഉള്പ്പെടും. ഇതോടെ വേള്ഡ് ബാഡ്മിന്റണ് ഫെഡറേഷന്റെ ലോക റാങ്കിംഗില് 1350 ആയിരുന്ന ഖദീജ നിസ 221-ാം സ്ഥാനത്തേക്ക് ഉയര്ന്നു.
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
