റിയാദ്: കേരള സംസ്ഥാന മാപ്പിള കലാ അക്കാദമിയുടെ ഇരുപതാം വാര്‍ഷികം റിയാദ് ചാപ്റ്റര്‍ ആഘോഷിക്കുന്നു. മാനവികതയ്ക്ക് ഒരു ഇശല്‍ സ്പര്‍ശം എന്ന പ്രമേയത്തില്‍ വിവിധ ഗള്‍ഫ് രാജ്യങ്ങളില്‍ ഒരു വര്‍ഷം നീണ്ടു നില്‍ക്കുന്ന പരിപാടികള്‍ അരങ്ങേറും. റിയാദിലെ ആഘോഷ പരിപാടികളുടെ ഉദ്ഘാടനം മാര്‍ച്ച് 5 വ്യാഴം രാത്രി 8ന് ബത്ഹ ഷിഫ അല്‍ ജസീറ ഓഡിറ്റോറിയത്തില്‍ നടക്കും. ലൈവ് ഓര്‍ക്കസ്ട്രയുടെ അകമ്പടിയോടെ മെഹ്ഫില്‍ അരങ്ങേറും. ജൂണ്‍ രണ്ടാം വാരത്തില്‍ വിവിധ മത്സര പരിപാടികള്‍, മെഗ ഗാനമേള എന്നിവ നടക്കുമെന്നും സംഘാടകര്‍ അറിയിച്ചു. സംഘാടക സമിതി യോഗത്തയല്‍ അക്കാദമി റിയാദ് ഘടകം പ്രസിഡണ്ട് ജലീല്‍ തിരൂര്‍ അദ്ധ്യക്ഷത വഹിച്ചു. സൗദി നേഷണല്‍ കമ്മിറ്റി ട്രഷറര്‍ ഇല്യാസ് മണ്ണാര്‍ക്കാട് ഉദ്ഘാടനം ചെയ്തു. ജനറല്‍ സെക്രട്ടറി ഇസ്മായില്‍ കാരോളം സ്വാഗതവും ജമാല്‍ എരഞ്ഞിമാവ് നന്ദിയും പറഞ്ഞു.
