ദമ്മാം: സൗദി മലയാളി സമാജം ‘സൗദി മലയാളി ലിറ്റററി ഫെസ്റ്റ്’ പോസ്റ്റര് പ്രകാശനവും വിളംബര സമ്മേളനവും നടന്നു. ഒക്ടോബര് 30, 31 തീയതികളിലാണ് സാഹിത്യോത്സവം അരങ്ങേറുന്നത്. പ്രവിശ്യയിലെ സാമൂഹിക, സാംസ്കാരിക, സാഹിത്യ മാധ്യമരംഗങ്ങളിലെ പ്രമുഖര് പങ്കെടുക്കും. സിനിമാ നിര്മ്മാതാവും സാഹിത്യ പ്രവര്ത്തകനുമായ ജോളി ലോനപ്പന് പോസ്റ്റര് പ്രകാശനം ചെയ്തു. മലയാളി സമാജം പ്രസിഡന്റ് സാജിദ് ആറാട്ടുപുഴ അധ്യക്ഷത വഹിച്ചു. സമാജം ദേശീയ അധ്യക്ഷന് മാലിക് മഖ്ബൂല് ‘നാടുവിട്ടവരുടെ ഹൃദയാക്ഷരങ്ങള് ‘ എന്ന തലക്കെട്ടില് നടക്കുന്ന ലിറ്റററി ഫെസ്റ്റ് വിശദാംശങ്ങള് പങ്കുവെച്ചു. തമിഴ് സാഹിത്യകാരന് പെരുമാള് മുരുകന്, മലയാള സാഹിത്യരംഗത്തെ പ്രമുഖരായ സക്കറിയാ, രാജശ്രീ, റോസ്മേരി, യുവ എഴുത്തുകാരില് ശ്രദ്ധേയനായ അഖില്. പി ധര്മജന്, തുടങ്ങിയവര് സാഹിത്യോത്സവത്തില് അതിഥികളായെത്തുമെന്ന് അദ്ദേഹം പറഞ്ഞു.
ജിസിസി രാജ്യങ്ങളില് നിന്നുള്ള എഴുത്തുകാരും, സാഹിത്യ പ്രവര്ത്തകരും ലിറ്റററി ഫെസ്റ്റിന്റെ ഭാഗമായി പങ്കെടുക്കും. സാഹിത്യ സംവാദങ്ങള്, എഴുത്തു ശില്പ്പശാലകള്, ചിത്രപ്രദര്ശനം, പുസ്തക പ്രകാശനം, സാംസ്കാരിക പ്രകടനങ്ങള്, ഗസല്, പുസ്തക പ്രദര്ശനം എന്നിവ സാഹിത്യോത്സവത്തിന്റെ ഭാഗമായി അരങ്ങേറും. സൗദി അറേബ്യയുടെ സാഹിത്യ ഭൂപടത്തില് നാഴികകല്ലായി മാറുന്ന വിധം ജനപങ്കാളിത്തതോടെയുകും സാഹിത്യോത്സവം.
വിവിധ സംഘടനകളെ പ്രതിനിധീകരിച്ച് ബിജു കല്ലുമല, മഹമ്മദ് കുട്ടി കോഡൂര്, പ്രദീപ് കൊട്ടിയം, ജമാല് വില്ല്യാപ്പിള്ളി, ആലിക്കുട്ടി ഒളവട്ടൂര്, ഷാജി മതിലകം, ഷക്കീര് ബിലാവിനകത്ത്, അബ്ദുള് മജീദ്, സിറാജ്ജുദ്ദിന് അബ്ദുള്ള തുടങ്ങിയവര് ആശംസകള് നേര്ന്നു. സമാജം ഭാരവാഹികളായ ജേക്കബ് ഉതുപ്പ്, ആസിഫ് താനൂര്, മുരളീധരന് നായര്, ഫെബിനാ നജുമുസമാന്, ലീനാ ഉണ്ണികൃഷ്ണന് എന്നിവര് സന്നിഹിതരായിരുന്നു.
മാത്തുകുട്ടി പള്ളിപ്പാട്, സയ്ദ് ഹമദാനി, ഇഖ്ബാല് വെളിയങ്കോട്, ജയന് ജോസഫ്, അനില് റഹിമ, നൗഷാദ് മുത്തലിഫ്, ബിജു പൂതക്കുളം, നൗഷാദ് അകോലത്ത്, നവാസ് ചൂനാടന്, ശ്രീജിത്ത് എന്നിവര് പങ്കെടുത്തു. വിസ്മയാ സജീഷ് സൗദി മലയാളി സമാജം അവതരണഗാനത്തിന് നൃത്താവിഷ്കാരം ഒരുക്കി. കല്ല്യാണി ബിനു പ്രാര്ഥനാ ഗീതവും ജോയ് തോമസ്, മോഹന് വസുധ എന്നിവര് കവിതകളും അവതരിപ്പിച്ചു.
മുഷാല് തഞ്ചേരി, നജ്മുസ്!മാന്, റൗഫ് ചാവക്കാട്, ഹുസൈന് ചമ്പോലില്, ഷാജു അഞ്ചേരി, ബൈജു കുട്ടനാട്. ഹമീദ് കാണിച്ചാട്ടില്, നസീര് പുന്നപ്ര, ഉണ്ണികൃഷ്ണന്, വിനോദ് കുഞ്ഞ്, നിഖില് മുരളി, ബൈജുരാജ്, എന്നിവര് പരിപാടികള്ക്ക് നേതൃത്വംനല്കി. ബിനു കുഞ്ഞ് അവതാരകനായിരുന്നു. ഡോ. സിന്ധു ബിനു സ്വാഗതവും ഷനീബ് അബൂബക്കര് നന്ദിയും പററഞ്ഞു.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
