റിയാദ്: റിയാദ്-ജിദ്ദ റെയില്വേ ശൃംഖല ചൈനീസ് കമ്പനിയുമായി സഹകരിച്ചു നടപ്പിലാക്കുമെന്ന് പൊതു ഗതാഗത അതോറിറ്റി. സൗദിയിലെ രണ്ട് റെയില്വേ കമ്പനികള് ലയിപ്പിക്കുമെന്നും അതോറിറ്റി വ്യക്തമാക്കി. ദമ്മാം – ജിദ്ദ എന്നീ നഗരങ്ങളെ റിയാദ് വഴി ബന്ധിപ്പിക്കുന്ന പദ്ധതിക്ക് 5000 കോടി റിയാല് ചെലവ് പ്രതീക്ഷിക്കുന്നതായും പൊതു ഗതാഗത അതോറിറ്റി ചെയര്മാന് റുമൈഹ് അല് റുമൈഹ് പറഞ്ഞു. യാംബു, ജിദ്ദ എന്നിവിടങ്ങളിലെ തുറമുഖങ്ങളും റാജബിഗ് ഇക്കണോമിക് സിറ്റിയും പുതിയ റെയില് ശൃംഖലയുടെ പരിധിയില് ഉള്പ്പെടുത്തിയിട്ടുണ്ട്.
റിയാദ്-ദമാം ട്രെയിന് സര്വീസ് സൗദി അറേബ്യന് റെയില്വെയ്സ് ഓര്ഗനൈസേഷനും റിയാദ്-അറാര് റൂട്ടില് ഗുഡ്സ് സര്വീസ് നടത്തുന്ന സൗദി റെയില്വെ കമ്പനിയെയും ലയിപ്പിക്കുന്നതിനുള്ള നടപടികള് പുരോഗമിച്ചുവരുകയാണ്. കാര്യക്ഷമത വര്ധിപ്പിക്കുന്നതിനും ചെലവ് കുറക്കുന്നതിനും കമ്പനിയുടെ ലയനം സഹായിക്കും.
കൊവിഡ് കാലത്ത് ടാക്സികള് ഉള്പ്പെടെ ഗതാഗത മേഖലയിലുളളവര് പ്രതിസന്ധി നേരിട്ടിരുന്നു. ഇവരെ സഹായിക്കാന് എട്ടു പദ്ധതികള് നടപ്പിലാക്കിയിട്ടുണ്ടെന്നും റുമൈഹ് അല് റുമൈഹ് വ്യക്തമാക്കി.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
