റിയാദ്: കൊവിഡ് കാലത്ത് സൗദി അറേബ്യയില്‍ ജോലി ചെയ്തിരുന്ന 9 ലക്ഷം വിദേശികള്‍ രാജ്യം വിട്ടതായി റിപ്പോര്‍ട്ട്. ജനസംഖ്യയില്‍ 2.6 ശതമാനം കുറവ് രേഖപ്പെടുത്തിയതായും ജനറല്‍ സ്റ്റാറ്റിസ്റ്റിക്‌സ് അതോറി വ്യക്തമാക്കി.
2020ല്‍ സൗദി അറേബ്യയില്‍ സ്വദേശികളും വിദേശികളും ഉള്‍പ്പെടെ മൂന്നര കോടി ജനങ്ങള്‍ ഉണ്ടെന്നാണ് കണക്കാക്കിയിരുന്നത്. എന്നാല്‍ കഴിഞ്ഞ വര്‍ഷം പകുതിയോടെ രാജ്യത്തെ ജനസംഖ്യ 3.41 കോടിയായി കുറഞ്ഞു. വിദേശ തൊഴിലാളികളുടെ എണ്ണം 2.6 ശതമാനം കുറഞ്ഞതായി ജനറല്‍ സ്റ്റാറ്റിസ്റ്റിക്‌സ് അതോറിറ്റിയുടെ റിപ്പോര്‍ട്ട് വ്യക്തമാക്കുന്നു.
കൊവിഡിനെ തുടര്‍ന്ന് ഫൈനല്‍ എക്‌സിറ്റ് നേടി രാജ്യം വിട്ടവരും റീ എന്‍ട്രി വിസയില്‍ പോയി മടങ്ങി വരാത്തവരും ഉള്‍പ്പെടും. ഇതോടെയാണ് വിദേശികളുടെ ജനസംഖ്യയില്‍ കുറവുണ്ടായത്. അതേസമയം, കഴിഞ്ഞ വര്‍ഷം സ്വദേശികളുടെ എണ്ണം 1.2 ശതമാനമായി ഉയര്‍ന്നു. രാജ്യത്തെ ജനസംഖ്യയില്‍ 1.94 കോടി പുരുഷന്‍മാരും 1.47 കോടി സ്ത്രീകളുമാണുളളത്. ഇതില്‍ 63.6 ശതമാനം സ്വദേശികളാണെന്നും സ്റ്റാറ്റിസ്റ്റിക്‌സ് അതോറിറ്റി വ്യക്തമാക്കി.
വാര്‍ത്തകള്‍ editor@sauditimesonline.com എന്ന വിലാസത്തില്‍ ഇമെയില്‍ ചെയ്യുക. വാര്‍ത്തകള്‍ അയക്കുന്നവര്‍ പേരും മൊബൈല്‍ നമ്പരും എഴുതാന്‍ മറക്കരുത്‌.
