റിയാദ്: പാകം ചെയ്ത ഭക്ഷ്യ വിഭവങ്ങള് ആവശ്യക്കാരുടെ കൈകളിലെത്തിച്ച് കോഴിക്കോട് സിറ്റി കെ എം സി സി. ലോക് ഡൗണ് കാലത്ത് ജോലി ഇല്ലാതെ ബുദ്ധിമുട്ടുന്നവരെ തേടിപ്പിടിച്ചാണ് ഇഫ്താര് വിഭവങ്ങളടങ്ങിയ കിറ്റ് വിതരണം ചെയ്യുന്നത്. മലയാളികള് ധാരാളമുളള ബത്ഹ, ഷിഫ, ശുമേസി എന്നീ മൂന്ന് കേന്ദ്രങ്ങളിലാണ് വിതരണം. ഈ പ്രദേശങ്ങളില് ഇഫ്താര് ആവശ്യമുളളവര് കെ എം സി സി ഭാരവാഹികളായ അര്ശുല് അഹമ്മദ്, നാസര് മാങ്കാവ്, ഷൗക്കത്ത് പന്നിയങ്കര, സൈദു മീഞ്ചന്ത എന്നിവരെ ബന്ധപ്പെടണമെന്ന് സംഘാടകര് അറിയിച്ചു.