റിയാദ്: നിയമ ലംഘകരായ 10,587 വിദേശികളെ നാടുകടത്തിയതായി സൗദി ആഭ്യന്തര മന്ത്രാലയം. ഒരാഴ്ച്ചക്കിടെ രാജ്യത്തെ വിവിധ പ്രവിശ്യകളില് 23,167 നിയമലംഘകര് പിടിയതായും മന്ത്രാലയം അറിയിച്ചു. ജൂലൈ 11 മുതല് 17 വരെ രാജ്യത്തിന്റെ വിവിധ ഭാഗങ്ങളില് നടത്തിയ പരിശോധനയിലാണ് ഇവര് പിടിയിലായത്. 14,525 പേരും ഇഖാമ പുതുക്കാതെയും ഹുറൂബ് കേസും മറ്റുമായി താമസ നിയമം ലംഘിച്ചവരാണ്. 5,511 അതിര്ത്തി സുരക്ഷാ നിയമലംഘകരും 3,131 തൊഴില് നിയമലംഘകരുമാണ്.
രാജ്യത്തേക്ക് അനധികൃതമായി അതിര്ത്തി കടക്കാന് ശ്രമിക്കുന്നതിനിടെ 1,593 പേര് അറസ്റ്റിലായി. ഇവരില് 69 ശതമാനവും എത്യോപ്യന് പൗരന്മാരാണ്. 30 ശതമാനം യമനികളും ഒരു ശതമാനം മറ്റ് രാജ്യക്കാരും. അനധികൃതമായി രാജ്യത്തു നിന്ന് പുറത്തുകടക്കാന് ശ്രമിക്കുന്നതിനിടെ 41 പേര് അറസ്റ്റിലായി. താമസ, ജോലി, അതിര്ത്തി സുരക്ഷാ നിയമലംഘകര്ക്ക് വിവിധ സഹായങ്ങള് നല്കിയ 22 പേര് വേറെയും പിടിയിലായിട്ടുണ്ട്. നിലവില് നടപടികള് നേരിടുന്ന 16,441 നിയമലംഘകരില് 14,255 പുരുഷന്മാരും 2,186 സ്ത്രീകളുമാണ്. പിടിക്കപ്പെട്ട വിദേശികളില് 8,622 പേരെ അവരുടെ യാത്രാരേഖകള് ലഭ്യമാക്കുന്നതിന് അതത് രാജ്യങ്ങളുടെ നയതന്ത്ര കാര്യാലയങ്ങളിലേക്ക് റഫര് ചെയ്തു. ഇവരില് 3,393 പേരെ നിലവില് തിരിച്ചയക്കാനുള്ള തയ്യാറെടുപ്പിലാണ്.
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
