റിയാദ്: ഗ്ളോബല് ആര്ടിഫിഷ്യല് ഇന്റലിജന്സ് ഉച്ചകോടിക്ക് തുടക്കം. കൃത്രിമബുദ്ധി പ്രയോജനപ്പെടുത്തി പകര്ച്ചവ്യാധികളെ പ്രതിരോധിക്കന്നതിന്റെ സാധ്യതകള് ഉച്ചകോടി വിശകലനം ചെയ്തു.
സൗദി ഡാറ്റ ആന്റ് ആര്ടിഫിഷ്യല് ഇന്റലിജന്സ് അതോറിറ്റിയുടെ നേതൃത്വത്തില് ‘മാനവിക നന്മയ്ക്കു കൃത്രിമ ബുദ്ധി’ എന്ന പ്രമേയത്തിലാണ് ഉച്ചകോടി നടക്കുന്നത്.
ഡാറ്റ അധിഷ്ഠിത സമ്പദ്വ്യവസ്ഥയില് ആര്ടിഫിഷ്യല് ഇന്റലിജന്സിന് ഏറെ പ്രസക്തിയാണുളളത്. ഈ പശ്ചാത്തലത്തിലാണ് ആഗോള ഉച്ചകോടി കിരീടാവകാശിയും പ്രതിരോധമന്ത്രിയുമായ പ്രിന്സ് മുഹമ്മദ് ബിന് സല്മാന്റെ നേതൃത്വത്തില് നടക്കുന്നത്.
ആര്ടിഫിഷ്യല് ഇന്റലിജന്സ് ഫലപ്രദമായി പ്രയോജനപ്പെടുത്തുന്നതിന് സംവിധാനം ഒരുക്കുന്നതിന് സഹകരിച്ചു പ്രവര്ത്തിക്കുന്നതിനാണ് ഉച്ചകോടി ലക്ഷ്യം വെക്കുന്നത്. അമേരിക്ക, സ്വിറ്റ്സര്ലന്റ്, ബ്രസീല്, ഫ്രാന്സ്, ചൈന, സിംഗപ്പൂര്, സൗത് ആഫ്രിക്ക എന്നിവിടങ്ങളില് നിന്നുളള മന്ത്രിമാരും വിദഗ്ദരും ഉള്പ്പെടെ 200 ലധികം പ്രതിനിധികാണ് ദ്വിദിന ഉച്ചകോടിയില് പങ്കെടുക്കുന്നത്.
ഉച്ചകോടിയിലെ ചര്ച്ചകളും ഗവേഷണ പ്രബന്ഡങ്ങളും വെബ്സൈറ്റിലും സോഷ്യല് മീഡിയ അക്കൗണ്ടിലും സംപ്രഷണം ചെയ്യുന്നുണ്ട്. ഗ്ലോബല് എഐ മീറ്റ് എന്ന ഹാഷ്ടാഗ് വഴി സംവദിക്കാനും അവസരം ഒരുക്കിയിട്ടുണ്ട്.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
