
ദമ്മാം: മൂന്നു പതിറ്റാണ്ടു നീണ്ട പ്രവാസം അവസാനിപ്പിച്ച് നാട്ടിലേയ്ക്ക് മടങ്ങുന്ന നവയുഗം കേന്ദ്രകമ്മിറ്റിഅംഗവും നാടകപ്രവര്ത്തകനുമായ കൃഷ്ണന് പേരാമ്പ്രയ്ക്ക് നവയുഗം സാംസ്ക്കാരികവേദി കേന്ദ്രകമ്മിറ്റി ഊഷ്മള യാത്രയയപ്പ് നല്കി. യാത്രയയപ്പില് നവയുഗം കേന്ദ്രകമ്മിറ്റി ഓഫിസ് ഹാളില് കേന്ദ്രകമ്മിറ്റി വൈസ് പ്രസിഡന്റ് മഞ്ജു മണിക്കുട്ടന് അധ്യക്ഷത വഹിച്ചു. ജനറല് സെക്രട്ടറി എം എ വഹിദ് കാര്യറ നവയുഗത്തിന്റെ ഉപഹാരം കൃഷ്ണന് പേരാമ്പ്രയ്ക്ക് സമ്മാനിച്ചു. കലാവേദിയുടെ ഉപഹാരം പ്രസിഡഡന്റ് റിയാസ് മുഹമ്മദ് കൈമാറി.

കേന്ദ്രകമ്മിറ്റി ട്രഷറര് സാജന് കണിയാപുരം, കേന്ദ്രനേതാക്കളായ അരുണ് ചാത്തന്നൂര്, നിസ്സാം കൊല്ലം, ശരണ്യ ഷിബു, മഞ്ജു അശോക്, പദ്മനാഭന് മണിക്കുട്ടന്, സജീഷ് പട്ടാഴി, ഷീബ സാജന്, ആമിന റിയാസ്, ഷഫീക്ക് എന്നിവര് ആശംസകള് നേര്ന്നു. ബിജു വര്ക്കി സ്വാഗതവും, ബിനുകുഞ്ഞു നന്ദിയും പറഞ്ഞു.

കോഴിക്കോട് പേരാമ്പ്ര സ്വദേശിയായ കൃഷ്ണന് നാട്ടില് നാടകപ്രവര്ത്തനങ്ങളില് സജീവമായിരുന്നു. ദമ്മാമിലെ ഐസ്ക്രീം കമ്പനിയിലായിരുന്നു ജോലി. നവയുഗം രൂപീകരിച്ച കാലം മുതല് സജീവമാണ്. സൗദിയിലെ സാമൂഹിക, സാംസ്ക്കാരിക മേഖലകളില് നാടകപ്രവര്ത്തകന് എന്ന നിലയില് ശ്രദ്ധേയനായിരുന്നു. നവയുഗം കലാസന്ധ്യകളില് നടനും സംവിധായകനും ആയി പഴയ നാടകങ്ങളുടെ രംഗാവിഷ്ക്കാരങ്ങള് പുന:രവതരിപ്പിച്ചത് ആസ്വാദകരുടെ പ്രശംസ നേടി. കെപിഎസിയുടെ അശ്വമേധം, നിങ്ങളെന്നെ കമ്മ്യുണിസ്റ്റാക്കി തുടങ്ങിയ നാടകങ്ങളുടെ രംഗാവിഷ്ക്കാരങ്ങള് പ്രത്യേകം അഭിനന്ദനങ്ങള് നേടിയിരുന്നു.
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.