റിയാദ്: സൗദിയില്‍ 24 മണിക്കൂറിനിടെ 45 പേര്‍ക്ക് കൂടി കൊവിഡ് റിപ്പോര്‍ട്ട് ചെയ്തു. 72 പേര്‍ രോഗമുക്തി നേടി. രാജ്യത്തെ വിവിധ പ്രവിശ്യകളില്‍ 29 പേര്‍ തീവ്രപരിചരണ വിഭാഗത്തില്‍ ചികിത്സയില്‍ കഴിയുന്നുണ്ടെന്നും ആരോഗ്യ മന്ത്രാലയം അറിയിച്ചു.
അതിനിടെ, ഒമൈക്രോണ്‍ റിപ്പോര്‍ട്ട് ചെയ്ത 14 ആഫ്രിക്കന്‍ രാജ്യങ്ങളില്‍ നിന്നു സൗദിയിലേക്ക് നേരിട്ട് യാത്ര ചെയ്യുന്ന സ്വദേശി പൗരന്‍മാര്‍ക്ക് 5 ദിവസം ഹോം ക്വാറന്റൈന്‍ നിര്‍ബന്ധമാണെന്ന് സിവില്‍ ഏവിയേഷന്‍ അതോറിറ്റി. സ്വദേശികള്‍ അഞ്ചാം ദിവസം പിസിആര്‍ പരിശോധന നടത്തണമെന്നാണ് വ്യവസ്ഥ. ഒമൈക്രോണ്‍ റിപ്പോര്‍ട്ട് ചെയ്ത ആഫ്രിക്കന്‍ രാജ്യങ്ങളില്‍ നിന്നുളള സ്വദേശി പൗരന്‍മാര്‍ക്കുളള വ്യവസ്ഥകള്‍ പരിഷ്‌കരിച്ചതായും അതോറിറ്റി വ്യക്തമാക്കി.
