സൗദിയില്‍ രോഗമുക്തി നേടുന്നവരുടെ എണ്ണത്തില്‍ വര്‍ധനവ്

റിയാദ്: സൗദിയില്‍ 2,307 പുതിയ കൊവിഡ് വൈറസ് റിപ്പോര്‍ട്ടു ചെയ്തു. ഇതില്‍ 41 ശതമാനം സ്വദേശികളും 59 ശതമാനം വിദേശികളുമാണ്. ചികിത്സയിലിരുന്ന 9 പേര്‍ കൂടി മരിച്ചതോടെ മരണ സംഖ്യ 292 ആയി ഉയര്‍ന്നു. കൊവിഡ് ബാധിച്ച് ആരോഗ്യം വഷളായ 167 പേര്‍ തീവ്രപരിചരണ വിഭാഗത്തില്‍ ചികിത്സയിലാണ്. രാജ്യത്ത് ഇതുവരെ 49,167 കോവിഡ് ബാധയാണ് റിപ്പോര്‍ട്ട്‌ചെയ്തതെന്നും ആരോഗ്യ മന്ത്രാലയം അറിയിച്ചു. രോഗമുക്തി നേടുന്നവരുടെ എണ്ണം ദിവസവും കൂടിവരുകയാണ്. കഴിഞ്ഞ 24 മണിക്കൂറിനിടെ 2,818 പേര്‍ രോഗം ഭേദമായതിനെ തുടര്‍ന്ന് വീടുകളിലേക്ക് മടങ്ങി. ഇതുവരെ 21,869 പേര്‍ രോഗമുക്തി നേടിയതായും മന്ത്രാലയം അറിയിച്ചു.