ദമ്മാം: അല് കോബാര് യുണൈറ്റഡ് ഫുട്ബോള് ക്ലബ് പതിനേഴാം വാര്ഷികത്തിന്റെ ഭാഗമായി സംഘടിപ്പിച്ച ഗാലപ്പ് യുഎഫ്സി ഫുട്ബോള് മേളക്ക് തുക്ബ ക്ലബ് സ്റ്റേഡിയത്തില് ആവേശകരമായ സമാപനം. വാശിയേറിയ ഫൈനല് പോരാട്ടത്തില് കരുത്തരായ ബദര് എഫ്സിയെ ടൈബ്രേക്കറില് പരാജയപ്പെടുത്തി ദല്ലാ എഫ് സി കിരീടം നേടി.
ആദ്യ പകുതിയില് നിയാസ് നേടിയ സൂപ്പര് ഗോളില് ബദര് എഫ് സി മുന്നിട്ട് നിന്നെങ്കിലും രണ്ടാം പകുതിയില് തിരിച്ച് വരവ് നടത്തിയ ദല്ലാ എഫ് സി മികച്ച കളി പുറത്തെടുത്തു. ദല്ലാ മുന്നേറ്റ താരം ഫദ്ലിനെ ഫൗള് ചെയ്തതിന് അനുകൂലമായി ലഭിച്ച പെനാല്റ്റി അജ്സല് ഗോളാക്കി മാറ്റിയതോടെ ദല്ലാ സമനില നേടി.
ടൈബ്രേക്കറില് ആദ്യ രണ്ട് പെനാല്റ്റി കിക്കുകള് വിഫലമായ ബദര് എഫ് സിക്ക് ദല്ലാ എഫ് സിക്ക് മുമ്പില് അടിയറവ് പറയേണ്ടി വന്നു. ദല്ലാ എഫ്സിക്കുവേണ്ടി ആശിഖ് (റെയില്വേസ്), അമീന് (ഫോര്സ കൊച്ചി), നവാസ് (ബാസ്കോ എഫ് സി) എന്നിവരും ബദര് എഫ് സിക്കുവേണ്ടി ആസിഫ് ബലോട്ടെലി (റോയല് ട്രാവല്സ്), ഫസല് പാച്ചു (സൂപ്പര് ലീഗ് മലപ്പുറം), നൗഫല് കാസര്ഗോഡ് (ഫോര്സ കൊച്ചി) എന്നിവരും കളത്തിലിറങ്ങി. ആയിരക്കണക്കിന് ഫുട്ബോള് ആരാധകരാണ് കലാശപ്പോരാട്ടം കാണുവാന് കുടുംബ സമ്മേതം സ്റ്റേഡിയത്തിലെത്തിയത്.
ടൂര്ണമെന്റിലെ മികച്ച കളിക്കാരനായി അജ്സലിനെ (ദല്ല എഫ് സി) തെരഞ്ഞെടുത്തു. ദില്ഷാദ് (ടോപ് സ്കോറര്), അനസ് (ഡിഫന്റര്), ഷിബിലി (മിഡ് ഫീല്ഡ്), സുഹൈല് (ഗോള് കീപ്പര്), അബ്ദുല് ഡാനിഷ് (യൂത്ത് ഐക്കണ്), ഇംതിയാസ് (ടീം മാനേജര്) തുടങ്ങിയവരെയും തെരഞ്ഞടുത്തു. കോര്ണിഷ് സോക്കറിനാണ് ഫഌയര്പ്ലെ ട്രോഫി. ഡിഫയുടെ താരമായി അജ്സലിനെ (ദല്ല എഫ് സി) തെരഞ്ഞെടുത്തു.
കിഴക്കന് പ്രവിശ്യാ വിദ്യാഭ്യാസ സ്കൗട്ടിങ് ആക്റ്റിവിറ്റി വിഭാഗം മേധാവിയും ദഹ്റാന് നൈബര്ഹുഡ് ക്ലബ്ബ് ഡയറക്ടറുമായ ഫൈസല് അബ്ദുള്ള അല് ദോസരി മുഖ്യാതിഥിയായിരുന്നു. വിജയികളായ ദല്ലാ എഫ് സിക്ക് ഗാലപ്പ് സൗദി എം ഡി ഹകീം തെക്കില് ട്രോഫി സമ്മാനിച്ചു. ഫൗരി മണി ട്രാന്സ്ഫര് നല്കുന്ന കാശ് അവാര്ഡ് ഡിഫ പ്രസിഡന്റ് ഷമീര് കൊടിയത്തൂരും സമ്മാനിച്ചു. റണ്ണേഴ്സ്സായ ബദര് എഫ് സിക്ക് മുജീബ് ഈരാറ്റുപേട്ട കാലക്സ് ട്രോഫിയും കാക്കു സേഫ്റ്റി നല്കുന്ന പ്രൈസ് മണി ഫവാസ് കാലിക്കറ്റും സമ്മാനിച്ചു. ടൂര്ണമെന്റിന് മെഡിക്കല് സേവനം നല്കിയ ദമാം അല് റയാന് പോളിക്ലിനിക്കിനെ ആദരിച്ചു.
മികച്ച വളന്റിയര്മാരായി തെരഞ്ഞെടുത്ത ഷമീര് എടത്തനാട്ടുകര, ജാസിം വാണിയമ്പലം, മുഹമ്മദ് ഷിബിന്, ഷബീര് ആക്കോട്, ഷംസീര് കിഴക്കത്ത്, ഫൈസല് കാളികാവ്, സുഹൈല് കട്ടുപ്പാറ, ജംഷീര് കാര്ത്തിക എന്നിവര്ക്ക് പ്രശംസാ ഫലകം സമ്മാനിച്ചു. ഗാലപ്പ് സൗദി സിഎഫ്ഒ മൊയ്തീന് കുഞ്ഞ് സൊങ്കല്, സൈനുദ്ദിന് മൂര്ക്കനാട്, ഷമീര് നാദാപുരം, ലിയാക്കത്ത് കരങ്ങാടന്, സാബു മേലതില്, അബ്ദുല് ഖാദര് പൊന്മള, ഷിബു നവാസ്, ഹുസൈന് നിലമ്പൂര്, അമീന് അബീഫ്കോ, ഷറഫുദ്ദീന്, സകീര് വള്ളക്കടവ്, റഷീദ് ചേന്ദമംഗല്ലൂര്, റാസിക് വള്ളിക്കുന്ന് എന്നിവര് ട്രോഫികള് സമ്മാനിച്ചു. സ്വദേശി റഫറിമാരായ ഫൈസല് അല് ഖാലിദി, മുഹമ്മദ് താബിത്, ഹമദ് അല് ഈസ, ഖാലിദ് അല് ഖാലിദി തുടങ്ങിയവര് കളി നിയന്ത്രിച്ചു. യു.എഫ്.സി ഭാരവാഹികളായ ഇഖ്ബാല് ആനമങ്ങാട്, രാജു കെ.ലൂക്കാസ്, അസ്ലം കണ്ണൂര്, ആശി നെല്ലിക്കുന്ന്, ഫൈസല് എടത്തനാട്ടുകര, ശരീഫ് മാണൂര്, മുഹമ്മദ് നിഷാദ്, ഫൈസല് വട്ടാര, ലെഷിന് മണ്ണാര്ക്കാട്, ഷൈജല് വാണിയമ്പലം, ഫസല് കാളികാവ്, റഷീദ് മാറി എന്നിവര് സംഘാടനത്തിന് നേത്യത്വം നല്കി.
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
