റിയാദ്: മലപ്പുറം ജില്ലാ കെഎംസിസി വെല്‍ഫെയര്‍ വിങ് അല്‍ ഖലീജ് ഇഷ്ബിലിയയിലെ ഇസ്മ മെഡിക്കല്‍ സെന്ററുമായി സഹകരിച്ചു സൗജന്യ മെഡിക്കല്‍ ക്യാമ്പ് സംഘടിപ്പിച്ചു. കെഎംസിസിയുടെ മൂന്നുമാസം നീണ്ടുനില്‍ക്കുന്ന ‘പരിരക്ഷ-2025’ ക്യാമ്പയിന്റെ ഭാഗമായി രജിസ്റ്റര്‍ ചെയ്ത 600 പേര്‍ക്കാണ് ചികിത്സാ സൗകര്യം ഒരുക്കിയത്. എന്നാല്‍ രണ്ട് ദിവസത്തെ ക്യാമ്പ് ആയിരത്തിലധികം ആളുകള്‍ ഉപയോഗപ്പെടുത്തി.
പങ്കെടുത്തവര്‍ക്കു ഒരു വര്‍ഷം സൗജന്യ ചികിത്സ ലഭ്യമാക്കുന്ന ഇസ്മ കെയര്‍ പ്ലസ് കാര്‍ഡ് വിതരണം ചെയ്യുമെന്നും മാനേജ്‌മെന്റ് അറിയിച്ചു. ക്യാമ്പില്‍ വിവിധ ബ്ലഡ് ടെസ്റ്റുകള്‍ക്കു പുറമെ നേത്രരോഗ വിദഗ്ദ, ജനറല്‍ ഫിസിഷ്യന്‍ എന്നിവരുടെ സേവനങ്ങള്‍ ലഭ്യമാക്കിയിരുന്നു.
എംബസി ഉദ്യോഗസ്ഥന്‍ പുഷ്പരാജ് ക്യാമ്പ് ഉദ്ഘാടനം ചെയ്തു. ഡോ. അശ്വനി മോഹന്‍, ഡോ. അഫ്‌സല്‍ അബ്ദുല്‍ അസീസ്, ഡോ. സുമി തങ്കച്ചന്‍, ഡോ. മെഹ് വിഷ് ആസിഫ്, ഡോ. നമീറ സലീം എന്നിവര്‍ നേതൃത്വം നല്‍കി. കെഎംസിസിയുടെ പ്രവര്‍ത്തകരും ഇസ്മ മെഡിക്കല്‍ സെന്റര്‍ പാരാ മെഡിക്കല്‍ സ്റ്റാഫും ജീവനക്കാരും ക്യാമ്പ് നിയന്ത്രിച്ചു.
ഇസ്മ മെഡിക്കല്‍ എം.ഡി. വി എം അഷ്‌റഫ്, ഓപ്പറേഷന്‍ ഡയറക്ടര്‍ മുസാദ് അല്‍ ഹാര്‍ഥി, അബീര്‍ സെയ്ഫാത്തി, ഫാഹിദ് ഹസ്സന്‍, റഫീഖ് പന്നിയങ്കര, ശിഹാബ് കൊട്ടുകാട്, ഇബ്രാഹിം സുബ്ഹാന്‍, പ്രെഡിന്‍ അലക്‌സ്, കെഎംസിസി ഭാരവാഹികളായ റിയാസ് തിരൂര്‍ക്കാട്, റഫീഖ് ചെറുമുക്ക്, യു. പി. നൗഷാദ്, നൗഫല്‍ തിരൂര്‍, ഷൗക്കത്ത് കടമ്പോട്ട്, ശുഹൈബ് പനങ്ങാങ്കര, ഉസ്മാന്‍അലി പാലത്തിങ്കല്‍ എന്നിവര്‍ പ്രസംഗിച്ചു.
വാര്‍ത്തകള്‍ editor@sauditimesonline.com എന്ന വിലാസത്തില്‍ ഇമെയില്‍ ചെയ്യുക. വാര്‍ത്തകള്‍ അയക്കുന്നവര്‍ പേരും മൊബൈല്‍ നമ്പരും എഴുതാന്‍ മറക്കരുത്‌.
