ഷാര്ജ: സബീന എം സാലിയുടെ കഥാസമാഹാരം ‘ലയാലി’ ഷാര്ജ അന്താരാഷ്ട്ര പുസ്തകമേളയില് പ്രകാശനം ചെയ്തു. കാലിക്കറ്റ് സര്വകലാശാലയിലെ തത്ത്വചിന്താവിഭാഗം പ്രൊഫസറും കേരള ഭാഷാ ഇന്സ്റ്റിറ്റിയൂട്ട് മുന് ഡയറക്ടറുമായ പി കെ പോക്കര് പ്രകാശനം നിനവ്വഹിച്ചു. ഷെറിന് നസീറിന് പുസ്തകം ഏറ്റുവാങ്ങി.
കഥയെഴുത്തിന്റെ സൂക്ഷ്മതയും കയ്യൊതുക്കവും കണക്കിലെടുക്കുമ്പോള് ലയാലി എന്ന ഒറ്റ കഥ കൊണ്ട് മാത്രം കഥാലോകത്ത് എക്കാലത്തും നിലയുറപ്പിച്ച് നില്ക്കാന് സബീനയ്ക്ക് കഴിയുമെന്നു പികെ പോക്കര് അഭിപ്രായപ്പെട്ടു. എഴുത്തുകാരന് അജിത് കണ്ടല്ലൂര് പുസ്തകപരിചയം നടത്തി.
ചിന്ത പബ്ലിക്കേഷന് സോണല് മാനേജര് സി പി രമേശ്, എഴുത്തുകാരന് വെള്ളിയോടന്, ചിരന്തന പബ്ലിക്കേഷന് സാരഥിയും സാമൂഹിക പ്രവര്ത്തകനുമായ പുന്നക്കന് മുഹമ്മദാലി എന്നിവര് ആശംസകള് നേര്ന്നു. മാസ് സാഹിത്യവിഭാഗം കണ്വീനര് ജിതേഷ് അവതാരകനായിരുന്നു. സബീന എം സാലി മറുഭാഷണം നടത്തി.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
