
റിയാദ്: സൗദി അറേബ്യയില് നിയമ ലംഘകരായ 11,955 വിദേശികളെ നാടുകടത്തിയതായി ആഭ്യന്തര മന്ത്രാലയം. തൊഴില്, താമസ, അതിര്ത്തി സുരക്ഷാനിയമങ്ങള് ലംഘിച്ചവരെയാണ് നാടുകടത്തിയത്. രാജ്യത്തെ വിവിധ പ്രവിശ്യകളില് നടന്ന റെയ്ഡുകളില് പിടിയിലായവരെ നിയമനടപടിയ പൂര്ത്തിയാക്കിയാണ് മാതൃരാജ്യങ്ങളിലേയ്ക്കു മടക്കി അയച്ചത്. ജനുവരി 9 മുതല് 14 വരെ 21,485 നിയമലംഘകര് പിടിയിലായതായും ആഭ്യന്തര മന്ത്രാലയം അറിയിച്ചു.

പൊതുസുരക്ഷാ യോഗം, പാസ്പോര്ട്ട് ഡയറക്ടറേറ്റ് എന്നിവ നടത്തിയ പരിശോധനയില് രാജ്യത്തിന്റെ വിവിധ പ്രവിശ്യകളില് നിന്നാണ് നിയമ ലംഘശരെ പിടികൂടിയത്. പിടിയിലായവരില് 13,592 പേര് ഇഖാമ നിയമ ലംഘകരാണ്. 4,853 അതിര്ത്തി സുരക്ഷാലംഘകരും 3,070 തൊഴില് നിയമലംഘകരും പിടിയിലായവരില് ഉള്പ്പെടും.

രാജ്യത്തേക്ക് അനധികൃതമായി അതിര്ത്തി കടക്കാന് ശ്രമിക്കുന്നതിനിടെ 1,568 പേര് അറസ്റ്റിലായി. ഇതില് 50 ശതമാനവും എത്യോപ്യന് പൗരന്മാരാണ്. 47 ശതമാനം യമനികളും മൂന്ന് ശതമാനം മറ്റ് രാജ്യക്കാരും. അനധികൃതമായി രാജ്യത്തുനിന്ന് പുറത്തുകടക്കാന് ശ്രമിക്കുന്നതിനിടെ 64 പേര് അറസ്റ്റിലായി. താമസ, ജോലി, അതിര്ത്തി സുരക്ഷാ നിയമലംഘകര്ക്ക് വിവിധ സഹായങ്ങള് നല്കിയ 16 പേര് വേറെയും പിടിയിലായിട്ടുണ്ട്. നിലവില് നടപടികള് നേരിടുന്ന 33,007 നിയമലംഘകരില് 30,335 പുരുഷന്മാരും 2,672 സ്ത്രീകളുമാണ്.

വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.