റിയാദ്: കളിക്കളത്തില് അപ്രതീക്ഷിത നീക്കം നടത്തി റിയാദ് കെഎംസിസി സെന്ട്രല് കമ്മിറ്റി സൂപ്പര് കപ്പ് രണ്ടാം വാരം ആദ്യ മത്സരത്തില് കോഴിക്കോട്, ആലപ്പുഴ ജില്ലകള്ക്കു തകര്പ്പന് വിജയം. ദിറാബിലെ ദുറത് മല്അബ് സ്റ്റേഡിയത്തില് അരങ്ങേറിയ മത്സരത്തില് കോഴിക്കോട് ഏകപക്ഷീയമായ നാല് ഗോളുകള്ക്ക് തൃശൂരിനെ അട്ടിമറിച്ച് ഗ്രൂപ്പ് ബിയില് ഒന്നാം സ്ഥാനം നേടി. കോഴിക്കോടിന് തഷിന് റഹ്മാന്, മുഹമ്മദ് സാലിം എന്നിവര് രണ്ട് ഗോളുകള് വീതം നേടി. കോഴിക്കോടിന്റെ തഷിന് റഹ്മാനാണ് കളിയിലെ താരം.
രണ്ടാം മത്സരത്തില് ഗ്രൂപ്പ് ഒന്നിലെ ആലപ്പുഴ എറണാകുളവും തമ്മിലായിരുന്നു മത്സരം. അവസാനം വരെ ആവേശം നിലനിര്ത്തിയ കളിയില് ഒന്നിനെതിരെ രണ്ട് ഗോളുകള്ക്ക് ആലപ്പുഴ വിജയികളായി. ആലപ്പുഴക്കായി നബീലും ഫായിസും ഗോളുകള് നേടി. എറണാകുളത്തിന്റെ ആശ്വാസ ഗോള് മുബശ്ശിര് ഇഖ്ബാലാണ് നേടിയത്. ആലപ്പുഴയുടെ നബീലാണ് പ്ലെയര് ഓഫ് ദി മാച്ച്.
പാലക്കാടും കാസര്കോടും തമ്മിലുള്ള വാശിയേറിയ പോരാട്ടത്തില് ഇരു ടീമുകളും ഓരോ ഗോളുകള് നേടി സമനിലയില് പിരിഞ്ഞു. മുഹമ്മദും സൈനും ഇരു ടീമുകള്ക്ക് വേണ്ടി ഗോളുകള് നേടി. പാലക്കാടിന്റെ റിസ് വാന് പ്ലെയര് ഓഫ് ദി മാച്ച് ആയി തെരഞ്ഞെടുക്കപ്പെട്ടു.
ചാണ്ടി ഉമ്മന് എം എല് എ ടൂര്ണമെന്റില് മുഖ്യതിഥിയായി പങ്കെടത്തു. കളിക്കാരുമായി പരിചയപ്പെടുകയും ചെയ്തു. ജീവകാരുണ്യ പ്രവര്ത്തനങ്ങളോടൊപ്പം കല കായിക പരിപാടികള്ക്ക് കൂടി കെഎംസിസി പ്രാധാന്യം കൊടുക്കുന്നത് ശ്രദ്ധേയമാണ്. ഫുട്ബോളിന്റെ മികച്ച സംഘാടനം പ്രശംസ അര്ഹിക്കുന്നുവെന്നും ചാണ്ടി ഉമ്മന് പറഞ്ഞു. റിയാദ് കെഎംസിസി സെന്ട്രല് കമ്മിറ്റി പ്രസിഡന്റ് സി പി മുസ്തഫ, ജനറല് സെക്രട്ടറി ശുഐബ് പനങ്ങാങ്ങര, ഒഐസിസി സെന്ട്രല് കമ്മിറ്റി പ്രസിഡന്റ് സലീം കളക്കര, അബ്ദുള്ള വല്ലാഞ്ചിറ, നവാസ് വെള്ളിമാട്കുന്ന്, തനിമ സാംസ്കാരിക വേദി സെക്രട്ടറി റഹ്മത്ത് ഇലാഹി, സൗദി കെഎംസിസി നാഷണല് കമ്മിറ്റി വൈസ് പ്രസിഡന്റ് ഉസ്മാന് അലി പാലത്തിങ്ങല്, ടൂര്ണമെന്റ് ചീഫ് കോ ഓഡിനേറ്റര് മുജീബ് ഉപ്പട, സെന്ട്രല് കമ്മിറ്റി ഭാരവാഹികളായ സത്താര് താമരത്ത്, അഡ്വ. അനീര് ബാബു, അഷ്റഫ് കല്പകഞ്ചേരി, നാസര് മാങ്കാവ്, ഷമീര് പറമ്പത്ത്, നജീബ് നല്ലാങ്കണ്ടി, അബ്ദുറഹ്മാന് ഫറൂഖ്, മാമുക്കോയ തറമ്മല്, സിറാജ് മേടപ്പില്, റഫീഖ് മഞ്ചേരി, ഫാരിസ് പാരജോണ്,നാസര് അല്ഖര്ജ് കെഎംസിസി എന്നിവര് വിവിധ മത്സരങ്ങളിലെ ടീമുകളെ പരിചയപ്പെട്ടു. പ്ലെയര് ഓഫ് ദ മാച്ച് അവാര്ഡുകള് യഥാക്രമം അസ്ലം പുറക്കാട്ടിരി എ ജി സി, സെന്ട്രല് കമ്മിറ്റി കായിക വിഭാഗം ചെയര്മാന് ജലീല് തിരൂര്, ഷബീര് ഒതായിഎന്നിവര്കൈമാറി.
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
