ജിദ്ദ: അവധിക്ക് നാട്ടിലേക്ക് മടങ്ങാന് മണിക്കൂറുകള് മാത്രം ബാക്കിനില്ക്കെ മലപ്പുറം വേങ്ങര കിളിനക്കോട് ഉത്തന് മാവുങ്ങല് മുഹമ്മദ് മുസ്തഫ (43) ഹൃദയാഘാതത്തെ തുടര്ന്ന് മരിച്ചു. 16 വര്ഷമായി ജിദ്ദയില് പ്രവാസിയാണ്. ഇന്നലെ ഉച്ചക്ക് എയര് ഇന്ത്യാ എക്സ്പ്രസില് കോഴിക്കോടേക്ക് ടിക്കറ്റെടുത്ത് യാത്രക്ക് തയ്യാറെടുക്കുന്നതിനിടെയാണ് ശാരീരിക അസ്വസ്ഥത അനുഭവപ്പെട്ടത്. ഈസ്റ്റ് ജിദ്ദ ആസ്പത്രിയിലെത്തിച്ചെങ്കിലും രക്ഷിക്കാനായില്ല.
ഇതോടെ, പ്രിയതമന്റെയും ഉപ്പയുടെയും വരവിനായി കാത്തിരുന്ന കുടുംബത്തിന്റെ സ്വപ്നങ്ങളാണ് പാതിവഴിയില് തകര്ന്നത്. മൂസയുടെയും കദിയാമ്മ കുട്ടിയുടെയും മകനാണ്. സുമയ്യയാണ് ഭാര്യ. ഫാത്തിമ മിസ്ന(14), ജസ്സ ഹൈറിന് (4) എന്നിവര് മക്കളാണ്. മുഹമ്മദ് സിറാജ്, ഫയാസ്, മുഹമ്മദ് റിയാസ്, അബ്ദുല് റഷീദ് എന്നിവര് സഹോദരങ്ങളാണ്.
യാത്രയ്ക്കുള്ള ബാഗും സമ്മാനപ്പൊതികളും ഒരുക്കിവെച്ച്, നാട്ടിലെത്താന് മിനിറ്റുകള് എണ്ണിക്കഴിയുന്നതിനിടെയാണ് വിധി വില്ലനായത്. ജിദ്ദയിലെ ഉമ്മു ഹവ്വ ഖബര്സ്ഥാനില് മഗ്രിബ് നമസ്കാരത്തിന് ശേഷം ഖബറടക്കം നടക്കും. മുസ്തഫയുടെ അഭാവത്തില് നാട്ടില് ബുധനാഴ്ച രാവിലെ 8.30ന് കിളിനക്കോട് ജുമാമസ്ജിദില് മയ്യിത്ത് നമസ്കാരം നടക്കും.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
