Saudi News

ദമ്മാം: നന്മ ചാരിറ്റബിള്‍ ട്രസ്റ്റിന് കീഴില്‍ തലശ്ശേരി, മുഴപ്പിലങ്ങാട് പ്രവര്‍ത്തിക്കുന്ന തറവാട് സ്‌നേഹ ഭവനത്തിന്റെ പ്രഥമ ഓവര്‍സീസ് വനിതാ വിംഗ് സൗദി അറേബ്യയില്‍ രൂപീകരിച്ചു. റാക്കയില്‍ നടന്ന എക്‌സിക്യൂട്ടീവ് കമ്മിറ്റി യോഗത്തിലാണ് വനിതാ വിംഗ് രൂപീകരിച്ചത്. ദമ്മാം കമ്മിറ്റി ആക്ടിംഗ് പ്രസിഡന്റ് തൗസീഫ് ഇംതിയാസിന്റെ അധ്യക്ഷതയില്‍ ചേര്‍ന്ന യോഗത്തില്‍ മുസ്തഫ തലശ്ശേരി, ടി.പി.എം. ഫസല്‍, സാദിഖ് എടക്കാട്, അഫ്താബ് സാദിഖ്, നിബ്രാസ് ശിഹാബ് , ഷറഫ് തലശ്ശേരി, ഫിഹാസ് മുഹമ്മദ്, തനൂഫ് ഇംതിയാസ് എന്നിവര്‍ പങ്കെടുത്തു. ഡോ. […]

റിയാദ്: കേരളത്തിന്റെ പ്രശസ്തി ലോകത്തിന്റെ നെറുകയിലെത്തിച്ച വണ്‍ ഇന്ത്യ കൈറ്റ് ടീം റിയാദില്‍ എത്തുന്നു. റിയാദിലെ കോഴിക്കോട്ടുകാരുടെ കൂട്ടായ്മയായ കോഴിക്കോടന്‍സിന്റെ നേതൃത്വത്തില്‍ ജൂണ്‍ 15ന് ശനിയാഴ്ച വൈകുന്നേരം 3 മണി മുതല്‍ തുമാമയില്‍ നടക്കുന്ന ‘കോഴിക്കോടന്‍സ് കൈറ്റ് ഫെസ്റ്റില്‍ പങ്കെടുക്കുന്നതിനാണ് പട്ടം പറത്തി ഉയരങ്ങള്‍ കീഴടക്കിയ വണ്‍ ഇന്ത്യ കൈറ്റ് ടീം എത്തുന്നത്. സൗദിയില്‍ ജിദ്ദ, അല്‍ ഹസ എന്നിവിടങ്ങളില്‍ ഇവര്‍ പട്ടം പറത്തിയിരുന്നു. എന്നാല്‍ റിയാദില്‍ ഇതാദ്യമായാണ് കൈറ്റ് ഫെസ്റ്റ് നടക്കുന്നത്. കുട്ടികളെയും മുതിര്‍ന്നവരേയും ഒരുപോലെ

ജിദ്ദ: സീസണ്‍ ഫെസ്റ്റിവല്‍ പ്രമാണിച്ച് വിനാദ സഞ്ചാരികള്‍ക്ക് ഇലക്‌ട്രോണിക് ടൂറിസ്റ്റ് വിസ വിതരണം തുടങ്ങി. ഫെസ്റ്റിവലിന്റെ ഭാഗമായി അരങ്ങേറുന്ന ഏതെങ്കിലും വിനോദ പരിപാടിയുടെ ടിക്കറ്റ് എടുക്കുന്നവര്‍ക്ക് മൂന്ന് മിനുട്ടിനകം ഓണ്‍ലൈനില്‍ വിസ ലഭ്യമാക്കുമെന്ന് അധികൃതര്‍ അറിയിച്ചു. നാല്പത് ദിവസം നീണ്ടുനില്‍ക്കുന്ന സീസണ്‍ ഫെസ്റ്റിവലില്‍ 150ല്‍ പരം വിനോദ പരിപാടികളാണ് അരങ്ങേറുന്നത്. ഓണ്‍ലൈനില്‍ ടിക്കറ്റെടുക്കുന്ന വിദേശങ്ങളില്‍ നിന്നുളള വിനോദ സഞ്ചാരികള്‍ക്ക് മൂന്ന് മിനുട്ടിനകം ഇലക്‌ട്രോണിക് വീസ ലഭ്യമാക്കും. സൗദിയിലെത്തുന്നതിന് മറ്റു നിബന്ധനകള്‍ ബാധകമല്ലെന്നും അധികൃതര്‍ അറിയിച്ചു. സീ ആന്റ്

റിയാദ്: സൗദി അറേബ്യയുടെ എണ്ണ ശേഖരം 12 ശതമാനം വര്‍ധിച്ചതായി റിപ്പോര്‍ട്ട്. 30 വര്‍ഷത്തിന് ശേഷം ആദ്യമായാണ് എണ്ണ ശേഖരത്തില്‍ വര്‍ധനവ് രേഖപ്പെടുത്തുന്നത്. ബ്രിട്ടീഷ് പെട്രോളിയം ആണ് ഇതുസംബന്ധിച്ച വിശദാംശം പുറത്തുവിട്ടത്. ലോകത്ത് ഏറ്റവും കൂടുതല്‍ എണ്ണ ശേഖരമുള്ള രാജ്യം വെനിസ്വേലയാണ്. സൗദിയുടെ എണ്ണ ശേഖരം വര്‍ധിച്ചതോടെ ഇരു രാജ്യങ്ങളും തമ്മിലുളള അന്തരം കുറഞ്ഞു. വെനിസ്വേലയുമായി 5.3 ബില്യണ്‍ ബാരലിന്റെ വ്യത്യാസം മാത്രമാണ് സൗദി അറേബ്യക്കുളളത്. കഴിഞ്ഞ വര്‍ഷം സൗദിയുടെ എണ്ണ ശേഖരം 297.7 ബില്യണ്‍ ബാരലായിരുന്നു.

റിയാദ്: സ്വദേശി യുവാക്കള്‍ക്ക് തൊഴില്‍ കണ്ടെത്തുന്നതിന് പുതിയ സംവിധാനം നടപ്പിലാക്കുന്നു. ഇതിനായി ഇലക്‌ട്രോണിക് എംപ്‌ളോയ്‌മെന്റ് ഫെയര്‍ സംഘടിപ്പിക്കുമെന്ന് മാനവ വിഭവ ശേഷി വികസന നിധി ഡയറക്ടര്‍ അറിയിച്ചു. രാജ്യത്തെ സ്വകാര്യ സ്ഥാപനങ്ങളില്‍ സ്വദേശിവത്ക്കരണം പ്രോത്സാഹിപ്പിക്കുന്നതിനാണ് പദ്ധതി നടപ്പിലാക്കുന്നത്. ഇതിനായി ഓണ്‍ലൈനില്‍ തൊഴില്‍ മേള സംഘടിപ്പിക്കും. താല്‍പര്യമുളള തൊഴിലുടമകള്‍ക്കും സ്വകാര്യ കമ്പനികള്‍ക്കും മേളയില്‍ പങ്കെടുക്കാന്‍ ഓണ്‍ലൈനില്‍ രജിസട്രേഷന്‍ സൗകര്യം ഒരുക്കും. ജൂണ്‍ മുപ്പത് മുതല്‍ ജൂലൈ നാല് വരെ അഞ്ച് ദിവസങ്ങളിലാണ് തൊഴില്‍മേള. നാഷണല്‍ ലേബര്‍ ഗേറ്റ് വേ

റിയാദ്: ഇന്ത്യയില്‍ നിന്ന് ശരാശരി മാസം 200 കോടി റിയാലിന്റെ ഉല്‍പ്പന്നങ്ങള്‍ സൗദി അറേബ്യ ഇറക്കുമതി ചെയ്യുന്നുണ്ടെന്ന് കസ്റ്റംസ് അതോറിറ്റി. ചൈനയില്‍ നിന്നാണ് സൗദിയിലേക്ക് ഏറ്റവും കൂടുതല്‍ ഉല്‍പ്പന്നങ്ങള്‍ ഇറക്കുമതി ചെയ്യുന്നത്. ഈ വര്‍ഷം ജനുവരി മുതല്‍ മാര്‍ച്ച് വരെയുളള മൂന്ന് മാസങ്ങളിലെ ഇറക്കുമതി സംബന്ധിച്ച വിശദാംശങ്ങള്‍ കസ്റ്റംസ് അതോറിറ്റി പുറത്തുവിട്ടു. മൂന്നു മാസത്തിനിടെ ഇന്ത്യയില്‍ നിന്നു 613 കോടി റിയാലിന്റെ ഉല്‍പ്പന്നങ്ങളാണ് ഇറക്കുമതി ചെയ്തത്. ചൈനയില്‍ നിന്ന് മാസം ശരാശരി 787 കോടി റിയാലിന്റെ ഉല്‍പ്പന്നങ്ങള്‍

റിയാദ്: അന്താരാഷ്ട്ര വിപണിയില്‍ ക്രൂഡ് ഓയില്‍ വില ഉയര്‍ത്തുന്നതിന് ഏര്‍പ്പെടുത്തിയ ഉല്‍പ്പാദന നിയന്ത്രണം തുടരുമെന്ന് സൗദി ഊര്‍ജ്ജ വകുപ്പ് മന്ത്രി ഖാലിദ് അല്‍ ഫാലിഹ്. റഷ്യ പിന്തുണച്ചില്ലെങ്കിലും എണ്ണ ഉല്‍പ്പാദന നിയന്ത്രണം തുടരാനാണ് ഒപെക് രാജ്യങ്ങളുടെ തീരുമാനമെന്നും മന്ത്രി പറഞ്ഞു. എണ്ണ ഉല്‍പ്പാദനം നിയന്ത്രിക്കുന്നതിന് ഒപെക് രാജ്യങ്ങളും റഷ്യ ഉള്‍പ്പെടെയുളള ഇതര ഉല്‍പ്പാദക രാജ്യങ്ങളും കഴിഞ്ഞ വര്‍ഷം ധാരണയിലെത്തിയിരുന്നു. ഇതിന്റെ കാലാവധി കഴിയുന്ന സാഹചര്യത്തില്‍ വീണ്ടു ഉല്‍പ്പാദനം നിയന്ത്രിക്കാന്‍ കരാര്‍ ഒപ്പുവെക്കാനാണ് ഒപെക് രാജ്യങ്ങള്‍ ആലോചിക്കുന്നത്. റഷ്യ

നൗഫല്‍ പാലക്കാടന്‍റിയാദ്: സൗദി അറേബ്യ പ്രഖ്യാപിച്ച ഗ്രീന്‍ കാര്‍ഡ് അഥവാ പ്രിവിലേജ് ഇഖാമ നേടുന്നതിന് അപേക്ഷ സമര്‍പ്പിക്കാന്‍ നിരവധി വിദേശികള്‍ തയ്യാറെടുക്കുന്നതായി റിപ്പോര്‍ട്ട്. നിബന്ധനകള്‍ പൂര്‍ണ്ണമായി പുറത്ത് വന്നിട്ടില്ലെങ്കിലും ആജീവനാന്ത താമസാനുമതി രേഖയായ ഇഖാമ നേടുന്നതിന് എട്ട് ലക്ഷം റിയാലും വാര്‍ഷിക ഇഖാമക്ക് വര്‍ഷം ഒരു ലക്ഷം റിയാലും ഫീസ് നല്‍കേണ്ടി വരുമെന്നാണ് സ്ഥിരീകരിക്കാത്ത റിപ്പോര്‍ട്ടുകള്‍ സൂചിപ്പിക്കുന്നത്. അതേസമയം, പ്രിവിലേജ് ഇഖാമക്ക് ലഭിക്കുന്ന ആനുകൂല്യങ്ങള്‍ എന്തൊക്കെയാണെന്ന് അറിയാനുള്ള കാത്തിരിപ്പിലാണ് വിദേശികള്‍. സ്വന്തമായി സ്ഥാപനങ്ങള്‍ ആരംഭിക്കാനും സ്ഥാപനത്തിനാവശ്യമായ വിസയും

റിയാദ്: രാജ്യം വിവിധ പുരസ്‌കാരങ്ങള്‍ നല്‍കി ആദരിച്ച പ്രമുഖ എഴുത്തുകാരനും ചിലച്ചിത്രപ്രവര്‍ത്തകനുമായ ഗിരീഷ് കാര്‍ണാടിന്റെ വിയോഗത്തില്‍ റിയാദ് ഇന്ത്യന്‍ മീഡിയ ഫോറം (റിംഫ്) അനുശോചനം അറിയിച്ചു. സാംസ്‌കാരിക മൂല്യങ്ങള്‍ ഉയര്‍ത്തിപ്പിച്ച മഹാനായ സാഹിത്യകാരനും ചിന്തകനുമാണ് ഗിരീഷ് കാര്‍ണിടിന്റെ വിയോഗത്തിലൂടെ ഇന്ത്യക്ക് നഷ്ടമായത്. സംഘപരിവാര്‍ ശക്തികളുടെ വേട്ടയാടലുകള്‍ക്ക് മുന്നില്‍ പതറാതെ നിന്ന അദ്ദേഹം മതനിരപേക്ഷതക്കും ജനാധിപത്യത്തിനും വേണ്ടി നിലയുറപ്പിച്ച വ്യക്തിയായിരുന്നു. സമകാലീന സമൂഹത്തെ വിമര്‍ശനാത്മക രീതിയില്‍ നാടകങ്ങളിലൂടെ അവതരിപ്പിച്ച് ശ്രദ്ധനേടിയ അദ്ദേഹത്തെ ജ്ഞാനപീഠം, പത്മശ്രീ, പത്മഭൂഷണ്‍ പുരസ്‌കാരങ്ങള്‍ നല്‍കിയാണ്

റിയാദ്: യാത്ര മുടങ്ങിയ എയര്‍ ഇന്ത്യാ വിമാനം ചൊവ്വാഴ്ച പുലര്‍ച്ചെ കൊച്ചിയിലേക്ക് പുറപ്പെട്ടു. തിങ്കളാഴ്ച പുലര്‍ച്ചെ 3.45ന് പുറപ്പെടേണ്ട വിമാനമാണ് യന്ത്രത്തകരാറിനെ തുടര്‍ന്ന് മുടങ്ങിയത്. റിയാദ് – കൊച്ചി സെക്ടറില്‍ സര്‍വീസ് നടത്തുന്ന എഐ 924 വിമാനമാണ് അപ്രതീക്ഷിതമായി റദ്ദാക്കിയത്. ഞായറാഴ്ച രാത്രി വിമാനത്താവളത്തിലെത്തിയവര്‍ക്ക് ബോര്‍ഡിംഗ് പാസ് വിതരണം ചെയ്തിരുന്നു. യാത്രക്കാരെ വിമാനത്തില്‍ കയറ്റിയെങ്കിലും ഷെഡ്യൂള്‍ ചെയ്ത സമയത്ത് വിമാനത്തിന് പുറപ്പെടാനായില്ല. മണിക്കൂറുകള്‍ വിമാനത്തിലിരുന്ന യാത്രക്കാര്‍ ബഹളം വെച്ചതോടെ തിങ്കളാഴ്ച രാവിലെ 7.30ന് പുറപ്പെടുമെന്ന് അറിയിച്ചു. എന്നാല്‍

റിയാദ്: അന്താരാഷ്ട്ര യോഗ ദിനത്തോടനുബന്ധിച്ച് പോസ്റ്റര്‍ രചന, ഫോട്ടോഗ്രാഫിക് മത്സരം സംഘടിപ്പിക്കുന്നു. റിയാദ് ഇന്ത്യന്‍ എംബസി യോഗാചരണത്തിന്റെ ഭാഗമായാണ് മത്സരം. ജൂണ്‍ 11ന് യോഗ ദിനമായി ആചരിക്കാന്‍ ഐക്യരാഷ്ട്ര സഭ 2014 ഡിസംബര്‍ 11ന് പ്രഖ്യാപിച്ചിരുന്നു. യോഗയുടെ വിവിധ ഭാവങ്ങള്‍ പ്രമേയമാക്കിയാണ് പോസ്റ്റര്‍ രൂപകല്‍പ്പന ചെയ്യേണ്ടത്. ഫോട്ടോഗ്രാഫിക് മത്സരത്തില്‍ പങ്കെടുക്കുന്നവര്‍ക്ക് പരമാവധി അഞ്ച് ചിത്രങ്ങള്‍ അയക്കാം. യോഗയില്‍ ശരീരം പ്രത്യേക രീതിയില്‍ വിന്യസിക്കുന്ന ചിത്രങ്ങള്‍ സൗദിയുടെ പ്രശസ്ത കെട്ടിട സമുച്ചയങ്ങളോ, പ്രകൃതി ദൃശ്യം പശ്ചാത്തലമാക്കിയോ പകര്‍ത്തിയതാവണം. എന്‍ട്രികള്‍

റിയാദ്: കുടുംബ ബന്ധങ്ങളുടെ ഊഷ്മളതയില്‍ റിയാദില്‍ പ്രവാസികളായ വേങ്ങാട്ട് തറവാട്ടുകാര്‍ ഒത്തുകൂടി. ഈദ് ആഘോഷങ്ങളുടെ ഭാഗമായി ‘സ്‌നേഹപ്പെരുന്നാള്‍’ എന്ന പേരിലായിരുന്നു സംഗമം. കുടുംബ ബന്ധങ്ങള്‍ വിരല്‍ തുമ്പിലൊതുങ്ങിയ ആധുനിക ലോകത്ത് ഇത്തരം സംഗമങ്ങള്‍ മഹത്വവല്‍ക്കരിക്കപ്പെടുമെന്ന് സംഗമം ഉദ്ഘാടനം ചെയ്ത വേങ്ങാട്ട് കുടുംബ സമിതി കേന്ദ്ര കമ്മിറ്റി ജനറല്‍ സെക്രട്ടറി വീരാന്‍ വേങ്ങാട്ട് പറഞ്ഞു. അന്യം നിന്ന് പോകുന്ന കുടുംബ ബന്ധങ്ങളുടെ പ്രാധാന്യം പുതുതലമുറയെ ബോധ്യപ്പെടുത്തണം. അതിനായി അവരെ സജ്ജമാക്കണം. ഇത്തരം സംഗമങ്ങള്‍ ഇതിന് വഴിതെളിക്കുമെന്നും അദ്ദേഹം അഭിപ്രായപ്പെട്ടു.

റിയാദ്: സൗദി അറേബ്യയില്‍ നിരക്ഷരതാ നിര്‍മാര്‍ജ്ജന പദ്ധതി നടപ്പിലാക്കുന്നു. ഗ്രാമങ്ങളില്‍ അധിവസിക്കുന്ന അക്ഷരാഭ്യാസമില്ലാത്തവരെ കണ്ടെത്തിയാണ് പദ്ധതി നടപ്പിലാക്കുന്നത്. ഇതിന്റെ ഭാഗമായി സമ്മര്‍ കാമ്പയ്ന്‍ നടത്തുമെന്ന് വിദ്യാഭ്യാസ മന്ത്രാലയം അറിയിച്ചു. നാടോടികളും ഗോത്ര വിഭാഗങ്ങളും അധിവസിക്കുന്ന ഗ്രാമങ്ങള്‍ കേന്ദ്രീകരിച്ചാണ് സാക്ഷരതാ പദ്ധതി നടപ്പിലാക്കുന്നത്. ആദ്യ ഘട്ടമെന്ന നിലയില്‍ മക്കയിലെ അല്‍ ഖദ്ര, തബൂക്കിലെ അല്‍ വജ്ഹ, സബഅയിലെ അല്‍ ഇദാബി, ബിഷയിലെ തര്‍ജി എന്നിവിടങ്ങള്‍ കേന്ദ്രീകരിച്ചാണ് കാമ്പയില്‍. രണ്ടുമാസം നീണ്ടു നില്‍ക്കുന്ന പദ്ധതി ആഗസ്ത് 5ന് ആരംഭിക്കും. കിരീടാവകാശിയും

റിയാദ്: രാജ്യത്ത് നടപ്പിലാക്കുന്ന വന്‍കിട പദ്ധതികളില്‍ സ്വദേശി എഞ്ചിനീയര്‍മാര്‍ക്ക് തൊഴില്‍ കണ്ടെത്തുമെന്ന് സൗദി കൗണ്‍സില്‍ ഓഫ് എഞ്ചിനീയേഴ്‌സ്. ഇതിനായി വിവിധ കമ്പനികളുമായി കരാര്‍ ഒപ്പുവെച്ചു. ബിരുദവും സൗദി കൗണ്‍സില്‍ ഓഫ് എഞ്ചിനീയേഴ്‌സില്‍ രജിസ്‌ട്രേഷനുമുളള അയ്യായിരം സ്വദേശി എഞ്ചിനീയര്‍മാര്‍ തൊഴില്‍ രഹിതരായി കഴിയുന്നുണ്ട്. ഇവര്‍ക്ക് സ്വകാര്യ മേഖലയില്‍ മികച്ച തൊഴിലവസരം കണ്ടെത്തുന്നതിനാണ് പദ്ധതി. തൊഴില്‍ മന്ത്രാലയവുമായി സഹകരിച്ചാണ് പദ്ധതി നടപ്പിലാക്കുന്നതെന്ന് കൗണ്‍സില്‍ ഓഫ് എഞ്ചിനീയേഴ്‌സ് വ്യക്തമാക്കി. വന്‍കിട കമ്പനികള്‍ എഞ്ചിനീയര്‍ തസ്തികകളില്‍ നിശ്ചിത ശതമാനം സ്വദേശികളെ നിയമിക്കണം. ഇങ്ങനെ