റിയാദ്: സാമൂഹിക മാധ്യമത്തിലൂടെ പ്രവാചകനിന്ദ നടത്തിയ യുവതിക്കെതിരെ നിയമ നടപടി ആരംഭിച്ചു. എക്സ് പ്ലാറ്റ്ഫോമിലൂടെയാണ് യുവതി പ്രവാചകനിന്ദ നടത്തിയത്.
സംഭവത്തില് ചോദ്യം ചെയ്യുന്നതിന് യുവതിയെ മീഡിയ റെഗുലേറ്ററി അതോറിറ്റി വിളിപ്പിച്ചു. അന്വേഷണം പൂര്ത്തിയാക്കി യുവതിക്കെതിരായ കേസ് പബ്ലിക് പ്രോസിക്യൂഷന് കൈമാറും. പ്രവാചകനെയും പ്രവാചക പത്നി ഖദീജയെയും അപകീര്ത്തിപ്പെടുത്തുന്ന സന്ദേശങ്ങളും വീഡിയോയുമാണ് യുവതി പ്രചരിപ്പിച്ചത്. യുവതിക്കെതിരാശയ തെളിവുകള് ശേഖരിച്ചിട്ടുണ്ട്. മീഡിയാ റെഗുലേറ്ററി അതോറിറ്റി ശേഖരിച്ച മൊഴി ഉള്പ്പെടെ പബ്ലിക് പ്രോസിക്യൂഷന് കൈമാറും. വിചാരണക്കു ശേഷം കോടതി കുറ്റക്കാരിയായി പ്രഖ്യാപിച്ചാല് അഞ്ചു വര്ഷം തടവും 30 ലക്ഷം റിയാല് പിഴയും പരമാവധി ശിക്ഷ ലഭിക്കാവുന്ന കുറ്റമാണെന്നും അധികൃതര് പറഞ്ഞു.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
