റിയാദ്: ആഗോള സാമ്പത്തിക വിപണിയിലെ ചലനങ്ങള്ക്കൊടുവില് സൗദി റിയാലിനെതിരെ ഇന്ത്യന് രൂപയുടെ മൂല്യത്തില് വീണ്ടും ഇടിവ്. നിലവിലെ വിപണി സൂചിക പ്രകാരം ഒരു സൗദി റിയാലിന് 25.70 രൂപ എന്ന നിരക്കിലാണ് വിനിമയം. അതായത് 1000 റിയാലിന് 25,700 രൂപ ലഭ്യമാകും. പ്രവാസി മലയാളി കുടുംബങ്ങള്ക്ക് നാട്ടിലേക്ക് പണമയക്കാന് ഏറ്റവും അനുയോജ്യമായ സമയമാണിത്.
സൗദി റിയാല് യു.എസ്. ഡോളറുമായി സ്ഥിരമായി ബന്ധിപ്പിച്ചിരിക്കുന്നതിനാല്, അന്താരാഷ്ട്ര വിപണിയില് ഡോളര് ശക്തിപ്പെടുമ്പോള് റിയാലിന്റെ മൂല്യവും സ്വാഭാവികമായി ഉയരുകയാണ്. ഇതിനുപുറമേ അന്താരാഷ്ട്ര വിപണിയിലെ അസംസ്കൃത എണ്ണവിലയിലുണ്ടാകുന്ന വ്യതിയാനങ്ങളും വിദേശ നിക്ഷേപകര് ഇന്ത്യന് വിപണിയില് നിന്ന് നിക്ഷേപം പിന്വലിക്കുന്നതും രൂപയ്ക്ക് മേല് താല്ക്കാലിക സമ്മര്ദ്ദം ഉണ്ടാക്കുന്നുണ്ട്. പ്രവാസികള് നാട്ടിലേക്ക് പണമയക്കുമ്പോള് ബാങ്കുകളോ എക്സ്ചേഞ്ച് സ്ഥാപനങ്ങളോ നല്കുന്ന ലൈവ് നിരക്കും അനുബന്ധ സര്വീസ് ചാര്ജുകളും ഒത്തുനോക്കി ഏറ്റവും മികച്ച നിരക്കു നല്കുന്ന സ്ഥാപനങ്ങളെ തിരഞ്ഞെടുക്കുക. കൂടാതെ എക്സ്ചേഞ്ചുകളുടെ ഔദ്യോഗിക ഡിജിറ്റല് ആപ്പുകള് വഴി പണമയക്കുന്നത് കൂടുതല് മെച്ചപ്പെട്ട നിരക്കും ആനുകൂല്യങ്ങളും ലഭിക്കാന് സഹായിക്കും.
വാര്ത്തകള് വാട്സ്ആപ്പില് ലഭിക്കാന് ലിങ്കില് ക്ലിക്ക് ചെയ്യൂ…
വാര്ത്തകള് editor@sauditimesonline.com എന്ന വിലാസത്തില് ഇമെയില് ചെയ്യുക. വാര്ത്തകള് അയക്കുന്നവര് പേരും മൊബൈല് നമ്പരും എഴുതാന് മറക്കരുത്.
