റിയാദ്: ‘കരുതലോടെ വിത്തിറക്കാം, കരുത്തുള്ള വിളവെടുക്കാം’ പ്രമേയത്തില്‍ റിയാദ് കോഴിക്കോട് ജില്ലാ മുസ്ലീം ഫെഡറേഷന്‍ ത്രൈമാസ കാംപയിന് തുടക്കം. ദി ഇന്‍ഫ്‌ലുവന്‍സ് എന്ന ശീര്‍ഷകത്തില്‍ 2021 ഫെബ്രുവരി 19 മുതല്‍ മെയ് 19 വരെ നീണ്ട് നില്‍ക്കുന്ന കാംപയിന്റെ ഉദ്ഘാടനം മുസ്ലീം യൂത്ത് ലീഗ് സംസ്ഥാന പ്രസിഡണ്ട് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഓണ്‍ലൈന്‍ വഴി നിര്‍വ്വഹിച്ചു. പ്രസിഡണ്ട് സൈനുല്‍ ആബിദ് മച്ചക്കുളം അദ്ധ്യക്ഷത വഹിച്ചു.
സമീര്‍ പുത്തൂര്‍ കാംപയിന് വിശദീകരിച്ചു. അഹ്‌ലന്‍ ലി റമളാന്‍, ക്വിസ് പ്രോഗ്രാം, മജ് ലിസു തര്‍ഖിയ്യ, റിഹ്‌ല (ഉംറ & മദീന) കുടുംബ വിളക്ക്, ആരോഗ്യ ചിന്തകള്‍, എഡ്യൂക്കേഷന്‍ ആന്റ് കരിയര്‍ മെന്ററിംഗ്, സകാത് വിശകലനം ഖുര്‍ആന്‍ ചലഞ്ച്, സ്റ്റാറ്റസ് വീഡിയോ, സൗഹൃദ പെരുന്നാള്‍, സമാപന സംഗമം എന്നീ വിത്യസ്ത പരിപാടികള്‍ കാംപയിന്റെ ഭാഗമായി നടക്കും.
കെ ഡി എം എഫ് മുഖ്യ രക്ഷാധികാരി മുസ്തഫ ബാഖവി പെരുമുഖം പ്രമേയ പ്രഭാഷണം നടത്തി. അഷ്‌റഫ് വേങ്ങാട്ട്, അബ്ദുല്‍ ഗഫര്‍ കൊടുവള്ളി, അക്ബര്‍ വേങ്ങാട്ട്, ഷംസുദ്ദീന്‍ കൊറോത്ത്, ശഹീല്‍ കല്ലോട് അഷ്‌റഫ് അച്ചൂര്‍, ജുനൈദ് മാവൂര്‍, എഞ്ചിനീയര്‍ സുഹൈല്‍ കൊടുവള്ളി, അബ്ദുല്‍ ഗഫൂര്‍ എസ്‌റ്റേമുക്ക്, മുഹമ്മദ് കായണ്ണ എന്നിവര്‍ ആശംസകള്‍ അര്‍പ്പിച്ചു. സ്വാലിഹ് മാസ്റ്റര്‍ ഗാനമാലപിച്ചു.
ഷറഫുദ്ദീന്‍ ഹസനി മുഹമ്മദ് അമീന്‍ കൊടുവള്ളി ശമീജ് കൂടത്താള്‍ എന്നിവര്‍ നേതൃത്വം നല്‍കി.
ജാസിര്‍ ഹസനിയുടെ പ്രാര്‍ത്ഥനയോടെ തുടങ്ങിയ പരിപാടിക്ക് ജനറല്‍ സെക്രട്ടറി ഫള്‌ലുറഹ്മാന്‍ പതിമംഗലം സ്വാഗതവും വര്‍ക്കിങ് സെക്രട്ടറി അബ്ദുല്‍ കരീം അയ്യില്‍ നന്ദിയും പറഞ്ഞു.
വാര്‍ത്തകള്‍ editor@sauditimesonline.com എന്ന വിലാസത്തില്‍ ഇമെയില്‍ ചെയ്യുക. വാര്‍ത്തകള്‍ അയക്കുന്നവര്‍ പേരും മൊബൈല്‍ നമ്പരും എഴുതാന്‍ മറക്കരുത്‌.
