പ്രവാസി കരുത്തിനെ വാനോളം പുകഴ്ത്തി അംബാസഡര്‍; ആദരം അര്‍പ്പിച്ച് ഫോര്‍ക്ക
റിയാദ്: സൗദി അറേബ്യയിലെ കാലാവധി പൂര്‍ത്തിയാക്കി ഡല്‍ഹിയിലെ വിദേശകാര്യ മന്ത്രാലയത്തിലേക്ക് മടങ്ങുന്ന ഇന്ത്യന്‍ അംബാസഡര്‍ ഡോ. സുഹൈല്‍ അജാസ് ഖാന് ‘ഫോര്‍ക്ക റിയാദ്’ ആദരിച്ചു. വിവിധ ഇന്ത്യന്‍ പ്രവാസി സംഘടനകള്‍ സംയുക്തമായി സംഘടിപ്പിച്ച യാത്രയയപ്പ് ചടങ്ങിലാണ് ഫോര്‍ക്ക ഭാരവാഹികള്‍ അംബാസഡറെ ആദരിച്ചത്. ചെയര്‍മാന്‍ റഹ്മാന്‍ മുനമ്പത്ത് അംബാസഡര്‍ക്ക് പൂച്ചെണ്ട് സമ്മാനിച്ചു. വൈസ് ചെയര്‍മാന്‍മാരായ ജയന്‍ കൊടുങ്ങല്ലൂര്‍, സൈഫ് കൂട്ടങ്ങള്‍, കരീം കാനാംപുറം, ചാരിറ്റി കണ്‍വീനര്‍ ഗഫൂര്‍ കൊയിലാണ്ടി, രക്ഷാധികാരികളായ ശിഹാബ് കൊട്ടുക്കാട്, സൈഫ് കായംകുളം എന്നിവര്‍ സംബന്ധിച്ചു.
