ദമാം: ലക്ഷകണക്കിന് വിദേശികള്‍ക്ക് ജീവസന്ധാരണത്തിന് ആതിഥ്യമൊരുക്കുന്ന സൗദി ദേശീയ ദിനത്തിന് അഭിവാദ്യമര്‍പ്പിച്ച് ദമാമിലെ പ്രവാസി കാല്‍പന്ത് പ്രേമികള്‍. ദമാം ഫൈസലിയയില്‍ അരങ്ങേറുന്ന മാഡ്രിഡ് എഫ് സി ഫുട്‌ബോള്‍ മേളയുടെ വേദിയില്‍ ദമാം ഇന്ത്യന്‍ ഫുട്‌ബോള്‍ അസോസിയേഷന്‍ (ഡിഫ) ആണ് പരിപാടി സംഘടിപ്പിച്ചത്. പ്രസിഡന്റ് മുജീബ് കളത്തില്‍ കേക്ക് മുറിച്ചു പരിപാടി ഉല്‍ഘാടനം ചെയ്തു.
സൗദി ഭരണാധികാരി സല്‍മാന്‍ രാജാവിന്റെയും കിരീടവാകാശി പ്രിന്‍സ് മുഹമദ് ബിന്‍ സല്‍മാന്റേയും നേതൃത്വത്തില്‍ വന്‍ മുന്നേറ്റമാണ് രാജ്യം കൈവരിക്കുന്നത്. ചരിത്രത്തില്‍ തുല്ല്യതയില്ലാത്ത നേട്ടങ്ങളുടെ നെറുകയില്‍ അത്യന്താധുനികതിയിലേക്ക് അതിവേഗം എത്തിക്കൊണ്ടിരിക്കുന്ന സൗദിയുടെ പുരോഗതിയില്‍ ഇന്ത്യന്‍ സമൂഹവും അഭിമാനം കൊള്ളൂന്നുവെന്ന് ഡിഫ ഭാരവാഹികള്‍ പറഞ്ഞു. രാജ്യം വിഷന്‍ 2030 എന്ന ലക്ഷ്യത്തിലേക്ക് മുന്നേറുന്ന അഭിമാനകരമായ നിമിഷത്തില്‍ ഏറെ സന്തോഷത്തോടെയാണ് സ്വദേശികള്‍ക്കൊപ്പം രാജ്യത്തെ വിദേശികളും ദേശീയ ദിനാഘോഷത്തില്‍ പങ്കാളിയാവുന്നതെന്നും ഭാരവാഹികള്‍ പറഞ്ഞു.
വില്‍ഫ്രഡ് ആന്ഡ്രൂസ്, ലിയാക്കത്ത് കരങ്ങാടന്‍, മന്‌സൂര്‍ മങ്കട, മുജീബ് പാറമ്മല്‍, നാസര്‍ വെള്ളിയത്ത്, റിയാസ് പറളി, സഹീര്‍ മജ്ദാല്‍, ഖലീല്‍ പൊനാനി, ജാബിര്‍ ഷൗക്കത്ത് എന്നിവരും ടെക്‌നിക്കല്‍ കമ്മറ്റി ആന്റ് വെല്‍ഫെയര്‍ കമ്മറ്റി അംഗങ്ങളായ സകീര്‍ വള്ളക്കടവ്, റിയാസ് പട്ടാമ്പി, ശരീഫ് മാണൂര്‍, അസ്സു കോഴിക്കോട്, ശുക്കൂര്‍ അല്ലിക്കല്‍, ജൗഹര്‍ കുനിയില്‍, ആശി നെല്ലിക്കുന്ന് എന്നിവരും പരിപാടിയില്‍ സംബന്ധിച്ചു. ഫത്തീന്‍ മങ്കട, സഫീര്‍ മണലൊടി, സമീര്‍ സാം, ശുകൂര്‍, എന്നിവര്‍ പരിപാടിക്ക് നേത്യത്വം നല്‍കി.
വാര്‍ത്തകള്‍ editor@sauditimesonline.com എന്ന വിലാസത്തില്‍ ഇമെയില്‍ ചെയ്യുക. വാര്‍ത്തകള്‍ അയക്കുന്നവര്‍ പേരും മൊബൈല്‍ നമ്പരും എഴുതാന്‍ മറക്കരുത്‌.
