റിയാദ്: പുണ്യമാസത്തെ വരവേല്‍ക്കാന്‍ പ്രമുഖ റീട്ടെയില്‍ വിതരണ ശൃംഖല സിറ്റി ഫ്‌ളവര്‍ ‘റമദാന്‍ സൂഖ്’ പ്രവര്‍ത്തനം ആരംഭിച്ചു. റമദാനിലെ പ്രധാന സാംസ്‌കാരിക ഇടങ്ങളാണ് റമദാന്‍ സൂഖുകള്‍. അറബ് നാഗരികത വളര്‍ന്നതും വികസിച്ചതും അറബ് പൈതൃക മാര്‍ക്കറ്റുകളിലാണ്. ഒത്തുചേരലിന്റെ ഉത്സവമേളമാണ് സൂഖുകള്‍. പൗരാണിക അറേബ്യന്‍ മാതൃകയില്‍ സിറ്റി ഫ്‌ളവറില്‍ സൂഖ് പുനരാവിഷ്‌കരിക്കുകയാണെന്ന് മാനേജ്‌മെന്റ് പറഞ്ഞു
ഫെബ്രുവരി 19ന് ആരംഭിച്ച റമദാന്‍ സൂഖ് മാര്‍ച്ച് 17വരെ നീണ്ടു നില്‍ക്കും ‘സൂഖ്-25’ എന്ന പേരില്‍ വിപുലമായ വിപണനോത്സവമാണ് ഒരുക്കിയിട്ടൂളളത്. അറബ് നാഗരികതയുടെ പെരുമ വിളംബരം ചെയ്യുന്ന റമദാന്‍, ഈദ് എന്നിവയെ വരവേല്‍ക്കാന്‍ ഏറ്റവും കുറഞ്ഞ വിലയാണ് സിറ്റി ഫ്‌ളവര്‍ സൂഖിന്റെ പ്രധാന ആകര്‍ഷണം. സൂഖില്‍ വിപുലമായ ശ്രേണിയിലുളള ഉല്‍പന്നങ്ങളാണ് ഒരുക്കിയിട്ടൂളളത്. പ്രത്യേകിച്ച് റമദാനില്‍ ഒഴിച്ചു കൂടാനാവാത്ത ഉല്‍പന്നങ്ങള്‍ ഉപഭോക്താക്കള്‍ക്ക് വേഗം തെരഞ്ഞെടുക്കാന്‍ അവസരം ലഭിക്കും. ഇതിനായി റിയാദ് ബത്ഹ, സകാക്ക, ഹാഇല്‍, ജുബൈല്‍ ഹൈപ്പര്‍മാര്‍ക്കറ്റുകളിലും മറ്റു ഔട്ട് ലെറ്റുകളിലും പ്രത്യേക റമദാന്‍ തമ്പുകള്‍ സജ്ജീകരിച്ചിട്ടുണ്ട്.
250ല്‍ പരം സാധനങ്ങള്‍ സിറ്റി ഫ്‌ളവറിന്റെ എല്ലാ ശാഖയിലും പ്രത്യേകം ഒരുക്കിയ റമദാന്‍ തമ്പുകളില്‍ ഒരുക്കിയിട്ടുണ്ട്. ഈത്തപ്പഴം, തേന്‍, ഓട്ട്‌സ്, ഫ്രൂട്ട്‌സ് തുടങ്ങി റമദാന്‍ വിഭവങ്ങള്‍ തയാറാക്കാനുള്ള എല്ലാ ആവശ്യ വസ്തുക്കളും ഇവിടെ ലഭ്യമാണ്. മാത്രമല്ല പുതുമ മാറാത്ത പഴങ്ങള്‍, പച്ചക്കറികള്‍, നാട്ടില്‍ ലഭിക്കുന്ന എല്ലാ പലചരക്ക് സാധനങ്ങളും ഒറ്റ ശ്രേണിയില്‍ ലഭിക്കും.
‘റമദാന്‍ സൂഖിന്’ പുറമേ, പലചരക്ക് സാധനങ്ങള്‍, ശീതീകരിച്ച ഭക്ഷണങ്ങള്‍, ഫ്രഷ് ഫുഡ്, ഹോട്ട് ഫുഡ് ആന്‍ഡ് ബേക്കറി, ക്ലീനിംഗ് ആന്‍ഡ് ആക്‌സസറികള്‍, വീട്ടുപകരണങ്ങള്‍, അലങ്കാരങ്ങള്‍, വസ്ത്രങ്ങള്‍ എന്നിവയുള്‍പ്പെടെ നിരവധി ഉല്‍പ്പന്നങ്ങള്‍ക്ക് സിറ്റി ഫ്‌ളവറില്‍ പ്രത്യേക ഓഫറുകളും കിഴിവുകളും ഉണ്ടാകും.
റിയാദ് ബത്ഹ ഹൈപ്പര്‍മാര്‍ക്കറ്റില്‍ ബുധനാഴ്ച റമദാന്‍ സൂഖിന്റെ ഉദ്ഘാടനം നടന്നു. ജൂനിയര്‍ എ ആര്‍ റഹ്മാന്‍ എന്ന പേരില്‍ അറിയപെടുന്ന ഗായകനും സംഗീത സംവിധായകനുമായ നിഖില്‍ പ്രഭ, കേക്ക് മുറിച്ച് ഉദ്ഘാടനം നിര്‍വ്വഹിച്ചു, ഗായിക പ്രിയ ബൈജു, സിറ്റി ഫഌവര്‍ മാര്‍ക്കറ്റിങ് മാനേജര്‍ നിബിന്‍ ലാല്‍, ഡെപ്യൂട്ടി മാര്‍ക്കറ്റിങ് മാനേജര്‍ എ.കെ. നൗഷാദ്, സ്‌റ്റോര്‍ മാനേജര്‍മാരായ അനസ് കൊടുവള്ളി, ഷാഫി കണ്ണൂര്‍ ഇബ്രാഹിം മുക്കാനി, സാമുഹ്യപ്രവര്‍ത്തകരായ റാഷിദ് ദയ, റാഫി കൊയിലാണ്ടി എന്നിവര്‍ പങ്കെടുത്തു. സിറ്റി ഫ്‌ളവര്‍ ജുബൈല്‍, ഹാഇല്‍, സക്കാക്ക തുടങ്ങിയ ഔട്ട്‌ലെറ്റുകളിലും റമദാന്‍ സൂഖ് ഉദ്ഘാടനം ചെയ്തു.
വാര്‍ത്തകള്‍ editor@sauditimesonline.com എന്ന വിലാസത്തില്‍ ഇമെയില്‍ ചെയ്യുക. വാര്‍ത്തകള്‍ അയക്കുന്നവര്‍ പേരും മൊബൈല്‍ നമ്പരും എഴുതാന്‍ മറക്കരുത്‌.
