റിയാദ്: പെരുമ്പാവൂര്‍ പ്രവാസി അസോസിയേഷന്‍ ഇഫ്താര്‍ സംഗമം സംഘടിപ്പിച്ചു. മലാസ് അല്‍മാസ് റെസ്‌റ്റോറന്റ് ഹാളില്‍ വച്ച് നടത്തിയ സംഗമത്തില്‍ അംഗങ്ങളും സാമൂഹിക ജീവകാരുണ്യ രംഗത്തെ പ്രമുഖരും പങ്കെടുത്തു. സംസ്‌കാരിക സമ്മേളനത്തില്‍ പ്രസിഡന്റ് മുഹമ്മദാലി മരോട്ടിക്കല്‍ അധ്യക്ഷത വഹിച്ചു. ഫോര്‍ക്ക കണ്‍വീനര്‍ ഉമ്മര്‍ മുക്കം ഉദ്ഘാടന ചെയ്തു. ഒപി മുഹയിദ്ദീന്‍ മൗലവി റമദാന്‍ സന്ദേശം നല്‍കി. അഡ്വ. അജിത് ഖാന്‍ ആമുഖ പ്രഭാഷണം നിര്‍വ്വഹിച്ചു.
റമദാന്‍ ജീവ കാരുണ്യ പ്രവര്‍ത്തനത്തിന്റെ ഭാഗമായി പെരുമ്പാവൂരിലെ നൂറിലധികം നിര്‍ധന കിടപ്പ് രോഗികള്‍ക്ക് ചികിത്സാ സഹായം നല്കുമെന്ന് ഹ്യുമാനിറ്റി കണ്‍വീനര്‍ ഉസ്മാന്‍ പരീത് അറിയിച്ചു. ഇതിന്റെ ഫണ്ട് കൈമാറ്റം പ്രസിഡന്റ് മുഹമ്മദാലി മരോട്ടിക്കല്‍ പ്രോഗ്രാം കണ്‍വീനര്‍ അലി വാരിയത്തിന് കൈമാറി.
വിവിധ സംഘടകളെ പ്രധിനിധീകരിച്ച് ഷുക്കൂര്‍ ആലുവ (ഒഐസിസി), ഡെന്നി ജോസ് എമ്മാട്ടി (റിയ), അംജദ് അലി (എടപ്പാ), കെബി ഷാജി (കൊച്ചിന്‍ കൂട്ടായ്മ), ജലീല്‍ കൊച്ചിന്‍ (റിയാദ് ടാക്കീസ്), വിശ്വനാഥന്‍ (ഹരിതം ഫുഡ്‌സ്) രക്ഷാധികാരി കരീം കാനാമ്പുറം, മുന്‍ പ്രസിഡന്റുമാരായ സലാം മാറമ്പള്ളി, സലാം പെരുമ്പാവൂര്‍ എന്നിവര്‍ ആശംസകള്‍ നേര്‍ന്നു.
സിയാവുദ്ദീന്‍, സാജു ദേവസ്സി, ഷാജഹാന്‍, ജോര്‍ജ് ജേക്കബ്, നൗഷാദ് പള്ളേത്ത്, ജബ്ബാര്‍ കോട്ടപ്പുറം, ഹിലാല്‍ ബാബു, ഷെമീര്‍ പോഞ്ഞാശ്ശേരി, അമീര്‍ കൊപ്പറമ്പില്‍, ഷാനവാസ്, പ്രവീണ്‍ ജോര്‍ജ്, തന്‍സില്‍ ജബ്ബാര്‍, കരീം കാട്ടുകുടി, മുഹമ്മദ് സഹല്‍, സുഭാഷ് അമ്പാട്ട്, മിഥുലാജ്, അലി സൈനുദ്ദീന്‍, മജീദ് പാറയ്ക്കല്‍, സാലി, ഹാരിസ് മേതല തുടങ്ങിയവര്‍ നേതൃത്വം നല്‍കി. സെക്രട്ടറി മുജീബ് മൂലയില്‍ സ്വാഗതവും ട്രഷറര്‍ അന്‍വര്‍ മുഹമ്മദ് നന്ദിയും പറഞ്ഞു.
വാര്‍ത്തകള്‍ editor@sauditimesonline.com എന്ന വിലാസത്തില്‍ ഇമെയില്‍ ചെയ്യുക. വാര്‍ത്തകള്‍ അയക്കുന്നവര്‍ പേരും മൊബൈല്‍ നമ്പരും എഴുതാന്‍ മറക്കരുത്‌.
