gulf

റിയാദ്: തൃശൂര്‍ ജില്ലയിലെ കൊടുങ്ങല്ലൂര്‍ നിവാസികളുടെ കൂട്ടായ്മ ‘കിയ റിയാദ്’ ഓണം ആഘോഷിച്ചു. നന്മ നിറഞ്ഞ പ്രവര്‍ത്തനങ്ങള്‍ നൂറ്റാണ്ടുകള്‍ കഴിഞ്ഞാലും ഓര്‍മ്മപ്പെടുത്തികൊണ്ടിരിക്കും. അതിന്റെ ഏറ്റവും വലിയ തെളിവാണ് ഓണാഘോഷവും മഹാബലിയുടെ ചരിത്രവുമെന്ന് സാംസ്‌കാരിക പരിപാടി ഉദ്ഘാടനം ചെയ്ത സാഹിത്യകാരന്‍ ജോസഫ് അതിരുങ്കല്‍ പറഞ്ഞു. പ്രസിഡന്റ്് ജയന്‍ കൊടുങ്ങല്ലൂര്‍ അധ്യക്ഷത വഹിച്ചു. സലീം കളക്കര,(ഒ ഐ സി സി) ഗഫൂര്‍ കൊയിലാണ്ടി (ഫോര്‍ക), മാധ്യമ പ്രവര്‍ത്തകരായ നജീം കൊച്ചുകലങ്ക്, നൗഫല്‍ പാലക്കാടന്‍, ഇസ്മയില്‍ പയ്യോളി, സുരേഷ് ശങ്കര്‍ (സൗഹൃദ

റിയാദ്: പ്രവാസി സാഹിത്യോത്സവ് പതിനാലാം എഡിഷന്റെ ഭാഗമായി കലാലയം സാംസ്‌കാരിക വേദി ഗ്ലോബല്‍ പുരസ്‌കാരങ്ങള്‍ക്ക് സൃഷ്ടികള്‍ ക്ഷണിച്ചു. ഇന്ത്യക്ക് പുറത്തുള്ള പ്രവാസി മലയാളികള്‍ക്ക് മലയാളം കഥ, കവിത വിഭാഗങ്ങളിലാണ് പുരസ്‌കാരം. ഒക്ടോബര്‍ പതിനഞ്ചിനു മുമ്പ് ലഭിക്കുന്ന സൃഷ്ടികളില്‍ നിന്ന് തിരഞ്ഞെടുക്കുന്ന മികച്ച രചനകളാണ് പുരസ്‌കാരത്തിന് പരിഗണിക്കുക. നേരത്തെ പ്രസിദ്ധീകരിച്ചിട്ടില്ലാത്ത മൗലിക രചനകളാണ് പുരസ്‌കാരത്തിന് സമര്‍പ്പിക്കേണ്ടത്. കവിത 40 വരിയിലും കഥ 500 വാക്കിലും കവിയരുത്. സൃഷ്ടികള്‍ kalalayamgulf@gmail.com ഇ-മെയിലിലേക്ക് പിഡിഎഫ് ഫോര്‍മാറ്റില്‍ അയക്കുക. മെയില്‍ ബോഡിയില്‍ പേര്,

റിയാദ്: തൃശൂര്‍ ജില്ലാ സൗഹൃദവേദി അംഗത്വ ക്യാമ്പയിന്‍ ആരംഭിച്ചു. തൃശൂര്‍ മുള്ളൂര്‍ക്കര സ്വദേശി അബ്ദുള്‍ റസാക്കിനും ചാവകാട് സ്വദേശി സുബൈറിനും അംഗത്വം നല്‍കി ക്യാമ്പയിന്‍ ഉത്ഘാടനം പ്രസിഡന്റ് കൃഷ്ണകുമാര്‍ നിര്‍വ്വഹിച്ചു. 14 വര്‍ഷമായി സൗദിയിലും ഖത്തറിലും പ്രവര്‍ത്തിക്കുന്ന തൃശൂര്‍ ജില്ലാ സൗഹൃദവേദി ജീവകാരുണ്യ കല സാംസ്‌കാരിക രംഗങ്ങളില്‍ നിറസാന്നിധ്യമാണ്. റിയാദിലും ജിദ്ദയിലും ദമ്മാമിലും അല്‍ ഖര്‍ജ്ജിലുമായി 800 അംഗങ്ങളുണ്ട്. പത്മശ്രീ സി. കെ മേനോന്‍ ആയിരുന്നു സ്ഥാപകന്‍. അദ്ദേഹത്തിന്റെ മകന്‍ ജെ കെ മേനോന്‍ നിലവിലെ മുഖ്യരക്ഷാധികാരിയാണ്.

റിയാദ്: സാമൂഹിക പ്രവര്‍ത്തകനും റിയാദിലെ ആദ്യകാല പ്രവാസിയുമായ അബ്ദുറഹ്മാന്‍ പെരുമണ്ണ (71)നിര്യാതനായി. ബത്ഹയില്‍ പ്രഥമ ജനറല്‍ സര്‍വ്വീസ് ആരംഭിക്കുകയും സാമൂഹ്യ സാംസ്‌ക്കാരിക ജീവകാരുണ്യ പ്രവര്‍ത്തനങ്ങള്‍ക്ക് നേതൃത്വം നല്‍കിയും പ്രവാസികള്‍ക്ക് അത്താണിയായിരുന്നു അബ്ദുറഹ്മാന്‍ മാസ്റ്റര്‍ എന്നറിയപ്പെട്ടിരുന്ന കോഴിക്കോട് പെരുമണ്ണ മഞ്ചപ്പാറക്കല്‍ അബ്ദുറഹ്മാന്‍. ഇന്നു രാവിലെ 5ന് കോഴിക്കോട് മിംസ് ആശുപത്രിയില്‍ വാര്‍ദ്ധക്യ സഹജമായ അസുഖത്തെ തുടര്‍ന്നായിരുന്നു മരണം. അടുത്തിടെ കോഴിക്കോട് നടന്ന റിയാദ് ഡയസ്‌പോറ സംഗമത്തില്‍ സജീവ സാന്നിധ്യമായിരുന്നു. റിയാദില്‍ കോണ്‍ഗ്രസ് പോഷക കൂട്ടായ്മ റിയാദ് ഇന്ത്യന്‍ കള്‍ച്ചറല്‍

റിയാദ്: ‘റിയാദ് വായിക്കുന്നു’ എന്ന പ്രമേയത്തില്‍ അരങ്ങേറിയ റിയാദ് അന്താരാഷ്ട്ര പുസ്തകമേള സമാപിച്ചു. കിംഗ് സൗദ് സര്‍വകലാശാലയില്‍ സാഹിത്യ പ്രസിദ്ധീകരണ വിവര്‍ത്തന അതോറിറ്റിയാണ് പുസ്തകോത്സവം ഒരുക്കിയത്. അറബ് സംസ്‌കാരവും സര്‍ഗാത്മകതയും വിശകലനം ചെയ്ത മേളയില്‍ ഖത്തര്‍ അതിഥി രാജ്യമായിരുന്നു. സ്വദേശികളും വിദേശികളും ഉള്‍പ്പെടെ 10 ലക്ഷത്തിലധികം പേരാണ് മേള സന്ദര്‍ശിച്ചത്. അറിവിന്റെയും ചിന്തയുടെയും സാഹിത്യത്തിന്റെയും ജാലകം തുറന്ന മേളയില്‍ അന്താരാഷ്ട്ര രംഗത്തെ സാഹിത്യ, പ്രസിദ്ധീകരണ, സംരംഭകര്‍ പങ്കെടുത്തതായി അതോറിറ്റി സി.ഇ.ഒ ഡോ. മുഹമ്മദ് ഹസന്‍ അല്‍വാന്‍ പറഞ്ഞു.

ദുബായ്: ബ്ലൂംബെര്‍ഗ് പ്രസിദ്ധീകരിച്ച ലോകത്തെ ഏറ്റവും വലിയ 500 സമ്പന്നരുടെ പട്ടികയില്‍ ഇടം നേടി ലുലു ഗ്രൂപ്പ് ചെയര്‍മാന്‍ എംഎ യൂസഫലി. ധനകാര്യ വാര്‍ത്താ വിതരണ രംഗത്തെ അതികായരായ ബ്ലൂംബെര്‍ഗ് പട്ടികയില്‍ ഇടം പിടിച്ച ഒരേയൊരു മലയാളി യൂസഫലിയാണ്. 6.45 ബില്യണ്‍ ഡോളറിന്റെ ആസ്തിയോടെ 487-ാം സ്ഥാനം. പട്ടികയില്‍ മറ്റ് മലയാളികളാരും ഇടംപിടിച്ചിട്ടില്ല. ഗള്‍ഫ് രാജ്യങ്ങളില്‍ നിന്നും നാല് പേരാണ് പട്ടികയില്‍ ഇടം പിടിച്ചത്. ഇതില്‍ മൂന്ന് പേരും സൗദിയില്‍ നിന്നാണ്. പ്രിന്‍സ് അല്‍ വലീദ് ബിന്‍

റിയാദ്: ജീവിച്ചിരുന്ന രക്തസാക്ഷി പുഷ്പന്റെ നിര്യാണത്തില്‍ കേളി രക്ഷാധികാരി സമിതി അനുശോചന യോഗം സംഘടിപ്പിച്ചു. ബത്ഹയിലെ ലൂഹാ ഓഡിറ്റോറിയത്തില്‍ സംഘടിപ്പിച്ച പരിപാടിയില്‍ രക്ഷാധികാരി സെക്രട്ടറി കെപിഎം സാദിഖ് അധ്യക്ഷത വഹിച്ചു. രക്ഷാധികാരി കമ്മറ്റി അംഗം സെബിന്‍ ഇഖ്ബാല്‍ അനോശോചന കുറിപ്പ് അവതരിപ്പിച്ചു. അനീതിക്കെതിരെ ശബ്ദിച്ചതിന് 24-ാം വയസ്സില്‍ ഭരണകൂടം തല്ലി കെടുത്തിയ ധീര വിപ്ലവകാരിയുടെ 30 വര്‍ഷത്തെ ജീവിതം ത്യാഗോജ്വലമാണ്. കൊടിയ വേദനയിലും ഒരിറ്റ് കണ്ണുനീര്‍ പൊഴിക്കാതെ പുഞ്ചിരിയോടെ മാത്രം സഹപ്രവര്‍ത്തകര്‍ക്ക് ആവേശം പകര്‍ന്നു നല്‍കിയ സഹന

ബുറൈദ: സിപിഐഎം നേതാവ് കോടിയേരി ബാലകൃഷ്ണന്റെ രണ്ടാം ചരമ വാര്‍ഷിക ദിനം ഖസീം പ്രവാസി സംഘം ആചരിച്ചു. സംസ്ഥാന സെക്രട്ടറി, പോളിറ്റ് ബ്യൂറോ അംഗം, സംസ്ഥാന ആഭ്യന്തര മന്ത്രി എന്നീനിലകളില്‍ ജനമനസ്സുകളില്‍ ഇടം നേടിയ നേതാവാണ് കോടിയേരി. ബുറൈദയിലെ കേന്ദ്രകമ്മറ്റി ഓഫീസില്‍ നടന്ന അനുസ്മരണ പരിപാടിയില്‍ മുഖ്യ രക്ഷാധികാരി ഷാജി വയനാട് അധ്യക്ഷത വഹിച്ചു. സെന്‍ട്രല്‍ ഏരിയ കമ്മറ്റി അംഗം മുത്തു കോഴിക്കോട് കോടിയേരിയെ അനുസ്മരണം നടത്തി.പ്രസ്ഥാനം നിരന്തരമായ വേട്ടയ്ക്കു വിധേയമായ സമയത്തെല്ലാം മുന്നില്‍ നിന്ന് പ്രതിരോധിച്ചവരിലൊരാളായിരുന്നു

റിയാദ്: സൗദി ദേശീയ ഗെയിംസ് ബാഡ്മിന്റണില്‍ ഹാട്രിക് സ്വര്‍ണ മെഡല്‍ ജേതാവ്‌ ഖദീജ നിസ, റിയാദ് ഇന്റര്‍നാഷണല്‍ ഇന്ത്യന്‍ സ്‌കൂള്‍ മാനേജിംഗ് കമ്മറ്റി ചെയര്‍പേഴ്‌സന്‍ ഷഹനാസ് അബ്ദുല്‍ ജലീല്‍ എന്നിവരെ ആദരിച്ചു. റിയാദ് ഇന്ത്യന്‍ മീഡിയാ ഫോറം ഓണാഘോഷ പരിപാടി ‘മഹര്‍ജാന്‍ മലയാളം’ പരിപാടിയിലായിരുന്നു ആദരം. പ്രസിഡന്റ് നസ്‌റുദ്ദീന്‍ വിജെ അധ്യക്ഷത വഹിച്ചു. ഒന്നാമത് ദേശീയ ഗെയിംസ് മുതല്‍ പിന്തുണയും പ്രോത്സാഹനവും നല്‍കി ഒപ്പം നിന്നവരോട് അങ്ങേയറ്റം കടപ്പാടുണ്ടെന്ന് മറുപടി പ്രസംഗത്തില്‍ ഖദീജ നിസ പറഞ്ഞു. ഇന്ത്യന്‍

റിയാദ്: സമഭാവനയുടെ സന്ദേശവും കരുതലിന്റെ കരുത്തും പങ്കുവെച്ച് റിയാദ് ഇന്ത്യന്‍ മീഡിയാ ഫോറം വര്‍ണാഭമായ പരിപാടികളോടെ ഓണം ആഘോഷിച്ചു. ‘മഹര്‍ജാന്‍ മലയാളം’ എന്ന പേരിലൊരുക്കിയ പരിപാടിയില്‍ പ്രസിഡന്റ് നസ്‌റുദ്ദീന്‍ വിജെ അധ്യക്ഷത വഹിച്ചു. റിയാദ് ഇന്റര്‍നാഷണല്‍ ഇന്ത്യന്‍ സ്‌കൂള്‍ ചെയര്‍പേഴ്‌സന്‍ ഷഹനാസ് അബ്ദുല്‍ ജലീല്‍ ഉദ്ഘാടനം ചെയ്തു. മലയാളികള്‍ എവിടെ പോയാലും ഒപ്പം കൊണ്ടുനടക്കുന്ന വികാരമാണ് ഓണം. പ്രാരാബ്ദങ്ങളുടെ ഭാണ്ഡക്കെട്ടേറി പ്രവാസത്തിലാകുമ്പോഴും ഓണമോര്‍മ്മ ഒപ്പമുണ്ടാകും. അതുകൊണ്ടാണ് ചിങ്ങം കഴിഞ്ഞ് കൃസ്തുമസ് എത്തിയാലും മലയാളികള്‍ നെഞ്ചോട് ചേര്‍ത്തുപിടിച്ച ഓണം

റിയാദ്: മലയാളത്തിന്റെ തനത് കലകള്‍ നിറഞ്ഞാടിയ ഓണാഘോഷം പ്രവാസികളുടെ ഗൃഹാതുര സ്മരണ ഉണര്‍ത്തുന്ന പൂരപ്പറമ്പായി മാറി. ചെണ്ട മേളം, താലപ്പൊലിയുടെ അകമ്പടിയോടെ മഹാബലിയെ ആനയിയ്ക്കല്‍, തിരുവാതിര കളി, പുലികളി, കാവടിയാട്ടം തുടങ്ങിയ കലാരൂപങ്ങളാണ് അറബ് നാട്ടിലെ ഓണാഘോഷം അവിസ്മരണീയമാക്കിയത്. വേള്‍ഡ് മലയാളി ഫെഡറേഷന്‍ റിയാദ് കൗണ്‍സിലും വിമന്‍സ് ഫോറവും ‘ഒരുമയോടെ ഒരോണം’ എന്ന പേരില്‍ ഒരുക്കിയ ആഘോഷമാണ് വേറിട്ട അനുഭവം സമ്മാനിച്ചത്. റിയാദിലെ കലാ പ്രതിഭകളുടെ കലാവിരുന്നും അരങ്ങേറി. ആയിരത്തിലധികം ആളുകള്‍ പങ്കെടുത്ത വിഭവ സമൃദ്ധമായ സദ്യയും

റിയാദ്: പ്രവാസികള്‍ക്ക് ഇരട്ട നേട്ടം സമ്മാനിക്കുന്ന ‘ഡ്യൂവോ’ പദ്ധതിയുടെ ഉദ്ഘാടനം ധനമന്ത്രി കെഎന്‍ ബാലഗോപാല്‍ റിയാദില്‍ നിര്‍വ്വഹിച്ചു. അംഗമാകുന്നവര്‍ക്ക് ഒരേ സമയം ചിട്ടിയുടേയും നിക്ഷേപത്തിന്റേയും ആനുകൂല്യങ്ങള്‍ ലഭ്യമാക്കും എന്നതാണ് പദ്ധതിയുടെ പ്രത്യേകത. പ്രവാസികളെ ലക്ഷ്യം വെയ്ക്കുന്നതിനാല്‍ പ്രവാസി മലയാളികള്‍ക്ക് ഇരട്ട നേട്ടം നേടാന്‍ കഴിയും. ഇടപാടുകാര്‍ക്ക് സാമ്പത്തിക ആദായത്തിനൊപ്പം കെഎസ്എഫ്ഇയിലെത്തുന്ന പ്രവാസി ചിട്ടി കിഫ്ബി വഴി കേരള സംസ്ഥാനത്തിന്റെ അടിസ്ഥാന സൗകര്യ വികസനത്തിന് ഉപകരിക്കും. കെ.എസ്.എഫ്.ഇ പ്രവാസി ചിട്ടി പ്രവാസി മലയാളികളുടെ സാമ്പത്തിക സുരക്ഷിതത്വം, സാമ്പത്തിക നേട്ടം

റിയാദ്: അന്‍വറിന് കണ്ണൂരില്‍ പിന്തുണയ്ക്കുന്ന ഇടത് നേതാവിനെ അറിയില്ലെന്ന് ധനകാര്യ വകുപ്പ് മന്ത്രി കെഎന്‍ ബാലഗോപാല്‍. അന്‍വറിന്റെ മനസ്സ് വായിയ്ക്കാനോ ഊഹിച്ച് പറയാനോ കഴിയില്ല. കെഎസ്എഫ്ഇ പ്രവാസി ചിട്ടിയുടെ പ്രചരണാര്‍ത്ഥം റിയാദില്‍ വാര്‍ത്താ സമ്മേളനത്തില്‍ പ്രതികരിക്കുകയായിരുന്നു മന്ത്രി. എഡിജിപിയ്‌ക്കെതിരായ ആരോപണങ്ങള്‍ അന്വേഷിക്കുന്നുണ്ട്. റിപ്പോര്‍ട്ട് വന്നാല്‍ നിലപാടു വ്യക്തമാക്കും. ആരോപണങ്ങളില്‍ വസ്തുതയുണ്ടെങ്കില്‍ നടപടിയെടുക്കും. കേരളത്തിന്റെ പൊതു താല്പര്യം ഉയര്‍ത്തി പിടിച്ച് ജനമനസ്സിന് വിശ്വാസ്യത വരുന്ന കാര്യങ്ങള്‍ ചെയ്യും. നിലപാടുകളും നടപടികളും വ്യവസ്ഥാപിതമായി മാത്രമേ നിര്‍വ്വഹിക്കാന്‍ കഴിയൂ. ഇടതു നിലപാണ്