എംടിയുടെ നെഞ്ചില് കരയുന്നവരുടെ കടലിരമ്പവും അനാഥരുടെ നിലവിളികളും കേള്ക്കാം: ആലങ്കോട് ലീലാ കൃഷ്ണന്
റിയാദ്: സമൂഹത്തിന്റെ മുഖ്യധാരയില് നിന്ന് അകറ്റപ്പെട്ടവരോടൊപ്പം നിലകൊള്ളുകയും അവരുടെ വേദനകള്ക്ക് ശബ്ദമാകുകയും ചെയ്ത സാഹിത്യകാരനാണ് എംടി വാസുദേവന് നായരെന്ന് എഴുത്തുകാരനും പ്രഭാഷകനുമായ ആലങ്കോട് ലീലാകൃഷ്ണന്. ന്യൂഏജ് യുവകലാ സാഹിതി റിയാദില് സംഘടിപ്പിച്ച ‘എംടി സ്മൃതി’യില് മുഖ്യ പ്രഭാഷണം നടത്തുകയായിരുന്നു അദ്ദേഹം. ഒറ്റപ്പെട്ടവര്, മാനസികാരോഗ്യം വെല്ലുവിളി നേരിട്ടവര്, ചതിക്കപ്പെട്ടവര്, അനാഥര്, ദരിദ്രര്, ഏകാന്തതയില് കരയുന്നവര് തുടങ്ങി പീഡിതരുടെ സത്തയാണ് എംടിയുടെ കഥാപാത്രങ്ങള്. എംടിയുടെ നെഞ്ചില് ചെവി ചേര്ത്തുവച്ചാല് കരയുന്ന മനുഷ്യരുടെ കടലിരമ്പവും അനാഥരുടെ നിലവിളികളും കേള്ക്കാം. മനുഷ്യ മനസ്സിനോടാണ് […]
