ryadh bureau

റിയാദ്: എട്ട് വര്‍ഷമായി നാട്ടില്‍ പോകാത്ത മലപ്പുറം സ്വദേശി റിയാദില്‍ മരിച്ചു. നിലമ്പൂര്‍ കുഴിമണ്ണ, പുളിയങ്കോട് ഹംസ (67) ആണ് മരിച്ചത്. ഉറങ്ങാന്‍ കിടന്ന ഹംസ രാവിലെ എഴുനേറ്റില്ല. ഇതോടെ സഹോദരന്‍ അബ്ദുല്‍ കരീം പോലീസിലും റെഡ് ക്രെസന്റിലും വിവരം അറിയിച്ചു. ആംബുലന്‍സ് എത്തി അടിയന്തിര ചികിത്സ നല്‍കി ആശുപതത്രിയിലെത്തിച്ചെങ്കിലും രക്ഷിക്കാനായില്ല. ഹൃദയാഘാതമാണ് മരണകാരണം. സ്വകാര്യ കമ്പനിയില്‍ ജീവനക്കാരനായിരുന്നു. കമ്പനി പ്രതിസന്ധിയിലായതോടെ ഇഖാമ പുതുക്കിയിരുന്നില്ല. അതുകൊണ്ടുതന്നെ 8 വര്‍ഷമായി നാട്ടില്‍ പോയിരുഞില്ല. നാട്ടിലേക്ക് മടങ്ങാന്‍ ഇന്ത്യന്‍ എംബസ്സിയെ […]

റിയാദ്: ഗതാഗത രംഗത്ത് ജോലി ചെയ്യുന്ന ഡ്രൈവര്‍മാര്‍ക്ക് പ്രൊഫഷണല്‍ ഡ്രൈവര്‍ കാര്‍ഡ് നേടുന്നതിന് യോഗ്യതാ പരീക്ഷ നിര്‍ബന്ധമാക്കി. ഗതാഗത മേഖലയുടെ നിലവാരം ഉയര്‍ത്തുകയും സുരക്ഷ ഉറപ്പാക്കുന്നതിനുമാണ് നടപടിയെന്ന് സൗദി ട്രാന്‍സ്‌പോര്‍ട്ട് ജനറല്‍ അതോറിറ്റി അറിയിച്ചു. അന്താരാഷ്ട്ര ഗതാഗതം, പബ്‌ളിക് ട്രാന്‍സ്‌പോര്‍ട്ട് ബസുകള്‍, സ്‌കൂള്‍ ബസ്സുകള്‍, ട്രക്കുകള്‍ എന്നീ മേഖലകളില്‍ ജോലി ചെയ്യുന്ന ഡ്രൈവര്‍മാര്‍ക്കു നിയമം ബാധകമാണ്. ബസ് ഡ്രൈവര്‍മാര്‍, ഹെവി ട്രക്ക് ഡ്രൈവര്‍മാര്‍, അപകടകരമായ വസ്തുക്കള്‍ കൊണ്ടുപോകുന്ന വാഹനങ്ങളിലെ ഡ്രൈവര്‍മാര്‍ എന്നിവര്‍ പ്രൊഫഷണല്‍ യോഗ്യതാ പരീക്ഷ പാസകണം.

ദമ്മാം: ഉഷ്ണക്കാറ്റില്‍ കുളിര്‍പകരാന്‍ കിഴക്കന്‍ പ്രവിശ്യ പച്ചപ്പണിയുന്നു. അബ്‌കെയ്ഖ് ഗവര്‍ണറേറ്റില്‍ നഗരസഭ നടപ്പിലാക്കിയ ഹരിതവല്‍ക്കരണ പദ്ധതി ഒന്നാം ഘട്ടം വിജയകരമായി പൂര്‍ത്തിയാക്കി. ‘നമ്മുടെ കിഴക്കന്‍ പ്രവിശ്യ പച്ചപ്പിലേക്ക്’ എന്ന പദ്ധതിയുടെ ഭാഗമായാണ് നഗരവീഥികളും പാര്‍ക്കുകളും നവീകരിച്ചത്. നഗരത്തിലെ പ്രധാന പാതകളില്‍ മാത്രം 1,365 തണല്‍മരങ്ങള്‍ നട്ടുപിടിപ്പിച്ചു. ഇതിനു പുറമെ, ആകര്‍ഷകമായ 85,000 പൂച്ചെടികളും നട്ടുവളര്‍ത്തി. നഗരത്തിലെ വായുനിലവാരം മെച്ചപ്പെടുത്താനും ചൂട് കുറയ്ക്കാനും ഹരിതവല്‍ക്കരണം സഹായിക്കുമെന്ന് അധികൃതര്‍ പറഞ്ഞു. ഹരിതവത്ക്കരണത്തിന്റെ ഭാഗമായി 3.5 ലക്ഷം ചതുരശ്ര മീറ്റര്‍ പുല്‍മൈതാനങ്ങളൊരുക്കി.

റിയാദ്: സൗദി ആരോഗ്യ മന്ത്രാലയത്തിന്റെ സഹകരണത്തോടെ ഓള്‍ ഇന്ത്യ സ്റ്റിയറിംഗ് കമ്മിറ്റി രക്ത ദാന ക്യാമ്പ് സംഘടിപ്പിച്ചു. ഇന്ത്യന്‍ അംബാസഡര്‍ ഡോ. സുഹേല്‍ ഖാന്‍ ഉദ്ഘാടനം ചെയ്തു. ആരോഗ്യ മന്ത്രാലയത്തിലെ ഉന്നത ഉദ്യോഗസ്ഥരും വിവിധ പ്രവാസി സംഘടനാ പ്രതിനിധികളും സാമൂഹിക പ്രവര്‍ത്തകരും സന്നിഹിതരായിരുന്നു. ഇന്ത്യന്‍ സമൂഹത്തിന്റെ ഐക്യവും സേവനസന്നദ്ധതയും വിളംബരം ചെയ്യുന്നതാണ് ഇത്തരം പ്രവര്‍ത്തനങ്ങളെന്ന് അംബാസഡര്‍ പറഞ്ഞു. റിയാദ് ഷോല മാള്‍ അല്‍ വഫ ഹൈപ്പര്‍ ഓഡിറ്റോറിയത്തില്‍ നടന്ന ക്യാമ്പില്‍ ആയിരത്തിലധികം സന്നദ്ധ പ്രവര്‍ത്തകരാണ് രക്തം ദാനം

നസ്‌റുദ്ദീന്‍ വി ജെറിയാദ്: മാസങ്ങള്‍ നീണ്ട ആശങ്കകള്‍ക്കൊടുവില്‍ താല്‍ക്കാലിക വെടിനിര്‍ത്തല്‍ പ്രഖ്യാപിച്ചതിന്റെ ആശ്വാസത്തിലാണ് പ്രവാസ ലോകം. കഴിഞ്ഞ 45 ദിവസത്തിനിടെ ആദ്യമായി ഡ്രോണ്‍, മിസൈല്‍ ഭീഷണിയില്ലാതെ ജിസിസി രാഷ്ട്രങ്ങള്‍ 24 മണിക്കൂര്‍ പിന്നിട്ടു. എന്നാല്‍ നിലവിലെ വെടിനിര്‍ത്തല്‍ എത്രമാത്രം സുസ്ഥിരമായി നിലനില്‍നല്‍ക്കും എന്ന കാര്യത്തില്‍ അവ്യക്തത തുടരുകയാണ്. ഇറാനും അമേരിക്കയും നാളെ പാകിസ്ഥാന്‍ തലസ്ഥാനമായ ഇസ്ലാമാബാദില്‍ ചര്‍ച്ച നടത്തും. ഡൊണാള്‍ഡ് ട്രംപിന്റെ ജാമാതാവ് ജാരദ് കുഷ്‌നര്‍, സ്‌പെഷ്യല്‍ എന്‍വോയ് വിറ്റ്‌കോഫ്, വൈസ് പ്രസിഡന്റ് ജെ.ഡി വാന്‍സ് എന്നിവരടങ്ങുന്ന

റിയാദ്: പശ്ചിമേഷ്യയിലെ പ്രത്യേക സാഹചര്യത്തില്‍ സൗദി അറേബ്യയുടെ സുരക്ഷയ്ക്കും പരമാധികാരത്തിനും ഇന്ത്യയുടെ പൂര്‍ണ്ണ പിന്തുണയുണ്ടെന്ന് ഇന്ത്യന്‍ അംബാസഡര്‍ ഡോ. സുഹൈല്‍ അജാസ് ഖാന്‍. റിയാദില്‍ അംബാസഡറുടെ ഔദ്യോഗിക വസതിയായ ‘ഇന്ത്യ ഹൗസില്‍’ പ്രവാസി സമൂഹത്തിന് ഒരുക്കിയ സല്‍ക്കാരത്തില്‍ സംസാരിക്കുകയായിരുന്നു അദ്ദേഹം. പശ്ചിമേഷ്യയില്‍ നിലനില്‍ക്കുഞ സംഘര്‍ഷങ്ങളുടെ പശ്ചാത്തലത്തില്‍ പ്രവാസി സമൂഹത്തിന് ആത്മവിശ്വാസം പകരുന്നതിനാണ് വിരുന്ന് ഒരുക്കിയത്. പ്രതിസന്ധി ഘട്ടങ്ങളില്‍ ഇന്ത്യന്‍ സമൂഹം പ്രകടിപ്പിച്ച സംയമനത്തെയും മനക്കരുത്തിനെയും അംബാസഡര്‍ അഭിനന്ദിച്ചു. സൗദി ജനതക്കൊപ്പം ചേര്‍ന്ന് നിന്ന് പരസ്പര സഹകരണത്തോടെ പ്രവര്‍ത്തിക്കുന്ന

റിയാദ്: ഹൃദയസംബന്ധമായ അസുഖത്തെ തുടര്‍ന്ന് വിദഗ്ദ ചികിത്സക്ക് ഇന്ന് ആശുപത്രിയില്‍ അപ്പോയ്ന്റ്‌മെന്റ് നേടിയ മലയാളി റിയാദില്‍ മരിച്ചു. ആലപ്പുഴ കായംകുളം കീരിക്കാട് തെക്ക് എന്‍എച് വില്ലയില്‍ നിസ്സാം ഹസ്സന്‍കുഞ്ഞ് (44) ആണ് മരിച്ചത്. ഹൃദയഘാതത്തെ തുടര്‍ന്നായിരുന്നു മരണം. 18 വര്‍ഷമായി റിയാദ് എയര്‍പോര്‍ട്ടില്‍ ജിഡിഎല്‍ മിഡില്‍ ഈസ്റ്റ് കമ്പനിയില്‍ ഏവിയേഷന്‍ ഓപ്പറേഷന്‍സ് ഇന്‍സ്‌പെക്ടറായിരുന്നു. മരണ വിവരം അറിഞ്ഞതിനെ തുടര്‍ന്ന് ജിദ്ദയിലുളള സഹോദരന്‍ നിയാസും മാതാവ് നസീമ ബീവിയും റിയാദിലെത്തി. ഭാര്യ: ജസീല ജലീല്‍, മക്കള്‍: മിന്‍ഹാ, മിസ്ബാ.

റിയാദ്: അമേരിക്കയും ഇറാനും വെടിനിര്‍ത്തല്‍ കരാറിന് ധാരണയായെങ്കിലും പശ്ചിമേഷ്യയിലെ സംഘര്‍ഷ സാഹചര്യങ്ങളില്‍ കാര്യമായ മാറ്റം ദൃശ്യമല്ലെന്നാണ് ഏറ്റവും പുതിയ സംഭവ വികാസങ്ങള്‍ സൂചിപ്പിക്കുന്നത്. പുറത്തുവന്ന വിവരങ്ങള്‍ പ്രകാരം വെടിനിര്‍ത്തല്‍ പ്രഖ്യാപനത്തിന് ശേഷവും ഗള്‍ഫ് രാജ്യങ്ങളില്‍ ആക്രമണങ്ങള്‍ തുടര്‍ന്നു. അമേരിക്കന്‍ പ്രസിഡന്റ ഡൊണാള്‍ഡ് ട്രമ്പ് വെടിനിര്‍ത്തല്‍ അംഗീകരിച്ചതായി പ്രഖ്യാപനം വന്ന് ഏതാനും മണിക്കൂറുകള്‍ക്കകം റിയാദില്‍ ഇന്നലെ പുലര്‍ച്ചെ 3ന് മൊബൈല്‍ ഫോണില്‍ അപായ സൂചനാ മുന്നറിയിപ്പ് പുറപ്പെടുവിച്ചിരുന്നു. പാകിസ്ഥാന്റെ മധ്യസ്ഥതയില്‍ താല്‍ക്കാലിക വെടിനിര്‍ത്തല്‍ പ്രഖ്യാപിച്ചെങ്കിലും ഗള്‍ഫ് രാജ്യങ്ങളില്‍ ഇന്നലെ

ദമ്മാം: പ്രവാസി എഴുത്തുകാരി ഡോ. ടെസ്സി റോണിയുടെ കവിതാ സമാഹാരം ‘വരളുന്ന ഹൃദയഭൂമിക’യുടെ പ്രകാശനം ഏപ്രില്‍ 9ന് രാത്രി 8ന് ദമ്മാം റോസ് ഗാര്‍ഡന്‍ റെസ്‌റ്റോറന്റ് ഓഡിറ്റോറിയത്തില്‍ നടക്കും. ദമ്മാം സാംസ്‌കാരിക വേദിയുടെ ആഭിമുഖ്യത്തിലാണ് പരിപാടി. ചെറുകഥാ കൃത്ത് ജോസഫ് തെരുവന്‍, സാംസ്‌കാരിക പ്രവര്‍ത്തകന്‍ ഡോ. മനീഷ് അഹ്മദിന് നല്‍കിപുസ്തകം പ്രകാശനം ചെയ്യും. കൈരളി ബുക്‌സാണ് പ്രസാധകര്‍. മനസിന്റെ അഗാധതയില്‍ നിന്ന് ഉത്ഭവിച്ച് നദിപോലെ ഒഴുകുന്ന ചിന്തകളും മനുഷ്യരുടെ ആത്മസംഘര്‍ഷങ്ങളുടെ അടയാളപ്പെടുത്തലുമാണ് കവിതകള്‍ പങ്കുവെക്കുന്നത്. കിഴക്കന്‍ പ്രവിശ്യയിലെ

റിയാദ്: നിയമസഭാ തെരഞ്ഞെടുപ്പില്‍ ഇടതുപക്ഷ സര്‍ക്കാരിന്റെ പ്രവാസി വിരുദ്ധ നിലപാടുകള്‍ക്കും ജനവിരുദ്ധ ഭരണത്തിനുമെതിരെ ജനാധിപത്യ അവകാശം വിനിയോഗിക്കണമെന്ന് സൗദികെഎംസിസി നാഷണല്‍ കമ്മിറ്റി ആഹ്വാനം ചെയ്തു. ഐക്യ ജനാധിപത്യ മുന്നണി സ്ഥാനാര്‍ത്ഥികളെ വന്‍ ഭൂരിപക്ഷത്തില്‍ വിജയിപ്പിക്കണമെന്ന് മുഖ്യ രക്ഷധികാരി കെ പി മുഹമ്മദ്കുട്ടി, പ്രസിഡന്റ് കുഞ്ഞിമോന്‍ കാക്കിയ, ജനറല്‍ സെക്രട്ടറി അഷ്‌റഫ് വേങ്ങാട്ട്, ട്രഷറര്‍ അഹമ്മദ് പാളയാട്ട്, ചെയര്‍മാന്‍ ഖാദര്‍ ചെങ്കള എന്നിവര്‍ പ്രസ്താവനയില്‍ അഭ്യര്‍ത്ഥിച്ചു. എല്ലാ പ്രവാസികളും നാട്ടിലെ കുടുംബാംഗങ്ങള്‍ക്കും സുഹൃത്തുക്കള്‍ക്കും ഫോണില്‍ ഐക്യമുന്നണി സ്ഥാനാര്‍ഥികള്‍ക്ക് വോട്ട്

റിയാദ്: യുഡിഎഫ് മഞ്ചേരി നിയോജക മണ്ഡലം കണ്‍വെന്‍ഷന്‍ റിയാദ് ബത്ഹയിലെ സബര്‍മതി ഓഡിറ്റോറിയത്തില്‍ സംഘടിപ്പിച്ചു. കെഎംസിസി മഞ്ചേരി നിയോജക മണ്ഡലം ചെയര്‍മാന്‍ മുഹമ്മദലി എടപ്പറ്റ അധ്യക്ഷത വഹിച്ചു. ഒഐസിസി സെന്‍ട്രല്‍ കമ്മിറ്റി പ്രസിഡന്റ് അമീര്‍ പട്ടണത്ത് ഉദ്ഘാടനം ചെയ്തു. യുഡിഎഫിന്റെ രാഷ്ട്രീയ ദിശയും വരാനിരിക്കുന്ന തിരഞ്ഞെടുപ്പിലെ പ്രവര്‍ത്തന പദ്ധതികളും അദ്ദേഹം വിശദീകരിച്ചു. ഷാഫി വെട്ടിക്കാട്ടിരി ആമുഖ പ്രസംഗം നിര്‍വഹിച്ചു. ഒഐസിസി വര്‍ക്കിംഗ് പ്രസിഡന്റ് നവാസ് വെള്ളിമാട് കുന്ന്, കെഎംസിസി മലപ്പുറം ജില്ലാ ജനറല്‍ സെക്രട്ടറി സഫീര്‍ തിരൂര്‍,

റിയാദ്: സൗദിയിലെ കിഴക്കന്‍ പ്രവിശ്യയില്‍ മിസൈലുകളും ഡ്രോണുകളും ഉപയോഗിച്ച് നടത്തിയ ആക്രമണ ശ്രമങ്ങളെ വിവിധ രാജ്യങ്ങള്‍ അപലപിച്ചു. കഴിഞ്ഞ ദിവസം രാത്രിയാണ് 11 ബാലിസ്റ്റിക് മിസൈലുകളും 22 ഡ്രോണുകളും സഊദിയെ ലക്ഷ്യമാക്കി ആക്രമണ ശ്രമം നടത്തിയത്. ഇന്നലെ രാവിലെ കിഴക്കന്‍ പ്രവിശ്യയിലെ ആകാശത്ത് പ്രത്യക്ഷപ്പെട്ട 18 ഡ്രോണുകള്‍ വ്യോമ പ്രതിരോധ സേന ആകാശത്ത് തകര്‍ത്തതായും പ്രതിരോധ മന്ത്രാലയം വക്താവ് മേജര്‍ ജനറല്‍ തുര്‍ക്കി അല്‍ മാലിക്കി പറഞ്ഞു. ഇറാനില്‍ നിന്നാണ് മിസൈലുകളും ഡ്രോണുകളും എത്തിയതെന്നാണ് റിപ്പോര്‍ട്ടുകള്‍. ഇവയില്‍

റിയാദ്: ലോക സമ്പദ്‌വ്യവസ്ഥയില്‍ ‘കറുത്ത പൊന്ന്’ (പെട്രോളിയം) വരുത്തിയ സ്വാധീനം പ്രമേയമാക്കി സഊദി അറേബ്യയില്‍ പുതിയ മ്യൂസിയം. റിയാദിലെ കിംഗ് അബ്ദുള്ള പെട്രോളിയം സ്റ്റഡീസ് ആന്റ് റിസര്‍ച്ച് സെന്ററിലാണ് ‘ബ്ലാക്ക് ഗോള്‍ഡ് മ്യൂസിയം’ തുറന്നത്. പെട്രോളിയത്തിന്റെ ചരിത്രവും അത് മനുഷ്യജീവിതത്തില്‍ വരുത്തിയ മാറ്റങ്ങളും മ്യൂസിയത്തില്‍ സമഗ്രമായി വിശകലനം ചെയ്യുന്നു. 30 രാജ്യങ്ങളിലെ 170 കലാകാരന്മാര്‍ ഒരുക്കിയ 350 കലാസൃഷ്ടികള്‍ മ്യൂസിയത്തില്‍ പ്രദര്‍ശിപ്പിച്ചിട്ടുണ്ട്. ഫോട്ടോഗ്രഫി, പുരാതന രേഖകള്‍, ത്രിമാന കലാരൂപം എന്നിവ ഇതില്‍ ഉള്‍പ്പെടും. എണ്ണയുടെ കഥ നാല്

സിദ്ദീഖ് കല്ലുപറമ്പന്‍പ്രസിഡന്റ്, റിയാദ് ഓഐസിസി മലപ്പുറം ജില്ലാ കമ്മിറ്റി. പ്രവാസത്തിനിടെ ഏറെക്കാലം തിരഞ്ഞെടുപപ്പ് കാലത്ത് നാട്ടില്‍ സജീവമാകാന്‍ കഴിയാറില്ല. നീണ്ട കാത്തിരിപ്പിനോടുവില്‍ നിര്‍ണായകമായ തിരഞ്ഞെടുപ്പില്‍ യുഡിഎഫിന് പ്രചരണ രംഗത്തിറങ്ങാന്‍ കഴിഞ്ഞത് വലിയ നിയോഗമാണ്. കുറച്ചു ദിവസങ്ങളായി തവനൂരിലും ബേപ്പൂരിലും പൊന്നാനിയിലും യുഡിഎഫ് സ്ഥാനാര്‍ത്ഥികളുടെ പ്രചരണത്തില്‍ സജീവമായിരുന്നു. കൂടുതല്‍ ദിവസവും പ്രതിപക്ഷ നേതാവിന്റെ മണ്ഡലമായ പറവൂരിലായിരുന്നു ഞാന്‍. ശക്തമായ യുഡിഎഫ് തരംഗം അലയടിക്കുന്നു എന്നത് ജനങ്ങളുടെ പ്രതികരണത്തില്‍ നിന്ന് ബോധ്യപ്പെടുന്നു. സമ്പൂര്‍ണ്ണ പരാജയമായിരുന്ന കഴിഞ്ഞ 10 വര്‍ഷത്തെ പിണറായി