RIYADH BUREAU

ദമ്മാം: പ്രവാസലോകത്തെ ശ്രദ്ധേയമായ സാഹിത്യോത്സവങ്ങളിലൊന്നായ സൗദി മലയാളി ലിറ്റററി ഫെസ്റ്റിന്റെ (എസ്എംഎല്‍എഫ്) രണ്ടാം പതിപ്പ് സെപ്റ്റംബര്‍ 23ന് തുടക്കമാകും. സൗദി മലയാളി സമാജം സംഘടിപ്പിക്കുന്ന സാഹിത്യോത്സവം ഇത്തവണ ഒരു മാസത്തിലേറെ നീണ്ടുനില്‍ക്കും. ഒക്ടോബര്‍ 31നാണ് സമാപന സമ്മേളനം. സെപ്റ്റംബര്‍ 23നു നടക്കുന്ന ചടങ്ങില്‍ എഴുത്തുകാരനും പ്രഭാഷകനുമായ എം. എന്‍. കാരശ്ശേരി ഫെസ്റ്റ് ഉദ്ഘാടനം ചെയ്യും. എഴുത്തുകാരി റോസ്‌മേരി, ദേശീയ ചലച്ചിത്ര പുരസ്‌കാര ജേതാവ് വി.സി. അഭിലാഷ്, ഡോക്യുമെന്ററി സംവിധായിക ഷൈനി ബെഞ്ചമിന്‍, എഴുത്തുകാരി ഷൈല രവീന്ദ്രന്‍ എന്നിവര്‍ […]

ജിദ്ദ: സാമ്പത്തിക ബാധ്യതയില്‍ കുടുങ്ങി യാത്രാവിലക്ക് നേരിടുകയും ഇതിനിടെ പക്ഷാഘാതം വന്ന് തളരുകയും ചെയ്ത ഹൈദരാബാദ് സ്വദേശി മുഹമ്മദ് അബ്ദുല്‍ അലീമിന് (56) ലുലു ഗ്രൂപ്പ് ചെയര്‍മാന്‍ എം.എ. യൂസഫലി തുണയായി. ജിദ്ദയിലെ ‘വഖഫ് ദാറകും’ അഭയകേന്ദ്രത്തില്‍ അനാഥനായി കഴിയുകയായിരുന്ന അലീമിന്റെ ദയനീയസ്ഥിതി ശ്രദ്ധയില്‍പ്പെട്ടതോടെ യൂസഫലി അടിയന്തരമായി ഇടപെടുകയായിരുന്നു. 15 വര്‍ഷത്തിലേറെയായി സൗദിയില്‍ സെയില്‍സ്മാനായി ജോലി ചെയ്തുവരികയായിരുന്ന അലീം മുന്‍പ് തവണ വ്യവസ്ഥയില്‍ കാര്‍ വാങ്ങിയിരുന്നു. ഇതിനിടെ നാട്ടിലുള്ള ഭാര്യക്ക് ഗുരുതര രോഗമാണെന്നറിഞ്ഞ് അടിയന്തരമായി നാട്ടിലേക്ക് തിരിച്ചു.

ജിദ്ദ: ലോകത്തിലെ ഏറ്റവും ഉയര്‍ന്ന കെട്ടിട സമുച്ചയമെന്ന അപൂര്‍വ നേട്ടത്തിലേക്ക് അതിവേഗം കുതിച്ചുയരുകയാണ് സൗദി അറേബ്യയിലെ വിസ്മയ നിര്‍മിതിയായ ജിദ്ദ ടവര്‍. നിര്‍മാണം 107-ാം നില പൂര്‍ത്തിയാക്കിയതോടെ ടവറിന്റെ ഉയരം 430 മീറ്റര്‍ പിന്നിട്ടു. നിര്‍മാണം പൂര്‍ത്തിയാകുമ്പോള്‍ നിലവില്‍ ലോകത്തിലെ ഏറ്റവും ഉയര്‍ന്ന കെട്ടിടമായ ദുബായിലെ ബുര്‍ജ് ഖലീഫയേക്കാള്‍ (828 മീറ്റര്‍) 180 മീറ്ററിലധികം അധികം ഉയരത്തിലായിരിക്കും ജിദ്ദ ടവറിന്റെ സ്ഥാനം. ഒരു കിലോമീറ്ററിലധികം ഉയരത്തിലാണ് ‘അദ്ഭുത ഗോപുരം’ എന്ന് വിശേഷിപ്പിക്കപ്പെടുന്ന ജിദ്ദ ടവര്‍ രൂപകല്‍പ്പന ചെയ്തിരിക്കുന്നത്.

ഡല്‍ഹി: വിദേശത്തുള്ള ഇന്ത്യക്കാരുടെ പാസ്‌പോര്‍ട്ട് ഫീസ് കുത്തനെ കൂട്ടിയ നടപടിയില്‍ മൂന്നാഴ്ചയ്ക്കകം തീരുമാനമെടുക്കാന്‍ കേന്ദ്ര സര്‍ക്കാരിനോട് ഡല്‍ഹി ഹൈക്കോടതി നിര്‍ദേശിച്ചു. പ്രവാസി ലീഗല്‍ സെല്‍ കേരള ഘടകം സമര്‍പ്പിച്ച ഹരജി പരിഗണിച്ചാണ് കോടതിയുടെ നിര്‍ണായക നടപടി. പ്രവാസികളുടെ ഫീസ് വര്‍ധന പുനഃപരിശോധിക്കണമെന്ന് ആവശ്യപ്പെട്ട് പ്രവാസി ലീഗല്‍ സെല്‍ നേരത്തെ വിദേശകാര്യ മന്ത്രാലയത്തിന് നിവേദനം നല്‍കിയിരുന്നു. ഇത് നിവേദനമായി പരിഗണിച്ച് നിയമാനുസൃതമായ ഉചിതമായ തീരുമാനം കൈക്കൊള്ളാനും വിവരങ്ങള്‍ ഹരജിക്കാരെ അറിയിക്കാനും ചീഫ് ജസ്റ്റിസ് സൂര്യകാന്ത്, ജസ്റ്റിസ് ദേവേന്ദ്ര കുമാര്‍

ഹഫര്‍ അല്‍ ബാത്തിന്‍: സംസ്ഥാന സര്‍ക്കാരിന്റെ ലഹരിവിരുദ്ധ ക്യാമ്പയിനായ ‘ഓപ്പറേഷന്‍ തൂഫാന്’ ഐക്യദാര്‍ഢ്യം പ്രഖ്യാപിച്ച് ഒഐസിസി ഹഫര്‍ അല്‍ ബാത്തിന്‍ കമ്മിറ്റി ലഹരിവിരുദ്ധ ബോധവല്‍ക്കരണ പരിപാടിയും മുന്‍ മുഖ്യമന്ത്രി ഉമ്മന്‍ ചാണ്ടി അനുസ്മരണവും സംഘടിപ്പിച്ചു. പ്രസിഡന്റ് വിബിന്‍ മറ്റത്തിന്റെ അധ്യക്ഷത വഹിച്ചു. ഒഐസിസി ഈസ്‌റ്റേണ്‍ പ്രൊവിന്‍സ് സെക്രട്ടറി സലീം കീരിക്കാട് ഉദ്ഘാടനം ചെയ്തു. ലഹരിക്കെതിരായ പോരാട്ടം സര്‍ക്കാര്‍ സംവിധാനങ്ങളുടെ മാത്രം ചുമതലയല്ലെന്നും കുടുംബങ്ങളും വിദ്യാഭ്യാസ സ്ഥാപനങ്ങളും സാമൂഹികസാംസ്‌കാരിക സംഘടനകളും പ്രവാസി സമൂഹവും ഒരുമിച്ച് അണിനിരന്നാല്‍ മാത്രമേ ലഹരിമുക്ത

റിയാദ്: ഇരുപത്തിയെട്ട് വര്‍ഷത്തെ പ്രവാസ ജീവിതം അവസാനിപ്പിച്ച് എറണാകുളം ജില്ലാ പ്രവാസി അസോസിയേഷന്‍ (എടപ്പ) എക്‌സിക്യൂട്ടീവ് കമ്മിറ്റി അംഗം ജോര്‍ജ് ജേക്കബ് ജന്മനാട്ടിലേക്ക് മടങ്ങുന്നു. മുറബ്ബ ലുലു അവന്യൂ മാളില്‍ എടപ്പയുടെ നേതൃത്വത്തില്‍ ഊഷ്മള യാത്രയയപ്പ് നല്‍കി. പ്രവാസ ജീവിതത്തിനിടയില്‍ സാമൂഹിക, സാംസ്‌കാരിക, കാരുണ്യ മേഖലകളില്‍ അദ്ദേഹം നല്‍കിയ സേവനങ്ങളെ ഭാരവാഹികള്‍ പ്രത്യേകം അനുസ്മരിച്ചു. പ്രസിഡന്റ് കരീം കാനാമ്പുറം, ഉപദേശക സമിതി അംഗം സലാം പെരുമ്പാവൂര്‍ എന്നിവര്‍ ചേര്‍ന്ന് ജോര്‍ജ് ജേക്കബിനെ പൊന്നാട അണിയിച്ച് ആദരിച്ചു. അമീര്‍

ബാദ്ഷാ ഇ കെ ജിദ്ദ: കഴിഞ്ഞ വര്‍ഷം 1.19 ലക്ഷം പാസ്‌പോര്‍ട്ട് അപേക്ഷകള്‍ സ്വീകരിക്കുകയും പ്രവാസികള്‍ക്കായി 38,000 അറ്റസ്‌റ്റേഷന്‍ സേവനങ്ങള്‍ പൂര്‍ത്തിയാക്കുകയും ചെയ്തതായി ജിദ്ദ ഇന്ത്യന്‍ കോണ്‍സുല്‍ ജനറല്‍ ഫഹദ് അഹമ്മദ് ഖാന്‍ സൂരി അറിയിച്ചു. പടിഞ്ഞാറന്‍ സൗദിയിലെ പ്രവാസികള്‍ക്ക് സേവനങ്ങള്‍ കൂടുതല്‍ വേഗത്തില്‍ ലഭ്യമാക്കാന്‍ കോണ്‍സുലേറ്റ് പ്രതിജ്ഞാബദ്ധമാണെന്നും വാര്‍ത്താസമ്മേളനത്തില്‍ അദ്ദേഹം പറഞ്ഞു.അടിയന്തര സഹായങ്ങള്‍ക്കായി പബ്ലിക് ഗ്രീവന്‍സ് സംവിധാനവും പുതിയ സര്‍വീസ് വിന്‍ഡോകളും നിലവില്‍ വന്നിട്ടുണ്ട്. ഓപ്പണ്‍ ഹൗസ്, തൊഴിലാളികള്‍ക്കായുള്ള ‘ജഷ്‌നേ മെഹനത്’, തടവുകാരുടെയും നിരാലംബരുടെയും ക്ഷേമപ്രവര്‍ത്തനങ്ങള്‍

ബാദ്ഷാ ഇ കെ ജിദ്ദ: വരാനിരിക്കുന്ന ഹജ്ജ് തീര്‍ഥാടനത്തിനുള്ള അപേക്ഷകളുടെ നറുക്കെടുപ്പ് ഈ മാസം അവസാനത്തോടെ നടക്കുമെന്ന് ജിദ്ദ ഇന്ത്യന്‍ കോണ്‍സുല്‍ ജനറല്‍ ഫഹദ് അഹമ്മദ് ഖാന്‍ സൂരി. കഴിഞ്ഞ ഹജ്ജിന്റെ വിജയകരമായ നടത്തിപ്പിന് പിന്നാലെ, അടുത്ത വര്‍ഷത്തെ ഹജ്ജ് മുന്നൊരുക്കങ്ങള്‍ ഇന്ത്യന്‍ കോണ്‍സുലേറ്റ് വേഗത്തിലാക്കിയതായും അദ്ദേഹം വാര്‍ത്താസമ്മേളനത്തില്‍ അദ്ദേഹം പറഞ്ഞു. തീര്‍ഥാടകര്‍ക്ക് താമസം, ഗതാഗതം, ഭക്ഷണം എന്നിവ ഉറപ്പാക്കാന്‍ കേന്ദ്ര ന്യൂനപക്ഷകാര്യ മന്ത്രാലയവും സൗദി അധികൃതരും സംയുക്തമായാണ് പ്രവര്‍ത്തിക്കുന്നത്. ഇന്ത്യയില്‍ തന്നെ 10,000 തീര്‍ഥാടകര്‍ക്ക് ‘നുസുക്’

റിയാദ്: മൂന്ന് പതിറ്റാണ്ടിലേറെ നീണ്ട പ്രവാസജീവിതം അവസാനിപ്പിച്ച് ജന്മനാട്ടിലേക്ക് മടങ്ങുന്ന കേളി കലാസാംസ്‌കാരിക വേദി സുലൈ ഏരിയ ബാബ്‌തൈന്‍ യൂണിറ്റ് സെക്രട്ടറി മുഹമ്മദ് ബഷീറിന് ഏരിയ കമ്മറ്റി ഹൃദ്യമായ യാത്രയയപ്പ് നല്‍കി. ഏരിയ പ്രസിഡന്റ് ഹാഷിം അധ്യക്ഷത വഹിച്ച ചടങ്ങില്‍ കേളി വൈസ് പ്രസിഡന്റ് രാമകൃഷ്ണന്‍, സുലൈ രക്ഷാധികാരി സെക്രട്ടറി അനിരുദ്ധന്‍ എന്നിവര്‍ പങ്കെടുത്തു. രക്ഷാധികാരി സമിതി അംഗങ്ങളായ ജോര്‍ജ്, മുഹമ്മദ് ഇസ്ഹാഖ്, അബ്ദുല്‍ നാസര്‍ ടി.വി, സത്യ പ്രമോദ്, ഷറഫുദ്ദീന്‍, ഇസ്മയില്‍, സുനില്‍, ഏരിയ ജോയിന്റ്

ആലപ്പുഴ: പ്രവാസി സമൂഹം നിരവധി പ്രശ്‌നങ്ങള്‍ അഭിമുഖീകരിക്കുന്നവരാണെന്നും ഇവര്‍ക്കിടയില്‍ കൃത്യമായ നിയമ അവബോധം ഉണ്ടായാല്‍ മാത്രമേ ഇത്തരം പ്രശ്‌നങ്ങള്‍ പരിഹരിക്കാന്‍ കഴിയുകയുള്ളൂവെന്നും ആഭ്യന്തര മന്ത്രി രമേശ് ചെന്നിത്തല. പ്രവാസി ലീഗല്‍ സെല്‍ ആലപ്പുഴ ജില്ലാ സമ്മേളനം ഹരിപ്പാട് ചോയ്‌സ് ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. നാടിന്റെ നട്ടെല്ലായ പ്രവാസികളും തിരിച്ചെത്തിയ പ്രവാസികളും കേരളത്തിന്റെ സമഗ്ര പുരോഗതിക്കും വളര്‍ച്ചയ്ക്കും നല്‍കിയ സംഭാവനകള്‍ വലുതാണ്. പ്രവാസികളുടെയും മടങ്ങിയെത്തിയ പ്രവാസികളുടെയും അവകാശ സംരക്ഷണം, പുനരധിവാസം, നിയമസഹായം, ബോധവത്ക്കരണം എന്നിവ ലക്ഷ്യമാക്കി

റിയാദ്: ആഗോള കാലാവസ്ഥയില്‍ വന്‍ വ്യതിയാനങ്ങള്‍ സൃഷ്ടിക്കുന്ന ‘എല്‍ നിനോ’ പ്രതിഭാസം കൂടുതല്‍ ശക്തമായ ഘട്ടത്തിലേക്ക് കടക്കുന്നതായി സൗദി ദേശീയ കാലാവസ്ഥാ നിരീക്ഷണ കേന്ദ്രം. രാജ്യത്ത് വരും സീസണുകളില്‍ താപനിലയിലും മഴയുടെ ലഭ്യതയിലും വ്യതിയാനങ്ങള്‍ ഉണ്ടാകാന്‍ ഇത് കാരണമാകുമെന്നും അതോറിറ്റി വ്യക്തമാക്കി. സമുദ്രോപരിതലത്തിലെ താപനില സൂചിക ‘നിനോ 3.4’ ഉയര്‍ന്ന പരിധിയായ 0.8 ഡിഗ്രി സെല്‍ഷ്യസും കടന്ന് +1.25 ഡിഗ്രി സെല്‍ഷ്യസില്‍ എത്തിനില്‍ക്കുകയാണ്. ഇത് കടുത്ത എല്‍ നിനോ പ്രതിഭാസത്തിന്റെ വ്യക്തമായ ലക്ഷണമാണെന്ന് കാലാവസ്ഥാ നിരീക്ഷണ കേന്ദ്രം

റിയാദ്: ഇറാന്‍ സമുദ്രാതിര്‍ത്തിയില്‍ ആക്രമണത്തിനിരയായ എല്‍പിജി ടാങ്കറിലെ 28 ഇന്ത്യക്കാരും സുരക്ഷിതരാണെന്ന് തെഹ്‌റാനിലെ ഇന്ത്യന്‍ എംബസി സ്ഥിരീകരിച്ചു. മൊസാംബിക് രജിസ്‌ട്രേഷനിലുള്ള ‘ദിശ’ എന്ന എല്‍പിജി ടാങ്കറിന് നേരെയാണ് ആക്രമണുണ്ടായത്. സംഭവവുമായി ബന്ധപ്പെട്ട് അധികൃതരുമായി നിരന്തരം ആശയവിനിമയം നടത്തുന്നുണ്ടെന്നും സാഹചര്യം സൂക്ഷ്മമായി നിരീക്ഷിച്ചു വരികയാണെന്നും എംബസി അറിയിച്ചു. പശ്ചിമേഷ്യന്‍ മേഖലയില്‍ വര്‍ധിച്ചുവരുന്ന സംഘര്‍ഷങ്ങള്‍ക്കും സമുദ്ര സുരക്ഷയെക്കുറിച്ചുള്ള ആശങ്കകള്‍ക്കുമിടയിലാണ് ടാങ്കറിന് നേരെ വീണ്ടും ആക്രമണം. കഴിഞ്ഞ ദിവസങ്ങളില്‍ വാണിജ്യ കപ്പലിന് നേരെ ഉണ്ടായ ആക്രമണത്തില്‍ ഒരു ഇന്ത്യന്‍ നാവികന്‍ കൊല്ലപ്പെട്ടിരുന്നു.

റിയാദ്: നാടും വീടും വിട്ട് മരുഭൂമിയില്‍ വിയര്‍പ്പൊഴുക്കുമ്പോഴും മലയാളി പ്രവാസിയുടെ നെഞ്ചിലെ ഫുട്‌ബോള്‍ ഭ്രാന്തിന് ഒട്ടും കുറവില്ലെന്ന് തെളിയിക്കുകയാണ് റിയാദിലെ കാഴ്ചകള്‍. ലോകകപ്പ് ഫുട്‌ബോളിന്റെ ആവേശപ്പൂരത്തിന് തിരിതെളിയിച്ച മെക്‌സിക്കോ സിറ്റിയിലെ എസ്റ്റാഡിയോ അസ്‌റ്റെക്കയിലെ ആദ്യ വിസില്‍ മുതല്‍ ന്യൂയോര്‍ക്ക് ന്യൂജഴ്‌സി സ്‌റ്റേഡിയത്തിലെ കലാശപ്പോരാട്ടം വരെ പ്രവാസ ലോകത്തെ കളിപ്രേമികള്‍ക്കായി റിയാദ് അല്‍ മദീന ഹൈപ്പര്‍മാര്‍ക്കറ്റില്‍ ഒരുക്കിയ ‘അല്‍ മദീന-റിയാദ് ടാക്കീസ് തത്സമയ ബിഗ് സ്‌ക്രീന്‍ പ്രദര്‍ശനം-ലോകകപ്പ് വൈബ് ഓണ്‍ 2026’ന് ആവേശോജ്ജ്വല സമാപനം. നാട്ടിന്‍പുറത്തെ ക്ലബ്ബ് അന്തരീക്ഷം

മുഹമ്മ് കല്ലിങ്ങല്‍ റിയാദ്: കോഴിക്കോട് വിമാനത്താവളത്തിലേക്ക് ജിദ്ദയില്‍ നിന്നുള്ള സര്‍വീസ് പുനരാരംഭിക്കാന്‍ സൗദി ദേശീയ വിമാന കമ്പനി സൗദിയ ശ്രമം തുടങ്ങിയതായി മലബാര്‍ ഡെവലപ്‌മെന്റ് ഫോറം. വിന്റര്‍ ഷെഡ്യൂളില്‍ ഉള്‍പ്പെടുത്തി ഒക്ടോബര്‍ അവസാന വാരത്തോടെ സര്‍വീസുകള്‍ ആരംഭിക്കുമെന്നാണ് വിവരം ലഭിച്ചതായി എം.ഡി.എഫ് പ്രസിഡന്റ് കെ.എം. ബഷീര്‍ അറിയിച്ചു. . ദിവസവും രണ്ട് സര്‍വീസുകള്‍ വീതം നടത്താനാണ് ആലോചന. ജിദ്ദയില്‍ നിന്നുള്ള നേരിട്ടുള്ള വിമാന സര്‍വീസ് പുനരാരംഭിക്കുന്നത് മലബാറില്‍ നിന്നുള്ള പ്രവാസികള്‍ക്കും ഉംറ തീര്‍ഥാടകര്‍ക്കും വലിയ ആശ്വാസമാകും. നേരത്തെ