gulf

റിയാദ്: പശ്ചിമേഷ്യയിലെ ഏറ്റവും വലിയ വാട്ടര്‍തീം പാര്‍ക്കായ ‘അക്വാറേബ്യ’ ഖിദ്ദിയ വിനോദ നഗരത്തില്‍ പൊതുജനങ്ങള്‍ക്കായി തുറന്നുകൊടുത്തു. 2.5 ലക്ഷം ചതുരശ്ര മീറ്ററില്‍ വ്യാപിച്ചുകിടക്കുന്ന പാര്‍ക്കില്‍ എട്ടു വ്യത്യസ്ത മേഖലകളിലായി 22 റൈഡുകളും വിവിധ വിനോദ സംവിധാനങ്ങളും ഒരുക്കിയിട്ടുണ്ട്. ഇതിനുപുറമെ ഏഴ് ഡ്രൈ റൈഡുകളും സന്ദര്‍ശകര്‍ക്കായി സജ്ജമാണ്. ലോകത്തെ ഏറ്റവും ഉയരവും നീളവുമുളള വാട്ടര്‍ കോസ്റ്റര്‍ ‘ജുനൂണ്‍ ഡ്രോപ്പ്’, ലോകത്തെ ഏറ്റവും നീളമേറിയ സ്ലൈഡ് വീല്‍ ‘സ്ലിതറീല്‍’, തിരമാലകളുടെ വലിപ്പം നിയന്ത്രിക്കാന്‍ കഴിയുന്ന കൃത്രിമ വേവ് പൂള്‍ ‘സര്‍ഫ്‌ടോപ്പിയ’ […]

റിയാദ്: സൗദി അറേബ്യയില്‍ ട്രാന്‍സ്‌പോര്‍ട്ട് ആപ്പുകള്‍ വഴിയുള്ള യാത്രക്കാരുടെ എണ്ണത്തില്‍ വന്‍ വര്‍ധന. ഈ വര്‍ഷം ആദ്യ മൂന്ന് മാസങ്ങളില്‍ മാത്രം ആപ്പുകള്‍ വഴി 3.2 കോടിയിലധികം യാത്രകളാണ് നടന്നതെന്ന് ജനറല്‍ ട്രാന്‍സ്‌പോര്‍ട്ട് അതോറിറ്റി അറിയിച്ചു. കഴിഞ്ഞ വര്‍ഷം ഇതേ കാലയളവിനെ അപേക്ഷിച്ച് 15.77 ശതമാനത്തിന്റെ വളര്‍ച്ചയാണ് നേടിയത്. രാജ്യത്തെ നഗരങ്ങളില്‍ ദൈനംദിന യാത്രകള്‍ക്കായി ജനങ്ങള്‍ ഇത്തരം ആപ്പുകളെ കൂടുതല്‍ ആശ്രയിക്കുന്നുവെന്നാണ് കണക്കുകള്‍ സൂചിപ്പിക്കുന്നത്. മികച്ച സേവനവും സുരക്ഷിതത്വവും ഉറപ്പാക്കാന്‍ സാധിച്ചതാണ് മുന്നേറ്റത്തിന് കാരണം എന്നാണ് വിലയിരുത്തപ്പെടുന്നത്.

റിയാദ്: ഇസ്‌ലാഹി സെന്റേഴ്‌സ് കോഡിനേഷന്‍ കമ്മിറ്റി (ആര്‍.ഐ.സി.സി), സഊദി നാഷണല്‍ ഇസ്‌ലാഹി കോഡിനേഷന്‍ കമ്മിറ്റി എന്നിവയുടെ സംയുക്ത ആഭിമുഖ്യത്തില്‍ ഖുര്‍ആന്‍ ഹദീസ് ലേര്‍ണിംഗ് കോഴ്‌സ് (ക്വു.എച്ച്.എല്‍.സി) പന്ത്രണ്ടാം ഘട്ട ഫൈനല്‍ പരീക്ഷ ഇന്ന് നടക്കും. സഊദി സമയം രാവിലെ ആറു മുതല്‍ രാത്രി പത്തുവരെ ഓണ്‍ലൈനായാണ് പരീക്ഷ. കുട്ടികള്‍ക്കുള്ള പരീക്ഷ മെയ് ഒന്നിന് നടക്കും. മുഹമ്മദ് അമാനി മൗലവിയുടെ വിശുദ്ധ ഖുര്‍ആന്‍ വിവരണത്തിലെ അശ്ശുഅറാഅ്, അന്നംല്‍, അല്‍ ഖസസ് എന്നീ അധ്യായങ്ങളും സ്വഹീഹുല്‍ ബുഖാരിയിലെ ‘കച്ചവടം’ എന്ന

റിയാദ്: കാണാതായ മലപ്പുറം സ്വദേശിയെ ഡൈന ട്രക്കില്‍ മരിച്ച നിലയില്‍ കണ്ടെത്തി. സുലൈയില്‍ ഡ്രൈവറായിരുന്ന പെരിന്തല്‍മണ്ണ കുന്നക്കാവ് ഷാജഹാന്‍ ഖുറൈശി ആക്കപ്പറമ്പില്‍ (44) ആണ് മരിച്ചത്. രണ്ട് ദിവസമായി കാണാതായതിനെ തുടര്‍ന്ന് സുഹൃത്തുക്കള്‍ അന്വേഷണം നടത്തിയിരുന്നു. ട്രക്കിലെ ജിപിഎസ് ലൊക്കേഷന്‍ കണ്ട്പിടിച്ച് നടത്തിയ അന്വേഷണത്തില്‍ വാഹനത്തില്‍ മരിച്ച നിലയില്‍ കണ്ടെത്തുകയായിരുന്നു. അകത്തു നിന്നു പൂട്ടിയ ട്രക്കിന്റെ കാബിന്‍ പൊലീസിന്റെ സാന്നിധ്യത്തില്‍ സിവില്‍ ഡിഫന്‍സ് ഭടന്‍മാരെത്തി തുറന്നാണ് മൃതദേഹം പുറത്തെടുത്തത്. പൊലീസ് അന്വേഷണത്തിലും പോസ്റ്റ്ട്ടമോര്‍ട്ടം റിപ്പോര്‍ട്ടിലും സ്വഭാവിക മരണം

നസ്‌റുദ്ദീന്‍ വി ജെറിയാദ്: യുദ്ധഭീതിയുമായി അമേരിക്ക-ഇറാന്‍ സംഘര്‍ഷം തുടരുന്നതിന്റെ സൂചനകള്‍ പശ്ചിമേഷ്യയെ വീണ്ടും ആശങ്കയിലാഴ്ത്തുന്നു. ഹോര്‍മുസ് കടലിടുക്കില്‍ കപ്പലുകള്‍ക്ക് നേരെ ഇറാന്‍ നടത്തുന്ന ആക്രമണങ്ങള്‍ മേഖലയിലെ സുരക്ഷാ സാഹചര്യം വീണ്ടും സങ്കീര്‍ണ്ണമാക്കുകയാണ്. ഈ ആഴ്ച മൂന്ന് കപ്പലുകള്‍ക്ക് നേരെയാണ് ഇറാന്‍ ആക്രമണം നടത്തിയത്. ഇതില്‍ ഒരു കപ്പലിനെ ഇറാന്‍ സേന പിടിച്ചെടുത്തതായും റിപ്പോര്‍ട്ടുണ്ട്. ഹോര്‍മുസിലെ മാരിടൈം നിയമങ്ങള്‍ ലംഘിച്ചു എന്നാരോപിച്ചാണ് കപ്പലുകള്‍ക്കെതിരെ നടപടി. അതേസമയം, ഹോര്‍മുസ് ഇറാന്റെ നിയന്ത്രണത്തിലുളള സമുദ്രപാതയാണെന്നും കപ്പലുകള്‍ക്ക് പ്രവേശിക്കാന്‍ അനുമതി ആവശ്യമാണെന്നും ഇറാന്‍

ജിസാന്‍: ആവേശകരമായ ജിസാന്‍ പ്രീമിയര്‍ ക്രിക്കറ്റ് ലീഗ് ചാമ്പ്യന്‍സ് ട്രോഫി ക്രിക്കറ്റ് ടൂര്‍ണമെന്റില്‍ സൂപ്പര്‍ ഏഷ്യ ക്രിക്കറ്റ് ക്ലബ് ചാമ്പ്യന്‍മാര്‍. ഫൈനലില്‍ അല്‍ അസ്വാദ് ക്രിക്കറ്റ് ക്ലബ്ബിനെ തകര്‍ത്താണ് സൂപ്പര്‍ ഏഷ്യ കിരീടം സ്വന്തമാക്കിയത്. ആദ്യം ബാറ്റ് ചെയ്ത അല്‍ അസ്വാദ് നിശ്ചിത 20 ഓവറില്‍ 154 റണ്‍സ് നേടി. മറുപടി ബാറ്റിങ്ങിന് ഇറങ്ങിയ സൂപ്പര്‍ ഏഷ്യ, 13.3 ഓവറില്‍ ലക്ഷ്യം മറികടന്ന് അനായാസം വിജയം നേടി. 67 റണ്‍സ് അടിച്ചുകൂട്ടിയ സുബൈര്‍ ബട്ടാണ് കളിയിലെ കേമന്‍.

ജിസാന്‍: വീട്ടുജോലിക്കെത്തിയ കര്‍ണാടക ലക്ഷ്മി നഗര്‍ സ്വദേശിനി വഹീദ ബാനു (56) നിര്യാതയായി. തൊഴിലുടമയില്‍ നിന്ന് മാറി മറ്റൊരിടത്ത് ജോലി ചെയ്യുന്നതിനിടെ ഇഖാമ നിയമലംഘനത്തിന് പിടിയിലായ വഹീദ ബാനു ജയിലിലായി. ജയില്‍വാസത്തിനിടെ പ്രമേഹം മൂര്‍ച്ഛിച്ച് ആരോഗ്യ നില വഷളായി. തുടര്‍ന്ന് ഏപ്രില്‍ 12നായിരുന്നു മരണം. സബിയ ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മയ്യിത്ത് ജിസാനില്‍ ഖബറടക്കും. ജിദ്ദ ഇന്ത്യന്‍ കോണ്‍സുലേറ്റിന്റെ നിര്‍ദ്ദേശപ്രകാരം കമ്മ്യൂണിറ്റി വെല്‍ഫയര്‍ അംഗവും കെഎംസിസി ജനറല്‍ സെക്രട്ടറിയുമായ ഖാലിദ് പട്‌ലയുടെ നേതൃത്വത്തില്‍ മയ്യിത്ത് ഖബറടക്കുന്നതിന്

ദമ്മാം: തമിഴ്‌നാട്ടിലെ വാല്‍പ്പാറയിലുണ്ടായ ദുരന്തത്തില്‍ ജീവന്‍ നഷ്ടപ്പെട്ട മലപ്പുറം സ്വദേശികള്‍ക്ക് ദമ്മാമിലെ കായികപ്രേമികളുടെ ആദരാഞ്ജലി. ദമ്മാം ഇന്ത്യന്‍ ഫുട്‌ബോള്‍ അസോസിയേഷന്‍ (ഡിഫ) തുക്ബ ക്ലബ് സ്‌റ്റേഡിയത്തില്‍ സംഘടിപ്പിക്കുന്ന എച്ച്.എം.ആര്‍ ഡിഫ ചാമ്പ്യന്‍സ് ലീഗ് മത്സരവേദിയിലാണ് അനുസ്മരണം നടന്നത്. പാങ്ങ് എല്‍.പി. സ്‌കൂള്‍ അധ്യാപകരും കുടുംബാംഗങ്ങളും അടങ്ങുന്ന സംഘത്തിന്റെ വിയോഗത്തില്‍ കളിക്കാരും കാണികളും ഒരു മിനിറ്റ് മൗനം ആചരിച്ചു. കുടുംബങ്ങളുടെ തീരാദുഃഖത്തില്‍ പങ്കുചേര്‍ന്നാണ് കായികപ്രേമികള്‍ ആദരാഞ്ജലി അര്‍പ്പിച്ചത്. ഡിഫ പ്രസിഡന്റ് ഷമീര്‍ കൊടിയത്തൂര്‍, ആക്ടിങ് ജനറല്‍ സെക്രട്ടറി റഷീദ്

റിയാദ്: മികച്ച വിദ്യാര്‍ത്ഥികളെ ആദരിക്കന്‍ റിയാദ് അലിഫ് ഇന്റര്‍നാഷണല്‍ സ്‌കൂള്‍ ‘ഇന്‍സ്‌പെയര്‍ 26’ പ്രതിഭാ സംഗമം സംഘടിപ്പിച്ചു. എല്‍.കെ.ജി മുതല്‍ ഒമ്പതാം ക്ലാസ് വരെയുള്ള വിവിധ ഗ്രേഡുകളില്‍ ഒന്നും രണ്ടും മൂന്നും സ്ഥാനങ്ങള്‍ നേടിയ 163 വിദ്യാര്‍ത്ഥികളെയാണ് ആദരിച്ചത്. രണ്ടു ദിവസങ്ങളിലായി നടന്ന സംഗമത്തിന്റെ ഒന്നാം ദിനം എക്‌സെലിയ ട്രെയിനിങ് ഇന്‍സ്റ്റിറ്റിയൂട്ട് ജനറല്‍ മാനേജര്‍ അഹ്മദ് ഇംതിയാസ് ഉദ്ഘാടനം ചെയ്തു. രണ്ടാം ദിനം സയന്‍സ് ഒവൈസിസ് ഇന്റര്‍നാഷണല്‍ സ്‌കൂള്‍ ചീഫ് അക്കാഡമിക് ഓഫീസര്‍ ഡോ. മുഹമ്മദ് അഷ്‌കര്‍

റിയാദ്: സഊദി അറേബ്യയിലെ വിവിധ പ്രവിശ്യകളില്‍ കനത്ത മഴ തുടരുന്നു. ഇതിന്റെ പശ്ചാത്തലത്തില്‍ ഖസീം പ്രവിശ്യയിലും റിയാദിലെ വിവിധ ഗവര്‍ണറേറ്റുകളിലും ഓണ്‍ലൈന്‍ ക്ലാസുകള്‍ തുടരുമെന്ന് വിദ്യാഭ്യാസ ഡയറക്ടറേറ്റ് അറിയിച്ചു. വിദ്യാഭ്യാസ മന്ത്രാലയത്തിന്റെ ‘മദ്‌റസത്തീ’ ഓണ്‍ലൈന്‍ പ്ലാറ്റ്‌ഫോം വഴിയായിരിക്കും ക്ലാസുകള്‍. റിയാദ് പ്രവിശ്യയിലെ ഹുറൈമില, റുമാഹ്, ദുര്‍മ, മറാത്ത്, ദവാദ്മി, സുല്‍ഫി, മജ്മഅ്, അല്‍ ഗാത്ത്, ശഖ്‌റ, അഫീഫ്, അല്‍ റൈന്‍, അല്‍ ഖുവയ്യ എന്നീ ഗവര്‍ണറേറ്റുകളിലെ സ്‌കൂളുകള്‍ക്കാണ് ഓണ്‍ലൈന്‍ പഠനം. മഴ തുടരുന്ന സാഹചര്യത്തില്‍ താഴ്ന്ന പ്രദേശങ്ങളിലും

റിയാദ്: ഡെലിവറി സേവന മേഖലയില്‍ ഈ വര്‍ഷം ആദ്യപാദത്തില്‍ സൗദി അറേബ്യ റെക്കോര്‍ഡ് വളര്‍ച്ച കൈവരിച്ചു. ആദ്യ മൂന്ന് മാസങ്ങളില്‍ രാജ്യത്തുടനീളം 11.8 കോടിയിലധികം ഡെലിവറി ഓര്‍ഡറുകള്‍ നടന്നതായി ട്രാന്‍സ്‌പോര്‍ട്ട് അതോറിറ്റിയുടെ റിപ്പോര്‍ട്ട് വ്യക്തമാക്കുന്നു. കഴിഞ്ഞ വര്‍ഷം ഇതേ കാലയളവിനെ അപേക്ഷിച്ച് 49 ശതമാനത്തിന്റെ വര്‍ധനവാണ് ഈ മേഖലയിലുണ്ടായത്. ഇ-കൊമേഴ്‌സ് മേഖലയിലെ അഭൂതപൂര്‍വ്വമായ വളര്‍ച്ചയും, ഡെലിവറി സേവനങ്ങളില്‍ സാങ്കേതികവിദ്യയുടെ ഉപയോഗവും കാര്യക്ഷമമായ പ്രവര്‍ത്തനരീതികളുമാണ് നേട്ടത്തിന് പിന്നില്‍. രാജ്യത്തെ മിക്ക പ്രവിശ്യകളിലും ഡെലിവറി സേവനങ്ങള്‍ സജീവമായിട്ടുണ്ടെങ്കിലും, തലസ്ഥാന നഗരമായ

റിയാദ്: തൃശ്ശൂര്‍ പടക്ക നിര്‍മാണശാലയിലെ ദാരുണ സംഭവത്തില്‍ റിയാദ് ഒഐസിസി അനുശോചനം അറിയിച്ചു. തൊഴിലാളികളുടെ ജീവന്‍ നഷ്ടപ്പെട്ടത് ദുഃഖകരവും വേദനാജനകവുമാണ്. അപകടത്തില്‍ മരിച്ചവരുടെ കുടുംബങ്ങളുടെ ദുഃഖത്തില്‍ പങ്കുചേരുന്നതായി ഒഐസിസി നേതാക്കള്‍ അറിയിച്ചു. പരിക്കേറ്റവര്‍ വേഗത്തില്‍ സുഖം പ്രാപിക്കട്ടെയെന്നും, അവര്‍ക്കാവശ്യമായ മികച്ച ചികിത്സയും പിന്തുണയും ലഭ്യമാക്കണമെന്നും സംഘടന ആവശ്യപ്പെട്ടു. ഇത്തരം അപകടങ്ങള്‍ ആവര്‍ത്തിക്കാതിരിക്കാന്‍ സുരക്ഷാ മാനദണ്ഡങ്ങള്‍ കര്‍ശനമായി പാലിക്കേണ്ടതിന്റെ ആവശ്യകതയും ഒഐസിസി ചൂണ്ടിക്കാട്ടി. തൊഴിലാളികളുടെ ജീവന്‍ സംരക്ഷിക്കാന്‍ അധികാരികള്‍ ശക്തമായ നടപടികള്‍ സ്വീകരിക്കണമെന്നും ഒഐസിസി ആവശ്യപ്പെട്ടു.

റിയാദ്: 42 വര്‍ഷത്തെ പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന റിയാദ് ഇന്ത്യന്‍ അസോസിയേഷന്‍ (റിയ) അംഗവും ഹ്യുമാനിറ്റേറിയന്‍ കണ്‍വീനറുമായ ജോസഫ് അറക്കലിന് സഹപ്രവര്‍ത്തകര്‍ യാത്രയപ്പ് നല്‍കി. അല്‍ ഹാദ കോണ്‍ട്രാക്ടിംഗ് കമ്പനി ജീവനക്കാരനായിരുന്നു. സംഘടനയുടെ വിവിധ സമിതികളില്‍ പ്രവര്‍ത്തിച്ചിരുന്ന അദ്ദേഹം, സാമൂഹിക സേവന പ്രവര്‍ത്തനങ്ങളില്‍ സജീവമായിരുന്നു. ചോല റെസ്‌റ്റോറന്റ് ഓഡിറ്റോറിയത്തില്‍ നടന്ന പരിപാടിയില്‍ പ്രസിഡന്റ് ബിജു ജോസഫ് അധ്യക്ഷത വഹിച്ചു. സെക്രട്ടറി എസക്കി, മഹേഷ് മുരളീധരന്‍, അരുണ്‍ നടരാജന്‍ ഡോ. പൊന്മുരുകന്‍, പീറ്റര്‍ രാജ്, വിവേക്, സന്ദീപ്,

റിയാദ്: വാല്‍പാറയില്‍ മിനി വാന്‍ അപകടത്തില്‍പ്പെട്ടതിനെ തുടര്‍ന്ന് മരിച്ച മങ്കട പാങ്ങ് പള്ളിപ്പറമ്പ് ജി.എല്‍.പി. സ്‌കൂള്‍ അധ്യാപകരുടെ നിര്യാണത്തില്‍ റിയാദ് കെഎംസിസി അനുശോചിച്ചു. അധ്യാപകരുടെ ഓര്‍മയ്ക്കായി ബത്ഹയിലെ കെഎംസിസി ഓഫിസില്‍ സംഘടിപ്പിച്ച പ്രാര്‍ത്ഥനാ സദസ്സിലും മയ്യിത്ത് നിസ്‌കാരത്തിലും പ്രവാസി മലയാളികളടക്കം നൂറുകണക്കിനാളുകള്‍ പങ്കെടുത്തു. ബഷീര്‍ ഫൈസി വാദിനൂര്‍ പ്രാര്‍ത്ഥനകള്‍ക്കും മയ്യിത്ത് നിസ്‌കാരത്തിനും നേതൃത്വം നല്‍കി. വിദ്യാഭ്യാസ മേഖലയ്ക്ക് വിലപ്പെട്ട സംഭാവനകള്‍ നല്‍കിയ അധ്യാപകരുടെ അപ്രതീക്ഷിത വിയോഗം നാടിനും പ്രവാസികള്‍ക്കും നികത്താനാവാത്ത നഷ്ടമാണെന്ന് യോഗം അനുസ്മരിച്ചു. അപകടത്തില്‍ പരിക്കേറ്റ്