gulf

റിയാദ്: സ്‌പോണ്‍സറുടെ മകന്‍ അനസ് അല്‍ ഷഹ്‌രി മരിച്ച കേസില്‍ റിയാദില്‍ ജയിലില്‍ കഴിയുന്ന കോഴിക്കോട് കോടാമ്പുഴ സ്വദേശി അബ്ദുറഹീമിന്റെ ജയില്‍മോചനം വൈകും. വധശിക്ഷയില്‍ നിന്ന് ദിയാധനം നല്‍കി റഹീമിന് മാപ്പുനല്‍കി. എന്നാല്‍ പബ്ലിക് റൈറ്റ് പ്രകാരം 20 വര്‍ഷത്തെ തടവുശിക്ഷ മെയ് 20ന് അവസാനിക്കും. എന്നാല്‍, നിയമപരമായ ക്ലിയറന്‍സുകള്‍ വൈകുന്ന സാഹചര്യത്തില്‍ മോചനം വൈകാനാണ് സാധ്യത. ആഭ്യന്തര മന്ത്രാലയം, പാസ്‌പോര്‍ട്ട് ഡയറക്ടറേറ്റ്, പ്രിസണ്‍ ഡയറക്ടറേറ്റ്, ഗവര്‍ണറേറ്റ് എന്നിവടങ്ങളില്‍ നിന്നുള്ള ഔദ്യോഗിക ക്ലിയറന്‍സുകള്‍ ലഭിച്ച ശേഷം മാത്രമേ […]

ദമ്മാം: വെസ്‌റ്റേണ്‍ ഇന്റര്‍നാഷണല്‍ ഗ്രൂപ്പിന്റെ റീറ്റെയില്‍ വിതരണ ശൃംഖല അല്‍ വഫാ ഹൈപ്പര്‍മാര്‍ക്കറ്റിന്റെ പുതിയ ശാഖ ദമ്മാം ഫൈസലിയ അന്‍-നദയില്‍ പ്രവര്‍ത്തനം ആരംഭിച്ചു. പൗരപ്രമുഖനും വ്യവസായിയുമായ അബ്ദുല്‍ അസീസ് അബ്ദുല്‍ കരീം അല്‍ ഖര്‍ജി ഉദ്ഘാടനം നിര്‍വഹിച്ചു. സൗദി അറേബ്യയിലെ പതിനാലാമത്തെയും ദമ്മാം റീജിയനിലെ മൂന്നാമത്തെയും സ്‌റ്റോറാണ് ഉദ്ഘാടനം ചെയ്തത്. അല്‍ വഫാ ഗ്രൂപ്പ് ഡയറക്ടര്‍മാരായ സിദ്ദീഖ് കോറോത്, മുഹമ്മദ് കോറോത്, മാജിദ് കോറോത്, അബ്ദുല്‍ നാസര്‍, ചീഫ് പ്രൊക്യൂര്‍മെന്റ് ഓഫീസര്‍ നാസര്‍, ചീഫ് മാര്‍ക്കറ്റിംഗ് ഓഫീസര്‍

റിയാദ്: ഐക്യ ജനാധിപത്യ മുന്നണി കൈവരിച്ച വന്‍ വിജയവും പി.കെ. കുഞ്ഞാലിക്കുട്ടിയുടെ ചരിത്ര ഭൂരിപക്ഷവും ആഘോഷമാക്കി റിയാദ് കോഡൂര്‍ പഞ്ചായത്ത് കെഎംസിസി കമ്മിറ്റി. മതേതര നിലപാടുകള്‍ ഉയര്‍ത്തിപ്പിടിച്ചു മുന്നോട്ടുപോയ യുഡിഎഫിനുള്ള ജനങ്ങളുടെ അംഗീകാരമാണ് ജനവിധിയെന്ന് യോഗത്തില്‍ പങ്കെടുത്തവര്‍ അഭിപ്രായപ്പെട്ടു. ത്വാഹ കോഡൂരിന്റെ ഖിറാഅത്തോടെ ആഘോഷ പരിപാടികള്‍ ആരംഭിച്ചു. കോഡൂര്‍ പഞ്ചായത്ത് കെഎംസിസി കമ്മിറ്റി പ്രസിഡന്റ് അമീറലി വലിയാട് അധ്യക്ഷത വഹിച്ചു. മണ്ഡലം പ്രസിഡന്റ് ബഷീര്‍ ഇരുമ്പൂഴി ഉദ്ഘാടനം ചെയ്തു. റിയാദ് കെഎംസിസി സെന്‍ട്രല്‍ കമ്മിറ്റി ആക്ടിങ് സെക്രട്ടറി

മക്ക: ഹജ്ജ് കര്‍മ്മങ്ങള്‍ക്കായി കോഴിക്കോട്, കണ്ണൂര്‍ വിമാനത്താവളങ്ങള്‍ വഴി യാത്ര ചെയ്യാന്‍ തിരഞ്ഞെടുത്ത മുഴുവന്‍ തീര്‍ഥാടകരും എത്തിച്ചേര്‍ന്നു. കണ്ണൂരില്‍ നിന്നുള്ള ഹാജിമാരുടെ വരവ് നേരത്തെ പൂര്‍ത്തിയായിരുന്നു. ഇതിന് പിന്നാലെയാണ് കോഴിക്കോട് അന്താരാഷ്ട്ര വിമാനത്താവളം വഴിയുള്ള മുഴുവന്‍ സര്‍വീസുകളും പൂര്‍ത്തിയാക്കി ഹാജിമാര്‍ മക്കയിലും മദീനയിലുമായി എത്തിച്ചേര്‍ന്നത്. കൊച്ചി എയര്‍പോര്‍ട്ട് തെരഞ്ഞെടുത്ത തീര്‍ഥാടകര്‍ മാത്രമാണ് എത്താന്‍ ബാക്കിയുള്ളത്. കൊച്ചിയില്‍ നിന്നു ഏകദേശം 1200 തീര്‍ഥാടകരാണ് എത്താനുളളത്. വരും ദിവസങ്ങളില്‍ കൊച്ചിയില്‍ നിന്നുളള തീത്ഥാടകരും എത്തിച്ചേരും. ഇവരിലേറെയും കുറഞ്ഞ ദിവസങ്ങള്‍ മാത്രമാണ്

ദമ്മാം: സാമൂഹ്യപ്രവര്‍ത്തകനും നവയുഗം സാംസ്‌കാരിക വേദി മുന്‍ സെക്രട്ടറിയുമായ പെരുമ്പാവൂര്‍ സ്വദേശി അന്തരിച്ചു. എറണാകുളം പെരുമ്പാവൂര്‍ വെറ്റിലപ്പാറ പിണ്ടിമന മൈലങ്കല്‍ വീട്ടില്‍ റഷീദ് (48) ആണ് ഹൃദയാഘാതത്തെ തുടര്‍ന്ന് മരിച്ചത്. അബ്ദുള്‍ അസീസിന്റെയും നാച്ചി അസീസിന്റെയും മകനാണ്. കഴിഞ്ഞ ദിവസം അര്‍ദ്ധരാത്രിയോടെ ദേഹാസ്വാസ്ഥ്യം അനുഭവപ്പെട്ട റഷീദിനെ ഉടന്‍ ആശുപത്രിയില്‍ എത്തിച്ചെങ്കിലും പുലര്‍ച്ചയോടെ മരണം സംഭവിക്കുകയായിരുന്നു. കഴിഞ്ഞ ഇരുപത് വര്‍ഷമായി അല്‍ ഖുദരിയ്യയിലെ സ്റ്റീല്‍ കമ്പനിയില്‍ സെയില്‍സ് വിഭാഗം ജീവനക്കാരനായിരുന്നു. സനു മഠത്തില്‍ സ്മാരക ക്രിക്കറ്റ് ടൂര്‍ണമെന്റ് ഉള്‍പ്പെടെ

ജുബൈല്‍: ലോക ഹൈപ്പര്‍ടെന്‍ഷന്‍ (രക്ത സമ്മര്‍ദ്ദം) ദിനത്തോടനുബന്ധിച്ച് സൗജന്യ മെഡിക്കല്‍ ക്യാമ്പ് സംഘടിപ്പിച്ചു. സിറ്റിഫ്‌ളവര്‍ ജുബൈല്‍, ഷിഫാ അല്‍ ജുബൈല്‍ മെഡിക്കല്‍ സെന്റര്‍, ഡബ്ല്യു.എം.എഫ് ജുബൈല്‍ കൗണ്‍സില്‍ എന്നിവ സംയുക്തമായാണ് ക്യാമ്പ് സംഘടിപ്പിച്ചത്. ഷിഫാ അല്‍ ജുബൈല്‍ മെഡിക്കല്‍ സെന്റര്‍ മാര്‍ക്കറ്റിംഗ് മാനേജര്‍ വില്യം വര്‍ക്കിയുടെ നതൃത്വത്തിലുള്ള മെഡിക്കല്‍ സംഘമാണ് ക്യാമ്പിന് നേതൃത്വം നല്‍കിയത്. ഡോ. സയീദ് അബ്ദുല്‍ തവാബ്, ഡോ. മാലിനി ചക്രബനി, ഡോ. വഹീദ അക്തര്‍ എന്നിവര്‍ പരിശോധനകള്‍ക്ക് നേതൃത്വം നല്‍കി. പരിപാടിയില്‍ ഡബ്ല്യു.എം.എഫ്

തിരുവനന്തപുരം: പ്രവാസി ക്ഷേമം, പുനരധിവാസം, വികസനം എന്നിവ മുന്‍നിര്‍ത്തി സംസ്ഥാന സര്‍ക്കാരിന്റെ ഭാഗത്തുനിന്ന് അടിയന്തര ഇടപെടലുകള്‍ ഉണ്ടാകണമെന്ന് ഗള്‍ഫ് മലയാളി ഫെഡറേഷന്‍ (ജി.എം.എഫ്). പുതിയ സര്‍ക്കാരിന്റെ നേതൃത്വം ഏറ്റെടുത്ത മുഖ്യമന്ത്രി വി.ഡി. സതീശന് സംഘടന നിവേദനം സമര്‍പ്പിച്ചു. കേരളത്തിന്റെ സമ്പദ്‌വ്യവസ്ഥയിലും സാമൂഹിക വികസനത്തിലും നിര്‍ണായക പങ്കുവഹിക്കുന്ന പ്രവാസി സമൂഹം നേരിടുന്ന വിവിധ പ്രതിസന്ധികള്‍ക്ക് അടിയന്തര പരിഹാരം കാണണം. നോര്‍ക്കയുടെ പ്രവര്‍ത്തനം കൂടുതല്‍ സുതാര്യവും ജനകീയവുമാക്കാന്‍ സമഗ്ര പരിഷ്‌കാരം വേണം. ഗള്‍ഫിലെ തൊഴില്‍ സാഹചര്യങ്ങളെക്കുറിച്ചും പ്രവാസി ജീവിതത്തെക്കുറിച്ചും പ്രായോഗിക

റിയാദ്: കേളി കുടുംബവേദി ‘ജ്വാല അവാര്‍ഡ്-2026’ന്റെ ഭാഗമായി റിയാദില്‍ മെഗാ ഡ്രോയിംഗ് മത്സരം ശ്രദ്ധേയമായി. അല്‍ വഫ ഹൈപ്പര്‍മാര്‍ക്കറ്റുമായി സഹകരിച്ച് മലാസ് ഷോല ഷോപ്പിംഗ് മാളില്‍ നടത്തിയ മത്സരത്തില്‍ വിവിധ ഇന്റര്‍നാഷണല്‍ സ്‌കൂളുകളിലെ ആയിരത്തിലധികം വിദ്യാര്‍ത്ഥികള്‍ മാറ്റുരച്ചു. മൂന്ന് വിഭാഗങ്ങളിലായാണ് മത്സരങ്ങള്‍. നാലും ആറും വയസ്സുകാര്‍ ഉള്‍പ്പെട്ട ഒന്നാം വിഭാഗത്തിനും ഏഴ് മുതല്‍ പത്ത് വയസ്സ് വരെയുള്ള രണ്ടാം വിഭാഗത്തിനും മുന്‍കൂട്ടി തയ്യാറാക്കിയ ചിത്രങ്ങളില്‍ നിറം നല്‍കാനായിരുന്നു അവസരം. 11 മുതല്‍ 15 വയസ്സ് വരെയുളളവര്‍ക്ക് ‘ജീവിതത്തില്‍

റിയാദ്: ജനാധിപത്യ പ്രക്രിയകളില്‍ പൊതുജന പങ്കാളിത്തം ഉറപ്പാക്കുന്നതിനായി മാസ് റിയാദും ടാര്‍ഗറ്റും സംയുക്തമായി സംഘടിപ്പിച്ച ‘ഇലക്ഷന്‍ പ്രവചന മത്സരം-2026’ വിജയികളെ പ്രഖ്യാപിച്ചു. ‘ജനാധിപത്യത്തിന്റെ നാളെയെ പ്രവചിക്കൂ, വിജയത്തിന്റെ പടവുകള്‍ കയറൂ’ എന്ന പ്രമേയത്തില്‍ ബത്ഹ ഡി പാലസ് ഓഡിറ്റോറിയത്തിലാണ് വിജയികളെ തിരഞ്ഞെടുത്തത്. കേരള നിയമസഭാ തിരഞ്ഞെടുപ്പ് ഫലങ്ങളെ ആസ്പദമാക്കി നടത്തിയ മത്സരത്തില്‍ അഞ്ഞൂറിലധികം പേര്‍ പങ്കെടുത്തു. അഞ്ച് ചോദ്യങ്ങള്‍ ഉള്‍പ്പെടുത്തിയ മത്സരത്തില്‍ മുഴുവന്‍ ചോദ്യങ്ങള്‍ക്കും ശരിയുത്തരം നല്‍കാന്‍ ആര്‍ക്കും സാധിച്ചില്ല. തുടര്‍ന്ന് ഏറ്റവും കൂടുതല്‍ ശരിയുത്തരങ്ങള്‍ നല്‍കിയവരെ

താഇഫ്: താമസസ്ഥലത്ത് നിര്യാതനായ തൊടുപുഴ സ്വദേശി കുട്ടിമാക്കല്‍ ജിജോ ജോസഫിന്റെ (29) മൃതദേഹം ജിദ്ദ ഇന്ത്യന്‍ കോണ്‍സുലേറ്റിന്റെ ചെലവില്‍ നാട്ടിലെത്തിച്ചു. താഇഫ് കെ.എം.സി.സി ഭാരവാഹികളുടെ നേതൃത്വത്തില്‍ നിയമനടപടികള്‍ പൂര്‍ത്തിയാക്കി ഇന്നലെ വൈകുന്നേരം മൂന്നിന് പുറപ്പെട്ട ഇന്‍ഡിഗോ എയര്‍ലൈന്‍സ് വിമാനത്തിലാണ് കൊച്ചിയിലെത്തിച്ചത്. സംസ്‌കാരം ഇന്ന് രാവിലെ 11ന് അഞ്ചിരി സെന്റ് മാര്‍ട്ടിന്‍ ഡിപോറസ് പള്ളി സെമിത്തേരിയില്‍ നടക്കും. നാല് മാസം മുന്‍പ് സഊദിയിലെത്തിയ തൊടുപുഴ അഞ്ചിരി സ്വദേശിയായ ജിജോ ജോസഫ് താഇഫ് അല്‍ഹദ മിലിറ്ററി ആസ്പത്രിയില്‍ നഴ്‌സായ ഭാര്യ

റിയാദ്: സഊദി അറേബ്യയിലും ഒമാനിലും ദുല്‍ഹജ്ജ് മാസപ്പിറവി ദൃശ്യമായതോടെ ഗള്‍ഫ് രാജ്യങ്ങളില്‍ ബലിപെരുന്നാള്‍ മേയ് 27 ബുധനാഴ്ച ആഘോഷിക്കും. ഇതോടെ ഹജ്ജ് കര്‍മ്മങ്ങളുടെ സുപ്രധാന ചടങ്ങായ അറഫാ സംഗമം മേയ് 26 ചൊവ്വാഴ്ചയായിരിക്കുമെന്നും ഔദ്യോഗിക വൃത്തങ്ങള്‍ സ്ഥിരീകരിച്ചു. സഊദിയിലെ തുമൈര്‍, സുദൈര്‍ ഉള്‍പ്പെടെയുള്ള വിവിധ നിരീക്ഷണ കേന്ദ്രങ്ങളില്‍ മാസപ്പിറവി ദൃശ്യമായതായി ഔദ്യോഗിക നിരീക്ഷണ സമിതി അറിയിച്ചു. ഒമാനിലും മാസപ്പിറവി ദൃശ്യമായതായി മതകാര്യ മന്ത്രാലയം വ്യക്തമാക്കി. മാസപ്പിറവി പ്രഖ്യാപനം വന്നതോടെ ഗള്‍ഫ് മേഖലയിലുടനീളം പെരുന്നാള്‍ ഒരുക്കങ്ങള്‍ സജീവമായി.

ദമ്മാം: പ്രവാസലോകത്തെ കുടുംബങ്ങള്‍ക്കിടയില്‍ വിദ്യാഭ്യാസ, സാമൂഹിക, സാംസ്‌കാരിക രംഗങ്ങളില്‍ സജീവ ഇടപെടല്‍ ലക്ഷ്യമാക്കി കിഴക്കന്‍ പ്രവിശ്യ കെഎംസിസി വനിതാ കമ്മിറ്റി രൂപീകരിച്ചു. ഒന്‍പത് സെന്‍ട്രല്‍ കമ്മിറ്റികളില്‍ നിന്നായി തിരഞ്ഞെടുത്ത 18 ഭാരവാഹികള്‍ അടങ്ങുന്ന വനിതാ കമ്മിറ്റിയാണ് നിലവില്‍വന്നത്. റോസ് ഗാര്‍ഡന്‍ ഓഡിറ്റോറിയത്തില്‍ നടന്ന വനിതാ സംഗമത്തില്‍ ഈസ്‌റ്റേണ്‍ പ്രവിശ്യാ പ്രസിഡന്റ് മുഹമ്മദ് കുട്ടി കോഡൂര്‍ ഭാരവാഹികളെ പ്രഖ്യാപിച്ചു. പുതിയ കാലത്തിന്റെ വെല്ലുവിളികള്‍ ഏറ്റെടുത്ത് ഉന്നതമായ സാംസ്‌കാരിക മൂല്യങ്ങള്‍ ഉയര്‍ത്തിപ്പിടിച്ച് മുന്നേറാന്‍ പുതിയ കമ്മിറ്റിക്ക് സാധിക്കട്ടെയെന്ന് അദ്ദേഹം ആശംസിച്ചു.

ജിദ്ദ: ആര്‍ട്ടിഫിഷ്യല്‍ ഇന്റലിജന്‍സ് സാങ്കേതികവിദ്യയും മനുഷ്യന്റെ സര്‍ഗാത്മക ചിന്തയും കൈകോര്‍ത്തപ്പോള്‍ പിറന്ന അപൂര്‍വ കലാസൃഷ്ടിക്ക് അംഗീകാരം. ലോകത്തിലെ ആദ്യത്തെ മള്‍ട്ടിലിങ്ഗ്വല്‍ എഐ മ്യൂസിക്കല്‍ ഷോര്‍ട്ട് ഫിലിം ‘ഗാലക്റ്റിക് ലവ്’ എന്ന ചിത്രം ‘ഇന്ത്യ ബുക്ക് ഓഫ് റെക്കോര്‍ഡ്‌സി’ല്‍ ഇടംനേടി. എഐ സാങ്കേതികവിദ്യ ഉപയോഗിച്ച് റിയാസ് മുണ്ടേങ്ങര നിര്‍മ്മിച്ച മ്യൂസിക്കല്‍ വീഡിയോ ആല്‍ബത്തിനാണ് അംഗീകാരം. മലയാളം, അറബിക് തുടങ്ങി വിവിധ ഭാഷകളില്‍ പുറത്തിറങ്ങിയ ചിത്രം സാങ്കേതിക വിദ്യയെ കലയുമായി എങ്ങനെ മനോഹരമായി കൂട്ടിയിണക്കാം എന്നതിന്റെ ഉദാഹരണമാണ്. എഐ സാങ്കേതികവിദ്യയിലൂടെ