gulf

റിയാദ്: സൗദിയില്‍ രണ്ടാമത്തെ കൊവിഡ് വാക്‌സിന്‍ വിതരണ കേന്ദ്രം ജിദ്ദയില്‍ പ്രവര്‍ത്തനം ആരംഭിച്ചു. ദമ്മാം ഉള്‍പ്പെടുന്ന വടക്കന്‍ പ്രവിശ്യയില്‍ ഉടന്‍ വാക്‌സിന്‍ വിതരണം ആരംഭിക്കുമെന്നും ആരോഗ്യ മന്ത്രാലയം അറിയിച്ചു.ജിദ്ദ കിംഗ് അബ്ദുല്‍ അസീസ് അന്താരാഷ്ട്ര വിമാനത്താവളത്തിലെ സൗത് ടെര്‍മിനലാണ് താല്‍ക്കാലിക വാക്‌സിന്‍ കേന്ദ്രമാക്കി മാറ്റിയത്. എയര്‍പോര്‍ട്ട് പുതിയ ടെര്‍മിനലിലേക്ക് മാറ്റിയതോടെ ഇവിടെ ഒഴിഞ്ഞു കിടക്കുകയാണ്. ഈ സൗകര്യം പ്രയോജനപ്പടുത്തിയാണ് വിശാലമായ വാക്‌സിന്‍ സെന്റര്‍ സജ്ജീകരിച്ചത്. ആരോഗ്യ മന്ത്രാലയത്തിന്റെ സ്വിഹതി മൊബൈല്‍ ആപ് വഴി രജിസ്റ്റര്‍ ചെയ്ത സ്വദേശികളും […]

റിയാദ്: സ്വദേശി വനിതകള്‍ക്ക് സംവരണം ചെയ്ത തസ്തികകളില്‍ അഞ്ച് വിദേശി വനിതകള്‍ ജോലി ചെയ്യുന്നതായി കണ്ടെത്തി. മാനവശേഷി, സാമൂഹിക വികസന കാര്യ മന്ത്രാലയം നടത്തിയ റെയ്ഡിലാണ് നിയമ ലംഘനങ്ങള്‍ കണ്ടെത്തിയത്. റിയാദിലെ ഷോപിംഗ് മാളുകളിലും വ്യാപാര കേന്ദ്രങ്ങളിലും അഞ്ഞൂറിലധികം പരിശോധനകളാണ് മാനവശേഷി, സാമൂഹിക വികസന കാര്യ മന്ത്രാലയം നടത്തിയത്. ലേഡീസ് സ്‌റ്റോര്‍, ബ്യൂടി പാര്‍ലര്‍, എന്നിവിടങ്ങളില്‍ വനിതാ ഉദ്യോഗസ്ഥരുടെ സാന്നിധ്യത്തില്‍ നടത്തിയ പരിശോധനകളിലാണ് വിദേശി വനിതകളെ പിടികൂടിയത്. ലൈസന്‍സ് നേടാതെ പ്രവര്‍ത്തിച്ച സ്ഥാപനങ്ങളും ഹെല്‍ത് കാര്‍ഡ് ഇല്ലാത്ത

റിയാദ്: സൗദി അറേബ്യയിലെ സ്വദേശിവത്ക്കരണ പദ്ധതിയായ നിതാഖാത് ഫലം ചെയ്തതായി റിപ്പോര്‍ട്ട്. കൂടുതല്‍ സ്വദേശികള്‍ക്ക് തൊഴില്‍ കണ്ടെത്താന്‍ പദ്ധതി സഹായിച്ചതായി ഹ്യൂമന്‍ റിസോഴ്‌സ് ഡവലപ്‌മെന്റ് ഫണ്ടിന്റെ റിപ്പോര്‍ട്ട് വ്യക്തമാക്കി. സ്വകാര്യ മേഖലയില്‍ സ്വദേശി ജീവനക്കാരുടെ എണ്ണം വര്‍ധിച്ചുവരുകയാണ്. ധനകാര്യ സ്ഥാപനങ്ങളിലും ഇന്‍ഷുറന്‍സ് കമ്പനികളിലുമാണ് കൂടുതല്‍ നിയമനം നടന്നത്. 83.5 ശതമാനം സ്വദേശികള്‍ക്കാണ് കഴിഞ്ഞവര്‍ഷം ഈ മേഖലകളില്‍ നിയമനം ലഭിച്ചത്. നിലവില്‍ 21.54 ശതമാനം സ്വദേശികള്‍ സ്വകാര്യ മേഖലയില്‍ ജോലി ചെയ്യുന്നുണ്ടെന്ന് ഹ്യൂമണ്‍ റിസോഴ്‌സ് ഡവലപ്പ്‌മെന്റ് ഫണ്ടിന്റെ റിപ്പോര്‍ട്ടില്‍

റിയാദ്: ബത്ഹ മനില പ്ലാസയില്‍ പ്രവര്‍ത്തിക്കുന്ന ഖസര്‍ ഹൈപ്പറില്‍ പുതുവത്സരം പ്രമാണിച്ച് രണ്ടാഴ്ച നീണ്ടു നില്‍ക്കുന്ന പ്രമോഷന്‍ പ്രഖ്യാപിച്ചു. മനില ഫെസ്റ്റ് എന്ന പേരില്‍ പ്രഖ്യാപിച്ച പ്രമോഷന്‍ ജനുവരി 9 വരെ നീണ്ടു നില്‍ക്കും. 200 റിയാലിന് പര്‍ചേസ് ചെയ്യുന്നവര്‍ക്ക് സര്‍പ്രൈസ് ഗിഫ്റ്റ് സമ്മാനിക്കും. 300 റിയാലിന് പര്‍ചേസ് ചെയ്യുന്നവര്‍ പ്രത്യേക ഉപഹാരവും ലഭിക്കും. 500 റിയാലിന് പര്‍ചേസ് ചെയ്യുന്നവര്‍ക്ക് മിട്രൂ വയര്‍ലെസ് ഇയര്‍ബഡ്‌സാണ് സമ്മാനം. ഇതിനു പുറമെ ആകര്‍ഷകമായ വിലക്കിഴിവാണ് എല്ലാ ഡിപ്പാര്‍ട്‌മെന്റിലും ഒരുക്കിയിട്ടുളളത്. ഗ്രോസറി,

റിയാദ്: സുബൈര്‍കുഞ്ഞു ഫൗണ്ടേഷന്‍ ലഹരി വിരുദ്ധ പ്രവര്‍ത്തനങ്ങള്‍ക്ക് എംബസ്സിയുടെ സഹകരണം ഉണ്ടാകുമെന്നു ഇന്ത്യന്‍ അംബാസ്സഡര്‍ ഡോ. ഔസെഫ് സയീദ്. അന്താരാഷ്ട്ര എന്‍ ജി ഓ പട്ടികയില്‍ സ്ഥാനം നേടിയ ഫൗണ്ടേഷന്റെ പ്രവര്‍ത്തനങ്ങള്‍ അഭിനന്ദനാര്‍ഹമാണ്. സൗദിയിലെ വിവിധ ഇന്റര്‍ നാഷണല്‍ സ്‌കൂളുകളില്‍ റിസാ പ്രവര്‍ത്തനങ്ങള്‍ക്ക് അവസരം ഒരുക്കുമെന്നും അംബാസഡര്‍ പറഞ്ഞു. റിസയുടെ ഓണ്‍ലൈന്‍ പരിശീലന പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. റിസ റിസോഴ്‌സ് ടീം അംഗങ്ങളായ ഡോ. ഭരതന്‍, ഡോ. തമ്പി വേലപ്പന്‍, ഡോ. നസീം അഖ്തര്‍

റിയാദ്: മലയാളികളുടെ പ്രിയ കവയിത്രിയും സാമൂഹിക-പരിസ്ഥിതി പ്രവര്‍ത്തകയുമായ സുഗതകുമാരി ടീച്ചറുടെ വിയോഗത്തില്‍ കേളി അനുശോചനം അറിയിച്ചു. വേദനിക്കുന്ന മനുഷ്യരെ ചേര്‍ത്ത് പിടിക്കാനും അവരുടെ ദുഖം അകറ്റാനും ശ്രദ്ധാലുവായിരുന്നു സുഗതകുമാരി ടീച്ചര്‍. പ്രകൃതി ചൂഷണം ചെയ്യപ്പെടുമ്പോഴും വാക്കുകൊണ്ടും കവിതകളിലൂടെയും പോരാടി. പ്രകൃതിസംരക്ഷണ സമിതി, അഭയ തുടങ്ങിയ കൂട്ടായ്മയുടെ സ്ഥാപക സെക്രട്ടറിയാണ്. അഗതികളായ സ്ത്രീകള്‍ക്കുവേണ്ടി ‘അത്താണി’, മാനസിക രോഗികള്‍ക്കായി പരിചരണാലയം, അഭയഗ്രാമം എന്നിവയും സ്ഥാപിച്ചു. സുഗതകുമാരി ടീച്ചറുടെ വിയോഗം മലയാളസാഹിത്യത്തിനു മാത്രമല്ല മാനവിക മൂല്യങ്ങള്‍ക്കും നഷ്ടമാണെന്ന് കേളി കലാസാംസ്‌കാരിക വേദി

റിയാദ്: സൗദി അറേബ്യയില്‍ ആരോഗ്യ പ്രവര്‍ത്തകര്‍ക്ക് നിര്‍ത്തിവെച്ച വാര്‍ഷിക അവധി പുനഃരാരംഭിക്കാന്‍ ആരോഗ്യ മന്ത്രാലയം തീരുമാനിച്ചു. കൊവിഡിന്റെ പശ്ചാത്തലത്തില്‍ ആരോഗ്യ പ്രവര്‍ത്തകര്‍ക്കു അവധി നല്‍കരുതെന്ന് നേരത്തെ ഹെല്‍ത്ത് ഡയറക്‌റേറ്റിന് നിര്‍ദേശം നല്‍കിയിരുന്നു. കൊവിഡ് പ്രതിരോധ പ്രവര്‍ത്തനങ്ങളില്‍ ആവശ്യമായ ആരോഗ്യ പ്രവര്‍ത്തകരുടെ സാന്നിധ്യം ഉറപ്പു വരുത്തുന്നതിനായിരുന്നു തീരുമാനം. സര്‍ക്കാര്‍, സ്വകാര്യ മേഖലയിലെ ആരോഗ്യ പ്രവര്‍ത്തകര്‍ക്കു നിര്‍ദേശം ബാധകമായിരുന്നു. കൊവിഡ് ആശങ്ക ഒഴിയുകയും നിയന്ത്രണ വിധേയമാവുകയും ചെയ്ത സാഹചര്യത്തിലാണ് അവധിക്ക് ഏര്‍പ്പെടുത്തിയ വിലക്ക് പിന്‍വലിക്കുന്നത്. മാര്‍ച്ചിലാണ് ആരോഗ്യ മന്ത്രാലയത്തിന്റെ വിലക്ക്

റിയാദ്: സൗദി അറേബ്യയില്‍ ഒരാഴ്ചക്കിടെ 17,874 കൊവിഡ് പ്രതിരോധ നിയമ ലംഘനങ്ങള്‍ കണ്ടെത്തിയതായി ആഭ്യന്തര മന്ത്രാലയം. രാജ്യത്തെ എല്ലാ പ്രവിശ്യകളിലും നിരീക്ഷണം ശക്തമാക്കിയിട്ടുണ്ടെന്നും മന്ത്രാലയം അറിയിച്ചു. വൈറസ് ബാധിതരുടെ എണ്ണം ഗണ്യമായി കുറഞ്ഞെങ്കിലും കൊവിഡ് പ്രതിരോധ മാര്‍ഗങ്ങള്‍ പൂര്‍ണമായി പാലിക്കണമെന്ന് ആഭ്യന്തര മന്ത്രാലയം ആവര്‍ത്തിച്ചു ആവശ്യപ്പെട്ടു. റിയാദ് പ്രവിശ്യയിലാണ് ഏറ്റവും കൂടുതല്‍ നിയമ ലംഘനങ്ങള്‍്. 5251 കൊവിഡ് പ്രോട്ടോകോള്‍ ലംഘനങ്ങളാണ് ഇവിടെ റിപ്പോര്‍ട്ട് ചെയ്തത്. പടിഞ്ഞാറന്‍ പ്രവിശ്യയില്‍ 3129ഉും അല്‍ ഖസീമില്‍ 2465 നിയമ ലംഘനങ്ങളും കണ്ടെത്തി.

റിയാദ്: ഇന്ത്യന്‍ എംബസിയില്‍ പുതുതായി ചുമതലയേറ്റ ഇന്ത്യന്‍ എംബസി ചീഫ് ഓഫ് മിഷന്‍ (ഡി.സി.എം) രാം പ്രസാദുമായി റിയാദ് കെ.എം.സി.സി സെന്‍ ട്രല്‍ കമ്മിറ്റി ഭാരവാഹികള്‍ കൂടിക്കാഴ്ച നടത്തി. വെല്‍ഫെയര്‍ കോണ്‍സുലര്‍ ദേശ് ബന്ദു ഭാട്ടിയും ചര്‍ച്ചയില്‍ പങ്കെടുത്തു. കൊവിഡ് കാലത്ത് കെ.എം.സി.സിയുടെ കാരുണ്യ പ്രവര്‍ത്തനങ്ങളെ ഇരുവരും പ്രകീര്‍ത്തിച്ചു. പ്രവാസികള്‍ അഭിമുഖീകരിക്കുന്ന യാത്രാ പ്രശ്‌നങ്ങള്‍, സൗദിയിലേക്കുള്ള യാത്രാ മധ്യേ യു.എ.ഇയില്‍ കുടുങ്ങിയ പ്രവാസികളെ സഹായിക്കല്‍, തടവില്‍ കഴിയുന്നവര്‍, വിമാനം റദ്ദാക്കിയതോടെ യാത്ര മുടങ്ങിയ രോഗികളുടെ യാത്രക്കാരുടെ വിഷയങ്ങള്‍,

റിയാദ്: മുപ്പത് വര്‍ഷം നീണ്ട പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന റിയാദ് കേളി കലാസാംസ്‌കാരിക വേദി ബദിയ ഏരിയ ഷുബ്ര യൂണിറ്റ് അംഗം വി.ഗോപാലന് യാത്രയയപ്പ് നല്‍കി. ഷുബ്രയില്‍ തയ്യല്‍ ജോലി ചെയ്തു വന്നിരുന്ന ഗോപാലന്‍ പാലക്കാട് ചിറ്റൂര്‍ അണ്ണാന്‍തോട് സ്വദേശിയാണ്. 13 വര്‍ഷമായി കേളി അംഗവും, ഷുബ്ര യൂണിറ്റ് സെക്രട്ടറി, യൂണിറ്റ് ട്രഷറര്‍, ഏരിയ കമ്മിറ്റി അംഗം എന്നീ ചുമതലകളും വഹിച്ചിരുന്നു. കേളിയുടെ പ്രവര്‍ത്തനങ്ങളില്‍ സജീവ സാന്നിദ്ധ്യമായിരുന്നു. യാത്രയയപ്പ് യോഗത്തില്‍ പ്രസിഡന്റ് മധു പട്ടാമ്പി അധ്യക്ഷത

റിയാദ്: സൗദി അറേബ്യയില്‍ ശീത കാലാവസ്ഥ ശക്തമാകുമെന്ന് കാലാവസ്ഥ, പരിസ്ഥിതി ജനറല്‍ അതോറിറ്റി അറിയിച്ചു. മഴക്കും ഇടിമിന്നലിനും സാധ്യതയുണ്ടെന്നും അതോറിറ്റി മുന്നറിയിപ്പ് നല്‍കി. വെളളി പുലര്‍ച്ചെ വരെ രാജ്യത്തെ വിവിധ പ്രവിശ്യകളില്‍ കാലാവസ്ഥയില്‍ മാറ്റം ദൃശ്യമാകും. ഇടി മിന്നലിനും ശീത കാറ്റിനും സാധ്യതയുണ്ട്. ചിലയിടങ്ങളില്‍ സാമാന്യം ശക്തമായ മഴയും ആലിപ്പഴ വര്‍ഷവും ഉണ്ടാകും. ജനങ്ങള്‍ ജാഗ്രത പാലിക്കണമെന്ന് സിവില്‍ ഡിഫന്‍സും മുന്നറിയിപ്പ് നല്‍കി. റിയാദ്, മക്ക, മദീന, അല്‍ ബഹ, അസിര്‍, ജസാന്‍, ഹായില്‍, ഖസിം, കിഴക്കന്‍