കേളിയുടെ അന്വേഷണം ഫലംകണ്ടു; രണ്ടുമാസത്തിനു ശേഷം അജ്ഞാത മൃതദേഹം തിരിച്ചറിഞ്ഞു
റിയാദ്: സന്ദര്ശന വിസയിലെത്തി രേഖകള് നഷ്ടപ്പെട്ടു അസുഖബാധിതനായി മരിച്ച തമിഴ്നാട് സ്വദേശിയുടെ മൃതദേഹം രണ്ടു മാസത്തിനു ശേഷം നാട്ടില് എത്തിച്ചു. കേളി കലാസാംസ്കാരിക വേദി ജീവകാരുണ്യ വിഭാഗം ഇന്ത്യന് എംബസ്സിയുടെ സഹായത്താല് നാട്ടിലെത്തിച്ചത്. റിയാദ് കിങ് സൗദ് മെഡിക്കല് സിറ്റിയിലെ മോര്ച്ചറിയില് അജ്ഞാത മൃതദേഹമായി സൂക്ഷിച്ചിരിക്കുകയായിരുന്നു. ഇന്ത്യക്കാരന്റെ മൃതദേഹം സംബന്ധിച്ച വിവരം മോര്ച്ചറിയിലെ ജോലിക്കാര് മുഖേനയാണ് കേളി ജീവകാരുണ്യ വിഭാഗം കണ്വീനര് നസീര് മുള്ളൂര്ക്കര അറിയുന്നത്. ഇന്ത്യന് എംബസ്സിയില് വിവരം അറിയിക്കുകയും പരിശോധിക്കാനുള്ള അനുവാദം വാങ്ങുകയും ചെയ്തു. […]
