gulf

പത്തനംതിട്ട: വിശപ്പുരഹിത കേരളത്തിനായി കൈകോര്‍ത്ത് റിയാദിലെ പ്രവാസി സംഘടനയായ കേളി കലാസാംസ്‌കാരിക വേദി. സംഘടനയുടെ പന്ത്രണ്ടാം കേന്ദ്രസമ്മേളന തീരുമാനപ്രകാരമുള്ള ‘വിശപ്പുരഹിത കേരളത്തോടൊപ്പം കേളി’ പദ്ധതിയുടെ ഭാഗമായി കോന്നിയിലെ ഇ.എം.എസ്. ചാരിറ്റബിള്‍ സൊസൈറ്റി നടത്തുന്ന സ്‌നേഹാലയം പെയിന്‍ ആന്‍ഡ് പാലിയേറ്റീവ് കെയര്‍ സെന്ററിന് ഒരു മാസത്തെ ഭക്ഷണച്ചെലവിനുള്ള ധനസഹായം കൈമാറി. കേളി അസീസിയ ഏരിയ പ്രവര്‍ത്തകന്‍ വിജയന്‍ പുളിവേലിയാണ് സ്‌നേഹാലയത്തിന്റെ ചാരിറ്റി പ്രവര്‍ത്തനങ്ങള്‍ കേളിയുടെ ശ്രദ്ധയില്‍പ്പെടുത്തിയത്. സ്ഥാപനത്തിലെ അന്തേവാസികള്‍ക്കും വളണ്ടിയര്‍മാര്‍ക്കും ഒരു മാസത്തേക്ക് മൂന്നു നേരത്തെ ഭക്ഷണത്തിനുള്ള തുകയാണ് […]

റിയാദ്: ഒക്ടോബര്‍ രണ്ടിന് റിയാദില്‍ അരങ്ങേറുന്ന വേടന്‍ മെഗാഷോ ‘ആരവം’ വിജയകരമാക്കാന്‍ എന്‍ആര്‍കെ ഫോറം കോര്‍ഡിനേഷന്‍ കമ്മിറ്റി രൂപീകരിച്ചു. മലയാളി സംഘടനകളുടെ പൊതുവേദിയായ ഫോറവും ഇവന്റ് മാനേജ്‌മെന്റ് കമ്പനിയായ മൂണ്‍ഗ്ലൈഡും സംയുക്തമായാണ് പരിപാടി സംഘടിപ്പിക്കുന്നത്. മലസിലെ ചെറീസ് ഓഡിറ്റോറിയത്തില്‍ ചേര്‍ന്ന യോഗം രക്ഷാധികാരി ഷിഹാബ് കൊട്ടുകാട് ഉദ്ഘാടനം ചെയ്തു. ചെയര്‍മാന്‍ സി.പി. മുസ്തഫ അധ്യക്ഷത വഹിച്ചു. നാസര്‍ കാരക്കുന്ന് കമ്മിറ്റി പാനല്‍ അവതരിപ്പിച്ചു. പ്രോഗ്രാം വിവരങ്ങള്‍ മൂണ്‍ഗ്ലൈഡ് പ്രതിനിധി ധനേഷ് ചന്ദ്രന്‍ വിശദീകരിച്ചു. സലീം കളക്കര, അലി

മുഹമ്മദ് കല്ലിങ്ങല്‍ റിയാദ്: റബീഉല്‍ അവ്വലിന്റെ വരവോടെ പ്രവാചക നഗരിയായ മദീനയിലേക്ക് മലയാളി തീര്‍ത്ഥാടകരുടെ പ്രവാഹം. എന്നാല്‍, കേരളത്തില്‍നിന്ന് മദീനയിലേക്ക് നേരിട്ട് വിമാന സര്‍വീസുകളില്ലാത്തത് ആയിരക്കണക്കിന് തീര്‍ത്ഥാടകരെ കടുത്ത യാത്രാദുരിതത്തിലാക്കുന്നു. ഹജ്ജ് സീസണില്‍ മാത്രമാണ് നിലവില്‍ കേരളത്തില്‍നിന്ന് മദീനയിലേക്ക് നേരിട്ട് വിമാനങ്ങളുള്ളത്. മറ്റു സമയങ്ങളില്‍ കോഴിക്കോട്, കൊച്ചി വിമാനത്താവളങ്ങളില്‍ നിന്ന് ജിദ്ദ വഴി വേണം തീര്‍ത്ഥാടകര്‍ക്ക് മദീനയിലെത്താന്‍. ഇത് പ്രായമായവര്‍ക്കും കുടുംബമായി യാത്ര ചെയ്യുന്നവര്‍ക്കും വലിയ പ്രയാസമാണ് സൃഷ്ടിക്കുന്നത്. ദുരിതത്തിന് പരിഹാരമായി കോഴിക്കോട്, കൊച്ചി എന്നിവിടങ്ങളില്‍നിന്ന് ആഴ്ചയിലൊരിക്കലെങ്കിലും

കോഴിക്കോട്: റിയാദിലെ സാമൂഹിക പ്രവര്‍ത്തകന്‍ ഗഫൂര്‍ കൊയിലാണ്ടിയുടെ സഹോദരപുത്രന്‍ വാഹനാപകടത്തില്‍ മരിച്ചു. കൊയിലാണ്ടി ചെങ്ങോട്ടുകാവ് സെറീന കോട്ടേജ് ഫര്‍സീന്‍ അഹമ്മദ് (18) ആണ് മരിച്ചത്. എലത്തൂര്‍ ദേശീയപാതയില്‍ കാറും ബൈക്കും ഇടിച്ചാണ് അപകടം. പിതാവ് ഫൈസല്‍ അഹമ്മദ്.ആര്‍.കെ (കുവൈത്ത്) റംസീന ചെറിയ കണ്ണന്‍ക്കണ്ടി കാപ്പാട്, സഹോദരങ്ങള്‍ മുഹമ്മദ് ഫിസാന്‍, ഫാത്തിമ റിഫ്‌ന. മയ്യിത്ത് നിസ്‌കാരം ആഗസ്ത് 19ന് ദുഹറിന് ശേഷം ചെങ്ങോട്ടുകാവ് ജുമാ മസ്ജിദില്‍. കബറടക്കം മാടാക്കര ജുമാ മസ്ജിദ് ഖബര്‍സ്ഥാനില്‍ നടക്കും. ഫര്‍സീന്‍ അഹമ്മദിന്റെ മരണത്തെ

കൊച്ചി: കൊച്ചി ശാസ്ത്ര സാങ്കേതിക സര്‍വകലാശാലയിലെ (കുസാറ്റ്) പ്രവേശനത്തില്‍ പ്രവാസി മലയാളികളുടെ മക്കള്‍ക്കുള്ള ‘സിജിഡബ്ല്യു’ (ചില്‍ഡ്രന്‍ ഓഫ് ഇന്ത്യന്‍ വര്‍ക്കേഴ്‌സ് ഇന്‍ ഗള്‍ഫ് കണ്‍ട്രീസ്) ക്വാട്ടയിലെ അനിശ്ചിതത്വത്തിനും അമിത ഫീസിനുമെതിരെ പ്രവാസി ലീഗല്‍ സെല്‍ കേരള ചാപ്റ്റര്‍ സര്‍വകലാശാലയ്ക്കു നിവേദനം സമര്‍പ്പിച്ചു. ഗള്‍ഫ് രാജ്യങ്ങളില്‍ ജോലി ചെയ്യുന്ന സാധാരണക്കാരായ പ്രവാസികളുടെ മക്കള്‍ക്കു ലഭിക്കേണ്ട സംവരണ ആനുകൂല്യങ്ങള്‍ വളരെ കുറച്ചു കോഴ്‌സുകളില്‍ മാത്രമായി ഒതുക്കിയെന്നും ആവശ്യമായ സീറ്റുകളില്ലാത്ത വിഷയങ്ങളിലേക്ക് അപേക്ഷിച്ചവരില്‍ നിന്നു ഉയര്‍ന്ന പ്രവേശന ഫീസ് ഈടാക്കിയെന്നും നിവേദനത്തില്‍

റിയാദ്: പ്രവാസി വെല്‍ഫെയര്‍ സെന്‍ട്രല്‍ പ്രൊവിന്‍സ് കമ്മിറ്റിയുടെ ആഭിമുഖ്യത്തില്‍ ഇന്ത്യയുടെ 80ന-ാമത് സ്വാതന്ത്ര്യദിനം ആഘോഷിച്ചു. ദേശീയ ഗാനത്തോടെ ആരംഭിച്ച പരിപാടികളില്‍ കുട്ടികളുടെ കലാപരിപാടികളും സ്വാതന്ത്ര്യദിന ക്വിസ് മത്സരവും അരങ്ങേറി. രാജ്യത്തിന്റെ ഭരണഘടനാ തത്വങ്ങളും ഫെഡറല്‍ സംവിധാനവും ജനാധിപത്യ മൂല്യങ്ങളും സംരക്ഷിക്കാന്‍ ഓരോ പൗരനും പ്രതിജ്ഞാബദ്ധരാകണമെന്ന് ചടങ്ങില്‍ സംസാരിച്ചവര്‍ അഭിപ്രായപ്പെട്ടു. തൊഴിലില്ലായ്മ, ദാരിദ്ര്യം, കര്‍ഷകരുടെ പ്രതിസന്ധികള്‍, ജനങ്ങള്‍ നേരിടുന്ന ജീവിതഭാരങ്ങള്‍ എന്നിവ ലഘൂകരിക്കുന്നതില്‍ അധികാരികള്‍ കൂടുതല്‍ ശ്രദ്ധ ചെലുത്തണമെന്നും പ്രസംഗകര്‍ ചൂണ്ടിക്കാട്ടി. പ്രവാസി വെല്‍ഫെയര്‍ വൈസ് പ്രസിഡന്റ് അംജദ്

റിയാദ്: വണ്ടൂര്‍ മണ്ഡലം കെ.എം.സി.സിയുടെ നേതൃത്വത്തില്‍ ഭാഷാ സമര അനുസ്മരണം സംഘടിപ്പിച്ചു. പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന മണ്ഡലം വൈസ് പ്രസിഡന്റ് നിസാര്‍ മാനു മമ്പാടിനു യാത്രയയപ്പ്, റിയാദ് കെ.എം.സി.സി കുടുംബ സുരക്ഷാ പദ്ധതിയുടെ മണ്ഡലതല ഉദ്ഘാടനം എന്നിവയുും നടന്നു. സെന്‍ട്രല്‍, ജില്ലാ, മണ്ഡലം കെ.എം.സി.സി ഭാരവാഹികളും പ്രവര്‍ത്തകരും പങ്കെടുത്ത ചടങ്ങ് മലപ്പുറം ജില്ലാ സെക്രട്ടറി സഫീര്‍ തിരൂര്‍ ഉദ്ഘാടനം ചെയ്തു. സത്താര്‍ താമരത്ത് ഭാഷാ സമര അനുസ്മരണ പ്രഭാഷണം നടത്തി. കുടുംബ സുരക്ഷാ പദ്ധതിയുടെ മണ്ഡലതല

കായംകുളം/റിയാദ്: പ്രവാസ ലോകത്ത് തോളോടുതോള്‍ ചേര്‍ന്ന് പ്രവര്‍ത്തിച്ച സഹപ്രവര്‍ത്തകന്റെ അകാല വിയോഗത്തില്‍ തളര്‍ന്നുപോയ കുടുംബത്തെ ചേര്‍ത്തുപിടിച്ച് റിയാദ് കെഎംസിസി ആലപ്പുഴ ജില്ലാ കമ്മിറ്റി. അപ്രതീക്ഷിതമായി തണല്‍ നഷ്ടപ്പെട്ട ചെട്ടികുളങ്ങര സ്വദേശി ശ്രീകുമാറിന്റെ കുടുംബത്തിന് 10 ലക്ഷം രൂപയുടെ ധനസഹായം നല്‍കി കെഎംസിസി മാതൃകയായി. സഹകരണ എക്‌സൈസ് വകുപ്പ് മന്ത്രി എം. ലിജു ധനസഹായം കൈമാറി. പ്രവാസികളുടെ കാരുണ്യവും സഹജീവി സ്‌നേഹവും നാടിന് എന്നെന്നും മാതൃകയാണെന്ന് മന്ത്രി ഓര്‍മ്മിപ്പിച്ചു. കായംകുളം വെയര്‍ഹൗസിന് സമീപം മുസ്ലിം ലീഗ് ഓഫീസ് ഗ്രൗണ്ടില്‍

റിയാദ്: സ്വാതന്ത്ര്യദിനാഘോഷത്തിന്റെ ഭാഗമായി സൗദി ലുലു ഹൈപ്പര്‍മാര്‍ക്കറ്റുകളില്‍ ‘ലുലു ഇന്ത്യ ഉത്സവി’ന് തുടക്കം. റിയാദ് മുറബ്ബ അവന്യൂ മാള്‍ ലുലുവില്‍ നടന്ന ചടങ്ങില്‍ സൗദിയിലെ ഇന്ത്യന്‍ അംബാസഡര്‍ വിപുല്‍ ഉദ്ഘാടനം ചെയ്തു. ലോഗോ പ്രകാശനവും അംബാസഡര്‍ നിര്‍വ്വഹിച്ചു. ലുലു ഹൈപ്പര്‍മാര്‍ക്കറ്റ് സൗദി കൊമേഴ്‌സ്യല്‍ ഡയറക്ടര്‍ നെമില്‍ നസീര്‍, മാനേജ്‌മെന്റ് പ്രതിനിധികള്‍ എന്നിവര്‍ സന്നിഹിതരായിരുന്നു. പരമ്പരാഗത ഇന്ത്യന്‍ നൃത്തങ്ങള്‍, ഡ്രംസ് ബാന്‍ഡ് മേളം, സാംസ്‌കാരിക പരിപാടികള്‍ എന്നിവ അരങ്ങേറി. ഇന്ത്യയും സൗദി അറേബ്യയും തമ്മിലുള്ള വാണിജ്യ, സൗഹൃദ ബന്ധങ്ങള്‍

ജുബൈല്‍: ഇന്ത്യയുടെ 80-ാം സ്വാതന്ത്ര്യദിനാഘോഷത്തോടനുബന്ധിച്ച് ‘യങ് ഇന്ത്യ, സ്‌ട്രോങ് ഡെമോക്രസി’ എന്ന പ്രമേയത്തില്‍ ഇന്ത്യന്‍ കള്‍ച്ചറല്‍ ഫൗണ്ടേഷന്‍ (ഐസിഎഫ്) ജുബൈല്‍ റീജിയന്‍ കമ്മിറ്റി ജനസഭ സംഘടിപ്പിച്ചു. പരിപാിെ അബ്ദുല്‍ കരീം കാസിമി ഉദ്ഘാടനം ചെയ്തു. ഫിനാന്‍സ് സെക്രട്ടറി ജലീല്‍ കൊടുവള്ളി അധ്യക്ഷത വഹിച്ചു. രാജ്യത്തെ ജനാധിപത്യ സംവിധാനങ്ങളെ ശക്തിപ്പെടുത്തുന്നതില്‍ യുവാക്കളുടെ പങ്കാളിത്തം അനിവാര്യമാണെന്ന് വിഷയം അവതരിപ്പിച്ച റീജിയന്‍ കമ്മിറ്റി സെക്രട്ടറി ജാഫര്‍ കൊടിഞ്ഞി പറഞ്ഞു. രാജ്യം നേരിടുന്ന വെല്ലുവിളികളെ മറികടക്കാന്‍ യുവജനങ്ങളുടെ ശരിയായ ദിശയിലുള്ള മുന്നേറ്റത്തിനു സാധിക്കുമെന്നും