ദല്‍ഹി പൊലീസ് നടപടി: റിയാദ് ഒ.ഐ.സി.സി പ്രതിഷേധിച്ചു
റിയാദ്: മുഖ്യ തിരഞ്ഞെടുപ്പ് കമ്മിഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ഡല്‍ഹിയില്‍ നടന്ന പ്രതിഷേധത്തിനിടെ രാഹുല്‍ ഗാന്ധി, പ്രിയങ്ക ഗാന്ധി എന്നിവരുള്‍പ്പെടെയുള്ള പ്രതിപക്ഷ എംപിമാരെ പൊലീസ് കസ്റ്റഡിയിലെടുത്ത സംഭവത്തില്‍ റിയാദ് ഒ.ഐ.സി.സി ശക്തമായ പ്രതിഷേധിച്ചു.തിരഞ്ഞെടുപ്പ് കമ്മിഷന്‍ ആസ്ഥാനത്തേക്ക് പ്രതിപക്ഷം നടത്തിയ മാര്‍ച്ച് തടഞ്ഞതിനെ തുടര്‍ന്ന് ആകാശവാണി ഭവനു മുന്നില്‍ മണിക്കൂറുകള്‍ നീണ്ട പ്രതിഷേധത്തിന് ശേഷമായിരുന്നു നേതാക്കളെ പൊലീസ് കസ്റ്റഡിയിലെടുത്തത്. അഭിപ്രായ സ്വാതന്ത്ര്യവും സമാധാനപരമായ പ്രതിഷേധവും ജനാധിപത്യത്തിന്റെ അടിത്തറയാണെന്നും ജനപ്രതിനിധികളെ കസ്റ്റഡിയിലെടുത്ത നടപടി പ്രതിഷേധാര്‍ഹമാണെന്നും ഒ.ഐ.സി.സി പ്രസ്താവനയില്‍ പറഞ്ഞു.
