റിയാദില്‍ ഫാന്‍സ് ഫൈറ്റ്: ആവേശപ്പോരില്‍ അര്‍ജന്റീനയെ വീഴ്ത്തി ബ്രസീല്‍
റിയാദ്: ലോകകപ്പ് ഫുട്‌ബോള്‍ ആവേശം പ്രവാസി മലയാളി കുടുംബങ്ങളിലേക്ക് എത്തിച്ചു എറണാകുളം ജില്ലാ പ്രവാസി അസോസിയേഷന്‍ (എടപ്പ) റിയാദില്‍ സംഘടിപ്പിച്ച ‘എടപ്പ ഫിഫ ഫാന്‍സ് ഫൈറ്റ്’ ആവേശപ്പൂരമായി. സുലൈയിലെ സഫ്‌വ വിശ്രമകേന്ദ്രത്തില്‍ നടന്ന കടുത്ത പോരാട്ടത്തില്‍ അര്‍ജന്റീന ഫാന്‍സിനെ കീഴടക്കി ബ്രസീല്‍ ഫാന്‍സ് ജേതാക്കളായി. അര്‍ജന്റീന റണ്ണേ്‌സ്അപ്പായി. സ്‌പെയിന്‍, പോര്‍ച്ചുഗല്‍ ഫാന്‍സ് ടീമുകളും ടൂര്‍ണമെന്റില്‍ മികച്ച പ്രകടനം കാഴ്ചവച്ചു.ബ്രസീല്‍, അര്‍ജന്റീന, സ്‌പെയിന്‍, പോര്‍ച്ചുഗല്‍ ടീമുകളുടെ ആരാധകര്‍ അവരുടെ ജേഴ്‌സിയണിഞ്ഞ് അണിനിരന്ന വര്‍ണാഭമായ മാര്‍ച്ച് പാസ്‌റ്റോടെയാണ് പരിപാടികള്‍ക്ക് തുടക്കമായത്.
