റിയാദ്: സൗദിയില്‍ ഒരു മാസത്തിനിടെ പതിനായിരത്തിലധികം നിയമ ലംഘകര്‍ക്ക് പാസ്‌പോര്‍ട്ട് അഡ്മിനിസ്‌ട്രേറ്റീവ് സമിതി ശിക്ഷ വിധിച്ചതായി അധികൃതര്‍. താമസ, തൊഴില്‍ നിയമ ലംഘകര്‍ക്കാണ് ശിക്ഷ ലഭിച്ചത്. വിവിധ നിയമ ലംഘനങ്ങള്‍ക്ക് പിടിയിലായ സ്വദേശികളും വിദേശികളും ഉള്‍പ്പെടെ 10,121 പേര്‍ക്കാണ് ഏപ്രില്‍ മാസം വിവിധ പ്രവിശ്യകളിലെ പാസ്‌പോര്‍ട്ട് അഡ്മിനിസ്‌ട്രേറ്റീവ് സമിതികള്‍ ശിക്ഷ വിധിച്ചത്. താമസാനുമതി രേഖയായ ഇഖാമ കാലാവധി കഴിയുക, അതിര്‍ത്തി സുരക്ഷാ നിയമങ്ങള്‍ ലംഘിക്കുക തുടങ്ങിയ നിയമ ലംഘനങ്ങള്‍ക്കാണ് ശിക്ഷ വിധിച്ചത്. നിയമ ലംഘകരെ സാഹായിച്ചതിനാണ് സ്വദേശികള്‍ക്കെതിരെ […]

റിയാദ്: സൗദിയില്‍ ആഭ്യന്തര ചരക്ക് നീക്കത്തിന് അനുമതിയുളളത് രാജ്യത്ത് രജിസ്റ്റര്‍ ചെയ്ത ട്രക്കുകള്‍ക്ക് മാത്രമാണെന്ന് പൊതുഗതാഗത അതോറിറ്റി. അയല്‍ രാജ്യങ്ങളിലെ ട്രക്കുകള്‍ രാജ്യത്ത് ചരക്ക് ഗതാഗത മേഖലയില്‍ പ്രവര്‍ത്തിക്കുന്നത് നിയമ വിരുദ്ധമാണെന്നും അതോറിറ്റി വ്യക്തമാക്കി. അയല്‍ രാജ്യങ്ങളില്‍ നിന്നു ചരക്കുകള്‍ കയറ്റി വരുന്ന ട്രക്കുകള്‍ മടങ്ങുന്നതിനിടെ ആഭ്യന്തര ചരക്കുകള്‍ നീക്കുന്നതിന് ഉപയോഗിക്കുന്നുണ്ട്. ഇത് ശ്രദ്ധയില്‍പെട്ടതോടെയാണ് പൊതു ഗതാഗത അതോറിറ്റിയുടെ മുന്നറിയിപ്പ്. വിദേശങ്ങളില്‍ നിന്ന് രാജ്യത്തെ നിശ്ചിത നഗരത്തിലേക്ക് ചരക്ക് കൊണ്ടുവരുന്നതിന് മാത്രമാണ് വിദേശ ട്രക്കുകള്‍ക്ക് അനുമതിയുള്ളത്. ചരക്ക്

റിയാദ്: വലപ്പാട് പ്രവാസി ചാരിറ്റബിള്‍ സൊസൈറ്റി ആര്‍ ഐ കബീറിന് യാത്രയപ്പ് നല്‍കി. കെനന്‍ കംമ്പനിയില്‍ 32 വര്‍ഷത്തെ സേവനത്തിന് ശേഷമാണ് പ്രവാസം അവസാനിപ്പിച്ച് മടങ്ങുന്നത്. വലപ്പാട് പ്രവാസി ചാരിറ്റബിള്‍ 2004ല്‍ രൂപികരിച്ചത് മുതല്‍ സംഘടനയുടെ സെക്രട്ടറിയാണ്. പ്രസിഡന്റ് നാസര്‍ വലപ്പാട് അദ്ധ്യക്ഷത വഹിച്ചു. രക്ഷാധികാരി സലിം കരയാമുട്ടം ഉപഹാരം സമ്മാനിച്ചു. ഭാര്യ ഷാഹിന കബീറിനെയും ആദരിച്ചു. ഷമി താജുദ്ദീന്‍, സിമിന ആഷിഖ്, സൈര നാസര്‍, നൂറു ഫൈസല്‍. ബോജ രാജു, നസീമ റഹ്മത്ത് എന്നിവര്‍ നേതൃത്വം

റിയാദ്: പ്രമുഖ റീട്ടെയില്‍ വിതരണ ശൃംഖല സിറ്റി ഫ്‌ളവര്‍ ഹൈപ്പര്‍മാര്‍ക്കറ്റില്‍ പുതിയ ഓഫര്‍ പ്രഖ്യാപിച്ചു. മെയ് 11 മുതല്‍ ‘ബയ് വണ്‍ ഗെറ്റ് വണ്‍ ഫ്രീ’ ഓഫറാണ് പ്രഖ്യാപിച്ചിട്ടുളളത്. ആരോഗ്യ പരിചരണ ഉത്പ്പന്നങ്ങള്‍, സൗന്ദര്യ വര്‍ധക വസ്തുക്കള്‍, സുഗന്ധദ്രവ്യങ്ങള്‍, സ്‌റ്റേഷനറി, കിച്ചന്‍ ആക്‌സസറീസ്, ഇലക്ട്രിക് ഉപകരണങ്ങള്‍, വാച്ചുകള്‍, ടീഷര്‍ട്ടുകള്‍, ലേഡീസ് കുത്തത്ത, ജെന്റ്‌സ് ഷര്‍ട്ടുകള്‍ തുടങ്ങി എല്ലാ ഡിപ്പാര്‍ട്ട്‌മെന്റിലും തെരഞ്ഞെടുത്ത ഉത്പ്പന്നങ്ങള്‍ ഒരെണ്ണം പര്‍ചേസ് ചെയ്താല്‍ മറ്റൊരെണ്ണം സൗജന്യമായി നേടാന്‍ കഴിയും. ഇതിന് പുറമെ ജെന്റ്‌സ് ഷൂസുകള്‍ക്ക്

റിയാദ്: ലേണ്‍ ദി ഖുര്‍ആന്‍ ദേശീയ സംഗമം മെയ് 13ന് റിയാദ് സുലൈ താഖത് വ്യൂ ഓഡിറ്റോറിയത്തില്‍ നടക്കും. നാല് വേദികളില്‍ നടക്കുന്ന സമ്മേളനത്തിന്റെ സമാപനം ഓപ്പണ്‍ ഗ്രൗണ്ടില്‍ അരങ്ങേറും. എം.എം അക്ബര്‍, അന്‍സാര്‍ നന്മണ്ട എന്നിവര്‍ പങ്കെടുക്കുമെന്നും റിയാദ് ഇന്ത്യന്‍ ഇസ്‌ലാഹി സെന്റര്‍ ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു. ഉദ്ഘാടന സമ്മേളനം രാവിലെ 10ന് ഇന്ത്യന്‍ ഇസ്‌ലാഹി സെന്റര്‍ സൗദി നാഷണല്‍ കമ്മിറ്റി പ്രസിഡന്റ് അബൂബക്കര്‍ മേഴത്തുര്‍ ഉദ്ഘാടനം ചെയ്യും. മൗലവി ഉസാമ മുഹമ്മദ് ഉത്‌ബോധന

റിയാദ്: വ്യോമയാന രംഗത്ത് സൗദി അറേബ്യ 10,000 കോടി ഡോളര്‍ നിക്ഷേപിക്കുമെന്ന് ഗതാഗത, ലോജിസ്റ്റിക് സര്‍വീസ് മന്ത്രി എഞ്ചിനീയര്‍ സാലിഹ് അല്‍ ജാസിര്‍. റിയാദില്‍ നടക്കുന്ന ഫ്യൂചര്‍ ഏവിയേഷന്‍ കോണ്‍ഫറന്‍സിലാണ് സൗദിയുടെ ഭാവി പദ്ധതികള്‍ മന്ത്രി പ്രഖ്യാപിച്ചത്. സൗദിയില്‍ നിന്ന് അന്തര്‍ദേശീയ നഗരങ്ങളിലേക്കുളള വിമാന സര്‍വീസുകളുടെ എണ്ണം വര്‍ധിപ്പിക്കും. 250 നഗരങ്ങളിലേക്ക് വിമാന സര്‍വീസ് നടത്തുകയാണ് ലക്ഷ്യം. ഇതിനായി പുതിയ വിമാന കമ്പനി ആരംഭിക്കുമെന്നും ഗതാഗത, ലോജിസ്റ്റിക് സര്‍വീസ് മന്ത്രി എഞ്ചിനീയര്‍ സാലിഹ് അല്‍ ജാസിര്‍ പറഞ്ഞു.

റിയാദ്: സൗദി അറേബ്യയില്‍ ട്രെയിന്‍ യാത്രക്കാരുടെ എണ്ണത്തില്‍ വര്‍ധനവ് രേഖപ്പെടുത്തിയതായി പബ്ലിക് ട്രാന്‍സ്‌പോര്‍ട്ട് അതോറിറ്റി. കഴിഞ്ഞ വര്‍ഷത്തെ അപേക്ഷിച്ച് ഈ വര്‍ഷം ആദ്യ പാദത്തില്‍ 208 ശതമാനം വര്‍ധനവാണ് രേഖപ്പെടുത്തിയത്. ഈ വര്‍ഷം ആദ്യ മൂന്ന് മാസത്തെ കണക്കുകളാണ് പബ്ലിക് ട്രാന്‍സ്‌പോര്‍ട്ട് അതോറിറ്റി പുറത്തുവിട്ടത്. 2021നെ അപേക്ഷിച്ച് 30 ലക്ഷത്തിലധികം യാത്രക്കാരാണ് ട്രെയിനില്‍ യാത്ര ചെയ്തത്. കഴിഞ്ഞ വര്‍ഷം ഇതേ കാലയളവുമായി താരതമ്യം ചെയ്യുമ്പോള്‍ 208 ശതമാനം വളര്‍ച്ച കൈവരിക്കാന്‍ കഴിഞ്ഞതായും അതോറിറ്റി വ്യക്തമാക്കി. ചരക്ക് ഗതാഗതത്തിലും

റിയാദ്: സൗദി വിദ്യാഭ്യാസ മന്ത്രാലയം നേതൃത്വം നല്‍കുന്ന ത്രിദിന അന്താരാഷ്ട്ര വിദ്യാഭ്യാസ സമ്മേളനം റിയാദില്‍ ആരംഭിച്ചു. പ്രതിസന്ധി ഘട്ടങ്ങളില്‍ വിദ്യാഭ്യാസ മേഖല നേരിടുന്ന വെല്ലുവിളികളും സാധ്യതകളും ചര്‍ച്ച ചെയ്യുന്നതിനാണ് സമ്മേളനം സംഘടിപ്പിച്ചിട്ടുളളത്. കൊവിഡിനെ തുടര്‍ന്ന് വിദ്യാഭ്യാസ രംഗത്ത് ഉണ്ടായ പ്രതിസന്ധികളുടെ പശ്ചാത്തലത്തിലാണ് സമ്മേളനത്തിന് സൗദി വിദ്യാഭ്യാസ മന്ത്രാലയം വേദി ഒരുക്കിയത്. ‘വിദ്യാഭ്യാസ പ്രതിസന്ധി: സാധ്യതകളും വെല്ലുവിളികളും’ എന്ന പ്രമേയത്തില്‍ നടക്കുന്ന സമ്മേളനം വിദ്യാഭ്യാസ മന്ത്രി ഡോ. ഹമദ് അല്‍ശൈഖ് ഉദ്ഘാടനം ചെയ്തു. മനുഷ്യ മൂലധനം വികസിപ്പിക്കുക എന്നതാണ്

റിയാദ്: മലയാളി മനസ്സില്‍ പാടിപ്പതിഞ്ഞ അനശ്വര ഗാനങ്ങള്‍ സംഗീതപ്പെരുമഴയായി ഒഴുകിയെത്തിയ ‘സിത്താരം’ സംഗീത വിരുന്ന് റിയാദിലെ ആസ്വാദകര്‍ക്ക് അവിസ്മരണീയ രാവ് സമ്മാനിച്ചു. ഹിറ്റ് ഗാനങ്ങള്‍ ഒന്നിനു പുറകെ മറ്റൊന്നായി ലൈവ് ഓര്‍ക്കസ്ട്രയുടെ അകമ്പടിയോടെ ആലപിച്ചപ്പോള്‍ ഹര്‍ഷാരവത്തോടെ പ്രേക്ഷകരും ഏറ്റുപാടി. പിന്നണി ഗായിക സിത്താര കൃഷ്ണകുമാറും ഏഷ്യാനെറ്റ് മൈലാഞ്ചി ഫെയിം ആസിഫ് കാപ്പാടുമാണ് പാട്ടിന്റെ പാലാഴി തീര്‍ത്തത്. കൊയിലാണ്ടി കൂട്ടം റിയാദ് ചാപ്റ്ററിന്റെ ഏഴാം വാര്‍ഷിക ആഘോഷ ത്തോടാനുബന്ധിച്ചായിരുന്നു ‘ഈദ് വിത്ത് സിത്താരം’ സംഗീത നിശ അരങ്ങേറിയത്. പെപ്പര്‍

റിയാദ്: സാമൂഹിക, സാംസ്‌കാരിക കൂട്ടായ്മ സൗദി പ്രവാസി കുടുംബം ഈദ് ആഘോഷവും ‘ഇശല്‍ നിലവ്’ സംഗീത വിരുന്നും സംഘടിപ്പിച്ചു. മലയാളം, ഹിന്ദി, അറബി ഗാനങ്ങള്‍ സംഗീത പ്രേമികള്‍ക്ക് ഹൃദ്യാനുഭവമാണ് സമ്മാനിച്ചത്. സംഗീത വിരുന്നിന് സത്താര്‍ മാവൂര്‍, കുഞ്ഞുമുഹമ്മദ് എന്നിവര്‍ നേതൃത്വം നല്‍കി. ചിലങ്ക ഗ്രൂപ്പ് അവതരിപ്പിച്ച നൃത്തനൃത്യങ്ങളും അരങ്ങേറി. സാംസ്‌കാരിക സമ്മേളനം ശിഹാബ് കൊട്ടുകാട് ഉദ്ഘാടനം ചെയ്തു. പ്രസിഡന്റ് നെബീല്‍ കല്ലമ്പലം അധ്യക്ഷത വഹിച്ചു. ചെയര്‍മാന്‍ ജലീല്‍ കണ്ണൂര്‍, മുഖ്യ രക്ഷധികാരി നജീബ് വേങ്ങര എന്നിവര്‍ മുഖ്യ

റിയാദ്: ആരോഗ്യ പരിശോധനകള്‍ക്കായി ഭരണാധികാരി സല്‍മാന്‍ രാജാവിനെ ജിദ്ദയിലെ കിങ് ഫൈസല്‍ സ്‌പെഷ്യലിസ്റ്റ് ആശുപത്രിയില്‍ പ്രവേശിപ്പിച്ചു. ശനി വൈകിട്ടാണ് സല്‍മാന്‍ രാജാവിനെ ആശുപത്രിയില്‍ പ്രവേശിപ്പിച്ചതെന്ന് റോയല്‍ കോര്‍ട്ട് പ്രസ്താവനയില്‍ അറിയിച്ചു. മാര്‍ച്ച് 16ന് രാജാവിന് കാര്‍ഡിയാക് പേസ് മേക്കറിന്റെ സെല്‍ മാറ്റിവെക്കുന്നതിന് റിയാദ് കിങ് ഫൈസല്‍ ആശുപത്രിയില്‍ പ്രവേശിപ്പിച്ചിരുന്നു.

ബുറൈദ: ഓര്‍ഫിലിയ ലോഞ്ചും ഇശല്‍ ബുറൈദയും സംയുക്തമായി ഈദ് നിലാവ് സംഗീത വിരുന്ന് ഒരുക്കുന്നു. ബുറൈദ റാഷിദിയയില്‍ മെയ് 7ന് രാത്രി 11ന് പരിപാടി ആരംഭിക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ പറഞ്ഞു. മാപ്പിള പാട്ട് കലാകാരന്‍ നിസാം തളിപ്പറമ്പും കുടുംബവും പങ്കെടുക്കും. ഇതിന് പുറമെ പിന്നണി ഗായകനും സംഗീത സംവിധായകനുമായ സത്യജിത് സീബുള്‍, ശബാന അന്‍ഷാദ് എന്നിവരും സംഗീത വിരുന്നില്‍ ഗാനങ്ങള്‍ ആലപിക്കും. വാര്‍ത്താ സമ്മേളനത്തില്‍ സുബൈര്‍ ഓര്‍ഫില, അബ്ദു കീച്ചേരി. ഷാനു കൊടുവള്ളി. അനീഷ് കൊല്ലം

കിഗ് ഫഹദ് കോസ്‌വേ വഴി മണിക്കൂറില്‍ സഞ്ചരിച്ചത് 2,000 വാഹനങ്ങള്‍റിയാദ്: പന്ത്രണ്ട് മണിക്കൂറിനിടെ സൗദി-ബഹ്‌റൈന്‍ കിംഗ് ഫഹദ് കോസ്‌വേ വഴി 25,000ത്തിലധികം വാഹനങ്ങള്‍ കടന്നു പോയതായി അധികൃതര്‍. ഇന്നലെ രാവിലെ 7 മുതല്‍ വൈകീട്ട് 7 വരെയാണ് ഇത്രയധികം വാഹനങ്ങള്‍ കടന്നുപോയതെന്നും കോസ്‌വേ അതോറിറ്റി അറിയിച്ചു. ഈദ് അവധി ദിനങ്ങളിലാണ് കോസ്‌വേ വഴി സൗദി-ബഹ്‌റൈന്‍ യാത്രക്ക് തിരക്കേറിയത്. മണിക്കൂറില്‍ 2,089 വാഹനങ്ങള്‍ കടന്നുപോയതായി കിംഗ് ഫഹദ് കോസ്‌വേ അതോറിറ്റി അറിയിച്ചു. സൗദി പൗരന്മാരും സൗദിയിലുളള വിദേശികളും ഈദ്

റിയാദ്: സൗദി നാഷണല്‍ സെക്യൂരിറ്റി ഓപ്പറേഷന്‍ സെന്ററില്‍ ഒരു മാസത്തിനിടെ 16 ലക്ഷം ടെലിഫോണ്‍ കോളുകള്‍ ലഭിച്ചതായി അധികൃതര്‍. മധ്യ പ്രവിശ്യ, പടിഞ്ഞാറന്‍ പ്രവിശ്യ എന്നിവിടങ്ങളിലാണ് വിവിധ സഹായങ്ങള്‍ ആവശ്യപ്പെട്ട് ടെലിഫോണ്‍ സന്ദേശം ലഭിച്ചതെന്നും അധികൃതര്‍ അറിയിച്ചു. റിയാദിലും പടിഞ്ഞാറന്‍ പ്രവിശ്യയിലുമാണ് ഏകീകൃത ടോള്‍ ഫ്രീ നമ്പരായ 911 ല്‍16.34 ലക്ഷം ടെലിഫോണ്‍ സന്ദേശങ്ങള്‍ ലഭിച്ചത്. റമദാനിലെ കണക്കുകളാണ് ആഭ്യന്തര മന്ത്രാലയത്തിന് കീഴിലുളള നാഷണല്‍ സെക്യൂരിറ്റി ഓപ്പറേഷന്‍ സെന്റര്‍ പുറത്തു വിട്ടത്. പടിഞ്ഞാറന്‍ പ്രവിശ്യയില്‍ 771,935ഉും റിയാദില്‍