Damam

റിയാദ്: കഴിഞ്ഞ വര്‍ഷം സൗദിയിലേക്കുളള യാത്രാ വിമാനങ്ങളുടെ എണ്ണം 66.5 ശതമാനം കുറഞ്ഞതായി ജനറല്‍ സിവില്‍ ഏവിയേഷന്‍ അതോറിറ്റി. കൊവിഡിനെ തുടര്‍ന്ന് അന്താരാഷ്ട്ര വിമാന സനവീസ് റദ്ദാക്കിയതാണ് യാത്രാ വിമാനം കുറയാന്‍ കാരണമെന്നും അതോറിറ്റി വ്യക്തമാക്കി. സിവില്‍ ഏവിയേഷന്‍ അതോറിറ്റിയുടെ കണക്കു പ്രകാരം 2019ല്‍ 1.59 ലക്ഷം യാത്രാ വിമാനങ്ങളാണ് സൗദിയിലേക്ക് സര്‍വീസ് നടത്തിയത്. എന്നാല്‍ കൊവിഡ് മഹാമാരിയെ തുടര്‍ന്ന് 2020ല്‍ വിമാനങ്ങളുടെ എണ്ണം 53,537 ആയി കുറഞ്ഞു. ആഭ്യന്തര വിമാന സര്‍വീസുകളുടെ എണ്ണത്തിലും ഗണ്യമായ കുറവ് […]

റിയാദ്: സൗദി അറേബ്യയില്‍ വ്യാഴാഴ്ച വരെ ശക്തമായ മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണ അതോറിറ്റി അറിയിച്ചു. മലവെളളപ്പാച്ചിലിന് സാധ്യതയുളള പ്രദേശങ്ങളില്‍ സന്ദര്‍ശനം നടത്തരുതെന്ന് സിവില്‍ ഡിഫന്‍സ് മുന്നറിയിപ്പും നല്‍കി. രാജ്യത്തെ പലയിടങ്ങളിലും വരുന്ന മൂന്നു ദിവസങ്ങളില്‍ മഴക്കും ശക്തമായ കാറ്റിനും സാധ്യതയുണ്ട്. മക്ക, അല്‍ ബാഹ, നജ്‌റാന്‍, ജിസാന്‍, അസീര്‍ എന്നിവിടങ്ങളില്‍ ശക്തമായ മഴ ലഭിക്കും. ഇവിടങ്ങളിലെ താഴ്‌വരകളില്‍ മലവെളളം കുത്തിയൊലിക്കാന്‍ സാധ്യതയുണ്ട്. മദീന, തബൂക്ക്, ഹായില്‍ എന്നിവിടങ്ങളിലും സാമാന്യം ശക്തമായ മഴ ലഭിക്കും. താഴ്ന്ന പ്രദേശങ്ങളില്‍

റിയാദ്: സൗദി അറേബ്യയില്‍ പ്രഥമ വനിതാ വോളിബോള്‍ ചാമ്പ്യന്‍ഷിപ്പ് ആഗസ്ത് 5ന് ആരംഭിക്കുമെന്ന് വോളിബോള്‍ ഫെഡറേഷന്‍ അറിയിച്ചു. 14 ടീമുകള്‍ മാറ്റുരക്കുന്ന പ്രാഥമിക റൗണ്ട് മത്സരം 16 ദിവസം നീണ്ടു നില്‍ക്കും. രാജ്യത്തെ വനിതാ യൂനിവേഴ്‌സിറ്റികളില്‍ വേളാബോള്‍ ഉള്‍പ്പെടെ പരിശീലനം നല്‍കുന്നുണ്ടെങ്കിലും ആദ്യമായാണ് ദേശീയ തലത്തില്‍ വനിതാ ചാമ്പ്യന്‍ഷിപ്പിന് വേദി ഒരുങ്ങുന്നത്. ആഗസ്ത് 5 മുതല്‍ 21 വരെ മേഖലാ മത്സരങ്ങള്‍ അരങ്ങേറും. റിയാദ്, ജിദ്ദ, ദമ്മാം എന്നിവിടങ്ങളിലാണ് മത്സരങ്ങള്‍. മേഖലാ അടിസ്ഥാനത്തില്‍ നടക്കുന്ന പ്രാഥമിക റൗണ്ട്

റിയാദ്: തവക്കല്‍നാ ആപ്പില്‍ ഇമ്യൂണ്‍ സ്റ്റാറ്റസ് നേടിയ ഇന്ത്യക്കാരായ പ്രവാസികള്‍ക്ക് നേരിട്ട് സൗദിയില്‍ പ്രവേശിക്കാന്‍ കേന്ദ്ര സര്‍ക്കാര്‍ നയതന്ത്ര ഇടപെടല്‍ നടത്തണമെന്ന് പ്രവാസികള്‍. വാക്‌സിന്‍ സ്വീകരിച്ച വിദേശ ടൂറിസ്റ്റുകള്‍ക്ക് സൗദിയില്‍ ഇന്‍സ്റ്റിറ്റിയൂഷണല്‍ ക്വാറന്റൈന്‍ ആവശ്യമില്ല. ഈ സാഹചര്യത്തിലാണ് ആവശ്യം ഉന്നയിച്ചത്. ഇന്ത്യയില്‍ കുടുങ്ങിയ പ്രവാസികള്‍ ഖത്തര്‍, മാല്‍ദ്വീവ്‌സ് എന്നിവിടങ്ങളില്‍ 14 ദിവസം ക്വാറന്റൈന്‍ പൂര്‍ത്തിയാക്കിയാണ് സൗദിയിലെത്തുന്നത്. തവക്കല്‍നാ ആപ്പില്‍ ഇമ്യൂണ്‍ സ്റ്റാറ്റസ് നേടാത്തവര്‍ സൗദിയിലെത്തിയാല്‍ 7 ദിവസം ഇന്‍സ്റ്റിറ്റിയൂഷണല്‍ ക്വാറന്റൈനില്‍ കഴിയണം എന്നാണ് വ്യവസ്ഥ. എന്നാല്‍ വിദേശികളായ

റിയാദ്: സൗദി അറേബ്യയില്‍ ഒരു ഡോസ് വാക്‌സിന്‍ സ്വീകരിച്ച് കേരത്തിലെത്തിയ പ്രവാസികള്‍ രണ്ടാം ഡോസ് നേടാന്‍ കഴിയാതെ നെട്ടോട്ടത്തില്‍. ഒന്നാം ഡോസ് ഫൈസര്‍ വാക്‌സിന്‍ സ്വീകരിച്ചവര്‍ക്ക് അതേ വാക്‌സിന്‍ വിതരണം ചെയ്യാന്‍ കഴിയാത്തതാണ് കാരണം. അതേസമയം, ഇന്ത്യയുടെ കൊവാക്‌സിന്‍ സ്വീകരിച്ച് സൗദിയിലെത്തിയരും തവക്കല്‍നാ ആപ്പില്‍ ഇമ്യൂണ്‍ സ്റ്റാറ്റസിന് വീണ്ടും വാക്‌സിന്‍ സ്വീകരിക്കേണ്ട ഗതികേടിലാണ്.ഫൈസര്‍ വാക്‌സിന്‍ ഇന്ത്യയില്‍ വിതരണം ആരംഭിച്ചിട്ടില്ല. അതുകൊണ്ടുതന്നെ വിദേശ രാജ്യങ്ങളില്‍ നിന്ന് ഇതേ വാക്‌സിന്‍ സ്വീകരിച്ച് കേരളത്തിലെത്തിയവര്‍ക്ക് രണ്ടാം ഡോസ് ലഭ്യമല്ല. സൗദി അറേബ്യ

റിയാദ്: വാക്‌സിന്‍ സ്വീകരിച്ച വിനോദ സഞ്ചാരികളെ സ്വീകരിക്കാനൊരുങ്ങി സൗദി അറേബ്യ. ആഗസ്ത് ഒന്നുമുതല്‍ വിദേശ ടൂറിസ്റ്റുകള്‍ രാജ്യത്ത് എത്തി തുടങ്ങും. ഇവര്‍ക്ക് ഇന്‍സ്റ്റിറ്റിയൂഷനല്‍ ക്വാറന്റൈന്‍ ആവശ്യമില്ലെന്ന് അധികൃതര്‍ പറഞ്ഞു. ടൂറിസ്റ്റുകള്‍ രണ്ട് ഡോസ് വാക്‌സിന്‍ സ്വീകരിച്ചതായി സര്‍ട്ടിഫിക്കറ്റ് ഹാജരാക്കണം. യാത്രക്ക് പുറപ്പെടുന്നതിന് 72 മണിക്കൂറിനുള്ളില്‍ പി.സി.ആര്‍ പരിശോധനയുടെ നെഗറ്റീവ് സര്‍ട്ടിഫിക്കറ്റ് ഹാജരാക്കണം. തവക്കല്‍നാ ആപ്പില്‍ രജിസ്റ്റര്‍ ചെയ്ത് ഇമ്യൂണ്‍ സ്റ്റാറ്റസ് നേടിയിരിക്കണമെന്നും അധികൃതര്‍ വ്യക്തമാക്കി. അതേസമയം, സൗദിയില്‍ 24 മണിക്കൂറിനിടെ 1187 പേര്‍ക്ക് കൊവിഡ് സ്ഥിരീകരിച്ചു. ചികിത്സയിലായിരുന്ന

റിയാദ്: സൗദിയില്‍ രണ്ട് കോടി 60 ലക്ഷം ജനങ്ങള്‍ കൊവിഡ് വാക്‌സിന്‍ സ്വീകരിച്ചതായി ആരോഗ്യ മന്ത്രാലയം. ഇതില്‍ പതിനഞ്ച് ലക്ഷം ജനങ്ങള്‍ മുതിര്‍ന്ന പൗരന്‍മാരാണെന്നും മന്ത്രാലയം വ്യക്തമാക്കി. ഒരു ഡോസ് സ്വീകരിച്ചവര്‍ നിര്‍ബന്ധമായും രണ്ടാം ഡോസ് സ്വീകരിക്കണം. കൊവിഡിന്റെ വകഭേദമായ ഡെല്‍റ്റ വൈറസിന്റെ സാന്നിധ്യം പല രാജ്യങ്ങളിലും രൂക്ഷമാണ്. ഈ സാഹചര്യത്തില്‍ പ്രതിരോധ ശേഷി കൈവരിക്കാന്‍ രണ്ടാം ഡോസ് നിര്‍ബന്ധമാണ്. 12നും 18നും ഇടയില്‍ പ്രായമുളളവര്‍ ഒന്നാം ഡോസ് വാക്‌സിന്‍ നേടുന്നതിന് അപ്പോയ്ന്റ്‌മെന്റ് തുടരുകയാണെന്നും മന്ത്രാലയം ആവര്‍ത്തിച്ചു

റിയാദ്: സൗദി അറേബ്യയുടെ വിദേശ വ്യാപാരം കഴിഞ്ഞ വര്‍ഷത്തെ അപേക്ഷിച്ച് 120 ശതമാനം വര്‍ധിച്ചതായി റിപ്പോര്‍ട്ട്. ഇന്ത്യ-സൗദി ഉഭയകക്ഷി വ്യാപാരം കഴിഞ്ഞ മാസം 960 കോടി റിയാലായി വര്‍ധിച്ചതായും ജനറല്‍ സ്റ്റാറ്റിസ്റ്റിക്‌സ് അതോറിറ്റിയുടെ റിപ്പോര്‍ട്ട് വ്യക്തമാക്കുന്നു. കൊവിഡ് പ്രതിസന്ധിയെ തുടര്‍ന്ന് വ്യാപാര മാന്ദ്യം നേരിട്ടെങ്കിലും ഇന്ത്യ-സൗദി ഉഭയകക്ഷി വ്യാപാരം മികച്ച നേട്ടമാണ് കൈവരിച്ചത്. സൗദിയില്‍ നിന്നുളള ക്രൂഡ് ഓയില്‍ ഇറക്കുമതിയില്‍ ഇന്ത്യ രണ്ടാം സ്ഥാനത്താണ്. ഇരു രാജ്യങ്ങളുടെയും ഉഭയകക്ഷി വ്യാപാരം മുന്‍ വര്‍ഷത്തെ അപേക്ഷിച്ച് ഇരട്ടിയായി വര്‍ധിച്ചു.

റിയാദ്: സൗദിയില്‍ ജോലി ചെയ്യുന്ന വിദേശികളുടെ റെമിറ്റന്‍സ് വര്‍ധിച്ചതായി കേന്ദ്ര ബാങ്കായ സാമ അറിയിച്ചു. ഈ വര്‍ഷം ജനുവരി മുതല്‍ മെയ് അഞ്ച് മാസം 6322 കോടി റിയാലാണ് വിദേശ തൊഴിലാളികള്‍ മാതൃരാജ്യത്തേക്ക് അയച്ചത്. കഴിഞ്ഞ വര്‍ഷം ഇതേ കാലയളവില്‍ വിദേശികളുടെ റെമിറ്റന്‍സ് 5548 കോടി റിയാലായിരുന്നു. അതേസമയം, സൗദിയില്‍ വിദേശ തൊഴിലാളുകളുടെ കൊഴിഞ്ഞുപോക്ക് ഗണ്യമായി കുറഞ്ഞതായി റിപ്പോര്‍ട്ട്. കഴിഞ്ഞ വര്‍ഷത്തെ അപേക്ഷിച്ച് ഈ വര്‍ഷം ഫൈനല്‍ എക്‌സിറ്റില്‍ മടങ്ങിയ വിദേശ തൊഴിലാളികളുടെ എണ്ണം 87 ശതമാനം

റിയാദ്: കൊവിഡ് രോഗ മുക്തി നേടിയവര്‍ ഒരു ഡോസ് വാക്‌സിന്‍ സ്വീകരിച്ചാല്‍ മതിയെന്ന പോളിസി സൗദി അറേബ്യ പരിഷ്‌കരിച്ചു. ജനിതക മാറ്റം സംഭവിച്ച കൊവിഡ് വിവിധ രാജ്യങ്ങളില്‍ വ്യാപകമാണ്. ഈ സാഹചര്യത്തിലാണ് ഒരു ഡോസ് വാക്‌സിന്‍ സ്വീകരിച്ച് പ്രതിരോധ ശേഷി കൈവരിച്ചവരും രണ്ട് ഡോസ് സ്വീകരിക്കണമെന്ന് പോളിസിയില്‍ മാറ്റം വരുത്തിയത്. സിഹതീ, തവക്കല്‍നാ ആപുകള്‍ വഴി രണ്ടാം ഡോസ് എടുക്കുന്നതിന് അപ്പോയ്ന്റ്‌മെന്റ് നേടാമെന്നും മന്ത്രാലയം വ്യക്തമാക്കി. അതിനിടെ, 24 മണിക്കൂറിനിടെ 1,289 പേര്‍ക്ക് കൂടി കോവിഡ് സ്ഥിരീകരിച്ചു.

റിയാദ്: സൗദിയിലെ പ്രമുഖ റീട്ടെയില്‍ വിതരണ ശൃംഖല സിറ്റി ഫ്‌ളവര്‍ ഉപഭോക്തക്കള്‍ക്കായി വിലകുറവുമായി വീണ്ടും. ഈദ് ഓഫറുകള്‍ക്ക് പിന്നാലെ ‘സേവ് നൗ’ പ്രൊമോഷന്റെ ഭാഗമായി ആകര്‍ഷകമായ വിലക്കിഴിവില്‍ ഉല്‍പ്പന്നങ്ങള്‍ ഏറ്റവും മികച്ച വിലയില്‍ നേടാനുളള അവസരമാണ് ഒരുക്കിയിട്ടുളളത്. ജൂലായ് 28 മുതല്‍ നിശ്ചിത ദിവസങ്ങളില്‍ മാത്രമാണ് ആനുകുല്യം. കൂടാതെ വിവിധ ഡിപ്പാര്‍ട്ട്‌മെന്റുകളില്‍ കില്ലര്‍ ഓഫറും ലഭ്യമാണ്. സിറ്റി ഫ്‌ളവര്‍ നേരത്തെ പ്രഖ്യാപിച്ച സ്‌പെഷ്യല്‍ ഓഫര്‍ പ്രൈസ് മറ്റു ഉല്‍പ്പന്നങ്ങള്‍ക്കും ലഭ്യമാക്കും. സിറ്റി ഫ്‌ളവര്‍ ഹൈപ്പര്‍ മാര്‍ക്കറ്റുകളില്‍ ഭക്ഷ്യ

റിയാദ്: വിദേശ രാജ്യങ്ങളില്‍ കൊവിഡ് വാക്‌സിന്‍ സ്വീകരിക്കുകയും ആരോഗ്യ മന്ത്രാലയത്തില്‍ മൂന്ന് തവണ അപേക്ഷ സമര്‍പ്പിച്ച് ബ്‌ളോക്കാവുകയും ചെയ്തവര്‍ രേഖകള്‍ ഇമെയില്‍ വിലാസത്തില്‍ അയക്കണമെന്ന് അധികൃതര്‍. 937@എംഒഎച്ച് ഡോട് ജിഒവി ഡോട് എസ്എ എന്ന വിലാസത്തിലാണ് വാക്‌സിന്‍ സ്വീകരിച്ചതിന്റെ രേഖകള്‍ സമര്‍പ്പിക്കേണ്ടത്. ഇഖാമ നമ്പര്‍, ഇമെയില്‍ വിലാസം, മൊബൈല്‍ നമ്പര്‍, വാക്‌സിന്‍ സര്‍ട്ടിഫിക്കേറ്റ്, പാസ്‌പോര്‍ട്ട് കോപ്പി എന്നിവയാണ് ഇമെയില്‍ ചെയ്യേണ്ടത്. തവക്കല്‍നാ ആപ്പില്‍ ഇമ്യൂണ്‍ സ്റ്റാറ്റസ് ലഭിക്കാത്തവര്‍ക്ക് റിയാദ് അല്‍ നഖീല്‍ പ്രിന്‍സ് തുര്‍ക്കി ബിന്‍ അബ്ദുല്‍

റിയാദ്: സൗദി അറേബ്യയില്‍ സന്ദര്‍ശന വിസയിലെത്തിയവര്‍ക്ക് കൊവിഡ് വാക്‌സിന്‍ വിതരണം തുടങ്ങി. സ്വദേശി പൗരന്‍മാര്‍ക്കും ഇഖാമയുളള വിദേശികള്‍ക്കും മാത്രമാണ് നേരത്തെ വാക്‌സിന്‍ വിതരണം ചെയ്തിരുന്നത്. കൊവിഡിനെതിരെ പ്രതിരോധം ശക്തമാക്കുന്നതിന്റെ ഭാഗമായാണ് സന്ദര്‍ശന വിസയിലുളളവര്‍ക്കും വാക്‌സിന്‍ വിതരണം ചെയ്യുന്നത്. അതേസമയം, രാജ്യത്ത് വാക്‌സിന്‍ കാമ്പയിന്‍ തുടരുകയാണ്. ഇഖാമ, തൊഴില്‍ നിയമ ലംഘകര്‍ക്കും വാക്‌സിന്‍ വിതരണം ചെയ്യും. സ്‌കൂള്‍ വിദ്യാര്‍ത്ഥികള്‍ക്കുളള വാക്‌സിന്‍ വിതരണവും പുരോഗമിക്കുകയാണ്. അടുത്ത മാസം മുതല്‍ വാക്‌സിന്‍ സ്വീകരിക്കാത്തവര്‍ക്ക് പൊതുയിടങ്ങളില്‍ പ്രവേശനം അനുവദിക്കില്ലെന്ന് ആഭ്യന്തര മന്ത്രാലയം നേരത്തെ

റിയാദ്: സൗദി അറേബ്യയില്‍ ഗാര്‍ഹിക തൊഴിലാളികള്‍ക്ക് ഇന്‍ഷുറന്‍സ് നിര്‍ബന്ധമാക്കുന്നു. കേന്ദ്ര ബാങ്കിന്റെ സഹകരണത്തോടെ അടുത്ത വര്‍ഷം ഇന്‍ഷുറന്‍സ് പരിരക്ഷ നടപ്പിലാക്കുമെന്ന് മാനവശേഷി, സാമൂഹിക വികസനകാര്യ മന്ത്രാലയം അറിയിച്ചു.ഹൗസ് ഡ്രൈവര്‍മാര്‍, വീട്ടുവേലക്കാര്‍ എന്നിവര്‍ ഉള്‍പ്പെടെയുളള ഗാര്‍ഹിക തൊഴിലാളികളുടെ അവകാശം ഉറപ്പുവരുത്തുന്നതിനാണ് സമഗ്ര ഇന്‍ഷുറന്‍സ് പദ്ധതി നടപ്പിലാക്കുന്നത്. കേന്ദ്ര ബാങ്കായ സാമ, ആഭ്യന്തര മന്ത്രാലയം എന്നിവരുമായി സഹകരിച്ച് പദ്ധതിയ നടപ്പിലാക്കും. വീട്ടുവേലക്കാരെ റിക്രൂട് ചെയ്യുന്ന മുസാനിദ് പോര്‍ട്ടലുമായി ഇന്‍ഷുറന്‍സിനെ ബന്ധിപ്പിക്കും. തൊഴിലാളികളുടെയും തൊഴിലുടമകളുടെയും അവകാശങ്ങള്‍ സംരക്ഷിക്കുന്നതിന് ഇന്‍ഷുറന്‍സ് പദ്ധതി നടപ്പിലാക്കാന്‍