saudi

റിയാദ്: ബെസ്റ്റ് വേ ഡ്രൈവേഴ്‌സ് വാര്‍ഷിക പൊതുയോഗം സംഘടിപ്പിച്ചു. രക്ഷാധികാരി മുസ്തഫ നെല്ലിക്കാപറമ്പില്‍ ഉദ്ഘാടനം ചെയ്തു. പ്രസിഡന്റ് നിഹാസ് പാനൂര്‍ അധ്യക്ഷത വഹിച്ചു. ട്രഷറര്‍ ഷാനവാസ് വരവു ചിലവു കണക്കുകള്‍ അവതരിപ്പിച്ചു. അബ്ദുള്‍ മജീദ് പൂളക്കാടി മുഖ്യ പ്രഭാഷണം നിര്‍വ്വഹിച്ചു. പൊതുയോഗം 28 അംഗ ഭരണ സമിതിയെയും തെരഞ്ഞെടുത്തു. അബ്ദുല്‍ മജീദ് പൂളക്കാടി (ചെയര്‍മാന്‍), നിഹാസ് പാനൂര്‍ (പ്രസിഡന്റ്), കണ്ണന്‍ കോട്ടയം (സെക്രട്ടറി), ഷാനവാസ് വെമ്പഌ (ട്രഷറര്‍). ഹസ്സന്‍ പന്മന, മുസ്തഫ നെല്ലിക്കാപറമ്പ് (രക്ഷാധികാരി) എന്നിവരാണ് ഭാരവാഹികള്‍. […]

റിയാദ്: തൊഴിലിന്റെ മഹത്വവും തൊഴിലാളികളുടെ അവകാശങ്ങളും കുരുന്നുകള്‍ക്കു പകര്‍ന്നു ഡ്യൂണ്‍സ് ഇന്റര്‍നാഷണല്‍ സ്‌കൂള്‍ ലോക തൊഴിലാളി ദിനം ആചരിച്ചു. അധ്യാപകരും സെനറ്റ് അംഗങ്ങളും സമീപ പ്രദേശങ്ങള്‍ സന്ദര്‍ശിച്ച് സമൂഹത്തിലെ വിവിധ തുറകളിലുളള തൊഴിലാളികളുടെ കഠിനാധ്വാനത്തിനും പ്രതിബദ്ധതയ്ക്കുമുള്ള അംഗീകാരമായി ഉപഹാരങ്ങള്‍ സമ്മാനിച്ചു. പ്രിന്‍സിപ്പല്‍ സംഗീത അനുപ്, എച്ച് എം വിദ്യ വിനോദ്, സിഒഇ ഷാനിജ സനോജ് എന്നിവരുടെ നേതൃത്വത്തിലായിരുന്നു പരിപാടി. കിന്റര്‍ഗാര്‍ട്ടന്‍ വിദ്യാര്‍ത്ഥികളുടെ ആകര്‍ഷകമായ ടാബ്ലോ പ്രകടനത്തോടെ പരിപാടി ആരംഭിച്ചു. സ്‌കൂളിലെ കുരുന്ന് പ്രതിഭകള്‍ വിവിധ മേഖലകളിലെ തൊഴിലാളികളുടെ

റിയാദ്: ഇന്ത്യന്‍ പ്രവാസി സമൂഹത്തിന് എംബസി കോണ്‍സുലാര്‍ അറ്റസ്‌റ്റേഷന്‍ സേവനം ലഭ്യമാക്കുന്നതിന് സൗദിയിലെ വിവിധ പ്രവിശ്യകളില്‍ ഉദ്യോഗസ്ഥ സംഘം പര്യടനം നടത്തുന്നു. മെയ് 9 മുതല്‍ ജൂണ്‍ 27 വരെ വിവിധ പ്രദേശങ്ങളിലെ വിഎഫ്എസ് സെന്ററുകളില്‍ സേവനം ലഭ്യമാണെന്ന് ഇന്ത്യന്‍ എംബസി അറിയിച്ചു. മെയ് 9, 23, ജൂണ്‍ 13, 27 (ജുബൈല്‍), മെയ് 9 (സകാക്ക), മെയ് 16 (വാദി ദവാസിര്‍, അല്‍ ഖഫ്ജി), മെയ് 30 (അറാര്‍), മെയ് 23 (ഹഫര്‍ അല്‍ ബാതിന്‍),

റിയാദ്: തൊഴില്‍ സുരക്ഷ നഷ്ടമാകുന്നു എന്നതാണ് തൊഴിലാളികള്‍ നേരിടുന്ന ഏറ്റവും വലിയ പ്രതിസന്ധിയെന്ന് റിയാദ് നവോദയ. കോണ്‍ട്രാക്ട് ലേബറിങ്ങിലൂടെ കമ്പനികളില്‍ സ്ഥിരം തൊഴില്‍ എന്നത് ഇല്ലാതാകുന്നു. അതിനുപുറമേ ഹയര്‍ ആന്‍ഡ് ഫയര്‍ എന്നതാണ് രീതി. അതോടെ എല്ലാ തൊഴില്‍ ആനുകൂല്യങ്ങളും ഇല്ലാതാകുന്നു. കേരളത്തില്‍ മാത്രമാണ് തൊഴിലാളികളുടെ അവകാശങ്ങള്‍ സംരക്ഷിക്കപ്പെടുന്നത്. തൊഴിലാളികള്‍ക്കിടയില്‍ ജാതിമത ഭിന്നിപ്പുകള്‍ സൃഷ്ടിക്കാന്‍ ശ്രമിക്കുന്ന ശക്തികള്‍ക്കെതിരെ ജാഗ്രതപാലിക്കുകയും വര്‍ഗ്ഗബോധം ഊട്ടിഉറപ്പിക്കണമെന്നും നവോദയ മെയ്ദിനാചരണത്തില്‍ പങ്കെടുത്തവര്‍ അഭിപ്രായപ്പെട്ടു. തൊഴിലാളി താല്പര്യങ്ങള്‍ പൂര്‍ണ്ണമായും ഹനിക്കുന്ന നയങ്ങളാണ് ബി ജെ

മക്ക: ഇന്ത്യയില്‍ നിന്നുളള ഹജ്ജ് തീര്‍ഥാടകര്‍ പുണ്യ ഭൂമിയില്‍ എത്തിയതോടെ ഒരുക്കങ്ങള്‍ വിലയിരുത്തി ഇന്ത്യന്‍ ഹജ്ജ് മിഷന്‍. ഇന്ത്യന്‍ അംബാസഡര്‍ ഡോ. സുഹൈല്‍ അജാസ് ഖാന്‍, കോണ്‍സല്‍ ജനറല്‍ ഫഹദ് സൂരി എന്നിവരുടെ നേതൃത്വത്തില്‍ മക്കയിലെ തീര്‍ത്ഥാടകര്‍ക്കുളള സൗകര്യങ്ങള്‍ വിലയിരുത്തി. ഇതിന്റെ ഭാഗമായി ഡിസ്‌പെന്‍സറികള്‍, ഇന്ത്യന്‍ ഹജ്ജ് മിഷന്‍ ബ്രാഞ്ച് ഓഫീസുകള്‍ എന്നിവിടങ്ങളില്‍ സന്ദര്‍ശനം നടത്തി ഉദ്യോഗസ്ഥരുമായി ചര്‍ച്ച നടത്തി. മെയ് 10ന് കേരളത്തില്‍ നിന്നു കേന്ദ്ര ഹജ്ജ് കമ്മറ്റി വഴിയുളള ആദ്യ സംഘം മക്കയിലെത്തും. ഇവരുടെ

റിയാദ്: സനേഹം പകര്‍ന്നും സൗഹൃദം പങ്കുവെച്ചും ആലപ്പുഴ കൂട്ടായ്മ ഈസ്റ്റ് വെനീസ് അസോസിയേഷന്‍ (ഇവ) കുടുംബ സംഗമം. എക്‌സിറ്റ് 18ലെ ബലദി വിശ്രമ കേന്ദ്രത്തില്‍ നടന്ന സംഗമത്തില്‍ പ്രസിഡന്റ് ആന്റണി വിക്ടര്‍ അധ്യക്ഷത വഹിച്ചു. സെക്രട്ടറി രാജേഷ് ഗോപിനാഥന്‍, ട്രഷറര്‍ നിസാര്‍ മുസ്തഫ, രക്ഷാധികാരികളായ സുരേഷ് ആലപ്പുഴ, ഹാഷിം ചീയാംവേലില്‍ നിസ്സാര്‍ അഹമ്മദ് എന്നിവര്‍ പ്രസംഗിച്ചു. ഇവ കുടുംബാംഗങ്ങള്‍ അവതരിപ്പിച്ച ഗാനമേള, ആലപ്പുഴ ജില്ലയെ അടിസ്ഥാനമാക്കി നടന്ന പ്രശ്‌നോത്തരി മത്സരം എന്നിവ വിനോദത്തിനൊപ്പം വിഞ്ജാനവും സമ്മാനിക്കുന്ന അനുഭവങ്ങളായി

റിയാദ്: കേളി കലാസാംസ്‌കാരിക വേദി എട്ടാമത് ഇന്റര്‍ കേളി ഫുട്‌ബോള്‍ ടൂര്‍ണമെന്റ് അല്‍ഖര്‍ജ് റോഡിലെ അല്‍ ഇസ്‌ക്കാന്‍ ഗ്രൗണ്ടില്‍ സമാപിച്ചു. ‘വസന്തം-2025’ ആഘോഷപരിപാടികളുടെ ഭാഗമായാണ് ഫുട്‌ബോള്‍ ടൂര്‍ണമെന്റ് അരങ്ങേറിയത്. ഫാല്‍ക്കണ്‍ അല്‍ഖര്‍ജ്, യുവധാര അസീസിയ, റെഡ് ബോയ്‌സ് സുലൈ, ചാലഞ്ചേര്‍സ് റൗദ, റെഡ് വാരിയേര്‍സ് മലാസ്, ബ്ലാസ്‌റ്റേഴ്‌സ് ബത്ത, റെഡ് സ്റ്റാര്‍ ബദിയ എന്നീ ടീമുകള്‍ മാറ്റുരച്ച മത്സരത്തില്‍ വാരിയേഴ്‌സ് മാലാസ് ജേതാക്കളായി. ആദ്യ സെമിയില്‍ ഒന്നിനെതിരെ രണ്ട് ഗോളുകള്‍ക്ക് യുവധാരയെ പരാജയപ്പെടുത്തി ബ്ലാസ്‌റ്റേഴ്‌സ് ബത്ഹ ഫൈനലില്‍

റിയാദ്: ‘നമ്മള്‍ ചാവക്കാട്ടുകാര്‍’ സൗദി ചാപ്റ്റര്‍ രക്തദാന ക്യാമ്പ് സംഘടിപ്പിച്ചു. ‘ലോകത്തെ അമൂല്യ സമ്മാനം രക്തദാനം’ എന്ന പ്രമേയത്തില്‍ റിയാദ് കിംഗ് ഫഹദ് മെഡിക്കല്‍ സിറ്റിയുമായി സഹകരിച്ചു നടത്തിയ ക്യാമ്പില്‍ വനിതകളടക്കം നിരവധി പേര്‍ പങ്കെടുത്തു. ഉപദേശക സമിതി അംഗം കബീര്‍ വൈലത്തൂര്‍ ഉദ്ഘടാനം ചെയ്തു. സയ്യിദ് ജാഫര്‍ തങ്ങള്‍ അധ്യക്ഷത വഹിച്ചു. കിംഗ് ഫഹദ് മെഡിക്കല്‍ സിറ്റിയുടെ പ്രശംസാ പത്രം നൂറ അല്‍ഖാദി സംഘാടകര്‍ക്കു സമ്മാനിച്ചു. ഫോര്‍ക്ക ഭാരവാഹികളായ ജയന്‍ കൊടുങ്ങല്ലൂര്‍, സൈഫ് കൂട്ടുങ്കല്‍, ഷരീഖ്

റിയാദ്: പത്മശ്രീ കെ വി റാബിയയുടെ നിര്യാണത്തില്‍ റിയാദ് ഓ ഐസിസി മലപ്പുറം ജില്ലാ കമ്മിറ്റി അനുശോചിച്ചു. സാക്ഷരതാ പ്രസ്ഥാനത്തിന് ചിറകുകള്‍ നല്‍കിയ പോരാളിയായിരുന്നു റാബിയ. പതിനേഴാം വയസ്സില്‍ പോളിയോ രോഗബാധ അവരുടെ കാലുകളെ തളര്‍ത്തിയെങ്കിലും ഒട്ടും തളരാത്ത മനസ്സുമായി സാക്ഷരതാ പ്രവര്‍ത്തനങ്ങളിലും സ്ത്രീ ശാക്തീകരണ രംഗത്തും ഗ്രന്ഥശാല പ്രവര്‍ത്തനങ്ങളിലും സജീവമായി. ‘സ്വപ്‌നങ്ങള്‍ക്ക് ചിറകുകള്‍ ഉണ്ട്’ എന്നാണ് അവരുടെ ആത്മകഥയുടെ പേര്. രോഗം തളര്‍ത്തിയ കാലുകളും കരുത്തുറ്റ മനസ്സുമായി വീല്‍ ചെയറിന്റെ സഹായത്തോടെ കര്‍മ രംഗത്ത് സജീവമായി

റിയാദ്: ഹെവന്‍സ് ചാരിറ്റബിള്‍ ട്രസ്റ്റിന്റെ കീഴില്‍ കോഴിക്കോട് കളംന്തോട് കേന്ദ്രമായി പ്രവര്‍ത്തിക്കുന്ന ‘അമ്മ’ വൃദ്ധസദനത്തിന് കേളി കലാസാംസ്‌കാരിക വേദിയുടെ കൈത്താങ്ങ്. കേളി പതിനൊന്നാം കേന്ദ്ര സമ്മേളനത്തില്‍ തീരുമാനിച്ച ‘ഹൃദയപൂര്‍വ്വം കേളി’ പ്രകാരം കേരളത്തില്‍ ഒരുലക്ഷം പൊതിച്ചോര്‍ വിതരണം ചെയ്യുന്ന പദ്ധതിയില്‍ ഉള്‍പ്പെടുത്തി അമ്മയിലെ അന്തേവാസികളുടെ 15 ദിവസത്തെ ചിലവുകള്‍ കേളി ഏറ്റെടുക്കുകയായിരുന്നു. വൃദ്ധ സദനത്തില്‍ ഒരുക്കിയ ചടങ്ങില്‍ സിപിഐഎം കട്ടാങ്ങല്‍ ലോക്കല്‍ സെക്രട്ടറി പ്രവീണിന്റെ സാനിധ്യത്തില്‍ കേളി രക്ഷാധികാരി കമ്മറ്റി അംഗം ഷമീര്‍ കുന്നുമ്മല്‍ അമ്മ മാനേജര്‍

റിയാദ്: നടന വൈഭവം നിറഞ്ഞാടിയ നൃത്തനൃത്യങ്ങള്‍ക്കു വേദിയൊരുക്കി കൈരളി ഡാന്‍സ് അക്കാദമി പതിനൊന്നാം വാര്‍ഷികം ആഘോഷിച്ചു. ഭരതനാട്യം, മോഹിനിയാട്ടം എന്നിവ പരിശീലിച്ച വിദ്യാര്‍ഥികളുടെ അരങ്ങേറ്റവും നടന്നു. ‘ഏകലവ്യ’ സംഗീത നൃത്തശില്പം പ്രത്യേകം ശ്രദ്ധനേടി. മഹാഭാരതത്തിലെ ഏകലവ്യന്‍ വലതു തള്ളവിരല്‍ ദക്ഷിണയായി ഗുരുവിനു സമ്മാനിക്കുന്ന കഥയാണ് അവതരിപ്പിച്ചത്. മോഹിനിയാട്ടം, ഭരതനാട്യം, സിനിമാറ്റിക്, ഘതക് നൃത്തനൃത്യങ്ങളും അരങ്ങേറി. സാംസ്‌കാരിക സമ്മേളനം ഷിഹാബ് കൊട്ടുകാട് ഉദ്ഘാടനം ചെയ്തു. കൈരളി ഡാന്‍സ് അക്കാദമി നൃത്ത അധ്യാപിക ധന്യാ ശരത് അധ്യക്ഷത വഹിച്ചു. ലാലു

കോഴിക്കോട്: ജന്മനാട്ടിലെ അവകാശങ്ങളും ആനുകൂല്യങ്ങളും തിരിച്ചറിയാന്‍ പ്രവാസികള്‍ ബോധവാന്മാരാകണമെന്ന് മുസ്ലിംലീഗ് നിയമസഭാ കക്ഷി ഉപനേതാവ് ഡോ. എം ക മുനീര്‍ എംഎല്‍എ. കോഴിക്കോട് സൗദി കെഎംസിസി സെന്ററില്‍ പ്രവാസി സാമൂഹ്യ ക്ഷേമ പുനരധിവാസ സേവന കേന്ദ്രം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പ്രവാസി കുടുംബങ്ങള്‍ക്ക് താങ്ങും തണലുമാകുന്ന ജീവകാരുണ്യ പ്രവര്‍ത്തനങ്ങളുമായി മുന്നോട്ട് പോകുന്ന സൗദി കെഎംസിസിയുടെ പൊന്‍തൂവലായി സെന്റര്‍ മാറും. ഉപജീവനം തേടി പോയ പ്രവാസികളില്‍ ഭൂരിഭാഗവും പതിറ്റാണ്ടുകള്‍ പിന്നിട്ടിട്ടും സാധാരണ നിലയില്‍ തന്നെ കഴിയുന്നവരാണ്. എല്ലാ

റിയാദ്: സൗദി അറേബ്യയിലെ വിവിധ പ്രവിശ്യകളില്‍ ചൊവ്വാഴ്ച വരെ കനത്ത മഴയ്ക്കു സാധ്യതയുണ്ടെന്ന് സിവില്‍ ഡിഫന്‍സ് ഡയറക്ടറേറ്റ്. പൊതുജനങ്ങള്‍ ജാഗ്രത പാലിക്കണമെന്നും സുരക്ഷാ മാര്‍ഗ്ഗനിര്‍ദ്ദേശങ്ങള്‍ പാലിക്കണമെന്നും ഡയറക്ടറേറ്റ് അറിയിച്ചു. സൗദിയില്‍ കടുത്ത വേനല്‍ കാലമാണിത്. കഴിഞ്ഞ ദിവസങ്ങളില്‍ രാജ്യത്തെ കൂടിയ അന്തരീക്ഷ താപനില 39 ഡിഗ്രി സെല്‍ഷ്യസ് വരെ ഉയര്‍ന്നു. അതിനിടെയാണ് മഴയ്ക്കും വെളളപ്പെക്കത്തിനും സാധ്യതയുണ്ടെന്ന് സിവില്‍ ഡിഫന്‍സ് ഡയറക്ടറേറ്റ് മുന്നറിയിപ്പ് നല്‍കിയത്. മക്കയില്‍ മഴയും ആലിപ്പഴ വര്‍ഷവും അനുഭവപ്പെടും. ചിലയിടങ്ങളില്‍ ശക്തമായ കാറ്റിനും സാധ്യതയുണ്ട്. തലസ്ഥാനമായ

റിയാദ്: കേളി കുടുംബ വേദി ‘ജ്വാല 2025’ അവാര്‍ഡ് ഇന്റര്‍നാഷണല്‍ ഇന്ത്യന്‍ സ്‌കൂള്‍ പ്രിന്‍സിപ്പല്‍ മീരാ റഹ്മാന് സമ്മാനിച്ചു. ഡല്‍ഹി പബ്ലിക് സ്‌കൂള്‍ ഓഡിറ്റോറിയത്തില്‍ അരങ്ങേറിയ അവാര്‍ഡ് ദാന പരിപാടിയില്‍ കുടുംബ വേദി സെക്രട്ടറി സീബ കൂവോട് അവാര്‍ഡ് കൈമാറി. മീരാ റഹ്മാന്റെ അഭാവത്തില്‍ ഇന്ത്യന്‍ സ്‌കൂള്‍ സ്റ്റാഫ് ഹസീന മന്‍സൂര്‍ അവാര്‍ഡ് ഏറ്റു വാങ്ങി. ആലുവ സ്വദേശിയായ മീര റഹ്മാന്‍ റിയാദ് ഇന്റര്‍നാഷനല്‍ ഇന്ത്യന്‍ സ്‌കൂളിന്റെ ചരിത്രത്തില്‍ പ്രിന്‍സിപ്പല്‍ പദവിയിലെത്തുന്ന ആദ്യ മലയാളിയാണ്. ജമ്മുകശ്മീരിലെ പഹല്‍ഗാമില്‍