saudi

റിയാദ്: കരിയര്‍ വളര്‍ച്ചയ്ക്കും തൊഴില്‍ നൈപുണ്യ വികസനത്തിനും റിയാദില്‍ പവര്‍ ബി.ഐ പരിശീലനം സംഘടിപ്പിക്കുന്നു. ‘അണ്‍ബോക്‌സ് ബി.ഐ’ പഠന ശിബിരം ജൂണ്‍ 12 വെള്ളി ഉച്ചയ്ക്ക് 1:30ന് ആരംഭിക്കും. പ്രവാസി വെല്‍ഫെയര്‍ റിയാദിന് കീഴിലുള്ള ”പ്രവാസി കരിയര്‍ സ്‌ക്വയര്‍’ ആണ് പരിപാടി ഒരുക്കുക. ഡാറ്റാ അനലിറ്റിക്‌സ് മേഖലയില്‍ ആഗോളതലത്തില്‍ വര്‍ദ്ധിച്ചുവരുന്ന തൊഴിലവസരങ്ങള്‍ പ്രവാസികള്‍ക്ക് പ്രയോജനപ്പെടുത്തുക എന്ന ലക്ഷ്യത്തോടെയാണ് പരിശീലനം. ബി.ഐ ആന്‍ഡ് അനലിറ്റിക്‌സ് വിദഗ്ദ്ധന്‍ മൊയ്തീന്‍ കുട്ടി പി.വി നേതൃത്വം നല്‍കും. പവര്‍ ബി.ഐ അടിസ്ഥാന വിവരങ്ങള്‍, […]

മിന: സൗദി ഭരണാധികാരി സല്‍മാന്‍ രാജാവിനു വേണ്ടി കിരീടാവകാശിയും പ്രധാനമന്ത്രിയുമായ പ്രിന്‍സ് മുഹമ്മദ് ബിന്‍ സല്‍മാന്‍ മിനായില്‍ ഹജ്ജ് വിരുന്നൊരുക്കി. ഇന്ത്യന്‍ അംബാസഡര്‍ ഡോ. സുഹൈല്‍ അജാസ് ഖാന്‍ പങ്കെടുത്തു. മിനയിലായിരുന്നു ഔദ്യോഗിക സ്വീകരണം ഒരുക്കിയത്. വിവിധ രാജ്യങ്ങളില്‍ നിന്നുള്ള ഭരണാധികാരികള്‍, രാഷ്ട്രത്തലവന്മാര്‍, ഇസ്ലാമിക പണ്ഡിതര്‍, സല്‍മാന്‍ രാജാവിന്റെ പ്രത്യേക അതിഥികള്‍, വിവിധ സര്‍ക്കാര്‍ സ്ഥാപനങ്ങളുടെ പ്രതിനിധികള്‍, ഹജ്ജ് മിഷന്‍ മേധാവികള്‍ എന്നിവര്‍ സന്നിഹിതരായിരുന്നു.പ്രിന്‍സ് മുഹമ്മദ് ബിന്‍ സല്‍മാന്‍ ഇന്ത്യന്‍ അംബാസഡര്‍ ഡോ. സുഹേല്‍ ഖാനുമായി കൂടിക്കാഴ്ച

റിയാദ്: ലോക പുകയില വിരുദ്ധ ദിനാചരണത്തത്തിന്റെ ഭാഗമായി സുബൈര്‍കുഞ്ഞ് ഫൗണ്ടേഷന്റെ ലഹരിവിരുദ്ധ വിഭാഗം ‘റിസ’ ഓണ്‍ലൈന്‍ പ്രസംഗ മത്സരം സംഘടിപ്പിക്കുന്നു. ഇന്ത്യയിലെയും മിഡില്‍ ഈസ്റ്റിലെ ഇന്റര്‍നാഷണല്‍ ഇന്ത്യന്‍ സ്‌കൂളുകളിലെയും 8 മുതല്‍ 12 വരെ ക്ലാസുകളിലെ വിദ്യാര്‍ഥികള്‍ക്കാണ് അവസരം. ‘നൂതന വിപണന തന്ത്രങ്ങളെ ചെറുക്കുക; നിക്കോട്ടിന്‍-പുകയില ആസക്തി തടയുക’ എന്നതാണ് വിഷയം. മലയാളം, ഇംഗ്ലീഷ് ഭാഷകളില്‍ ജൂണ്‍ 13ന് സഊദി സമയം വൈകിട്ട് 4 മുതല്‍ ലൈവായാണ് മത്സരം. സുബൈര്‍കുഞ്ഞ് അനുസ്മരണ ദിനമായ ജൂണ്‍ 17ന് വിജയികളെ

റിയാദ്: പ്രവാസി കൂട്ടായ്മ താമരക്കുളം പ്രവാസി അസോസിയേഷന്‍ കുടുംബസംഗമം മലാസ് ചെറീസ് ഓഡിറ്റോറിയത്തില്‍ നടന്നു. കുടുംബിനികളും കുട്ടികളും ഉള്‍പ്പെടെ നിരവധിപേര്‍ പങ്കെടുത്തു. ജനറല്‍ ബോഡി യോഗത്തില്‍പുതിയ ഭരണസമിതിയെയും തിരഞ്ഞെടുത്തു. കമറുദ്ദീന്‍ താമരക്കുളത്തെ പ്രസിഡന്റായും അഷറഫ് ദാറുല്‍ അമാനെ ജനറല്‍ സെക്രട്ടറിയായും അജിത് പള്ളിക്കലിനെ ട്രഷററായും സുധാകരന്‍ പള്ളിക്കലിനെ ചെയര്‍മാനായും തിരഞ്ഞെടുത്തു. ഹാരിസ് താമരക്കുളം, രാജീവ് എന്നിവരാണ് വൈസ് പ്രസിഡന്റുമാര്‍. അഖില്‍ നൂറനാട് ജോയിന്റ് സെക്രട്ടറിയായും രഘു പച്ചക്കാട് ജോയിന്റ് ട്രഷററായും ഷാജി പാരഡൈസ് വൈസ് ചെയര്‍മാനായും ആഷിക്

നസ്‌റുദ്ദീന്‍ വി ജെ റിയാദ്: തടവറയ്ക്കുള്ളില്‍ രണ്ടു പതിറ്റാണ്ട് എരിഞ്ഞുതീര്‍ന്ന മനുഷ്യായുസ്സ് ഒടുവില്‍ പെരുന്നാള്‍ പ്രഭയില്‍ മാതൃഹൃദയത്തിന്റെ ചൂടിലേക്ക് തിരിച്ചെത്തിയിരിക്കുന്നു. കോഴിക്കോട് കോടമ്പുഴ സ്വദേശി മച്ചിലകത്ത് അബ്ദുല്‍ റഹീമിന്റെ മോചനം വെറുമൊരു വാര്‍ത്തയല്ല; അത് ലോകമലയാളികള്‍ ഒന്നടങ്കം നെഞ്ചുരുകി എഴുതിയ കാരുണ്യത്തിന്റെ മഹാകാവ്യമാണ്. അസാധ്യമെന്ന് കരുതിയ 34 കോടി ദിയാധനം സമാഹരിക്കാന്‍ ലോക മലയാളികള്‍ ഒന്നടങ്കം കൈകോര്‍ത്തു. അതിന്റെ തിരശ്ശീലയ്ക്ക് പിന്നിലിരുന്ന് ജീവന്‍ നല്‍കിയ ഒരുകൂട്ടം മനുഷ്യരുണ്ട്. അവരില്‍ പ്രമുഖനാണ് 20 വര്‍ഷമായി റഹീമിന് തണലാകാന്‍ സഊദിയിലെ

നസ്‌റുദ്ദീന്‍ വി ജെ റിയാദ്: ഇരുപത് വര്‍ഷത്തെ കഠിനമായ തടവുജീവിതത്തിന്റെ യാതനകള്‍ ഒട്ടും തളര്‍ത്തിയില്ല. ആത്മവിശ്വാസത്തിന്റെ അടയാളമായി നിറഞ്ഞ പുഞ്ചിരിയും തെളിഞ്ഞ മുഖവുമാണ് ജെയില്‍ മോചിതനയ അബ്ദുല്‍ റഹീമില്‍ ദൃശ്യമായത്. ചുണ്ടുകളില്‍ വിരിയുന്ന പുഞ്ചിരി എല്ലാ പ്രതിസന്ധികളെയും അതിജീവിച്ച ഒരു മനുഷ്യന്റെ ആത്മബലത്തെയാണ് കാണിക്കുന്നത്. ഭയമോ ആശങ്കയോ ഇല്ലാതെ, തികഞ്ഞ ആത്മവിശ്വാസത്തോടെ പുതിയൊരു ജീവിതത്തെയും ജന്മനാടിനെയും വരവേല്‍ക്കാന്‍ മാനസികമായി സജ്ജനാണെന്ന് നില്‍പം നോട്ടവും വ്യക്തമാക്കുന്നു. ശാരീരികമായും മാനസികമായും ഊര്‍ജ്ജസ്വലന്‍. തോളുകള്‍ നിവര്‍ത്തി, ശാന്തനായി നില്‍ക്കുന്ന അദ്ദേഹത്തിന്റെ ശരീരഭാഷ

റിയാദ്: ഒഐസിസി റിയാദ് സെന്‍ട്രല്‍ കമ്മിറ്റിയുടെ നേതൃത്വത്തില്‍ ജനകീയ രക്തദാന ക്യാമ്പ് സംഘടിപ്പിക്കുന്നു. ഇതിന്റെ വിജയത്തിനായി 101 അംഗ സ്വാഗതസംഘം രൂപീകരിച്ചു. ബത്ഹയിലെ സബര്‍മതി ഓഫിസില്‍ ചേര്‍ന്ന യോഗത്തില്‍ വര്‍ക്കിങ് പ്രസിഡന്റ് നവാസ് വെള്ളിമാടുകുന്ന് അധ്യക്ഷത വഹിച്ചു. യോഗത്തില്‍ ഷിഹാബ് കൊട്ടുകാടിനെ ചെയര്‍മാനായും മാത്യു ജോസഫിനെ ജനറല്‍ കണ്‍വീനറായും ഷംനാദ് കരുനാഗപ്പള്ളിയെ കോര്‍ഡിനേറ്ററായും തിരഞ്ഞെടുത്തു. രജിസ്‌ട്രേഷന്‍, മീഡിയ, പബ്ലിസിറ്റി, ഇന്‍വിറ്റേഷന്‍, റിസപ്ഷന്‍, ട്രാന്‍സ്‌പോര്‍ട്ടേഷന്‍, കള്‍ച്ചറല്‍, ഫുഡ് ആന്റ് റിഫ്രഷ്‌മെന്റ്, വൊളന്റിയര്‍ തുടങ്ങിയ വിവിധ ഉപസമിതികള്‍ക്കും യോഗം രൂപം

നസ്‌റുദ്ദീന്‍ വി ജെ വിമാനത്തില്‍ അബ്ദുല്‍ റഹീമും പവ്വര്‍ ഓഫ് അറ്റോര്‍ണി സിദ്ദീഖ് തുവ്വൂരും റിയാദ്: ശ്വാസമടക്കിപ്പിടിച്ച ഇരുപത് വര്‍ഷത്തെ കാത്തിരിപ്പിന് വിരാമമാകുന്നു; തോറ്റുകൊടുക്കാന്‍ മനസ്സില്ലാതിരുന്ന ഒരു നാട് ഒന്നിച്ച് പൊരുതി നേടിയ മഹാവിജയവുമായി കോഴിക്കോട് കോടമ്പുഴ സ്വദേശി അബ്ദുല്‍ റഹീം ഇന്ന് ജന്മനാട്ടില്‍ എത്തിച്ചേരും.ഇരുപത് വര്‍ഷം മുന്‍പ്, 26ാം വയസ്സില്‍ കുടുംബം പുലര്‍ത്താനുള്ള വലിയ പ്രതീക്ഷകളോടെയാണ് റഹീം റിയാദില്‍ എത്തിയത്. എന്നാല്‍ പ്രവാസത്തിന്റെ 28ാം ദിവസം സംഭവിച്ച കൈപ്പിഴ റഹീമിനെ മരണത്തിന്റെ നിഴലിലേക്ക് തള്ളിവിട്ടു. സഊദി

എം. അബ്ദുല്‍ സലാം കണ്ടത്തില്‍ (പ്രസിഡന്റ്, സവ) സൗദി അറേബ്യയിലെ ഓരോ മണല്‍ത്തരിക്കും പ്രവാസത്തിന്റെ കനല്‍ച്ചൂടുണ്ട്; ഒപ്പം കണ്ണീരിന്റെ നനവും. എന്നാല്‍, കനലിനെ കാരുണ്യത്തിന്റെ പനിനീര്‍പ്പൂക്കളാക്കി മാറ്റുന്ന ചില പുണ്യകാലങ്ങളുണ്ട്. അതിലൊന്നാണ് ഹജ്ജ് നാളുകള്‍. എന്നാല്‍, ഇത്തവണത്തെ ഹജ്ജ് നാളുകള്‍ക്ക് എന്റെ മനസ്സിന് ഒട്ടും സുഖമില്ല. വിശുദ്ധ നഗരത്തിലേക്ക് ദൈവത്തിന്റെ അതിഥികള്‍ ഒഴുകിയെത്തുമ്പോള്‍, അവര്‍ക്കായി ഒരിറ്റു സേവനം ചെയ്യാന്‍ കഴിയാതെ മുറിക്കുള്ളില്‍ ഒതുങ്ങിക്കൂടേണ്ടി വരുന്നതിന്റെ വലിയൊരു സങ്കടം ഉള്ളില്‍ വിങ്ങിപ്പൊട്ടുന്നുണ്ട്. ആ മനോവിഷമത്തിനിടയിലാണ്, എന്റെ ജീവിതത്തെ ധന്യമാക്കിയ,

റിയാദ്: ഓര്‍മ്മകളുടെ സുല്‍ത്താന്‍ ബഷീറിന്റെ ഭാഷയില്‍ പറഞ്ഞാല്‍ ‘സുല്‍ത്താന്‍ ബത്തേരി’യേക്കാള്‍ ഗമയുള്ളൊരു കോഴിക്കോടന്‍ പെരുന്നാള്‍ രാവ് റിയാദിലെ മണല്‍പ്പരപ്പിലേക്ക് ഇറങ്ങിവന്നു. പ്രവാസത്തിന്റെ തിരക്കുകള്‍ക്കിടയില്‍ എവിടെയോ നഷ്ടപ്പെട്ടുപോയെന്ന് കരുതിയ ആ പഴയ ജാലിയന്‍ വാലാബാഗ് റോഡിന്റെയും വലിയങ്ങാടിയുടെയും നൊസ്റ്റാള്‍ജിയ റിയാദിലെ മലയാളി കൂട്ടായ്മ ‘കോഴിക്കോടന്‍സ്’ അക്ഷരാര്‍ത്ഥത്തില്‍ പുനഃസൃഷ്ടിച്ചു. റേഡിയോയില്‍ നിന്നു ഒഴുകിയെത്തിയ ‘മാസപ്പിറവി കണ്ടു’ എന്ന ആ പഴയ അനൗണ്‍സ്‌മെന്റും, അതിനെത്തുടര്‍ന്ന് മനസ്സില്‍ പെയ്തിറങ്ങിയ തക്ബീര്‍ ധ്വനികളും കേട്ടപ്പോള്‍ കണ്ടുനിന്ന പല പ്രവാസികളുടെയും കണ്ണ് നനഞ്ഞു. അങ്ങകലെ ജന്മനാട്ടിലെ

റിയാദ്: വിശുദ്ധ അറഫാ ദിനത്തില്‍ ഇന്ത്യന്‍ കള്‍ച്ചറല്‍ ഫൗണ്ടേഷന്‍ (ഐസിഎഫ്) റിയാദ് സെന്‍ട്രല്‍ കമ്മിറ്റി ആത്മീയ സംഗമവും ഇഫ്താര്‍ വിരുന്നും സംഘടിപ്പിച്ചു. എക്‌സിറ്റ് 18ലെ അല്‍വലീദ് ഓഡിറ്റോറിയത്തില്‍ നടന്ന സംഗമത്തില്‍ നിരവധി വിശ്വാസികള്‍ പങ്കെടുത്തു. അറഫാ ദിനത്തിന്റെ പുണ്യവും ആത്മീയ ചൈതന്യവും ഉള്‍ക്കൊണ്ട് അസര്‍ നമസ്‌കാരത്തിന് ശേഷമാണ് പരിപാടികള്‍ക്ക് തുടക്കമായത്. ഷൗകത്ത് അലി സഅദിയുടെ പ്രാര്‍ത്ഥനയോടെ ആരംഭിച്ച പരിപാടിയില്‍ അബ്ദുല്‍ റഹ്മാന്‍ സഖ്വാഫി ബദിയ അധ്യക്ഷത വഹിച്ചു. ആത്മീയ സദസ്സില്‍ ബഷീര്‍ മിസ്ബാഹി മുഖ്യപ്രഭാഷണം നടത്തി. അറഫാ

റിയാദ്: ഈരടികളുടെ കുളിര്‍മഴയായും ഈണങ്ങളുടെ പൂത്തിരിയായും മലപ്പുറം തനിമ റിയാദില്‍ പെയ്തിറങ്ങി. മലപ്പുറം ജില്ലാ പ്രവാസി അസോസിയേഷന്‍ (മിഅ) അല്‍വഫ ഷോല മാളില്‍ ഒരുക്കിയ ‘മൈലാഞ്ചി രാവ് മെഹന്ദി ഫെസ്റ്റ് സീസണ്‍-3’ നാട്ടുപൂരത്തിന്റെ ഓര്‍മ്മകളിലേക്ക് പ്രവാസിമനസ്സുകളെ കൂട്ടിക്കൊണ്ടുപോയ വസന്തോത്സവമായിരുന്നു. ചെണ്ടമേളത്തിന്റെ അകമ്പടിയും മലനാടിന്റെ തനിമയും തുടിച്ച ‘മലപ്പുറം ചന്ത’യും അറേബ്യന്‍ മണ്ണില്‍ കേരളത്തിന്റെ വിരുന്ന് കൂടാരമൊരുക്കി. പെണ്ണരങ്ങുകളുടെ ചിരിയും കളിചിരികളും നിറഞ്ഞ അന്തരീക്ഷത്തില്‍ അല്‍വഫ മാള്‍ സുന്ദരമായ ഉത്സവപ്പറമ്പായി മാറി. ഒപ്പനച്ചുവടുകളുടെ താളവും, സൂഫി നര്‍ത്തകരുടെ ചലനങ്ങളും,

റിയാദ്: ലോകമെമ്പാടുമുള്ള മലയാളി സമൂഹം ഒരേ മനസ്സോടെ പ്രാര്‍ത്ഥനയോടെ കാത്തിരുന്ന ആ വലിയ വാര്‍ത്ത ഒടുവില്‍ എത്തിയത് പുണ്യദിനമായ അറഫ ദിനത്തില്‍. സൗദി ജയിലില്‍ കഴിഞ്ഞ 20 വര്‍ഷമായി വധശിക്ഷ വിധിച്ച് തടവില്‍ കഴിഞ്ഞിരുന്ന കോഴിക്കോട് കോടമ്പുഴ സ്വദേശി അബ്ദുല്‍ റഹീമിന്റെ ഔദ്യോഗിക മോചന ഉത്തരവ് സൗദി അധികൃതര്‍ ഒപ്പുവെച്ചു. റിയാദിലെ റഹീം നിയമസഹായ സമിതിയാണ് പ്രവാസലോകത്തിനും കേരളത്തിനും ഏറെ ആശ്വാസം നല്‍കുന്ന ഈ വിവരം പുറത്തുവിട്ടത്.മോചനത്തിനായുള്ള നിയമപരമായ തടസ്സങ്ങള്‍ നീങ്ങിയതോടെ അബ്ദുല്‍ റഹീമിന് ജന്മനാട്ടിലേക്ക് മടങ്ങാനുള്ള

മക്ക: ഹജ്ജ് തീര്‍ഥാടകരുടെ യാത്ര കൂടുതല്‍ സുഗമവുമാക്കാന്‍ പുണ്യസ്ഥലങ്ങളില്‍ മശാഇര്‍ മെട്രോ റെയില്‍ സര്‍വീസ് ആരംഭിച്ചു. തീര്‍ഥാടകര്‍ക്കായി ട്രെയിനുകള്‍ പൂര്‍ണ്ണ സജ്ജമായതായും ഔദ്യോഗിക സേവനം തുടങ്ങിയതായും സഊദി റെയില്‍വേ വ്യക്തമാക്കി. പുണ്യസ്ഥലങ്ങള്‍ക്കിടയിലുള്ള യാത്രാക്ലേശത്തിന് ശാശ്വത പരിഹാരം കണ്ടെത്താന്‍ 2010ലാണ് മെട്രോ ആരംഭിച്ചത്. ഹജ്ജ് സീസണില്‍ മാത്രമാണ് മശാഇര്‍ മെട്രോ സര്‍വ്വീസ് നടത്തുന്നത്. ഹജ്ജ് സീസണിന് മുന്നോടിയായി തീര്‍ഥാടകരുടെ സുരക്ഷ ഉറപ്പാക്കുന്നതിനും അന്താരാഷ്ട്ര മാനദണ്ഡങ്ങള്‍ക്കനുസരിച്ച് സേവന നിലവാരം ഉയര്‍ത്തുന്നതിനും റെയില്‍വേ ലൈനുകളിലും വിവിധ സ്‌റ്റേഷനുകളിലും അറ്റകുറ്റപ്പണികളും സുരക്ഷാ പരിശോധനകളും