gulf

കോഴിക്കോട്: റിയാദ് കെഎംസിസി വനിതാ വിംഗ് രൂപീകരണ കാലം മുതല്‍ കമ്മിറ്റിയെ നയിച്ചവര്‍ ഒരുമിപ്പിച്ചുകൂടി ‘മുന്‍ ലീഡേഴ്‌സ് സംഗമം’ സംഘടിപ്പിച്ചു. പ്രവാസി ഓര്‍മ്മകളും സൗഹൃദങ്ങളും പുതുക്കിയ വേറിട്ട ഒത്തുചേരലിന് കോഴിക്കോട്ടെ സഊദി കെഎംസിസി സെന്റര്‍ വേദിയായി. നിലവിലെ വനിതാ കമ്മിറ്റി ജനറല്‍ സെക്രട്റി ജസീല മൂസ അധ്യക്ഷത വഹിച്ചു. മുന്‍ ചെയര്‍പേഴ്‌സണും കാസര്‍കോട് മംഗല്‍പാടി പഞ്ചായത്ത് വനിതാ ലീഗ് ട്രഷററുമായ കമറുന്നിസ്സ മുഹമ്മദ് ഉദ്ഘാടനം ചെയ്തു. പ്രവാസം അവസാനിപ്പിച്ചു നാട്ടിലെത്തിയ ശേഷവും പൊതുരംഗത്ത് സജീവമാകുകയും മികച്ച നേട്ടങ്ങള്‍ […]

റിയാദ്: സൗദി അറേബ്യയിലെ മലയാളി പ്രവാസി സമൂഹത്തിന്റെ സാംസ്‌കാരിക, കാരുണ്യ മേഖലകളില്‍ മൂന്ന് പതിറ്റാണ്ടു സജീവ സാന്നിധ്യമായിരുന്ന നിസാര്‍ കാട്ടില്‍ മടങ്ങുന്നു. പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന അദ്ദേഹത്തിന് ഐ.സി.എഫ് സൗദി നാഷണല്‍ കമ്മിറ്റി പ്രൗഢമായ യാത്രയയപ്പ് നല്‍കി. ആധുനിക സാങ്കേതിക വിദ്യകളോ യാത്രാസൗകര്യങ്ങളോ ഇല്ലാതിരുന്ന മൂന്ന് പതിറ്റാണ്ട് മുമ്പുള്ള പ്രതികൂല സാഹചര്യത്തിലാണ് നിസാര്‍ കാട്ടില്‍ സൗദിയില്‍ എത്തുന്നത്. അന്നത്തെ എസ്.വൈ.എസ് പ്രസ്ഥാനത്തിന് സൗദിയില്‍ അടിത്തറ പാകുന്നതില്‍ നിര്‍ണ്ണായക പങ്ക് വഹിച്ചു. വിവിധ പ്രവിശ്യകളില്‍ സഞ്ചരിച്ച് സെന്‍ട്രല്‍

റിയാദ്: മകന്റെ ഐ.ഐ.ടി ബിരുദദാന ചടങ്ങില്‍ പങ്കെടുക്കാന്‍ റിയാദില്‍ നിന്ന് ഗുവാഹത്തിയിലേക്ക് പുറപ്പെട്ട കണ്ണൂര്‍ സ്വദേശിയുടെ ലഗേജ് വൈകിയതിന് നഷ്ടപരിഹാരം നല്‍കാന്‍ കോടതി ഉത്തരവ്. അകാശ എയര്‍ലൈന്‍സിന്റെ വീഴ്ചയെ തുടര്‍ന്ന് അടിയന്തര സാധനങ്ങള്‍ വാങ്ങാന്‍ ചിലവായ തുക 15,000 രൂപ, മാനസിക വിഷമം ഉണ്ടാക്കിയതിനുള്ള നഷ്ടപരിഹാരം 20,000 രൂപ, കോടതിച്ചെലവ് 10,000 രൂപ എന്നിവ ഉള്‍പ്പെടെ 45,000 രൂപ പരാതിക്കാരന് നല്‍കാനാണ് കോടതി ഉത്തരവിട്ടത്. കണ്ണൂര്‍ ജില്ലാ ഉപഭോക്തൃ തര്‍ക്കപരിഹാര കമ്മീഷന്‍ ആണ് ഉത്തരവ് പുറപ്പെടുവിച്ചത്. റിയാദില്‍

റിയാദ്: പ്രവാസി വെല്‍ഫെയര്‍ കരിയര്‍ വിഭാഗം ‘പ്രവാസി കരിയര്‍ സ്‌ക്വയര്‍’ പ്രൊഫഷണലുകള്‍ക്കായി സംഘടിപ്പിച്ച ‘അണ്‍ബോക്‌സ് ബി.ഐ’ പവര്‍ ബി.ഐ വര്‍ക്ക്‌ഷോപ്പ് സംഘടിപ്പിച്ചു. റിയാദിലെ വിവിധ കമ്പനികളിലുളള എഴുപത്തിയഞ്ചിലധിം പ്രൊഫഷണലുകളാണ് ഡാറ്റാ അനലിറ്റിക്‌സ് ശില്‍പശാലയില്‍ പങ്കെടുത്തത്. സൗദി എനര്‍ജിയില്‍ 25 വര്‍ഷത്തെ പ്രവൃത്തിപരിചയമുള്ള ഐ.ടി പ്രൊഫഷണലും കണ്‍സള്‍ട്ടന്റുമായ മൊയ്തീന്‍കുട്ടി പി.വി ക്ലാസുകള്‍ക്ക് നേതൃത്വം നല്‍കി. പവര്‍ ബി.ഐയുടെ നൂതന സാധ്യതകളും വ്യവസായ മേഖലയിലെ പ്രായോഗിക ഉപയോഗങ്ങളും അദ്ദേഹം വിശദീകരിച്ചു. പ്രവാസി വെല്‍ഫെയര്‍ റിയാദ് പ്രസിഡന്റ് ബാരിഷ് ചെമ്പകശ്ശേരി ഉദ്ഘാടനം

തുണയായി ആലപ്പുഴ കെഎംസിസി റിയാദ്: വര്‍ഷങ്ങള്‍ പ്രവാസലോകത്തിന്റെ തടവറയിലായ ആലപ്പുഴ മണ്ണഞ്ചേരി സ്വദേശി ഇല്യാസിന് ഒടുവില്‍ മോചനം. പ്രവാസി മലയാളികളുടെ കാരുണ്യവും കൂട്ടായ്മയും ഒന്നിച്ചപ്പോഴാണ് കാത്തിരിപ്പിന് വിരാമമിട്ട് ഇല്യാസ് കഴിഞ്ഞ ദിവസം സഊദി എയര്‍ലൈന്‍സ് വിമാനത്തില്‍ നാട്ടിലേക്ക് മടങ്ങിയത്. മകളുടെ വിവാഹത്തിന് നാലു ദിവസം മാത്രം ബാക്കി നില്‍ക്കെ നാട്ടില്‍ പോകാനാകാതെ മാനസികമായി തളര്‍ന്ന നിലയിലായിരുന്നു ഏതാനും മാസങ്ങള്‍ക്ക് മുമ്പ് ഇല്യാസിനെ റിയാദില്‍ കണ്ടെത്തിയത്. ദുരിതാവസ്ഥ വിവരിച്ച് ആലപ്പുഴ സ്വദേശി സകീര്‍ ഹുസൈന്‍ സോഷ്യല്‍ മീഡിയയില്‍ പങ്കുവെച്ച

റിയാദ്: സാങ്കേതികവിദ്യയില്‍ അറിവും അഭിരുചിയുമുള്ള തലമുറയെ വാര്‍ത്തെടുക്കുക എന്ന ലക്ഷ്യത്തോടെ അലിഫ് ഇന്റര്‍നാഷണല്‍ സ്‌കൂളില്‍ സംഘടിപ്പിച്ച ‘വെബ് ചാമ്പ്യന്‍ഷിപ്പ്’ ശ്രദ്ധേയമായി. സ്‌കൂളില്‍ നടന്നുവരുന്ന വിവിധ ഐടി അധിഷ്ഠിത മത്സരങ്ങളുടെ ഭാഗമായാണ് വെബ്‌സൈറ്റ് നിര്‍മ്മാണ മത്സരം അരങ്ങേറിയത്. ‘സ്‌കൂളുകളിലെ ലോസ്റ്റ് ആന്‍ഡ് ഫൗണ്ട് സിസ്റ്റം’ എന്ന പ്രായോഗിക വിഷയത്തിലായിരുന്നു വിദ്യാര്‍ഥികളുടെ മത്സരം. ആറ് മുതല്‍ എട്ട് വരെയുള്ള ക്ലാസുകളിലെ വിദ്യാര്‍ഥികള്‍ക്കായി നടത്തിയ പ്രാഥമിക സ്‌ക്രീനിംഗില്‍ മുപ്പതാലധികം വിദ്യാര്‍ത്ഥികള്‍ പങ്കെടുത്തു. ഇവരില്‍ നിന്ന് സമര്‍ത്ഥരായ പത്ത് വിദ്യാര്‍ഥികളാണ് ഫൈനല്‍ റൗണ്ടില്‍

റിയാദ്: റിയാദ് ഇന്ത്യന്‍ അസോസിയേഷന്‍ (റിയ) ‘ആര്‍ട്ട് ഫെസ്റ്റ്’ കുടുംബസംഗമം വിവിധ കലാ, സാംസ്‌കാരിക പരിപാടികളോടെ അരങ്ങേറി. മലാസിലെ അല്‍മാസ് ഹാളില്‍ നടന്ന വര്‍ണ്ണാഭമായ ചടങ്ങുകള്‍ അസോസിയേഷന്‍ പ്രസിഡന്റ് ബിജു ജോസഫ് ഉദ്ഘാടനം ചെയ്തു. കലാ സാംസ്‌കാരിക വിഭാഗം കണ്‍വീനര്‍ അരുള്‍ നടരാജന്‍ , സെക്രട്ടറി ഇസക്കി, ട്രഷറര്‍ മഹേഷ് മുരളീധരന്‍ എന്നിവര്‍ പ്രസംഗിച്ചു. അംഗങ്ങളുടെയും കുട്ടികളുടെയും വിവിധ കലാപരിപാടികള്‍ അരങ്ങേറി. മണികണ്ഠന്‍ നാഗനാഥന്‍, പുണ്യ അനീഷ് എന്നിവര്‍ സ്‌റ്റേജ് പരിപാടികള്‍ നിയന്ത്രിച്ചു. റിയ മുന്‍ പ്രസിഡന്റുമാരായ

റിയാദ്: നാല് പതിറ്റാണ്ടിലധികം നീണ്ട പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന അബ്ദുല്‍ കലാമിന് കേളി ഏരിയ രക്ഷാധികാരി സമിതി യാത്രയയപ്പ് നല്‍കി. കേളി ന്യൂ സനയ്യ ഏരിയ രക്ഷാധികാരി സമിതി അംഗവും ഗ്യാസ് ബക്കാല യൂണിറ്റ് പ്രസിഡന്റുമാണ് തിരുവനന്തപുരം കല്ലമ്പലം സ്വദേശിയായ അബ്ദുല്‍ കലാം റിയാദിലെ സ്വകാര്യ പ്രിന്റിംഗ് പ്രസ്സില്‍ സൂപ്പര്‍വൈസറായി ജോലി ചെയ്തുവരികയായിരുന്നു. കേളിയുടെ വിവിധ ചുമതലകളില്‍ സജീവമായിരുന്ന അദ്ദേഹം ന്യൂ സനയ്യ ഏരിയ ജോയിന്റ് ട്രഷറര്‍ പദവിയും വഹിച്ചിട്ടുണ്ട്. യാത്രയയപ്പ് യോഗത്തില്‍ ഏരിയ രക്ഷാധികാരി

റിയാദ്: പാരമ്പര്യ തനിമയോടെ ക്ലാസിക്കല്‍ നൃത്തച്ചുവടുകളും പുതുതലമുറയുടെ താളബോധം തുടിക്കുന്ന സിനിമാറ്റിക് നൃത്തരൂപങ്ങളും നിറഞ്ഞാടിയ കലയുടെ വിസ്മയം വേറിട്ട അനുഭവമായി. ഭാവപ്രകടനങ്ങളുടെ ഗാംഭീര്യവും ആധുനിക നൃത്തച്ചുവടുകളുടെ ഊര്‍ജ്ജവും സമന്വയിച്ചത് റിയാദിലെ കൈരളി ഡാന്‍സ് അക്കാദമി പന്ത്രണ്ടാമത് വാര്‍ഷികാഘോഷ വേദിയിലാണ്. വിദ്യാര്‍ത്ഥികളുടെ അരങ്ങേറ്റവും വൈവിധ്യമാര്‍ന്ന കലാപരിപാടികളും കോര്‍ത്തിണക്കി സുല്‍ത്താന അല്‍ നക്കീല്‍ ഓഡിറ്റോറിയത്തിലായിരുന്നു ആഘോഷം. റിയാദ് അല്‍ ആലിയ ഇന്റര്‍നാഷണല്‍ ഇന്ത്യന്‍ സ്‌കൂള്‍ പ്രിന്‍സിപ്പാള്‍ കവിതാലതാ കതിരേശന്‍ ഭദ്രദീപം കൊളുത്തി പരിപാടി ഉദ്ഘാടനം ചെയ്തു. ജീവകാരുണ്യ പ്രവര്‍ത്തകന്‍ ശിഹാബ്

റിയാദ്: കരിയര്‍ വളര്‍ച്ചയ്ക്കും തൊഴില്‍ നൈപുണ്യ വികസനത്തിനും റിയാദില്‍ പവര്‍ ബി.ഐ പരിശീലനം സംഘടിപ്പിക്കുന്നു. ‘അണ്‍ബോക്‌സ് ബി.ഐ’ പഠന ശിബിരം ജൂണ്‍ 12 വെള്ളി ഉച്ചയ്ക്ക് 1:30ന് ആരംഭിക്കും. പ്രവാസി വെല്‍ഫെയര്‍ റിയാദിന് കീഴിലുള്ള ”പ്രവാസി കരിയര്‍ സ്‌ക്വയര്‍’ ആണ് പരിപാടി ഒരുക്കുക. ഡാറ്റാ അനലിറ്റിക്‌സ് മേഖലയില്‍ ആഗോളതലത്തില്‍ വര്‍ദ്ധിച്ചുവരുന്ന തൊഴിലവസരങ്ങള്‍ പ്രവാസികള്‍ക്ക് പ്രയോജനപ്പെടുത്തുക എന്ന ലക്ഷ്യത്തോടെയാണ് പരിശീലനം. ബി.ഐ ആന്‍ഡ് അനലിറ്റിക്‌സ് വിദഗ്ദ്ധന്‍ മൊയ്തീന്‍ കുട്ടി പി.വി നേതൃത്വം നല്‍കും. പവര്‍ ബി.ഐ അടിസ്ഥാന വിവരങ്ങള്‍,

റിയാദ്: ലോക പുകയില വിരുദ്ധ ദിനാചരണത്തത്തിന്റെ ഭാഗമായി സുബൈര്‍കുഞ്ഞ് ഫൗണ്ടേഷന്റെ ലഹരിവിരുദ്ധ വിഭാഗം ‘റിസ’ ഓണ്‍ലൈന്‍ പ്രസംഗ മത്സരം സംഘടിപ്പിക്കുന്നു. ഇന്ത്യയിലെയും മിഡില്‍ ഈസ്റ്റിലെ ഇന്റര്‍നാഷണല്‍ ഇന്ത്യന്‍ സ്‌കൂളുകളിലെയും 8 മുതല്‍ 12 വരെ ക്ലാസുകളിലെ വിദ്യാര്‍ഥികള്‍ക്കാണ് അവസരം. ‘നൂതന വിപണന തന്ത്രങ്ങളെ ചെറുക്കുക; നിക്കോട്ടിന്‍-പുകയില ആസക്തി തടയുക’ എന്നതാണ് വിഷയം. മലയാളം, ഇംഗ്ലീഷ് ഭാഷകളില്‍ ജൂണ്‍ 13ന് സഊദി സമയം വൈകിട്ട് 4 മുതല്‍ ലൈവായാണ് മത്സരം. സുബൈര്‍കുഞ്ഞ് അനുസ്മരണ ദിനമായ ജൂണ്‍ 17ന് വിജയികളെ

റിയാദ്: പ്രവാസി കൂട്ടായ്മ താമരക്കുളം പ്രവാസി അസോസിയേഷന്‍ കുടുംബസംഗമം മലാസ് ചെറീസ് ഓഡിറ്റോറിയത്തില്‍ നടന്നു. കുടുംബിനികളും കുട്ടികളും ഉള്‍പ്പെടെ നിരവധിപേര്‍ പങ്കെടുത്തു. ജനറല്‍ ബോഡി യോഗത്തില്‍പുതിയ ഭരണസമിതിയെയും തിരഞ്ഞെടുത്തു. കമറുദ്ദീന്‍ താമരക്കുളത്തെ പ്രസിഡന്റായും അഷറഫ് ദാറുല്‍ അമാനെ ജനറല്‍ സെക്രട്ടറിയായും അജിത് പള്ളിക്കലിനെ ട്രഷററായും സുധാകരന്‍ പള്ളിക്കലിനെ ചെയര്‍മാനായും തിരഞ്ഞെടുത്തു. ഹാരിസ് താമരക്കുളം, രാജീവ് എന്നിവരാണ് വൈസ് പ്രസിഡന്റുമാര്‍. അഖില്‍ നൂറനാട് ജോയിന്റ് സെക്രട്ടറിയായും രഘു പച്ചക്കാട് ജോയിന്റ് ട്രഷററായും ഷാജി പാരഡൈസ് വൈസ് ചെയര്‍മാനായും ആഷിക്

എം. അബ്ദുല്‍ സലാം കണ്ടത്തില്‍ (പ്രസിഡന്റ്, സവ) സൗദി അറേബ്യയിലെ ഓരോ മണല്‍ത്തരിക്കും പ്രവാസത്തിന്റെ കനല്‍ച്ചൂടുണ്ട്; ഒപ്പം കണ്ണീരിന്റെ നനവും. എന്നാല്‍, കനലിനെ കാരുണ്യത്തിന്റെ പനിനീര്‍പ്പൂക്കളാക്കി മാറ്റുന്ന ചില പുണ്യകാലങ്ങളുണ്ട്. അതിലൊന്നാണ് ഹജ്ജ് നാളുകള്‍. എന്നാല്‍, ഇത്തവണത്തെ ഹജ്ജ് നാളുകള്‍ക്ക് എന്റെ മനസ്സിന് ഒട്ടും സുഖമില്ല. വിശുദ്ധ നഗരത്തിലേക്ക് ദൈവത്തിന്റെ അതിഥികള്‍ ഒഴുകിയെത്തുമ്പോള്‍, അവര്‍ക്കായി ഒരിറ്റു സേവനം ചെയ്യാന്‍ കഴിയാതെ മുറിക്കുള്ളില്‍ ഒതുങ്ങിക്കൂടേണ്ടി വരുന്നതിന്റെ വലിയൊരു സങ്കടം ഉള്ളില്‍ വിങ്ങിപ്പൊട്ടുന്നുണ്ട്. ആ മനോവിഷമത്തിനിടയിലാണ്, എന്റെ ജീവിതത്തെ ധന്യമാക്കിയ,