റിയാദില് വാഹനാപകടത്തില് മരിച്ച മലയാളി യുവാവിന്റെ മൃതദേഹം ഖബറടക്കി
റിയാദ്: മുസാഹ്മിയയിലുണ്ടായ വാഹനാപകടത്തില് മരിച്ച കൊല്ലം സ്വദേശിയുടെ മൃതദേഹം സംസ്കരിച്ചു. കൊല്ലം കരിങ്ങന്നൂര് അബ്ദുല് റഷീദിന്റെ മകന് ഷുഹൈബ് (33) ആണ് മരിച്ചത്. മുസാഹ്മിയയിലെ പൊതു ശ്മശാനത്തിലായിരുന്നു ഖബറടക്കം. ജോലി കഴിഞ്ഞ് താമസസ്ഥലത്തേക്ക് മടങ്ങുന്നതിനിടെയാണ് ഷുഹൈബ് സഞ്ചരിച്ചിരുന്ന ഡബിള് ഡോര് പിക്കപ്പ് വാഹനം മുസാഹ്മിയയിലെ അല്ബക്കറക് പ്രദേശത്തിന് സമീപം നിയന്ത്രണം വിട്ട് മറിഞ്ഞത്. ഷുഹൈബായിരുന്നു വാഹനം ഓടിച്ചിരുന്നത്. അപകടത്തില് ഗുരുതരമായി പരിക്കേറ്റ ഇദ്ദേഹം സംഭവസ്ഥലത്ത് മരിച്ചിരുന്നു. വാഹനത്തിലുണ്ടായിരുന്ന മറ്റൊരു മലയാളിയുള്പ്പെടെ മൂന്ന് പേര് അത്ഭുതകരമായി പരിക്കേല്ക്കാതെ രക്ഷപ്പെട്ടു. […]
