gulf

റിയാദ്: കണ്ണുര്‍ എക്‌സ്പാട്രിയേറ്റ്‌സ് ഓര്‍ഗനൈസേഷന്‍ സൗദി അറേബ്യ (കിയോസ്) വിപുലമായ പരിപാടികളോടെ ഓണവും കേരളപ്പിറവി ദിനവും ആഘോഷിച്ചു. സംസ്‌കാരിക സമ്മേളനത്തില്‍ ചെയര്‍മാന്‍ ഡോ. സൂരജ് പാണയില്‍ അധ്യക്ഷത വഹിച്ചു. എഞ്ചി. ഹുസൈന്‍ അലി ഉത്ഘാടനം ചെയ്തു. ശാക്കിര്‍ കൂടാളി, സാബിത് എന്നിവര്‍ ആശംസകള്‍ നേര്‍ന്നു. ഇസ്മായില്‍ കണ്ണൂര്‍ ആമുഖ പ്രഭാഷണം നിര്‍വഹിച്ചു. അന്‍വര്‍ വാരം സ്വാഗതവും വരുണ്‍ കണ്ണുര്‍ നന്ദിയും പറഞ്ഞു. ഷിനു നവീന്റെനേതൃത്വത്തില്‍ തയ്യാറാക്കിയ പൂക്കളം, വിഭവ സമൃദ്ധമായ സദ്യ, വിവിധ കലാപരിപാടികള്‍ എന്നിവ ആഘോഷ […]

റിയാദ്: സാമൂഹിക, സാമ്പത്തിക, വിദ്യാഭ്യാസ പുരോഗതിക്കൊപ്പം പ്രവാസികള്‍ സ്വാശ്രയരാകണമെന്ന് പൊന്നാനി കള്‍ച്ചറല്‍ വേള്‍ഡ് ഫൗണ്ടേഷന്‍ റിയാദ് ചാപ്റ്റര്‍ കുടുംബസംഗമം ആഹ്വാനം ചെയ്തു. റിയാദ് ബത്ഹ അപ്പോളോ ഡിമോറ ഓഡിറ്റോറിയത്തില്‍ നടന്ന പരിപാടി സാഹിത്യകാരന്‍ ജോസഫ് അതിരിങ്കല്‍ ഉദ്ഘാടനം ചെയ്തു. സൗദി രക്ഷാധികാരി സലിം കളക്കര അദ്ധ്യക്ഷത വഹിച്ചു. ഗ്ലോബല്‍ പ്രസിഡന്റ് സി എസ് പൊന്നാനി മുഖ്യ പ്രഭാഷണം നിര്‍വഹിച്ചു. പൊന്നാനി കള്‍ച്ചറല്‍ വേള്‍ഡ് ഫൗണ്ടേഷന്‍ സംരംഭമായ ‘സ്വാശ്രയ മാള്‍ ആന്റ് പൊന്മാക്‌സ് ഹൈപ്പര്‍മാര്‍ക്കറ്റ്’ സംബന്ധിച്ച് മാര്‍ക്കറ്റിംഗ് ഡയറക്ടര്‍

റിയാദ്: അടിയന്തിര ശസ്ത്രക്രിയക്ക് വിധേയനായ സ്വദേശി യുവാവിന് 8 യൂണിറ്റ് രക്തം നല്‍കി പിഎംഎഫ് പ്രവര്‍ത്തകര്‍. ശസ്ത്രക്രിയക്കിടെ അപ്രതീക്ഷിതമായാണ് രക്തം ആവശ്യമായി വന്നത്. കേരളപ്പിറവി ആഘോഷങ്ങളുടെ ഭാഗമായി രക്ത ദാനം നിര്‍വഹിക്കാനെത്തിയ പിഎംഎഫ് പ്രവര്‍ത്തകര്‍ അവസരോചിതമായി ഇടപെട്ട് രക്തം നല്‍കുകയായിരുന്നു. രക്തം സ്വീകരിച്ച സൗദി യുവാവിന്റെ കുടുംബം പിഎംഎഫ് പ്രവര്‍ത്തകരെ നേരില്‍ കണ്ട് നന്ദിയും അഭിനന്ദനവും അറിയിച്ചു. ശുമേസി കിംഗ് സൗദ് ആശുപത്രിയുമായി സഹകരിച്ചു രക്തദതാന ക്യാമ്പ് നടത്താന്‍ നേരത്തെ തീരുമാനിച്ചിരുന്നു. ക്യാമ്പിനിടെയാണ് യുവാവിന് രക്തം ദാനം

റിയാദ്: ഒഐസിസി റിയാദ് കൊല്ലം ജില്ലാ കമ്മിറ്റി തെരഞ്ഞെടുപ്പില്‍ ഷെഫീഖ് പുരക്കുന്നിലിനു ഉജ്വല ജയം. പ്രസിഡന്റ് സ്ഥാനത്തേക്ക് മാത്രമായിരുന്നു തെരെഞ്ഞെടുപ്പ്. മറ്റുഭാരവാഹികളെ സമവായത്തിലൂടെ തെരഞ്ഞെടുത്തു. പ്രഡിന്‍ അലക്‌സ് കൊട്ടാരക്കര (ജന. സെക്രട്ടറി-സംഘടനാ ചുമതല), സത്താര്‍ ഓച്ചിറ (ട്രഷറര്‍) എന്നിവരാണ് പ്രധാന ഭാരവാഹികള്‍. മലാസ് അല്‍ മാസ് ഓഡിറ്റോറിയത്തില്‍ നടന്ന തെരെഞ്ഞെടുപ്പില്‍ സെന്‍ഡ്രല്‍ പ്രസിഡിയം കമ്മിറ്റി നിയോഗിച്ച വരണാധികാരികളായ മുഹമ്മദലി മണ്ണാറക്കാട്, റഷീദ് കൊളത്തറ, യഹിയ കൊടുങ്ങല്ലൂര്‍ എന്നിവര്‍ നേത്യര്‍ത്വം നല്‍കി. സെന്‍ട്രല്‍ കമ്മിറ്റി പ്രസിഡന്റ് കുഞ്ഞി കുമ്പള

റിയാദ്: ഡിജിറ്റല്‍ ലോകത്തെ മുഴുവന്‍ ഉത്പ്പന്നങ്ങളും ഒരു കുടക്കീഴില്‍ അണിനിരത്തി റീറ്റെയില്‍ വിതരണ ശൃംഖല നെസ്‌റ്റോ അവതരിപ്പിക്കുന്ന ടെക് അപ്‌ഗ്രേഡിന് സൗദിയില്‍ തുടക്കം. ലോകോത്തര ബ്രാന്റുകളിലുളള പതിനായിരത്തിലധികം ഉത്പ്പന്നങ്ങളുടെ വിപുലമായ ശ്രേണിയാണ് ടെക് അപ്‌ഗ്രേഡിന്റെ പ്രത്യേകത. നെസ്‌റ്റോ സ്‌റ്റോറുകളില്‍ ടെക് അപ്‌ഗ്രേഡ് വിഭാഗത്തില്‍ ഏറ്റവും പുതിയ ഡിജിറ്റല്‍, ഇലക്‌ട്രോണിക്‌സ് ഉത്പ്പന്നങ്ങള്‍ അടുത്തറിയാനും ഉപഭോക്താക്കള്‍ക്ക് സൗകര്യം ഒരുക്കിയിട്ടുണ്ട്. ഉത്പ്പന്നങ്ങള്‍ തെരഞ്ഞെടുക്കുമ്പോള്‍ ശ്രദ്ധിക്കേണ്ട കാര്യങ്ങളും വിവിധ ശ്രേണിയിലുളള ഉത്പ്പങ്ങളുടെ പ്രത്യേകതയും ടെക് അപ്‌ഗ്രേഡ് ടീമിലെ വിദഗ്ദരില്‍ നിന്ന് അറിയാന്‍ സൗകര്യം

ഷാര്‍ജ: നിഖില സമീറിന്റെ ‘വൈദ്യേഴ്‌സ് മന്‍സില്‍’ ഷാര്‍ജ അന്താരാഷ്ട്ര പുസ്തകമേളയില്‍ പ്രകാശനം ചെയ്തു. ഗീതാ മോഹന് ആദ്യ പ്രതി നല്‍കി ജേക്കബ് എബ്രഹാം ആണ് പ്രകാശനം നിര്‍വഹിച്ചത്. പി കെ അനില്‍കുമാര്‍ അധ്യക്ഷത വഹിച്ചു. ഓര്‍മകളും അനുഭവങ്ങളും പ്രവാസവും കോര്‍ത്തിണക്കിയ നുറുങ്ങു കുറിപ്പുകളാണ് വൈദ്യേഴ്‌സ് മന്‍സില്‍ പങ്കുവെക്കുന്നത്. കുടുംബ ബന്ധങ്ങളും വാത്സല്യം മനസ്സു നിറച്ച കുട്ടിക്കാല ഓര്‍മകളും സരസമായി വിവരിക്കുന്നു. ബാല്യം സമ്മാനിച്ച കൗതുകങ്ങളും കുസൃതി മാറും മുമ്പ് പത്താം ക്ലാസില്‍ പഠിക്കുമ്പോഴെത്തിയ വിവാഹ ആലോചനക്കു പിന്നിലെ

റിയാദ്: ആവേശ ഭരിതവും സംഭവ ബഹുലവുമായ ജീവിതം രാജ്യത്തിനു സമ്മാനിച്ച നേതാവായിരുന്നു ഇന്ദിരാ ഗാന്ധിയെന്ന് ഒഐസിസി റിയാദ് സെന്‍ട്രല്‍ കമ്മിറ്റി. സാധാരണ ജനങ്ങളെ സ്‌നേഹത്തോടെ ചേര്‍ത്തുപിടിച്ചതാണ് അവരുടെ ഭരണ നേട്ടമെന്നും 39-ാം ഇന്ദിരാജി അനുസ്മരണ സദസ്സില്‍ പങ്കെടുത്തവര്‍ അഭിപ്രായപ്പെട്ടു. രാജ്യത്തിന്റെ ഐക്യത്തിനും കെട്ടുറപ്പിനും ചേരുന്നതാവണം തീരീമാനങ്ങളെന്ന് ഉറച്ചു വിശ്വസിച്ചിരുന്ന നേതാവായിരുന്നു ഇന്ദിരാജി. പതിനാറു വര്‍ഷത്തെ സുദൃഡ ഭരണം രാജ്യത്തിന്റെ സമസ്ത മേഖലകളിലും പ്രകടമാണ്. ഇന്ദിരയുടെ നേതൃപാടവത്തില്‍ കരുത്താര്‍ജ്ജിച്ച ഇന്ത്യ ഇന്ന് വെറുപ്പിന്റെയും അസഹിഷ്ണതയുടെയും പാതയിലേക്ക് നയിക്കപ്പെടുമ്പോള്‍ ഓരോ

റിയാദ്: സൗദി അറേബ്യ ഗ്രിഗോറിയന്‍ കലണ്ടര്‍ ഔദ്യോഗിക കാര്യങ്ങള്‍ക്ക് ഉപയോഗിക്കാന്‍ മന്ത്രി സഭാ യോഗം തീരുമാനിച്ചു. അന്താരാഷ്ട്ര വ്യാപാര രംഗത്ത് ഗ്രിഗോറിയന്‍ കലണ്ടറിലുളള ക്രയവിക്രയം കൂടുതല്‍ ഫലപ്രദമാണെന്ന വിലയിരുത്തലിലാണ് തീരുമാനം. അതേസയമയം, ഇസ്‌ലാമിക കാര്യങ്ങളും ഹജ്, പെരുന്നാള്‍ ഉള്‍പ്പെടെയുളളവ ഹിജ്‌റ കലണ്ടര്‍ അടിസ്ഥാനമാക്കി തുടരും. കിരീടാവകാശിയും പ്രതിരോധ മന്ത്രിയുമായ പ്രിന്‍സ് മുഹമ്മദ് ബിന്‍ സല്‍മാന്റെ അധ്യക്ഷതയില്‍ ചേര്‍ന്ന മന്ത്രി സഭാ യോഗത്തിന്റേതാണ് തീരുമാനം. ഗാസയിലെ സംഭവ വികാസങ്ങള്‍ മന്ത്രി സഭ ചര്‍ച്ച ചെയ്തു. ദുരിതം അനുഭവിക്കുന്നവര്‍ക്ക് അവശ്യ

റിയാദ്: കുട്ടികളും സ്ത്രീകളുമടക്കം നിരപരാധികളായ ആയിരക്കണക്കിന് ഫലസ്തീനിയന്‍ സിവിലിയന്മാരെ കൊന്നൊടുക്കുന്ന ഇസ്രായേല്‍ ഭീകരത കിരാതവും അപലപനീയവുമാണെന്ന് മുസ്ലീം യൂത്ത്‌ലീഗ് ദേശീയ എക്‌സിക്യുട്ടീവ് അംഗം ആഷിഖ് ചെലവൂര്‍. റിയാദ് കെ.എം.സി.സി കോഴിക്കോട് ജില്ലാ കമ്മിറ്റി സംഘടിപ്പിച്ച ഫലസ്തീന്‍ ഐക്യദാര്‍ഢ്യ സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ചരിത്രത്തെ മനസ്ലിലാക്കി അടിച്ചമര്‍ത്തപ്പെട്ടവന്റെ കൂടെ നിലകൊള്ളാന്‍ ലോകരാഷ്ട്രങ്ങള്‍ തയ്യാറാവണം. സ്വന്തം നാട്ടില്‍ ജീവിത സൗകര്യം നിഷേധിക്കപ്പെടുകയും രണ്ടാം പൗരന്‍മാരായി ജീവിക്കേണ്ടി വരികയും ചെയ്യുന്ന ഫലസ്തീനി ജനതയുടെ പോരാട്ടത്തിന് നൂറ്റാണ്ടുകളുടെ പഴക്കമുണ്ട്. ഇസ്രായേല്‍ ഭീകരരുടെ

റിയാദ്: സ്‌പോണ്‍സര്‍ മരിച്ചതിനെ തുടര്‍ന്ന് പ്രതിസന്ധിയിലായ തമിഴ്‌നാട് തിരുവണ്ണാമലൈ സ്വദേശി ബാലമുരുഗന് കേളി കലാസാംസകാരിക വേദി തുണയായി. നാലുവര്‍ഷമായി റിയാദിലെ ഫാത്തിമ സഹറയില്‍ ഹൗസ് ഡ്രൈവറായി ജോലി ചെയ്തു വരികയായിരുന്നു. നാലുമാസം മുമ്പ് സ്‌പോണ്‍സര്‍ മരിച്ചതോടെ ബാലമുരുഗന്റെ ജീവിതം പ്രതിസന്ധിയിലാക്കി. മക്കള്‍ ഇല്ലാത്ത സ്‌പോണ്‍സറുടെ രണ്ട് സഹോദരിമാരാണ് പിന്നീട് കാര്യങ്ങള്‍ നോക്കിയിരുന്നത്. ബാലമുരുഗന് ജോലി നല്‍കുന്നതിനോ, രേഖകള്‍ ശരിയാക്കി നാട്ടിലേക്ക് അയക്കുന്നതിനോ സ്‌പോണ്‍സറുടെ ബന്ധുക്കളോ മറ്റോ തയ്യാറായില്ല. മാത്രമല്ല സ്‌പോണ്‍സറുടെ കൈവശമുണ്ടായിരുന്ന പാസ്സ്‌പോര്‍ട്ട് പോലും തിരികെ നല്‍കിയില്ല.

റിയാദ്: രുചിക്കൂട്ടുകളുടെ പുത്തന്‍ അനുഭവം സമ്മാനിച്ച ‘ഇന്‍ഫ്‌ളേവര്‍’ ഫുഡ് എക്‌സിബിഷന്‍ റിയാദില്‍ സമാപിച്ചു. സൗദി ജല, കൃഷി, പരിസ്ഥിതി മന്ത്രാലയത്തിന്റെ ആഭിമുഖ്യത്തിലാണ് അന്താരാഷ്ട്ര ഭക്ഷ്യമേള അരങ്ങേറിയത്. ലുലു ഗ്രൂപ്പ് ഉള്‍പ്പെടെയുളള ഇന്ത്യന്‍ കമ്പനികളും മേളയില്‍ ശ്രദ്ധനേടി. സൗദി നിര്‍മിത ബ്രാന്റുകളും സ്വകാര്യ മേഖലയിലെ വൈവിധ്യമാര്‍ന്ന ഭക്ഷ്യോല്‍പന്നങ്ങളുമായി എക്‌സ്‌പോയില്‍ സാന്നിധ്യമറിയിച്ച ലുലുവിന്റെ സ്റ്റാള്‍ ആയിരക്കണക്കിന് പ്രേക്ഷകരുടെ മനം കവര്‍ന്നു. ഗുണനിലവാരത്തിലും ഉപഭോക്തൃസേവനത്തിലും എക്കാലത്തും മുന്‍പന്തിയില്‍ നിന്നിട്ടുള്ള ലുലു ഹൈപ്പര്‍മാര്‍ക്കറ്റിന്റെ പ്രവര്‍ത്തനങ്ങളെ എക്‌സ്‌പോയിലെ ലുലു പവലിയന്‍ സന്ദര്‍ശിച്ച സൗദി ജല,

റിയാദ്: ഏറെ നാളത്തെ ചര്‍ച്ചകളും സമവായ ശ്രമങ്ങള്‍ക്കും ശേഷം റിയാദ് കെ.എം.സി.സി സെന്‍ട്രല്‍ കമ്മറ്റിയെ സാദിഖലി ശിഹാബ് തങ്ങള്‍ പ്രഖ്യാപിച്ചു. അതിന് പിന്നിലെ സെക്രട്ടറിമാരില്‍ ഒരാള്‍ രാജി പ്രഖ്യാപിച്ചു. എട്ട് സെക്രട്ടറിമാരില്‍ ഒരാളായ സിദ്ദീഖ് തുവ്വൂര്‍ ആണ് സ്ഥാനം ഏറ്റെടുക്കാന്‍ വിസമ്മതിച്ചത്. ഇതുസംബന്ധിച്ച് മാധ്യമങ്ങള്‍ക്ക് അറിയിപ്പും കൈമാറി. സി.പി മുസ്തഫ (പ്രസിഡന്റ്), ഷുഹൈബ് പനങ്ങാങ്ങര (ജന.സെക്രട്ടറി), അഷ്‌റഫ് വെള്ളേപ്പാടം (ട്രഷറര്‍), അഡ്വ. അനീര്‍ ബാബു, അസീസ് വെങ്കിട്ട, മജീദ് പയ്യന്നൂര്‍, റഫീഖ് മഞ്ചേരി, മാമുക്കോയ പാലക്കാട്, പി.സി

റിയാദ്: ഒഐസിസി ഇടുക്കി ജില്ലാ അംഗത്വ കാര്‍ഡ് വിതരണം ചെയ്തു. ബത്ഹ ലുഹ ഓഡിറ്റോറിയത്തില്‍ നടന്ന പരിപാടിയില്‍ അബ്ദുസ്സലാം ഇടുക്കി അധ്യക്ഷത വഹിച്ചു. യോഗം സലിം കളക്കര ഉദ്ഘാടനം ചെയ്തു. അംഗത്വ കാര്‍ഡിന്റെ വിതരണോദ്ഘാടനം അബ്ദുറസാഖ് പൂക്കോട്ടുംപാടം ഷാജി മഠത്തിലിന് നല്‍കി നിര്‍വഹിച്ചു. അബ്ദുല്ല വല്ലാഞ്ചിറ മുഖ്യ പ്രഭാഷണം നിര്‍വഹിച്ചു. സിദ്ദീഖ് കല്ലുപറമ്പന്‍, രഘുനാഥ് പറശ്ശിനിക്കടവ്, യഹ്‌യ കൊടുങ്ങല്ലൂര്‍, സുരേഷ് ശങ്കര്‍, സജീര്‍ പൂന്തുറ, നൗഷാദ് തൊടുപുഴ, ഷാജഹാന്‍, നിഷാദ് കൂട്ടിക്കല്‍ എന്നിവര്‍ ആശംസകള്‍ നേര്‍ന്നു. ഷാജി

റിയാദ്: ലോക കപ്പ് ഫുട്‌ബോള്‍ സൗദി അറേബ്യയിലേക്ക്. 2034ലെ ഫിഫ കപ്പ് ആതിഥേയത്വം വഹിക്കാനാണ് സൗദി ഒരുങ്ങുന്നത്. ഓസ്‌ട്രേലിയ പിന്‍മാറിയതോടെയാണ് സൗദി അറേബ്യ ആതിഥേയത്വം വഹിക്കുമെന്ന് ഉറപ്പായത്. ഔദ്യോഗിക പ്രഖ്യാപനം അടുത്ത വര്‍ഷം നടക്കും. ഏഷ്യന്‍ ഫുട്‌ബോള്‍ ഫെഡറേഷന്‍ പ്രസിഡന്റ് ശൈഖ് സല്‍മാന്‍ ബിന്‍ ഖലീഫ ലോക കപ്പ് മത്സരം 2034ല്‍ സൗദിയില്‍ നടത്തുന്നതിന് പിന്തുണ പ്രഖ്യാപിച്ചു. ഓസ്‌ട്രേലിയയുടെ പിന്‍മാറ്റം പുറത്തുവന്നതോടെ ഇന്ത്യ, ജപ്പാന്‍, ഇന്തോനേഷ്യ, ഉസ്‌ബെക്കിസ്ഥാന്‍ തുടങ്ങിയ രാജ്യങ്ങളിലെ ഫുട്‌ബോള്‍ ഫെഡറേഷനുകളും സൗദിക്ക് പിന്തുണ അറിയിച്ചു.