gulf

റിയാദ്: ആലപ്പുഴ നിവാസികളുടെ കൂട്ടായ്മ ഈസ്റ്റ് വെനീസ് അസോസിയേഷന്‍ (ഇവ) ഓണ്‍ലൈന്‍ ക്വിസ് മത്സര വിജയികള്‍ക്കുളള ഉപഹാരം സമ്മാനിച്ചു. കൊവിഡ് കാലത്ത് ആരംഭിച്ച മത്സരത്തിന്റെ ആഗസ്റ്റ് മാസത്തിലെ വിജയികള്‍ക്കാണ് ഉപഹാരം സമ്മാനിച്ചത്. റീനാ സിജു, ആസിഫ് ഇഖ്ബാല്‍, സജാദ് സലിം, ടി എന്‍ ആര്‍ നായര്‍, മുഹമ്മദ് ഷാഫി, രാജേഷ് കമലാകരന്‍ എന്നിവര്‍ ഉപഹാരം ഏറ്റുവാങ്ങി. ബത്ഹ, മനില പ്‌ളാസയില്‍ പ്രവര്‍ത്തിക്കുന്ന ഖസര്‍ ഹൈപ്പര്‍മാര്‍ക്കറ്റ് സ്‌പോണ്‍സര്‍ ചെയ്ത സമ്മാനം ഡയറക്ടര്‍മാരായ ജാഫര്‍ പട്ടാമ്പി, ഫുവാദ് എന്നിവര്‍ സമ്മാനിച്ചു.

റിയാദ്: നഗരത്തിലെ വിവിധ കേന്ദ്രങ്ങളില്‍ നടത്തിയ റെയ്ഡില്‍ നിരവധി തൊഴില്‍ നിയമ ലംഘനങ്ങള്‍ കണ്ടെത്തി. റസിഡന്റ് പെര്‍മിറ്റ് കാലാവധി കഴിഞ്ഞ 44 വിദേശ തൊഴിലാളികളെ കസ്റ്റഡിയിലെടുത്തു. മാനവശേഷി, സാമൂഹിക വികസന മന്ത്രാലയത്തിന് കീഴില്‍ ലേബര്‍ ഉദ്യോഗസ്ഥരാണ് പൊലീസിന്റെ സഹായത്തോടെ പരിശോധന നടത്തിയത്. വ്യാപാര സ്ഥാപനങ്ങള്‍, വാണിജ്യ കേന്ദ്രങ്ങള്‍, ഷോപിംഗ് മാള്‍, സ്വകാര്യ ആരോഗ്യ കേന്ദ്രങ്ങള്‍ എന്നിവിടങ്ങളിലാണ് പരിശോധന നടന്നത്. താമസാനുമതി രേഖയായ ഇഖാമ കാലാവധി കഴിഞ്ഞവര്‍, തൊഴില്‍ നിയമം ലംഘിച്ചവര്‍ എന്നിവരെയാണ് കസ്റ്റഡിയിലെടുത്തത്. പരിശോധനയില്‍ 53 നിയമ

റിയാദ്: സൗദി അറേബ്യയില്‍ അടുത്ത വര്‍ഷം അവസാനത്തോടെ 17,000 സ്വദേശികള്‍ക്ക് ഹൈപ്പര്‍മാര്‍ക്കറ്റുകളിലും സൂപ്പര്‍മാര്‍ക്കറ്റുകളിലും ജോലി നല്‍കുമെന്ന് മാനവ വിഭവശേഷി, സാമൂഹിക വികസന മന്ത്രാലയം. ഇതിനായി പ്രത്യേക പദ്ധതി നടപ്പിലാക്കുമെന്നും മന്ത്രാലയം വ്യക്തമാക്കി. രാജ്യത്തെ ഷോപ്പിംഗ് മാളുകള്‍, ഹൈപ്പര്‍മാര്‍ക്കറ്റുകള്‍ എന്നിവിടങ്ങളില്‍ തൊഴിലവസരം സൃഷ്ടിക്കുന്നതിനുളള പദ്ധതിയാണ് നടപ്പിലാക്കുന്നത്. ഇതിനായി യുവതി, യുവാക്കളില്‍ നിന്നു അപേക്ഷ ക്ഷണിച്ചു. ഈ മാസം 18 വരെയാണ് അപേക്ഷിക്കാനുളള സമയം. 100 മുതല്‍ 499 ചതുരശ്ര മീറ്റര്‍ വരെ വിസ്തൃതിയുള്ള സൂപ്പര്‍മാര്‍ക്കറ്റുകള്‍, 500 ചതുരശ്ര മീറ്ററില്‍

റിയാദ്: സൗദിയിലെ ജനവാസ കേന്ദ്രങ്ങളില്‍ ഡ്രോണ്‍ ഉപയോഗിച്ച് ആക്രമിക്കാന്‍ വീണ്ടും ശ്രമം. ദക്ഷിണ അതിര്‍ത്തി നഗരമായ നജ്‌റാനില്‍ പ്രത്യക്ഷപ്പെട്ട ഡ്രോണ്‍ ആകാശത്തു തകര്‍ത്തതായി സഖ്യ സേന അറിയിച്ചു. യമനില്‍ നിന്നു നിയന്ത്രിക്കുന്ന സ്‌ഫോടക വസ്തുക്കള്‍ നിറച്ച ഡ്രോണ്‍ ഇന്ന് പുലര്‍ച്ചെയാണ് തകര്‍ത്തത്. നജ്‌റാന്‍ നഗരത്തില്‍ അദിവസിക്കുന്ന സാധാരണക്കാരെയും വസ്തുവകകളെയും ലക്ഷ്യമാക്കിയാണ് ഡ്രോണ്‍ വിക്ഷേപിച്ചതെന്ന് സഖ്യസേനാ വക്താവ് കേണല്‍ തുര്‍കി അല്‍ മാലികി പറഞ്ഞു. സോമാലിയിലെ താവളം വഴി ഇറാന്‍ ഹൂതികള്‍ക്ക് ആയുധം എത്തിക്കുന്നുണ്ട്. മത്സ്യത്തൊഴിലാളികളെ ഉപയോഗിച്ചും ആയുധക്കടത്തു

ദമ്മാം: പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന കെ എം സി സി പ്രവര്‍ത്തകര്‍ക്ക് യാത്രയയപ്പ് നല്‍കി. മൂന്നര പതിറ്റാണ്ട് നീണ്ട പവാസം അവസാനിപ്പിച്ച് നാട്ടിലേക്ക് മടങ്ങുന്ന കെ എം സി സി ട്രഷറര്‍ മനാഫ് പിപി, 14 വര്‍ഷത്തെ പ്രവാസത്തിന് ശേഷം മടങ്ങുന്ന ജോയിന്റ് സെക്രട്ടറി റിയാസ് മൂപ്പന്‍ എന്നിവര്‍ക്ക് ദമ്മാം താനൂര്‍ മണ്ഡലം കെഎംസിസി യാത്രയയപ്പ് നല്‍കി. കഴിഞ്ഞ ആഴ്ച വാഹനാപകടത്തില്‍ മരിച്ച മുഹമ്മദ് സനദ്, മുഹമ്മദ് ഷെഫീഖ്, അന്‍സിഫ് എന്നിവര്‍ക്ക് വേണ്ടി പ്രാര്‍ത്ഥനയും നടന്നു.

ദമാം: മലബാര്‍ യുണൈറ്റഡ് എഫ് സി യുടെ ഇന്റെര്‍ണല്‍ ടൂര്‍ണമെന്റിന് ഉജ്വല തുടക്കം. ടൂര്‍ണമെന്റ് കമ്മിറ്റി ചയര്‍മാന്‍ ഡോ: സാഹിദ് നസീര്‍ കിക്ക് ഓഫ് ചെയ്തു. ക്ലബ് പ്രസിഡന്റ് നൗഷാദ് മാവൂര്‍ അധ്യക്ഷത വഹിച്ചു. ആസിഫ് കൊണ്ടോട്ടി സ്വാഗതവും സുനീര്‍ നന്ദിയും പറഞ്ഞു. ക്ലബ്ബ് മാനേജര്‍ അഷ്‌റഫ്, ടൂര്‍ണമെന്റ് കണ്‍വീനര്‍ പ്രേം, ഷനൂബ്, അഫ്താബ്, ജൈസല്‍, സൗദ്, സഹല്‍, നൗഷാദ് പട്ടാമ്പി എന്നിവര്‍ നേതൃത്വം നല്‍കി. ടൂര്‍ണമെന്റില്‍ നാല് ടീമുകള്‍ പങ്കെടുക്കും. ലീഗ് റൗണ്ടില്‍ ഏറ്റവും കൂടുതല്‍

ദമാം: ഖാലിദിയ സ്‌പോര്‍ട്‌സ് ക്ലബിന്റെ നേത്യത്വത്തില്‍ ഫുട്ബാള്‍ കോച്ചിങ് അക്കാദമിക്ക് തുടക്കം. ഓണ്‍ലൈന്‍ റെജിസ്‌ട്രേഷനിലൂടെ 5നും 18നും ഇടയില്‍ പ്രായമുള്ള കുട്ടികള്‍ക്ക് നാലു സെക്ഷനുകളിലാണ് പരിശീലനം. പ്രസിഡന്റ് തോമസ് തൈപ്പറമ്പില്‍ ജേഴ്‌സി വിതരണം ഉദ്ഘാടനം ചെയ്തു. നിര്‍വാഹക സമിതി അംഗം മുജീബ് അരീക്കോട് കിക്ക്ഓഫ് നിര്‍വഹിച്ചു. കൊവിഡിന്റെ പശ്ചാത്തലത്തില്‍ ക്ലാസുകളെല്ലാം ഓണ്‍ലൈനായി നടക്കുന്ന സാഹചര്യത്തില്‍ കുട്ടികള്‍ക്ക് കായികക്ഷമത, മാനസിക ഉന്മേഷം എന്നിവ വര്‍ധിപ്പിക്കുന്നതിനാണ് ക്യാമ്പ് സംഘടിപ്പിക്കുന്നതെന്ന് തോമസ് തൈപ്പറമ്പില്‍ പറഞ്ഞു. കൊവിഡ് പ്രോട്ടോക്കോള്‍ പാലിച്ചു നടന്ന പരിപാടിയില്‍

മിദ്‌ലാജ് വാലിയന്നുര്‍ ബുറൈദ: കേരളത്തില്‍ നവേത്ഥാന രംഗത്തും വിദ്യാഭ്യാസ മേഖലയിലും ചരിത്രം രചിച്ച പരിഷ്‌കര്‍ത്താവാണ് സി എച് മുഹമ്മദ് കോയ എന്ന് കെ എം സി സി സെന്‍ട്രല്‍ കമ്മിറ്റി പ്രസിഡന്റ് അനീസ് ചുഴലി. അതുകൊണ്ടാണ് പതിറ്റാണ്ടുകള്‍ക്ക് ശേഷവും കേരള സമൂഹം സി എചിനെ സ്മരിക്കുന്നത്. മുസ്‌ലിം സമുദായത്തിന്റെ ഇന്നത്തെ പുരോഗതിയുടെ അടിസ്ഥാനം സി എച്ചിന്റെ ദീര്‍ഘവീക്ഷണമാണെന്നും അദ്ദേഹം പറഞ്ഞു. കണ്ണൂര്‍ സി എച് സെന്റര്‍ ബുറൈദ കമ്മിറ്റി സംഘടിപ്പിച്ച സി എച് അനുസ്മരണം ഉദ്ഘാടനം ചെയ്തു

റിയാദ്: സൗദി അറേബ്യയിലെ ഗതാഗത മേഖലയില്‍ കൂടുതല്‍ സ്വദേശികള്‍ക്ക് നിയമനം നല്‍കുന്നതിന് ധരാണാ പത്രം ഒപ്പുവെച്ചു. ഗതാഗകത മന്ത്രാലയവും മാനവ വിഭവശേഷി, സാമൂഹിക വികസനകാര്യ മന്ത്രാലയവുമാണ് ധരാണാ പത്രത്തില്‍ ഒപ്പുവെച്ചത്. ഗതാഗത മേഖലയില്‍ വിദേശികള്‍ക്ക് പകരം 45,000 തസ്തികകളില്‍ സ്വദേശികളെ നിയമിക്കാനാണ് ധാരണാ പത്രം ഒപ്പുവെച്ചതെന്ന് ഗതാഗത മന്ത്രി എഞ്ചിനിയര്‍ സാലേ അല്‍ജാസിര്‍ പറഞ്ഞു. ഗതാഗത മേഖലയിലെ തൊഴിലുകള്‍ പ്രവിശ്യ അടിസ്ഥാനമാക്കി തരംതിരിക്കും. ഇവിടങ്ങളില്‍ സ്വദേശികള്‍ക്ക് മാത്രമായി ജോലി നിജപ്പെടുത്തും. സ്വദേശികളായ യുവതി യുവാക്കള്‍ക്ക് നിയമനം നല്‍കുന്നതിനാണ്

റിയാദ്: സൗദി അറേബ്യയില്‍ ഈ അധ്യയനവര്‍ഷം അവസാനിക്കുന്നതുവരെ വിദൂര പഠനം തുടരുമെന്ന് വിദ്യാഭ്യാസ മന്ത്രാലയം. മാര്‍ച്ച് 9ന് സ്‌കൂള്‍ അടച്ചതിന് ശേഷം ഓഗസ്ത് 30ന് ആണ് വിദൂര പഠനം ആരംഭിച്ചത്. രാജ്യത്തെ പൊതുവിദ്യാലയങ്ങള്‍, സര്‍വ്വകലാശാലകള്‍, സാങ്കേതിക പരിശീലന കേന്ദ്രങ്ങള്‍ എന്നിവിടങ്ങളില്‍ വിദൂര പഠനം തുടരാനാണ് തീരുമാനം. ഓണ്‍ലൈന്‍ പഠനം തുടരാന്‍ ഭരണാധികാരി സല്‍മാന്‍ രാജാവ് ഉത്തരവ് പുറപ്പെടുവിച്ചതായി വിദ്യാഭ്യാസ മന്ത്ര ഡോ. ഹമദ് ആലുശൈഖ് വ്യക്തമാക്കി. രാജ്യത്തെ അധ്യായന വര്‍ഷത്തിന് രണ്ട് ടേമുകളാണുളളത്. ആദ്യ ടേം ഡിസംബര്‍

റിയാദ്: വെസ്‌റ്റേണ്‍ ഗ്രൂപ്പ് ഇന്റര്‍നാഷണലിന്റെ ജനപ്രിയ ബ്രാണ്ടായ ജീപാസ് ഉത്പ്പന്നങ്ങള്‍ ക്ലിയറന്‍സ് സെയിത്സ് പ്രഖ്യാപിച്ചു. ഈ മാസം 10 വരെ അസീസിയ ട്രയിന്‍ മാള്‍ നെസ്‌റ്റോ ഓഡിറ്റോറിയത്തിലാണ് ക്ലിയറന്‍സ് സെയിത്സ്. രാവിലെ 10 മുതല്‍ രാത്രി 9 വരെ ഉപഭോക്താക്കള്‍ക്ക് ഉല്‍പ്പന്നങ്ങള്‍ തെരഞ്ഞെടുക്കാന്‍ അവസരം ഉണ്ട്. കണ്‍സ്യൂമര്‍ ഗുഡ്‌സ്, ഗൃഹോപകരണങ്ങള്‍, അടുക്കള സാമഗ്രികള്‍, ട്രോളി ബാഗ്‌സ്, എന്റര്‍ടൈന്‍മെന്റ് ഉത്പ്പന്നങ്ങള്‍, പഴ്‌സനല്‍ കെയര്‍ പ്രൊഡക്ട്‌സ് തുടങ്ങി വൈിവിധ്യമാര്‍ന്ന ഉത്പ്പന്നങ്ങളുടെ വിപുലമായ ശ്രേണിയാണ് വിലക്കിഴിവില്‍ ലഭ്യമാക്കിയിട്ടുളളത്. ജീപാസിന് പുറമെ റോയല്‍ഫോഡ്,

റിയാദ്: ഡിപ്പോര്‍ട്ടേഷന്‍ സെന്ററില്‍ (തര്‍ഹീല്‍) കഴിഞ്ഞിരുന്ന 580 ഇന്ത്യക്കാര്‍ നാട്ടിലെത്തി. റിയാദില്‍ നിന്നുള്ള സംഘത്തെ സൗദി എയര്‍ലൈന്‍സിന്റെ രണ്ട് വിമാനങ്ങളില്‍ ദല്‍ഹി, ലക്‌നൗ എന്നിവിടങ്ങളിലാണ് എത്തിച്ചതെന്ന് ഇന്ത്യന്‍ എംബസി അറിയിച്ചു. ദല്‍ഹിയിലേക്കു 335ഉും ലക്‌നൗവിലേക്കു 245 പേരുമാണ് മടങ്ങിയത്. ഒരു മാസത്തിനിടെ സൗദിയിലെ നാടുകടത്തല്‍ കേന്ദ്രങ്ങളില്‍ നിന്നായി 1,162 പേരാണ് ഇന്ത്യയിലെത്തിയത്. സൗദയിലെ വിവിധ വകുപ്പുകളും സൗദി എയര്‍ലൈന്‍സുമായി ഏകോപനം നടത്തിയാണ് ഇന്ത്യക്കാരെ നാട്ടിലെത്തിച്ചതെന്ന് എംബസി അറിയിച്ചു. സൗദിയിലെ വിവിധ പ്രവിശ്യകളില്‍ ഇന്ത്യയിലേക്ക് മടങ്ങാന്‍ തര്‍ഹീലില്‍ കഴിയുന്നവരുടെ