gulf

ദമ്മാം: സൗദിയില്‍ ആദ്യം കൊവിഡ് പ്രത്യക്ഷപ്പെട്ട കിഴക്കന്‍ പ്രവിശ്യയിലെ ഖത്തീഫില്‍ ആവശ്യമായ മുഴുവന്‍ ആരോഗ്യ സേവനങ്ങളും ഒരുക്കിയിട്ടുണ്ടെന്ന് അധികൃതര്‍. ഗര്‍ഭപരിചരണം, അര്‍ബുദം തുടങ്ങി തുടര്‍ ചികിത്സ ആവശ്യമുളളവര്‍ മറ്റു നഗരങ്ങളിലേക്ക് പോകേണ്ട സാഹചര്യമല്ലെന്നും അധികൃതര്‍ വ്യക്തമാക്കി. ഖത്തീഫിലെ ഗൈനക്കോളജി യൂണിറ്റ് 25 രോഗികള്‍ക്ക് സ്വകാര്യ ആശുപത്രിയില്‍ എല്ലാ ദിവസവും ആവശ്യമായ ചികിത്സ ലഭ്യമാക്കിയിട്ടുണ്ട്. യാത്രാ നിയന്ത്രണം ഏര്‍പ്പെടുത്തിയതിനെ തുടര്‍ന്ന് ഗൈനക്കോളജി സെന്റര്‍ സന്ദര്‍ശിക്കാന്‍ കഴിയാത്ത വര്‍ക്ക് ചികിത്സ ഉറപ്പുവരുത്തുന്നതിനാണ് സ്വകാര്യ ആശുപത്രിയില്‍ ചികിത്സ ലഭ്യമാക്കുന്നത്. കണ്‍സള്‍ട്ടന്റ് ഡോക്ടര്‍മാര്‍, […]

റിയാദ്: ജനിതക പരമ്പരകളുടെ ന്യൂ ജനറേഷന്‍ സാങ്കേതിക വിദ്യ ഉപയോഗിച്ച് പുതിയ കൊറോണ വൈറസിനെക്കുറിച്ച് ഗവേഷണം ആരംഭിക്കുമെന്ന് സൗദി നാഷണല്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ സെന്റര്‍. കോവിഡ് 19 അണുബാധയുടെ അതിര്‍വരമ്പുകള്‍ നിര്‍ണയിക്കുന്നതിനും രാജ്യത്തിനുള്ളില്‍ രോഗം പടരുന്നത് കണ്ടെത്തുന്നതിനും ഗവേഷണ പ്രവര്‍ത്തനങ്ങള്‍ സഹായിക്കുമെന്ന് കേന്ദ്രം അറിയിച്ചു. പകര്‍ച്ചവ്യാധി, സാംക്രമികേതര രോഗങ്ങള്‍, പരിക്കുകള്‍, മറ്റ് ആരോഗ്യ ഭീഷണികള്‍ എന്നിവ തടയുന്നതിനും നിയന്ത്രിക്കുന്നതിനുമാണ് ഗവേഷണം ലക്ഷ്യം വെക്കുന്നത്. ഇതിനു പുറമെ, ജനസംഖ്യക്കു ആനുപാതികമായി ജനങ്ങളുടെ ആരോഗ്യ സ്ഥിതി വിവരം,

‘നിങ്ങളുടെ കൈകളെ നിങ്ങള്‍ നാശത്തിലേക്ക് ഇടരുത്’ ‘നിങ്ങള്‍ നിങ്ങളെ തന്നെ വധിച്ചുകളയരുത്’ -വിശുദ്ധ ഖുര്‍ആന്‍ റിയാദ്: സൗദിയിലെ മസ്ജിദുകളില്‍ നമസ്‌കാരം താല്‍ക്കാലികമായി നിര്‍ത്തി വെക്കുകയാണ്. റിയാദില്‍ ചേര്‍ന്ന ഉന്നത പണ്ഡിത സഭയുടെ തീരുമാനപ്രകാരമാണ് ജുമുഅ ഉള്‍പ്പെടെ നിര്‍ത്തിവെക്കുന്നത്. വീടുകളിലും താമസ കേന്ദ്രങ്ങളിലും നമസ്‌കരിക്കാനാണ് നിര്‍ദേശം. വെളളിയാഴ്ച ജുമുഅക്ക് പകരം നാലു റകഅത്ത് വീടുകളില്‍ നമസ്‌കരിക്കണമെന്നും പണ്ഡിത സഭ നിര്‍ദേശിച്ചു. പതിറ്റാണ്ടുകള്‍ പിന്നിടുന്ന സൗദിയിലെ പ്രവാസത്തിനിടയില്‍ മസ്ജിദുകളില്‍ നമസ്‌കാരം നിര്‍ത്തിയ സംഭവം പ്രവാസികള്‍ക്ക് ഒരുപക്ഷേ ആദ്യമായിരിക്കും. ഇസ്‌ലാമിക ചരിത്രത്തില്‍

റിയാദ്: പ്രധാനമന്ത്രി നരേന്ദ്രമോദി സൗദി കിരീടാവകാശി പ്രിന്‍സ് മുഹമ്മദ് ബിന്‍ സല്‍മാനുമായി ടെലിഫോണില്‍ സംസാരിച്ചു. കൊവിഡ് 19ന്റെ വ്യാപനത്തെ തുടര്‍ന്നുള്ള ആഗോള സാഹചര്യങ്ങള്‍ ഇരുനേതാക്കളും ചര്‍ച്ച ചെയ്തു. ജനങ്ങളുടെ ആരോഗ്യത്തിന് പുറമെ സാമ്പത്തിക രംഗത്തെയും ഗുരുതരമായി ബാധിക്കുന്ന സവിശേഷ സാഹചര്യം അതിജീവിക്കാന്‍ യോജിച്ച പരിശ്രമങ്ങളുണ്ടാവണമെന്ന് പ്രധാനമന്ത്രി അഭിപ്രായപ്പെട്ടു. ഇന്ത്യ മുന്‍കൈയെടുത്ത് സാര്‍ക്ക് രാജ്യങ്ങളുടെ വീഡിയോ കോണ്‍ഫറന്‍സ് സംഘടിപ്പിച്ച കാര്യവും പ്രധാനമന്ത്രി പരാമര്‍ശിച്ചു. സമാനമായ രീതിയില്‍ ജി 20 രാജ്യങ്ങളുടെ യോഗം സൗദിയുടെ നേതൃത്വത്തില്‍ വിളിക്കണമെന്ന ഇന്ത്യയുടെ ആവശ്യത്തോട്

റിയാദ്: ഇന്ത്യാ സന്ദര്‍ശനം കഴിഞ്ഞെത്തിയ സൗദി പൗരന് കൊവിഡ് ബാധ സ്ഥിരീകരിച്ചു. ഇതിനു പുറമെ ജോര്‍ദാന്‍, ഒമാന്‍, ബ്രിട്ടന്‍, തുര്‍ക്കി, സ്വിറ്റ്‌സര്‍ലന്‍ഡ്, ഓസ്ട്രിയ എന്നീ രാജ്യങ്ങളില്‍ സന്ദര്‍ശനം നടത്തിയ 13 സ്വദേശി പൗരന്മാര്‍ക്കാണ് രോഗ ബാധ സ്ഥിരീകരിച്ചതെന്നും ആരോഗ്യ മന്ത്രാലയം അറിയിച്ചു. സ്‌പെയിനില്‍ നിന്നെത്തിയ ജോര്‍ദാന്‍ പൗരനും മൂന്ന് സ്വദേശി പൗരന്മാരും നേരത്തെ രോഗം സ്ഥിരീകരിച്ച വരുമായി സമ്പര്‍ക്കം പുലര്‍ത്തിയ രണ്ടു ഫിലിപ്പീന്‍ സ്വദേശികള്‍ക്കും രോഗം സ്ഥിരീകരിച്ചു. ഇവര്‍ റിയാദില്‍ ഐസൊലേഷനില്‍ കഴിയുകയാണ്. ജിദ്ദ, റിയാദ്, മക്ക,

റിയാദ്: കൊവിഡ് 19ന്റെ പശ്ചാത്തലത്തില്‍ സൗദി മന്ത്രിസഭാ യോഗം മാറ്റിവെച്ചു. ആരോഗ്യ മന്ത്രാലയത്തിന്റെ ശുപാര്‍ശയെ തുടര്‍ന്നാണ് നടപടി. രണ്ട് മന്ത്രിസഭാ യോഗങ്ങളാണ് മാറ്റിവെക്കാന്‍ തീരുമാനിച്ചത്. റോയല്‍ കോര്‍ട്ട്, മന്ത്രിസഭാ സെക്രട്ടേറിയറ്റ്, വിദഗ്ദ്ധ സമിതി എന്നിവയുടെ പ്രവര്‍ത്തനങ്ങളെ മന്ത്രി സഭാ യോഗം മാറ്റിവെച്ചത് ബാധിക്കില്ല. ഇവയുടെ കൃത്യനിര്‍വഹണം സാധാരണപോലെ തുടരും. പെരുന്നാള്‍ അവധി ദിവസങ്ങളിലും പൊതു ബജറ്റ് പ്രഖ്യാപനത്തിനു ശേഷവും മന്ത്രിസഭാ യോഗങ്ങള്‍ താല്‍ക്കാലികമായി നിര്‍ത്തിവെക്കുന്നതൊഴിച്ചാല്‍ മന്ത്രിസഭാ യോഗം മാറ്റിവെക്കുന്നത് അപൂര്‍വ്വമാണ്.

നൗഫല്‍ പാലക്കാടന്‍ റിയാദ്: കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി റിയാദ് നഗരസഭ മാര്‍ച്ച് 17 മുതല്‍ സാനിറ്റൈസറുകള്‍ സൗജന്യമായി വിതരണം ചെയ്യും. ട്രാഫിക് സിഗ്‌നലുകളിലും പള്ളി കളിലുമാണ് വിതരണം. നഗരസഭ നിര്‍മിച്ച ജെല്ലുകള്‍ സൗദി ഫുഡ് ആന്‍ഡ് ഡ്രഗ് അതോറിറ്റിയുടെ അംഗീകാരമുള്ള ഗുണമേന്മയുള്ള ഉല്‍പന്നമാണ്. അതിനിടെ, പ്രതിരോധ പ്രവര്‍ത്തനങ്ങളുടെ ഭാഗമായി നഗരസഭ പരിശോധന കര്‍ശനമാക്കി. ഹോട്ടലുകളില്‍ ഇരുന്ന് ഭക്ഷണം കഴിക്കുക, കോഫീ ഷോപ്പുകളില്‍ ഹുക്ക വിതരണം ചെയ്യുക എന്നിവ നിയമ ലംഘനങ്ങളായി പരിഗണിക്കും. ഇത്തരം സ്ഥാപനങ്ങള്‍ അടപ്പിക്കുകയും

നൗഫല്‍ പാലക്കാടന്‍ റിയാദ്: സൗദിയില്‍ 15 പേര്‍ക്കു കൂടി കോവിഡ് ബാധ സ്ഥിരീകരിച്ചു. ഇതോടെ കോവിഡ് 19 ബാധിതരുടെ എണ്ണം 133 ആയി ഉയര്‍ന്നു. പതിമൂന്ന് സ്വദേശികള്‍ക്കും രണ്ട് വിദേശികള്‍ക്കുമാണ് മാര്‍ച്ച് 16ന് രോഗം സ്ഥിരീകരിച്ചത്. ജിദ്ദയില്‍ സ്വിറ്റ്‌സര്‍ലന്‍ഡ്, അമേരിക്ക, ഫ്രാന്‍സ് എന്നിവിടങ്ങളില്‍ നിന്നെത്തിയവര്‍ക്കാണ് പുതിയ നാല് കോവിഡ് വൈറസ് റിപ്പോര്‍ട്ട് ചെയ്തത്. ഒരു അഫ്ഗാനിസ്ഥാന്‍ പൗരന്‍ ഉള്‍പ്പെടെ അഞ്ച് പേര്‍ക്കാണ് ജിദ്ദയില്‍ കൊവിഡ് ബാധിച്ചത്. റിയാദില്‍ വിദേശത്ത് നിന്നെത്തിയ നാലു സൗദി പൗരന്‍മാര്‍ക്കാണ് രോഗം സ്ഥിരീകരിച്ചത്.

റിയാദ്: സൗദി അറേബ്യയിലെ കോടതികളില്‍ വാദം കേള്‍ക്കുന്നത് സുപ്രീം ജുഡീഷ്യല്‍ കൗണ്‍സില്‍ നീട്ടിവെച്ചു. കൊവിഡ് വൈറസ് പടരാതിരിക്കാനും ജനങ്ങളുടെ സുരക്ഷ ഉറപ്പാക്കാനുമുള്ള മുന്‍കരുതല്‍ നടപടിയുടെ ഭാഗമായാണ് കോടതികളുടെ പ്രവര്‍ത്തനം താല്‍ക്കാലികമായി നിര്‍ത്തിവെക്കുന്നത്. കോടതി പുനരാരംഭിക്കുമ്പോള്‍ മാറ്റിവെച്ച കേസുകള്‍ക്ക് മുന്‍ഗണന നല്‍കും. ഇതുസംബന്ധിച്ച് കക്ഷികളെ ഇലക്ട്രോണിക് സന്ദേശം വഴി അറിയിക്കും. അടിയന്തിര കേസുകള്‍, അടിയന്തര സ്വഭാവമുളള തീരുമാനങ്ങള്‍ എന്നിവ കോടതികള്‍ പരിശോധിക്കുമെന്നും സുപ്രിം ജുഡീഷ്യല്‍ കൗണ്‍സില്‍ അറിയിച്ചു.

റിയാദ്: സൗദി അറേബ്യയിലെ ഇന്ത്യന്‍ എംബസി രാജ്യത്തെ വിവിധ പ്രവിശ്യകളില്‍ നടത്താന്‍ നിശ്ചയിച്ചിരുന്ന കോണ്‍സുലര്‍ സന്ദര്‍ശനങ്ങള്‍ മാറ്റിവെച്ചു. ഔട്‌സോഴ്‌സിംഗ് ഏജന്‍സികളും താല്‍ക്കാലികമായി പ്രവര്‍ത്തനം നിര്‍ത്തിവെച്ചു. അതേസമയം, അടിയന്തിര അപേക്ഷകള്‍ പരിഗണിക്കും. അടിയന്തിര ഘട്ടങ്ങളില്‍ ഔട്‌സോഴ്‌സിംഗ് ഏജന്‍സികളില്‍ സേവനം ലഭ്യമാക്കുമെന്നും എംബസി വൃത്തങ്ങള്‍ അറിയിച്ചു. കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി സൗദി അറേബ്യ പ്രഖ്യാപിച്ച നിയന്ത്രണങ്ങളുടെ ഭാഗമായാണ് കോണ്‍സുലര്‍ സേവനങ്ങളും മാറ്റിവെക്കും. ദമ്മാം, അല്‍ഖോബാര്‍, ജുബൈല്‍, ബുറൈദ, ഹാഇല്‍, റിയാദ് ബത്ഹ, ജിദ്ദ ഹയ്ല്‍ സ്ട്രീറ്റ്, തഹ്‌ലിയ സ്ട്രീറ്റ്,

റിയാദ്: വേള്‍ഡ് മലയാളി കൗണ്‍സില്‍ റിയാദ് പ്രൊവിന്‍സ് പുതിയ ഭരണ സമിതിയെ തിരഞ്ഞെടുത്തു. രണ്ടു വര്‍ഷമാണ് സമിതിയുടെ കാലാവധി. 17 അംഗങ്ങള്‍ ഉള്‍പ്പെട്ട എക്‌സിക്യൂട്ടീവ് കമ്മിറ്റിയെയും തിരഞ്ഞെടുത്തു. ഡേവിഡ് ലൂക്ക് (ചെയര്‍മാന്‍), ഡോ. ജയചന്ദ്രന്‍ (പ്രസിഡണ്ട് ), ബിജു രാജന്‍, സുനില്‍ മേലേടത്തു (വൈസ് പ്രസിഡന്റ്മാര്‍), നിജാസ് പാമ്പാടിയില്‍ (ജനറല്‍ സെക്രട്ടറി), തങ്കച്ചന്‍ വര്‍ഗ്ഗീസ് (ജോയിന്റ് സെക്രട്ടറി ആന്റ് കള്‍ച്ചറല്‍ പ്രോഗ്രാം കണ്‍വീനര്‍), അബ്ദുല്‍ സലാം (ട്രഷറര്‍) എന്നിവരാണ് പുതിയ ഭാരവാഹികള്‍.