Saudi News

റിയാദ്: നിയമ ലംഘനത്തിന് നാടുകടത്തിയ മലയാളി യുവാവിന്റെ ശ്രീലങ്കന്‍ പൗരത്വമുളള പങ്കാളിയ്ക്കും മൂന്നു കുരുന്നുകള്‍ക്കും കൈതാങ്ങായി വനിതാ കെഎംസിസി. ജീവിത പ്രാരാബ്ദങ്ങളുമായി 13 വര്‍ഷം മുമ്പ് വീട്ടുജോലിയ്‌ക്കെത്തിയ പുഷ്പലതയുടെ പ്രവാസം തുടക്കം മുതല്‍ ദുരിതമായിരുന്നു. അതിര്‍ത്തി നഗരമാ അല്‍ ഖുറയ്യാത്തില്‍ തൊഴിലുടമയുടെ മാനസിക വെല്ലുവിളി നേരിടുന്ന മാതാവിനെ പരിചരിക്കലായിരുന്നു ജോലി. പല പ്രതിസന്ധികള്‍ നേരിട്ടെങ്കിലും ഒന്നര വര്‍ഷം പിടിച്ചു നിന്നു. മാനസികമായും ശാരീരികമായും ഉപദ്രവം നേരിട്ടതോടെ തൊഴിലുപേക്ഷിച്ച് റിയാദില്‍ അഭയം തേടി. പലരുടെയും സഹായത്തോടെ ഒരു കമ്പനിയില്‍ […]

റിയാദ്: ഡിജിറ്റല്‍ സാങ്കേതിക വിദ്യയുടെ കാലത്ത് സാധ്യതകള്‍ ഏറെയുണ്ടെങ്കിലും മാധ്യമ രംഗത്ത് ഗുണനിലവാരം കുറയുന്നുണ്ടെന്ന് മുതിര്‍ന്ന മാധ്യമ പ്രവര്‍ത്തകനും മലയാളംന്യൂസ് മുന്‍ ന്യൂസ് എഡിറ്ററുമായ സി കെ ഹസ്സന്‍ കോയ. വാര്‍ത്താ ശേഖരണം മുതല്‍ വിതരണം വരെ വിപ്ലവകരമായ മാറ്റം ദൃശ്യമാണ്. എന്നാല്‍ സൗകര്യങ്ങള്‍ക്കനുസരിച്ച് മികവു പുലര്‍ത്താന്‍ പലര്‍ക്കും കഴിയുന്നില്ല. റിയാദ് ഇന്ത്യന്‍ മീഡിയാ ഫോറം സംഘടിപ്പിച്ച പരിപാടിയില്‍ ‘മാധ്യമ പ്രവര്‍ത്തനം: ഡിജിറ്റല്‍ കാലത്തെ സാധ്യതകളും വെല്ലുവിളികളും’ വിഷയം അവതരിപ്പിക്കുകയായിരുന്നു അദ്ദേഹം. ഭാഷ നന്നാക്കാന്‍ നന്നായി വായിക്കണം.

റിയാദ്: സൗദി അറേബ്യയിലെ വിവിധ ഭാഗങ്ങളില്‍ ജോലിചെയ്യുന്ന പാണ്ടിക്കാട് പഞ്ചായത്തിലെ കോണ്‍ഗ്രസ്സുകാരുടെ കൂട്ടായ്മ ഒഐസിസി പാണ്ടിക്കാട് സൗദി കമ്മിറ്റി പുനഃസംഘടിപ്പിച്ചു. പ്രസിഡന്റ് അമീര്‍ പട്ടണത്ത്(റിയാദ്), വൈസ് പ്രസിഡന്റുമാരായി എ.ടി അന്‍വര്‍എന്ന അമ്പു (ജിദ്ദ), ബിജു ചെമ്പ്രശ്ശേരി (ദമ്മാം), സംഘടനാ ചുമതലയുള്ള ജനറല്‍ സെക്രട്ടറി സമീര്‍ ബാബു (ജിദ്ദ), ജനറല്‍ സെക്രട്ടറിമാര്‍ ശാക്കിര്‍ എം.കെ (നജ്രാന്‍ ), ഖാലിദ് പാലത്തിങ്കല്‍ (ജിദ്ദ), ഷിബിലി (ബിഷ), നൗഷാദ് വിപി (ജിദ്ദ), ട്രഷറര്‍ അബ്ദുറഹിമാന്‍ എന്ന ആപ്പ പുലിയോടാന്‍, ജോയിന്‍ ട്രഷര്‍

റിയാദ്: ഫാസിസ്റ്റ് വര്‍ഗ്ഗീയ ഭരണകൂടങ്ങളില്‍ നിന്ന് രാജ്യത്തെ മോചിപ്പിച്ച് കോണ്‍ഗ്രസിന് ശക്തി പകരാന്‍ പ്രിയങ്കയുടെ നേതൃത്വവും ഉജ്ജ്വല വിജയവും സഹായിക്കുമെന്ന് കെപിസിസി രാഷ്ട്രീയ കാര്യസമിതി അംഗവും മഹിളാകോണ്‍ഗ്രസ് മുന്‍ അധ്യക്ഷയുമായ അഡ്വ.ബിന്ദു കൃഷ്ണ. റിയാദ് സെന്‍ട്രല്‍ കമ്മിറ്റി വനിതാ വേദി ബത്ഹ ഡി-പാലസ് ഓഡിറ്റോറിയത്തില്‍ സംഘടിപ്പിച്ച ‘ബി വിത്ത് ബിന്ദു കൃഷ്ണ’ പരിപാടിയില്‍ സംസാരിക്കുകയായിരുന്നു അവര്‍. സ്ത്രീ സമത്വത്തിന് പ്രാധാന്യം നല്‍കി പാര്‍ശ്വവല്‍ക്കരിക്കപ്പെട്ട സ്ത്രീ സമൂഹത്തെ മുന്‍നിരയിലേക്ക് കൊണ്ട് വന്ന പ്രസ്ഥാനമാണ് കോണ്‍ഗ്രസ്. മുഖ്യധാര പാര്‍ട്ടികള്‍ എന്ന്

റിയാദ്: ജോലിയും ശമ്പളവുമില്ലാതെ ദുരിതത്തിലായ മൂന്ന് മലയാളി വനിതകളെ ഇന്ത്യന്‍ എംബസിയുടെ സഹായത്തോടെ സാമൂഹിക പ്രവര്‍ത്തകര്‍ നാട്ടിലെത്തിച്ചു. ആറു മാസം മുമ്പാണ് റിയാദിലെ കോണ്‍ട്രാക്റ്റിങ്ങ് കമ്പനിയില്‍ ജോലിക്കെത്തിയ ആലപ്പുഴ, പത്തനംതിട്ട ജില്ലയില്‍ നിന്നുളളവര്‍ക്കാണ് ജോലി നഷ്ടമായത്. ഇവരെ കൂടാതെ നേപ്പാള്‍, ശ്രീലങ്ക, പാകിസ്ഥാന്‍ എന്നിവിടങ്ങളില്‍ നിന്നുള്ള നാല്‍പ്പതിലധികം വനിതകള്‍ക്കും ജോലി നഷ്ടപ്പെട്ടിരുന്നു. മിച്ച നിലയില്‍ പോയിരുന്ന കമ്പനിയില്‍ നിന്ന് ചിലരെ മറ്റൊരു കമ്പനിയിലേക്ക് മാറ്റിയതോടെയാണ് ജോലി നഷ്ടപ്പെട്ടതും ശമ്പളം കിട്ടാതെ ദുരിതത്തിലാവുകയും ചെയ്തത്. മുഴുവന്‍ ശമ്പള കുടിശ്ശിക

ജിദ്ദ: 24 വര്‍ഷമായി ജിദ്ദയില്‍ പ്രവര്‍ത്തിക്കുന്ന കൊച്ചി കൂട്ടായ്മക്ക്് പുതിയ നേതൃത്വം. സ്ഥാപക നേതാവ് യശശരീരനായ ഗഫൂര്‍ കൊച്ചി 1990ല്‍ ആരംഭിച്ച കൊച്ചി കൂട്ടായ്മ സൗദിയിലും പശ്ചിമ കൊച്ചി കേന്ദ്രികരിച്ചും കാരുണ്യപ്രവര്‍ത്തനങ്ങളില്‍ സജീവമാണ്. ജിദ്ദ ഷറഫിയ്യ സഫയര്‍ ഓഡിറ്റോറിയത്തില്‍ നടന്ന ജനറല്‍ ബോഡി യോഗത്തില്‍ പുതിയ ഭാരവാഹികളെ തെരഞ്ഞെടുത്തു. മുതിര്‍ന്ന അംഗം സൈനുദ്ധീന്‍ കൊച്ചി ആമുഖ പ്രഭാഷണം നിര്‍വ്വഹിച്ചു. ജിദ്ദ കേരളൈറ്റ്‌സ് ഫോറം ചെയര്‍മാന്‍ കെ ടി എ മുനീര്‍ അധ്യക്ഷത വഹിച്ചു. ജിബിന്‍ സമദ് കൊച്ചി

റിയാദ്: ഹ്രസ്വ സന്ദര്‍ശനാര്‍ത്ഥം റിയാദില്‍ എത്തിയ യുണൈറ്റഡ് എഫ് സി മുന്‍ പ്രസിഡന്റും സ്ഥാപക നേതാവുമായ ശിഹാബ് പാഴൂരിനു യുണൈറ്റഡ് എഫ് സി, ഹാഫ് ലൈറ്റ് എഫ് സി ടീമുകള്‍ സംയുക്തമായി സ്വീകരണം നല്‍കി. 24 വര്‍ഷം റിയാദിലെ പ്രവാസിയായിരുന്നു. ബത്ഹ അല്‍മാസ് റെസ്‌റ്റോറന്റ് ഓഡിറ്റോറിയത്തില്‍ നടന്ന പരിപാടിയില്‍ ക്ലബ് പ്രസിഡന്റ് ബാബു മഞ്ചേരി അധ്യക്ഷത വഹിച്ചു. സിദ്ധീഖ് ആനപ്പടി, റഫ് സാന്‍, കുട്ടി വല്ലപ്പുഴ, നൗഷാദ് കോട്ടക്കല്‍, മജീദ് ബക്‌സര്‍, ഹകീം കുന്നപ്പള്ളി, അനീസ് പാഞ്ചോല,

റിയാദ്: കണ്ണൂര്‍ എക്‌സ്പാട്രിയേറ്റ്‌സ് ഓര്‍ഗനൈസഷന്‍ സൗദി അറേബ്യ (കിയോസ്) ഒരുക്കിയ ‘കിയോസ് ഫെസ്റ്റ്-2024’ വിപുലമായ കലാ സാംസ്‌കാരിക പരിപാടികളോടെ അരങ്ങേറി. ഡ്യൂണ്‍സ് ഇന്റര്‍നാഷണല്‍ സ്‌കൂളില്‍ സംഘടിപ്പിച്ച പരിപാടിയില്‍ അഞ്ഞൂറിലധികം പേര്‍ പങ്കെടുത്തു. ചെയര്‍മാന്‍ ഡോ. സൂരജ് പാണയിലിന്റെ അധ്യക്ഷതയില്‍ സാംസ്‌കാരിക സമ്മേളനം രക്ഷാധികാരി ഹുസൈന്‍ അലി ഉദ്ഘാടനം ചെയ്തു. ജോയിന്റ് കണ്‍വീനര്‍ അന്‍വര്‍, വൈസ് ചെയര്‍മാന്‍ ഇസ്മായില്‍ കണ്ണൂര്‍, അബ്ദുല്‍മജീദ്, പി വി അബ്ദുല്‍രഹ്മാന്‍ എന്നിവര്‍ സമ്മേളനം നിയന്ത്രിച്ചു. റിയാദില്‍ ജനകീയനും 30 വര്‍ഷത്തിലധികം ആതുര സേവന

റിയാദ്: തൊഴിലിടങ്ങളില്‍ ഹാജരാകാത്ത നിയമ ലംഘകര്‍ക്ക് ഇഖാമ നിയമ വിധേയമാക്കി പുതിയ തൊഴിലുടമയെ കണ്ടെത്താന്‍ 60 ദിവസത്തെ സാവകാശം അനുവദിച്ചു. ഇതുസംബന്ധിച്ച വിവരം നയതന്ത്ര കാര്യാലയങ്ങള്‍ക്ക് ലഭിച്ചു. ‘ജോലിയില്‍ ഹാജരില്ല’ എന്നു റിപ്പോര്‍ട്ടു ചെയ്ത തൊഴിലാളികളുടെ പദവി ശരിയാക്കാന്‍ 2024 ഡിസംബര്‍ 1 മുതല്‍ 2025 ജനുവരി 29 വരെയാണ് സമയം അനുവദിച്ചിട്ടുളളത്. കുറ്റകൃത്യങ്ങളില്‍ ഉള്‍പ്പെടാത്ത ഹുറൂബിന്റെ പട്ടികയില്‍ ഉള്‍പ്പെട്ടവര്‍ക്ക് ആനുകൂല്യം ലഭിക്കും. ജോലിയില്‍ ഹാജരാകുന്നില്ലെന്ന് തൊഴിലുടമ പാസ്‌പോര്‍ട്ട് ഡയറക്ടറേറ്റില്‍ റിപ്പോര്‍ട്ട് ചെയ്തവര്‍ക്ക് സ്‌പോണ്‍സര്‍ഷിപ്പ് മാറാന്‍ കഴിയും.

റിയാദ്: പൊന്നാനി കള്‍ച്ചറല്‍ വേള്‍ഡ് ഫൗണ്ടേഷന്‍ റിയാദ് കമ്മിറ്റി സ്‌പോര്‍ട്‌സ് ക്ലബ് രൂപീകരിച്ചു. കായിക വിനോദങ്ങള്‍ പ്രോത്സാഹിപ്പിച്ച് ശാരീരിക, മാനസിക ആരോഗ്യം സംരക്ഷിക്കാനാണ് ക്ലബ് രൂപീകരിച്ചതെന്ന് സംഘാടകര്‍ പറഞ്ഞു. ഇസ്താന്‍ബൂളിലെ ഗ്രൗണ്ടില്‍ നടന്ന ചടങ്ങില്‍ സ്‌പോര്‍ട്‌സ് വിംഗ് ലോഗോ പ്രകാശനം പൊന്നാനി കൂട്ടായ്മ ജനസേവനം കണ്‍വീനര്‍ അബ്ദുല്‍ റസാഖ് പുറങ്ങ് സ്‌പോര്‍ട്‌സ് വിംഗ് ചീഫ് കോര്‍ഡിനേറ്റര്‍ ആഷിഫ് മുഹമ്മദിനു നല്‍കി നിര്‍വഹിച്ചു. ജയ്‌സി പ്രകാശനം ജന.സെക്രട്ടറി കബീര്‍ കാടന്‍സ് ക്രിക്കറ്റ് ടീം ക്യാപ്റ്റന്‍ ആഷിഫ് വെളിയംകോടിനു നല്‍കി

റിയാദ്: പെരുമ്പാവൂര്‍ പ്രവാസി അസോസിയേഷന്‍ ‘ഫാമിലി ടൂര്‍-2024’ ഏകദിന വിനോദ യാത്ര സംഘടിപ്പിച്ചു. സ്ത്രീകളും കുട്ടികളും ഉള്‍പ്പെടെ അമ്പതിലധികം അംഗങ്ങള്‍ പങ്കെടുത്തു. ഖസബ് ഉപ്പു പാടം, ശഖ്‌റ ഹെറിറ്റേജ് വില്ലേജ്, തര്‍മിദ ഒയാസിസ് ഫോര്‍ട്ട്, മരാത് ഹില്‍ പാര്‍ക്ക് തുടങ്ങിയ വിനോദ സഞ്ചാര കേന്ദ്രങ്ങളാണ് സന്ദര്‍ശിച്ചത്. കോര്‍ഡിനേറ്റര്‍ അലി വാരിയത്ത്, പ്രസിഡന്റ് മുഹമ്മദാലി മരോട്ടിക്കല്‍ എന്നിവരുടെ നേതൃത്വത്തിലായിരുന്നു യാത്ര. വിനോദ സഞ്ചാര കേന്ദ്രങ്ങളെ കരീം കാനാമ്പുറം വിവരിച്ചു. ഹസീന മുജീബ് അവതരിപ്പിച്ച പ്രശ്‌നോത്തരി, അന്‍വര്‍ മുഹമ്മദ് നേതൃത്വം

റിയാദ്: എറണാകുളം ജില്ലാ പ്രവാസി അസോസിയേഷന്‍ (എടപ്പ) റിയാദ് പരിഷ്‌കരിച്ച ലോഗോ പ്രകാശനം ചെയ്തു. മലാസ് ചെറീസ് റെസ്‌റ്റോറന്റ് ഹാളില്‍ പ്രസിഡന്റ് കരിം കാനാമ്പുറത്തിന്റെ അധ്യക്ഷതയില്‍ ചേര്‍ന്ന ചടങ്ങില്‍ ചെയര്‍മാന്‍ അലി ആലുവ യോഗം ഉദ്ഘാടനം ചെയ്തു. അഡ്വൈസറി ബോര്‍ഡ് അംഗങ്ങളായ നിഷാദ് ചെറുപിള്ളിയും ഗോപകുമാര്‍ പിറവവും ചേര്‍ന്ന് പുതിയ ലോഗോ പ്രകാശന ചെയ്തു. ലോഗോ ഡിസൈന്‍ ചെയ്ത ഐറ്റി സെല്‍ കണ്‍വീനര്‍ ആഷിഖ് കൊച്ചിന്‍, എടപ്പ പൊതുയോഗം നിയന്ത്രിച്ച നൗഷാദ് ആലുവ എന്നിവര്‍ക്ക് സര്‍ട്ടിഫിക്കറ്റ് നല്‍കി

റിയാദ്: അഴിമതിയും കെടുകാര്യസ്ഥതയും ധൂര്‍ത്തും കൂത്തരങ്ങായി മാറിയ പൊതു മേഖലാ സ്ഥാപനമാണ് കേരള സംസ്ഥാന വൈദ്യുതി ബോര്‍ഡെന്ന് (കെഎസ്ഇബി) ആം ആദ്മി പാര്‍ട്ടി സംസ്ഥാന വര്‍ക്കിംഗ് പ്രസിഡന്റ് ഡോ. സെലിന്‍ ഫിലിപ്പ്. നൂതന മാര്‍ഗങ്ങളിലൂടെ വൈദ്യതി ഇതര വരുമാനം വര്‍ധിപ്പിക്കാം. ധൂര്‍ത്ത് ഒഴിവാക്കി ചെലവ് ചുരുക്കുകയും ചെയ്യാം. അങ്ങനെ വിലവര്‍ധിപ്പിക്കാതെ തന്നെ കെഎസ്ഇബിയെ ലാഭകരമായി മുന്നോട്ടു കൊണ്ടുപോകാന്‍ കഴിയുമെന്നും അവര്‍ റിയാദില്‍ പറഞ്ഞു. വൈദ്യുതി ബോര്‍ഡിലെ അഴിമതിയ്‌ക്കെതിരെ ബോധവത്ക്കരണത്തിന്റെ ഭാഗമായി ‘കെഎസ്ഇബി ജനപക്ഷത്തോ?’ എന്ന വിഷയത്തില്‍ ജനകീയ

റിയാദ്: ഇന്ത്യന്‍ ഭരണഘടനയുടെ 75-ാം വാര്‍ഷിക ദിനാചരണത്തിന്റെ ഭാഗമായി ഭരണഘടനയെ സംരക്ഷിക്കുക, ജനാധിപത്യ അവകാശങ്ങള്‍ക്ക് നേരെയുള്ള ഫാസിസ്റ്റ് ഭരണകൂടങ്ങളുടെ കടന്നുകയറ്റം അവസാനിപ്പിക്കുക തുടങ്ങിയ ആവശ്യങ്ങള്‍ ഉന്നയിച്ച് ഒഐസിസി റിയാദ് സെന്‍ട്രല്‍ കമ്മിറ്റി ‘ഭരണഘടനാ അവകാശ സംരക്ഷണവും, പ്രതിജ്ഞ സദസും’ സംഘടിപ്പിച്ചു. ബത്ഹ സബര്‍മതിയില്‍ നടന്ന പരിപാടി സെന്‍ട്രല്‍ കമ്മിറ്റി പ്രസിഡന്റ് അബ്ദുളള വല്ലാഞ്ചിറ ഉദ്ഘാടനം ചെയ്തു. ജനറല്‍ സെക്രട്ടറി ഫൈസല്‍ ബാഹസ്സന്‍ പ്രതിഞ്ജ വാചകം ചൊല്ലി കൊടുത്തു. ലോകത്തെ ഏറ്റവും വലുതും വിപുലവുമായ ഭരണഘടനയുള്ള രാജ്യമാണ് ഇന്ത്യ.