മംഗളുരു മാധ്യമ വേട്ട: സൗദയില് മാധ്യമ പ്രവര്ത്തകരുടെ പ്രതിഷേധം
റിയാദ്: മംഗലുരുവില് മലയാളി മാധ്യമ പ്രവര്ത്തകരെ ബന്ധികളാക്കിയ പൊലീസ് നടപടിയില് റിയാദ് ഇന്ത്യന് മീഡിയാ ഫോറം പ്രതിഷേധിച്ചു. മാധ്യമസ്വാതന്ത്രത്തിനു നേരെയുളള കടന്നുകയറ്റം ക്രൂരമായ ഭരണകൂട ഭീകരതയാണ്. ഇത് ജനാധിപത്യത്തിന് അപമാനമാണെന്നും യോഗം അഭിപ്രായപ്പെട്ടു. അടിയന്തിരാവസ്ഥയില് പോലും രാജ്യം കാണാത്ത പൊലീസ് തേര്വാഴ്ചയാണ് മാധ്യമ പ്രവര്ത്തകര് നേരിട്ടത്. മാധ്യമ പ്രവര്ത്തകര്ക്കെതിരെ കളളക്കഥകളാണ് പൊലീസും കര്ണാടക ആഭ്യന്തര മന്ത്രിയും പ്രചരിപ്പിക്കുന്നത്. ഇതിനു പിന്നില് ഗൂഢാലോചനയുണ്ട്. കുറ്റവാളികളെപോലെ മാധ്യമ പ്രവര്ത്തകരെ സമീപിച്ച പൊലീസ് നടപടിയില് യോഗം പ്രതിഷേധിച്ചു. കാടത്തംകാട്ടിയ പൊലീസ് ഉദ്യോഗസ്ഥരെ […]
