riyadh bureau

റിയാദ്: നിയമസഭാ തിരഞ്ഞെടുപ്പില്‍ യുഡിഎഫ് നേടിയ വന്‍ വിജയത്തിന്റേയും മലപ്പുറം മണ്ഡലത്തില്‍ പി.കെ.കുഞ്ഞാലിക്കുട്ടി നേടിയ ചരിത്ര ഭൂരിപക്ഷത്തിന്റേയും ആവേശം പ്രവാസലോകത്തും അലയടിക്കുന്നു. ഇതിന്റെ ഭാഗമായി മലപ്പുറം മണ്ഡലം കെഎംസിസി റിയാദില്‍ ‘വിജയാരവം’ സംഘടിപ്പിച്ചു. റിയാദ് ‘അമയിക്കാന്‍’ ഓഡിറ്റോറിയത്തില്‍ നടന്ന പരിപാടികള്‍ മലപ്പുറം ജില്ലാ കെഎംസിസി ആക്ടിങ് സെക്രട്ടറി യൂനുസ് നാണത്ത് ഉദ്ഘാടനം ചെയ്തു. മണ്ഡലം ചെയര്‍മാന്‍ ഷുക്കൂര്‍ വടക്കേമണ്ണ അധ്യക്ഷത വഹിച്ചു. പിണറായി സര്‍ക്കാരിന്റെ ഏകാധിപത്യ ഭരണവും സിപിഎമ്മിന്റെ വര്‍ഗീയ പ്രചാരണവും കേരള ജനതയുടെ പ്രതികരണമാണ് എല്‍ഡിഎഫിന്റെപരാജയമെന്ന് […]

റിയാദ്: സൗദി ഫുട്‌ബോള്‍ ക്ലബ്ബായ ‘അല്‍ ഹിലാലിന്റെ’ അണ്ടര്‍ 15 വനിതാ ടീമിലേക്ക് തിരഞ്ഞെടുക്കപ്പെട്ട മലയാളി താരം കീര്‍ത്തജയെ റിയാദ് ടാക്കീസ് അനുമോദിച്ചു. നീല ജഴ്‌സിയണിഞ്ഞ് റിയാദിലെ ഇന്ത്യന്‍ സമൂഹത്തിനും പ്രവാസി മലയാളികള്‍ക്കും അഭിമാനമായി മാറിയ കീര്‍ത്തജ ഇടുക്കി കട്ടപ്പന സ്വദേശിനിയും റിയാദ് ഇന്റര്‍നാഷണല്‍ ഇന്ത്യന്‍ സ്‌കൂളിലെ എട്ടാം ക്ലാസ് വിദ്യാര്‍ത്ഥിനിയുമാണ്. കായികരംഗത്ത് കീര്‍ത്തജയ്ക്ക് വഴിവിളക്കായ പരിശീലകരെയും മാതാപിതാക്കളെയും ചടങ്ങില്‍ പങ്കെടുത്തവര്‍ അഭിനന്ദിച്ചു. റിയാദ് ടാക്കിസ് രക്ഷാധികാരി അലി ആലുവ, പ്രസിഡന്റ് റിജോഷ് കടലുണ്ടി എന്നിവര്‍ ചേര്‍ന്ന്

റിയാദ്: ജനകീയനായ മുന്‍ മുഖ്യമന്ത്രിയും സി.പി.ഐ.എം പോളിറ്റ് ബ്യൂറോ അംഗവുമായിരുന്ന ഇ.കെ. നായനാരുടെ ഓര്‍മ പുതുക്കി കേളി കലാസാംസ്‌കാരിക വേദി. റിയാദ് ബത്ഹയിലെ അല്‍ യാസ്മിന്‍ ഓഡിറ്റോറിയത്തിലും ദവാദ്മിയിലെ കേളി ഓഫീസിലും അനുസ്മരണം നടന്നു. ബത്ഹയില്‍ നടന്ന യോഗത്തില്‍ രക്ഷാധികാരി സെക്രട്ടറി കെ.പി.എം സാദിഖ് അധ്യക്ഷത വഹിച്ചു. ഗീവര്‍ഗീസ് ഇടിച്ചാണ്ടി അനുസ്മരണ കുറിപ്പ് അവതരിപ്പിച്ചു. കേരളത്തിലെ പുതിയ രാഷ്ട്രീയ സാഹചര്യങ്ങളെ കടന്നാക്രമിച്ചായിരുന്നു രക്ഷാധികാരി കമ്മിറ്റി അംഗം ഷമീര്‍ കുന്നുമ്മലിന്റെ മുഖ്യപ്രഭാഷണം. കഴിഞ്ഞ പത്തു വര്‍ഷമായി സംസ്ഥാനത്ത് അന്യംനിന്നുപോയ

റിയാദ്/കായംകുളം: റിയാദ് ഒഐസിസി ആലപ്പുഴ ജില്ലാ കമ്മിറ്റി ഉമ്മന്‍ചാണ്ടി സ്മാരക സ്‌കോളര്‍ഷിപ്പ് വിതരണോദ്ഘാടനം ചെയ്തു. കായംകുളം ബ്ലോക്ക് കോണ്‍ഗ്രസ് കമ്മിറ്റി ഓഫീസില്‍ എക്‌സൈസ്, സഹകരണ വകുപ്പ് മന്ത്രി അഡ്വ. എം. ലിജു സ്‌കോളര്‍ഷിപ്പ് വിതരണം നിര്‍വഹിച്ചു. പ്രവാസ ലോകത്തുനിന്നു റിയാദ് ഒഐസിസി നടത്തുന്ന കാരുണ്യ പ്രവര്‍ത്തനങ്ങള്‍ മാതൃകാപരമാണെന്ന് മന്ത്രി പറഞ്ഞു. കായംകുളം നിയോജകമണ്ഡലത്തിലെ രണ്ട് ബ്ലോക്കുകളില്‍ നിന്നായി തിരഞ്ഞെടുക്കപ്പെട്ട നാല് വിദ്യാര്‍ത്ഥികള്‍ക്കാണ് സ്‌കോളര്‍ഷിപ്പ് കൈമാറിയത്. ജില്ലാ കോണ്‍ഗ്രസ് കമ്മിറ്റി പ്രസിഡന്റ് അഡ്വ. ബി. ബാബു പ്രസാദ് മുഖ്യാതിഥിയായിരുന്നു.

മക്ക: ഹജ്ജ് വേളയില്‍ പുണ്യസ്ഥലങ്ങളില്‍ കടുത്ത അന്തരീക്ഷ താപത്തിന് സാധ്യതയുള്ളതിനാല്‍ തീര്‍ഥാടകര്‍ക്ക് ജാഗ്രതാ മുന്നറിയിപ്പ്. ഹജ്ജ് ദിനങ്ങളില്‍ താപനില 45 ഡിഗ്രി സെല്‍ഷ്യസില്‍ കൂടാന്‍ സാധ്യതയുണ്ട്. ഈ സാഹചര്യത്തില്‍ ഹജ്ജ് കര്‍മ്മങ്ങളില്‍ പങ്കെടുക്കുമ്പോള്‍ തീര്‍ഥാടകര്‍ സ്വന്തം സുരക്ഷ ഉറപ്പാക്കാന്‍ ആവശ്യമായ മുന്‍കരുതലുകള്‍ എടുക്കണമെന്ന് മന്ത്രാലയം നിര്‍ദേശിച്ചു. ഉയര്‍ന്ന അളവിലുള്ള സൂര്യപ്രകാശം നേരിട്ട് ഏല്‍ക്കുന്നത് സൂര്യാഘാതത്തിനും കടുത്ത ചൂട് മൂലമുള്ള ശാരീരിക ക്ഷീണത്തിനും കാരണമാകും. അതിനാല്‍ ഹജ്ജ് കര്‍മങ്ങള്‍ ആരോഗ്യത്തോടെയും സുരക്ഷിതമായും നിര്‍വഹിക്കുന്നതിന് പ്രതിരോധ മാര്‍ഗനിര്‍ദേശങ്ങള്‍ കര്‍ശനമായി പാലിക്കണമെന്ന്

മക്ക: ഹജ്ജ് കര്‍മ്മങ്ങള്‍ക്കായി സറൗദി ഭരണാധികാരി സല്‍മാന്‍ രാജാവിന്റെ അതിഥികളായി എത്തിയ തീര്‍ഥാടകരുടെ വരവ് പൂര്‍ത്തിയായി. വിവിധ രാജ്യങ്ങളില്‍ നിന്നായി 2,500 അതിഥികളാണ് മക്കയില്‍ എത്തിയത്. സല്‍മാന്‍ രാജാവിന്റെയും കിരീടാവകാശി പ്രിന്‍സ് മുഹമ്മദ് ബിന്‍ സല്‍മാന്റെയും നേരിട്ടുള്ള നിര്‍ദ്ദേശപ്രകാരം അതിഥികള്‍ക്കായി വിപുലമായ സൗകര്യങ്ങള്‍ ഒരുക്കിയിട്ടുണ്ട്. ഔദ്യോഗിക അതിഥികളായെത്തിയ തീര്‍ഥാടകര്‍ക്ക് ഹജ്ജ് കര്‍മ്മങ്ങള്‍ പൂര്‍ത്തിയാക്കുന്നത് വരെ പരിചരണവും സുരക്ഷയും ഇസ്ലാമിക കാര്യ മന്ത്രാലയത്തിന്റെ നേതൃത്വത്തിലാണ് നടക്കുന്നത്. വിമാനത്താവളം മുതല്‍ താമസയിടങ്ങള്‍ വരെ ഏറ്റവും മികച്ച സൗകര്യങ്ങളാണ് ഏര്‍പ്പെടുത്തിയിട്ടുള്ളത്. തീര്‍ഥാടകരുടെ

വിശുദ്ധ ഹജ്ജ് തീര്‍ഥാടനത്തിന് ദിവസങ്ങള്‍ മാത്രം ശേഷിക്കെ, അല്ലാഹുവിന്റെ അതിഥികള്‍ക്ക് പഴുതടച്ച സുരക്ഷയും സേവനവും ഉറപ്പാക്കാന്‍ പുണ്യഭൂമി പൂര്‍ണ്ണ സജ്ജം. ഇതിന് മുന്നോടിയായി വിവിധ സുരക്ഷാ വിഭാഗങ്ങളിലെ ഭടന്‍മാരും കമാന്‍ഡോകളും വനിതാ സൈനികരും അണിനിരന്ന ‘ഹജ്ജ് സെക്യൂരിറ്റി ഫോഴ്‌സസ് റെഡിനസ് പരേഡ്’ മക്കയില്‍ അരങ്ങേറി. തീര്‍ഥാടകരെ സ്വീകരിക്കാന്‍ രാജ്യം പൂര്‍ണ്ണ സജ്ജമാണെന്ന് ലോകത്തിന് മുന്നില്‍ വിളംബരം ചെയ്യുന്ന, പശ്ചിമേഷ്യയിലെ തന്നെ ഏറ്റവും വലിയ സംയുക്ത സേനാ പ്രകടനങ്ങളിലൊന്നായിരുന്നു ഇത്. മസ്ജിദുല്‍ ഹറാമില്‍ നിന്നു മിന, മുസ്ദലിഫ വഴി

റിയാദ്: ലോകത്തിന്റെ വിവിധ കോണുകളില്‍ നിന്നുള്ള മാമ്പഴ രുചികള്‍ ഒരുകുടക്കീഴില്‍ അണിനിരത്തി ലുലു ഹൈപ്പര്‍മാര്‍ക്കറ്റുകളില്‍ ‘മാംഗോ മാനിയ’ തുടങ്ങി. സൗദി അറേബ്യയിലെ ലുലുവിന്റെ എല്ലാ സ്‌റ്റോറുകളിലും ഒരേസമയം ആരംഭിച്ച മേള മെയ് 30 വരെ നീണ്ടുനില്‍ക്കും. രാജ്യത്തെ ഏറ്റവും വലിയ മാമ്പഴ വിപണന മേളയാണിത്. റിയാദ് മുറബ്ബ ലുലു ഹൈപ്പര്‍മാര്‍ക്കറ്റില്‍ നടന്ന ചടങ്ങില്‍ സൗദിയിലെ ഇന്ത്യന്‍ അംബാസഡര്‍ ഡോ. സുഹേല്‍ അജാസ് ഖാനും സൗദി ലുലു ഹൈപ്പര്‍മാര്‍ക്കറ്റ് ഡയറക്ടര്‍ മുഹമ്മദ് ഹാരിസും ചേര്‍ന്ന് മേള ഉദ്ഘാടനം ചെയ്തു.

റിയാദ്: സ്‌പോണ്‍സറുടെ മകന്‍ മരിച്ച സംഭവത്തില്‍ 20 വര്‍ഷം തടവ് ശിക്ഷ പൂര്‍ത്തിയാക്കിയ കോഴിക്കോട് കോടാമ്പുഴ സ്വദേശി അബ്ദുറഹീമിന് ഫൈനല്‍ എക്‌സിറ്റ് വീസ നേടാനായില്ല. മെയ് 20ന് ഫൈനല്‍ എക്‌സിറ്റ് നേടി നാട്ടിലേക്ക് മടങ്ങാന്‍ കഴിയുമെന്ന് വാര്‍ത്ത പ്രചരിച്ചിരുന്നു. എന്നാല്‍ നടപടിക്രമങ്ങള്‍ പൂര്‍ത്തിയാക്കാന്‍ ഇനിയും ദിവസങ്ങള്‍ വേണ്ടിവരും. അബ്ദുല്‍ റഹീമിന്റെ 20 വര്‍ഷത്തെ തടവ് കാലയളവ് പൂര്‍ത്തിയായെന്ന് രേഖാമൂലം സ്ഥിരീകരിക്കുന്നതിന് ‘എന്‍ഡ് ഓഫ് സെന്റന്‍സ് വെരിഫിക്കേഷന്‍’ ജയില്‍ അധികൃതര്‍ തയ്യാറാക്കണം. ഇതിന്റെ അടിസ്ഥാനത്തില്‍ ശിക്ഷാ കാലാവധി പൂര്‍ത്തിയായി

റിയാദ്: പ്രവാസി മലയാളികളുടെ ദീര്‍ഘകാല ആവശ്യങ്ങള്‍ക്കും പ്രതിസന്ധികള്‍ക്കും വേഗത്തില്‍ പരിഹാരം കാണുമെന്ന പ്രതീക്ഷയാണ് പ്രവാസി കാര്യ വകുപ്പ് മുഖ്യമന്ത്രി വി.ഡി. സതീശന്‍ ഏറ്റെടുത്ത തീരുമാനമെന്ന് റിയാദ് ഒഐസിസി സെന്‍ട്രല്‍ കമ്മിറ്റി. പ്രവാസി സമൂഹം നേരിടുന്ന വിവിധ വിഷയങ്ങളില്‍ നിയമസഭയ്ക്കകത്തും പുറത്തും സജീവമായി ഇടപെടുന്ന വി.ഡി. സതീശന്‍ വലിയ ഉത്തരവാദിത്വം കൈക്കൊണ്ടത് ആഗോള മലയാളി സമൂഹത്തിന് വലിയ ആത്മവിശ്വാസമാണ് നല്‍കുന്നതെന്നും ഒഐസിസി നേതാക്കള്‍ പ്രസ്താവനയില്‍ പറഞ്ഞു. ഗള്‍ഫ് രാജ്യങ്ങള്‍ ഉള്‍പ്പെടെയുള്ള വിദേശ മണ്ണില്‍ കഴിയുന്ന മലയാളി പ്രവാസികള്‍ തൊഴില്‍

റിയാദ്: സഊദി അറേബ്യയില്‍ ബലിപെരുന്നാള്‍ നമസ്‌കാരത്തിനുള്ള ഒരുക്കങ്ങള്‍ പൂര്‍ത്തിയാക്കാന്‍ ഇസ്‌ലാമികകാര്യ മന്ത്രി ഡോ. അബ്ദുല്ലത്തീഫ് അല്‍ ശൈഖ് നിര്‍ദേശം നല്‍കി. വിശ്വാസികളെ സ്വീകരിക്കാന്‍ രാജ്യത്തെ ഈദ്ഗാഹുകളും മസ്ജിദുകളും സജ്ജമാക്കാന്‍ മന്ത്രി നിര്‍ദേശിച്ചു. ഉമ്മുല്‍ ഖുറാ കലണ്ടര്‍ അനുസരിച്ച് സൂര്യോദയത്തിന് 15 മിനിറ്റിന് ശേഷം രാജ്യത്തെ എല്ലാ ഈദ്ഗാഹുകളിലും വലിയ പള്ളികളിലും പെരുന്നാള്‍ നമസ്‌കാരം നടക്കും. ഈദ്ഗാഹുകള്‍ക്ക് അടുത്തുള്ള പള്ളികളില്‍ പ്രത്യേക നമസ്‌കാരം ഉണ്ടായിരിക്കില്ല.പെരുന്നാള്‍ ദിവസത്തെ കാലാവസ്ഥയെക്കുറിച്ച് ദേശീയ കാലാവസ്ഥാ നിരീക്ഷണ കേന്ദ്രം നല്‍കുന്ന മുന്നറിയിപ്പുകള്‍ കൃത്യമായി നിരീക്ഷിക്കാന്‍

റിയാദ്: ഹജ്ജ് തീര്‍ഥാടകരുടെ സുരക്ഷ വര്‍ധിപ്പിക്കുന്നതിനുളള ബോധവല്‍ക്കരണങ്ങളില്‍ സര്‍ക്കാര്‍ ഏജന്‍സികള്‍ തമ്മിലുള്ള മാധ്യമ ഏകോപനത്തിന്റെ പ്രാധാന്യം ചര്‍ച്ച ചെയ്ത് മൂന്നാമത് ഹജ്ജ് ആരോഗ്യ സുരക്ഷാ ഫോറം റിയാദില്‍ സംഘടിപ്പിച്ചു. തീര്‍ഥാടകര്‍ക്കും സന്ദര്‍ശകര്‍ക്കും കൃത്യമായ വിവരങ്ങള്‍ നല്‍കുന്നതിനായി സഊദി ആഭ്യന്തര മന്ത്രാലയം വിവിധ ഭാഷകളില്‍ പുറത്തിറക്കുന്ന ബോധവല്‍ക്കരണ സന്ദേശങ്ങള്‍ യോഗം എടുത്തുപറഞ്ഞു. വിവരങ്ങള്‍ അതിവേഗം ജനങ്ങളിലെത്തിക്കാനും പുതിയ സംഭവവികാസങ്ങള്‍ തത്സമയം പങ്കുവെക്കാനും ഡിജിറ്റല്‍ പ്ലാറ്റ്‌ഫോമുകളും ആധുനിക മാധ്യമങ്ങളും പ്രയോജനപ്പെടുത്തണം. ആരോഗ്യ സുരക്ഷാ പദ്ധതികളും ഭരണകൂടത്തിന്റെ സേവനങ്ങളും തീര്‍ഥാടകര്‍ക്കുള്ള ആത്മവിശ്വാസം